ಎಷ್ಟೇ ತೊಳೆದ್ರೂ ಬಟ್ಟೆಗೆ ಹತ್ತಿರೊ ಬಣ್ಣ ಹೋಗ್ತಿಲ್ಲ ಅಂದ್ರೆ ಹೀಗೆ ಮಾಡಿ ಒಂದೇ ಸರಿ ಹೋಗುತ್ತೆ!
Cleaning Stained Clothes: ಪ್ರಸಿದ್ಧ ಸಾಮಾಜಿಕ ಮಾಧ್ಯಮ ಪ್ರಭಾವಿ ದೀಪ್ತಿ ಕಪೂರ್ ತಮ್ಮ ಇನ್ಸ್ಟಾಗ್ರಾಮ್ ಪೇಜ್ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ಬಟ್ಟೆಗಳ ಮೇಲಿನ ಈ ಮೊಂಡುತನದ ಬಣ್ಣ ತೊಡೆದುಹಾಕುವುದು ತುಂಬಾ ಸುಲಭ ಹೇಳಿದ್ದಾರೆ.
ಯಾವುದೇ ಬಣ್ಣದಿಂದ ಕಲೆಯಾಗಿದ್ದರೆ
ಹಲವು ಬಾರಿ ಆತುರದಿಂದ ನಾವು ಎಲ್ಲಾ ಬಟ್ಟೆಗಳನ್ನು ವಾಷಿಂಗ್ ಮಷಿನ್ನಲ್ಲಿ ಹಾಕುತ್ತೇವೆ. ಆಗ ಕಲರ್ ಬಿಡುವ ಬಟ್ಟೆಗಳ ಬಣ್ಣ ಬಿಳಿ ಬಟ್ಟೆಗೆ ಟ್ರಾನ್ಸಫರ್ ಆಗುತ್ತದೆ. ಈ ಬಣ್ಣವು ಎಷ್ಟರಮಟ್ಟಿಗೆ ಇರುತ್ತದೆಯೆಂದರೆ ಹಲವಾರು ಬಾರಿ ತೊಳೆದ ನಂತರವೂ ಬಣ್ಣವೇ ಹೋಗಲ್ಲ. ನಿಮಗೂ ಈ ರೀತಿ ಏನಾದರೂ ಆಗಿದ್ದರೆ, ನಿಮ್ಮ ಬಿಳಿ ಬಟ್ಟೆಯು ನೀಲಿ, ಗುಲಾಬಿ ಅಥವಾ ಯಾವುದೇ ಇತರ ಬಣ್ಣದಿಂದ ಕಲೆಯಾಗಿದ್ದರೆ ಈ ಲೇಖನವು ನಿಮಗೆ ತುಂಬಾ ಉಪಯುಕ್ತವಾಗಿದೆ.
ಇಲ್ಲಿದೆ ನೋಡಿ ವಿಡಿಯೋ
ಪ್ರಸಿದ್ಧ ಸಾಮಾಜಿಕ ಮಾಧ್ಯಮ ಪ್ರಭಾವಿ ದೀಪ್ತಿ ಕಪೂರ್ ತಮ್ಮ ಇನ್ಸ್ಟಾಗ್ರಾಮ್ ಪೇಜ್ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ಬಟ್ಟೆಗಳ ಮೇಲಿನ ಈ ಮೊಂಡುತನದ ಬಣ್ಣ ತೊಡೆದುಹಾಕುವುದು ತುಂಬಾ ಸುಲಭ ಹೇಳಿದ್ದು, ಪರಿಣಾಮಕಾರಿ ಪರಿಹಾರ ತಿಳಿಸಿದ್ದಾರೆ.
ನಿಮಗೆ ಏನೆಲ್ಲಾ ಬೇಕು?
ಈ ಮನೆಮದ್ದನ್ನು ಟ್ರೈ ಮಾಡಲು ನಿಮಗೆ 2 ಚಮಚ ಲಾಂಡ್ರಿ ಡಿಟರ್ಜೆಂಟ್, 3 ಚಮಚ ಫ್ಯಾಬ್ರಿಕ್ ವೈಟ್ನರ್ ಅಥವಾ ಬ್ಲೀಚ್ ಮತ್ತು 2 ಚಮಚ ಅಡುಗೆ ಸೋಡಾ ಬೇಕಾಗುತ್ತದೆ.
ಬಳಸುವುದು ಹೇಗೆ?
ಮೊದಲಿಗೆ ಒಂದು ಸ್ವಚ್ಛವಾದ ಕಪ್ನಲ್ಲಿ ಡಿಟರ್ಜೆಂಟ್ ಹಾಕಿ. ಅದಕ್ಕೆ ಫ್ಯಾಬ್ರಿಕ್ ವೈಟ್ನರ್ (Fabric whitener) ಅಥವಾ ಬ್ಲೀಚ್ (Bleach) ಸೇರಿಸಿ. ಆ ನಂತರ ಅಡುಗೆ ಸೋಡಾ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
2 ರಿಂದ 3 ಗಂಟೆಗಳ ಕಾಲ ಬಿಡಿ
ತಯಾರಿಸಿಟ್ಟುಕೊಂಡ ದ್ರಾವಣವನ್ನು ಬಟ್ಟೆಯ ಮೇಲೆ ಬಣ್ಣ ಆದ ಜಾಗದಲ್ಲಿ ಹಚ್ಚಿ. ಈಗ ಆ ಭಾಗವನ್ನ ನಿಧಾನವಾಗಿ ಉಜ್ಜಿ. ಕೊನೆಗೆ ಬಟ್ಟೆಗಳನ್ನು 2 ರಿಂದ 3 ಗಂಟೆಗಳ ಕಾಲ ಹಾಗೆಯೇ ಬಿಡಿ.
ಬಟ್ಟೆಗಳಿಗೆ ಹಾನಿ ಮಾಡಲ್ಲ
ನಿಗದಿತ ಸಮಯದ ನಂತರ ಬಟ್ಟೆಗಳನ್ನು ಸಾಮಾನ್ಯ ಡಿಟರ್ಜೆಂಟ್ನಿಂದ ತೊಳೆದು ಬಿಸಿಲಿನಲ್ಲಿ ಒಣಗಿಸಿ. ಹೀಗೆ ಮಾಡುವುದರಿಂದ ನಿಮ್ಮ ಬಟ್ಟೆಯಿಂದ ಬಣ್ಣದ ಕಲೆ ಒಂದೇ ಬಾರಿಗೆ ನಿವಾರಣೆಯಾಗುತ್ತದೆ. ಈ ವಿಧಾನವು ಸಂಪೂರ್ಣವಾಗಿ ಸುರಕ್ಷಿತವಾಗಿದೆ. ಇದು ನಿಮ್ಮ ಬಟ್ಟೆಗಳಿಗೆ ಹಾನಿ ಮಾಡುವುದಿಲ್ಲ.
ಹೆಚ್ಚು ಬ್ಲೀಚ್ ಸೇರಿಸಬೇಡಿ
ಆದರೆ ಹೆಚ್ಚು ಬ್ಲೀಚ್ ಸೇರಿಸುವುದರಿಂದ ಬಟ್ಟೆಗಳ ಗುಣಮಟ್ಟ ಹಾಳಾಗಬಹುದು. ಆದ್ದರಿಂದ ಸಮತೋಲಿತ ಪ್ರಮಾಣವನ್ನು ನೆನಪಿನಲ್ಲಿಡಿ. ಅಲ್ಲದೆ, ಈ ಪರಿಹಾರ ಬಿಳಿ ಅಥವಾ ತಿಳಿ ಬಣ್ಣದ ಬಟ್ಟೆಗಳಿಗೆ ಹೆಚ್ಚು ಪರಿಣಾಮಕಾರಿಯಾಗಿದೆ.