2025ರ ಶಾಂತಿ ಸೂಚ್ಯಂಕ: ಟಾಪ್ 10 ಶಾಂತಿಯುತ ದೇಶಗಳು, ಎಷ್ಟನೇ ಸ್ಥಾನದಲ್ಲಿದೆ ಭಾರತ?

2025ರ ಜಾಗತಿಕ ಶಾಂತಿ ಸೂಚ್ಯಂಕ: ನೀವು ಶಾಂತಿಯುತ ದೇಶಕ್ಕೆ ಪ್ರಯಾಣಿಸಲು ಬಯಸುವಿರಾ? ಹಾಗಿದ್ದಲ್ಲಿ, ಇನ್ಸ್ಟಿಟ್ಯೂಟ್ ಫಾರ್ ಎಕನಾಮಿಕ್ಸ್ ಅಂಡ್ ಪೀಸ್ (ಐಇಪಿ) ವರದಿಯ ಪ್ರಕಾರ ವಿಶ್ವದ ಟಾಪ್ 10 ಶಾಂತಿಯುತ ದೇಶಗಳ ಪಟ್ಟಿ ಇಲ್ಲಿದೆ.

Image Credit : X-@guidetoiceland

1. ಐಸ್ಲ್ಯಾಂಡ್

ಐಸ್ಲ್ಯಾಂಡ್ ವಿಶ್ವದ ಅತ್ಯಂತ ಶಾಂತಿಯುತ ದೇಶ. 2008ರಿಂದ ಈ ಶ್ರೇಯಾಂಕವನ್ನು ಹೊಂದಿದೆ. ಕಡಿಮೆ ಅಪರಾಧ, ಆತಿಥ್ಯ, ಕಡಿಮೆ ಹಿಂಸಾಚಾರ. ಐಸ್ಲ್ಯಾಂಡ್ ಪೊಲೀಸರ  ಬಳಿ ಬಂದೂಕುಗಳು ಸಹ ಇರಲ್ಲ ಎಂದು ವರದಿಯಾಗಿದೆ.

Image Credit : X-@DiscoverIreland

2. ಐರ್ಲೆಂಡ್

ಐರ್ಲೆಂಡ್ ಶಾಂತಿಯುತ ದೇಶಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಕಡಿಮೆ ಆಂತರಿಕ ಸಂಘರ್ಷ, ಸ್ಥಿರ ರಾಜಕೀಯ, ಕಡಿಮೆ ಅಪರಾಧ ಪ್ರಕರಣಗಳು ಇಲ್ಲಿ ದಾಖಲಾಗುತ್ತವೆ. ಇಲ್ಲಿ ಯಾವುದೇ ಭಯೋತ್ಪಾದನೆ  ದಾಳಿಗಳು ಸಹ ನಡೆಯಲ್ಲ.

Image Credit : X-X-@PureNewZealand

3. ನ್ಯೂಜಿಲೆಂಡ್

ನ್ಯೂಜಿಲೆಂಡ್ ವಿಶ್ವದ ಮೂರನೇ ಅತ್ಯಂತ ಶಾಂತಿಯುತ ದೇಶವಾಗಿದೆ. ಮಾನವ ಹಕ್ಕುಗಳನ್ನು ಪ್ರೋತ್ಸಾಹಿಸುವಲ್ಲಿ ಜಾಗತಿಕವಾಗಿ ನ್ಯೂಜಿಲೆಂಡ್ ಗೌರವಿಸಲ್ಪಟ್ಟಿದೆ. ಕಡಿಮೆ ಅಪರಾಧ, ಕಡಿಮೆ ಹಿಂಸಾಚಾರ ಮತ್ತು ಬಲವಾದ ಸಾಮಾಜಿಕ ಭದ್ರತೆ.

Image Credit : X-@CITmagazine

4. ಆಸ್ಟ್ರಿಯಾ

ಆಸ್ಟ್ರಿಯಾದಲ್ಲಿ ಉತ್ತಮ ಜೀವನ ಮಟ್ಟ, ಬಲವಾದ ಆರ್ಥಿಕತೆ, ಉತ್ತಮ ಸಾಮಾಜಿಕ ಭದ್ರತೆ, ಉನ್ನತ ಶಿಕ್ಷಣವನ್ನು ಹೊಂದಿದೆ. ಹಾಗಾಗಿ ಇಲ್ಲಿ ಕಡಿಮೆ ಅಪರಾಧ ಪ್ರಕರಣಗಳು ದಾಖಲಾಗುತ್ತವೆ. ಅಪರಾಧ ಪ್ರಕರಣಗಳ ಪ್ರಮಾಣ ದರ ಸಹ ಕಡಿಮೆಯಾಗಿದೆ.

Image Credit : X-@MySwitzerland_e

5.ಸ್ವಿಟ್ಜರ್ಲ್ಯಾಂಡ್

ಸ್ವಿಟ್ಜರ್ಲ್ಯಾಂಡ್ 5ನೇ ಸ್ಥಾನದಲ್ಲಿದೆ. ವಿಶ್ವದ ಅತ್ಯಂತ ಶಾಂತಿಯುತ ರಾಷ್ಟ್ರಗಳ ಪಟ್ಟಿಯಲ್ಲಿ ಸ್ವಿಟ್ಜರ್ಲೆಂಡ್ ನಿರಂತರವಾಗಿ ಸ್ಥಾನ ಪಡೆದುಕೊಳ್ಳುತ್ತದೆ. ಸ್ವಿಟ್ಜರ್ಲೆಂಡ್ ಸ್ಥಿರ ಪ್ರಜಾಪ್ರಭುತ್ವ ಮತ್ತು ಅಂತರರಾಷ್ಟ್ರೀಯ ಸಹಕಾರಕ್ಕೆ ಬದ್ಧತೆಗಾಗಿ ಜನಪ್ರಿಯವಾಗಿದೆ.

Image Credit : X-@OfEarth8

6. ಸಿಂಗಾಪುರ

2025ರ ಜಾಗತಿಕ ಶಾಂತಿ ಸೂಚ್ಯಂಕದ ಟಾಪ್ 10ರಲ್ಲಿರುವ ಏಕೈಕ ಏಷ್ಯಾದ ದೇಶವೇ ಸಿಂಗಾಪುರ. ಕಠಿಣ ಕಾನೂನುಗಳಿಂದಾಗಿ ಕಡಿಮೆ ಅಪರಾಧಗಳು ದಾಖಲಾಗುತ್ತವೆ. ಈ ದೇಶದ ವಾಸಿಗಳು ಉತ್ತಮ ಮೂಲಸೌಕರ್ಯವನ್ನು ಹೊಂದಿದ್ದಾರೆ.

Image Credit : X-@visitportugal

77. ಪೋರ್ಚುಗಲ್

ಪೋರ್ಚುಗಲ್ ಕಡಿಮೆ ಅಪರಾಧ ಮತ್ತು ಸಾಮಾಜಿಕ ಸ್ಥಿರತೆಗೆ ಹೆಸರುವಾಸಿಯಾಗಿದೆ. ಉತ್ತಮ ವಸತಿ, ಕೆಲಸ-ಜೀವನ ಸಮತೋಲನ, ವೈಯಕ್ತಿಕ ಸುರಕ್ಷತೆಗೆ ಇಲ್ಲಿಯ ಸರ್ಕಾರ ಮೊದಲ ಆದ್ಯತೆಯನ್ನು ನೀಡುತ್ತದೆ.

Image Credit : X-@GoVisitDenmark

8. ಡೆನ್ಮಾರ್ಕ್

ಡೆನ್ಮಾರ್ಕ್ ಶಾಂತಿಯುತ ಸಮಾಜ, ಸಮಾನತೆ ಮತ್ತು ಸ್ಥಿರತೆಗೆ ಹೆಸರುವಾಸಿ. ರಾಜಕೀಯ ಸ್ಥಿರತೆ, ಕಡಿಮೆ ಅಪರಾಧ, ಮಾನವ ಹಕ್ಕುಗಳಿಗೆ ಗೌರವ ನೀಡಲಾಗುತ್ತದೆ.

Image Credit : X-@SloveniaInfo

9. ಸ್ಲೊವೇನಿಯಾ

ಸ್ಲೊವೇನಿಯಾ ನೈಸರ್ಗಿಕ ಸಂಪತ್ತು ಭರಿತ ರಾಷ್ಟ್ರವಾಗಿದೆ. ಕಡಿಮೆ ಅಪರಾಧ ಮತ್ತು ಸ್ನೇಹಪರ ಜನರಿಗೆ ಸ್ಲೋವೇನಿಯಾ ಹೆಸರುವಾಸಿ. ಆಗಿದೆ. ಆಕರ್ಷಕ ನಗರಗಳು ಮತ್ತು ಪ್ರಾಚೀನ ಭೂದೃಶ್ಯಗಳಿಂದ ಪ್ರವಾಸಿಗರನ್ನು ಈ ದೇಶ ಆಕರ್ಷಿಸುತ್ತದೆ.

Image Credit : X-@thisisFINLAND

10. ಫಿನ್ಲ್ಯಾಂಡ್

ಫಿನ್ಲ್ಯಾಂಡ್ ವಿಶ್ವ ಸಂತೋಷ ಸೂಚ್ಯಂಕದಲ್ಲಿ ಅಗ್ರಸ್ಥಾನದಲ್ಲಿದೆ. ಶುದ್ಧ ಗಾಳಿ, ಶುದ್ಧ ನೀರು ಮತ್ತು ಶಾಂತಿಯುತ ಜೀವನಕ್ಕೆ ಜನಪ್ರಿಯವಾಗಿದೆ. ಈ ಪಟ್ಟಿಯಲ್ಲಿ ಭಾರತದ ಸ್ಥಾನ ಎಷ್ಟು ಗೊತ್ತಾ?

Image Credit : ANI

ಭಾರತ

2025ರ ಜಾಗತಿಕ ಶಾಂತಿ ಸೂಚ್ಯಂಕ ಪಟ್ಟಿಯಲ್ಲಿ ಭಾರತ 115ನೇ ಸ್ಥಾನದಲ್ಲಿದೆ.  ಯುದ್ಧದ ಸನ್ನಿವೇಶಗಳಿಂದಾಗಿ ರಷ್ಯಾ 163ನೇ ಸ್ಥಾನಕ್ಕೆ ಕುಸಿದಿದೆ.