Calcium rich food: ಮಗು ಹಾಲನ್ನು ಇಷ್ಟಪಡುತ್ತಿಲ್ವೇ? ಹಾಗಿದ್ರೆ ಈ ಆಹಾರಗಳನ್ನು ಮಾಡಿ

ಮಕ್ಕಳ ಉತ್ತಮ ಬೆಳವಣಿಗೆಗೆ ಹಾಲು ತುಂಬಾನೇ ಮುಖ್ಯವಾಗಿದೆ. ಹಾಲು ಕ್ಯಾಲ್ಸಿಯಂ ಮತ್ತು ಖನಿಜಗಳ (minerals)ಸಮೃದ್ಧ ಮೂಲವಾಗಿದ್ದರೂ, ಅದು ಯಾವಾಗಲೂ ಮಗುವಿನ ನೆಚ್ಚಿನ ಪಾನೀಯ ಆಗಿರೋದಿಲ್ಲ. ಕೆಲವರು ಇಷ್ಟಪಟ್ಟು ಕುಡಿದರೆ , ಮತ್ತೆ ಕೆಲವರು ಕುಡಿಯೋದೇ ಇಲ್ಲ. ಹೀಗೆ ಆದರೆ ಮಕ್ಕಳಿಗೆ ಸರಿಯಾದ ಪೌಷ್ಟಿಕಾಂಶ ಸಿಗೋದಿಲ್ಲ. ಹಾಗಾದರೆ ಏನು ಮಾಡಬೇಕು ನೋಡೋಣ... 

ನಿಮ್ಮ ಮಗುವಿಗೆ ಹಾಲು ಇಷ್ಟವಿಲ್ಲವೇ?: ಮಕ್ಕಳಿಗೆ ಪೌಷ್ಟಿಕ ಆಹಾರಗಳನ್ನು ನೀಡುವುದು ಪ್ರತಿಯೊಬ್ಬ ಪೋಷಕರ ಮನಸ್ಸಿನಲ್ಲಿದೆ. ಒಂದು ಅಗತ್ಯ ಪೋಷಕಾಂಶವೆಂದರೆ ಕ್ಯಾಲ್ಸಿಯಂ (calcium). ಅದು ಸುಲಭವಾಗಿ ದೊರೆಯುವುದು ಹಾಲಿನ ಮೂಲಕ. ಆದರೆ ಮಕ್ಕಳು ಹಾಲು ಕುಡಿಯದೆ ಇರುವಾಗ ಅವರಿಗೆ ಇತರ ಆಹಾರಗಳ ಮೂಲಕ ಕ್ಯಾಲ್ಸಿಯಂ ದೊರೆಯುವಂತೆ ಮಾಡಬೇಕು. ಅಂತಹ ಆಹಾರಗಳ ಬಗ್ಗೆ ಇಲ್ಲಿದೆ ಒಂದಿಷ್ಟು ಮಾಹಿತಿ ಇಲ್ಲಿದೆ. 

ಮಕ್ಕಳ ಪ್ರಮುಖ ಬೆಳವಣಿಗೆಗೆ ಕ್ಯಾಲ್ಸಿಯಂ ಸೇವನೆ ಅತ್ಯಗತ್ಯ: ಮೂಳೆಗಳನ್ನು ನಿರ್ಮಿಸಲು ಸಹಾಯ ಮಾಡುವುದರಿಂದ ಹಿಡಿದು ನರಗಳನ್ನು ಬಲವಾಗಿರಿಸುವವರೆಗೆ, ಕ್ಯಾಲ್ಸಿಯಂ ಮಕ್ಕಳಿಗೆ ಅದ್ಭುತವಾಗಿದೆ. ಆದರೆ ನಿಮ್ಮ ಮಗುವಿಗೆ ಹಾಲು ಇಷ್ಟವಾಗದಿದ್ದರೆ ನೀವು ಏನು ಮಾಡುತ್ತೀರಿ? ಕೆಲವರು ಅಲರ್ಜಿಗಳಿಂದಾಗಿ ಅಥವಾ ವೇಗನ್ (vegan )ಆಗುವುದರಿಂದ ಅವರು ಹಾಲು ಕುಡಿಯುವುದಿಲ.  ನೀವು ಈ ಸಂದಿಗ್ಧತೆಯನ್ನು ಎದುರಿಸಿದರೆ, ಆಯ್ಕೆ ಮಾಡಲು ಡೈರಿಯೇತರ ಆಯ್ಕೆಗಳು ಸಾಕಷ್ಟು ಇವೆ:

ಸೋಯಾಬೀನ್ ಗಳು (soyabean): ಸೋಯಾಬೀನ್ ಮತ್ತು ಟೋಫು ಕ್ಯಾಲ್ಸಿಯಂ ಮತ್ತು ಪೊಟ್ಯಾಸಿಯಮ್ ನಿಂದ ಬಲಪಡಿಸಲ್ಪಟ್ಟಿವೆ ಮತ್ತು ಸೂಪರ್ ಆರೋಗ್ಯಕರವಾಗಿವೆ. ಅವುಗಳನ್ನು ಹಲವಾರು ರೀತಿಯಲ್ಲಿ ಒಬ್ಬರ ಆಹಾರದಲ್ಲಿ ಸೇರಿಸಬಹುದು. ಸೋಯಾಬಿನ್ ನ ವಿವಿಧ ಆಹಾರಗಳನ್ನು ತಯಾರಿಸಿ ಮಕ್ಕಳಿಗೆ ನೀಡಬಹುದು. ಇದು ಮಕ್ಕಳ ಆರೋಗ್ಯಕ್ಕೆ ತುಂಬಾನೇ ಉತ್ತಮ. 

ಹಸಿರು ಎಲೆಗಳ ತರಕಾರಿಗಳು (green vegetables): ಕೇಲ್, ಬಾಕ್ ಚೋಯ್, ಪಾಲಕ್ ನಂತಹ ಹಸಿರು ತರಕಾರಿಗಳು  ಕ್ಯಾಲ್ಸಿಯಂ ಮಟ್ಟವನ್ನು ಪೂರೈಸಲು ಸಹಾಯ ಮಾಡುತ್ತದೆ. ಮಕ್ಕಳು ಒಂದು ದಿನದಲ್ಲಿ ಈ ತರಕಾರಿಗಳ 1-2 ವಿಧಗಳನ್ನು ಹೊಂದಿರಬೇಕು. ಇನ್ನು ಸ್ಥಳೀಯವಾಗಿ ಸಿಗುವಂತಹ ಪಾಲಕ್, ನುಗ್ಗೆ ಸೊಪ್ಪು, ಬಸಳೆ ಮೊದಲಾದ ತರಕಾರಿಗಳನ್ನು ಮಕ್ಕಳಿಗೆ ನೀಡಬಹುದು. 

ಕಿತ್ತಳೆ (orange): ಕಿತ್ತಳೆ ಅತ್ಯುತ್ತಮ ಕ್ಯಾಲ್ಸಿಯಂ ಸಮೃದ್ಧ ಆಹಾರಗಳಲ್ಲಿ ಒಂದಾಗಿದೆ ಎಂದು ತಿಳಿದಿದೆಯೇ, ಮತ್ತು ಮಕ್ಕಳು ಅದನ್ನು ತಿನ್ನೋದನ್ನು  ಇಷ್ಟಪಡುತ್ತಾರೆ. ಬಲವರ್ಧಿತ ಕಿತ್ತಳೆ ರಸವನ್ನು (ಕನಿಷ್ಠ ಸಕ್ಕರೆಯೊಂದಿಗೆ) ಸೇರಿಸಬಹುದು. ಇದರಿಂದ ಮಕ್ಕಳಿಗೆ ವಿಟಾಮಿನ್ ಸಿ ಕೂಡ ದೊರೆಯುತ್ತದೆ. ಇದು ಮಕ್ಕಳ ರೋಗ ನಿರೋಧಕ ಶಕ್ತಿಯನ್ನು ಸಹ ಹೆಚ್ಚುತ್ತದೆ. 

ಓಟ್ ಮೀಲ್ (oatmeal): ಇಡೀ ಓಟ್ಸ್ ನಲ್ಲಿ ಆಂಟಿಆಕ್ಸಿಡೆಂಟ್ ಗಳು ಮತ್ತು ಪಾಲಿಫಿನಾಲ್ ಗಳು ಎಂದು ಕರೆಯಲ್ಪಡುವ ಪ್ರಯೋಜನಕಾರಿ ಸಸ್ಯ ಸಂಯುಕ್ತಗಳು ಹೆಚ್ಚಾಗಿವೆ. ಅತ್ಯಂತ ಗಮನಾರ್ಹವಾದುದು ಅವೆನಾಂಥ್ರಮೈಡ್ಸ್ ಎಂದು ಕರೆಯಲ್ಪಡುವ ಉತ್ಕರ್ಷಣ ನಿರೋಧಕಗಳ ವಿಶಿಷ್ಟ ಗುಂಪು, ಇವು ಬಹುತೇಕ ಓಟ್ಸ್ ನಲ್ಲಿ ಮಾತ್ರ ಕಂಡುಬರುತ್ತವೆ. ಬಿ-ವಿಟಮಿನ್ ಗಳಿಂದ ಸಮೃದ್ಧವಾಗಿರುವ ಓಟ್ ಮೀಲ್ ಕ್ಯಾಲ್ಸಿಯಂನ ಮತ್ತೊಂದು ಸಮೃದ್ಧ ಮೂಲವಾಗಿದೆ. ಹೆಚ್ಚುವರಿ ಪ್ರಯೋಜನಗಳಿಗಾಗಿ ಸೋಯಾ ಅಥವಾ ಬಾದಾಮಿ ಹಾಲಿನಲ್ಲಿ ಇದನ್ನು ತಯಾರಿಸಲು ಪ್ರಯತ್ನಿಸಿ.

ನಟ್ಸ್ (nuts): ನಟ್ಸ್ ಒಂದು ಸರ್ವಿಂಗ್ ನಲ್ಲಿ 60-100 ಮಿಗ್ರಾಂ ಕ್ಯಾಲ್ಸಿಯಂ ಅನ್ನು ಹೊಂದಿರುತ್ತವೆ! ಬೇರೆ ಬೇರೆ ಆಹಾರಗಳೊಂದಿಗೆ ಅತ್ಯುತ್ತಮ ತಿಂಡಿ ಆಯ್ಕೆಗಳನ್ನು ಸಹ ಮಾಡಬಹುದು. ಬಾದಾಮಿ, ಪಿಸ್ತಾ, ದ್ರಾಕ್ಷೆ, ಗೋಡಂಬಿ ಮೊದಲಾದ ನಟ್ಸ್ ಗಳನ್ನು ಶೇಕ್ ಅಥವಾ ಯಾವುದೇ ಆಹಾರಗಳ ಜೊತೆ ನೀಡಿ. ಇದು ಆರೋಗ್ಯಕ್ಕೆ ತುಂಬಾನೇ ಉತ್ತಮ. 

ಅವರ ಆಹಾರದಲ್ಲಿ ಸ್ವಲ್ಪ ವಿಟಮಿನ್ ಡಿ (vitamin d)ಸೇರಿಸಿ: ಕ್ಯಾಲ್ಸಿಯಂ ಸಂಗ್ರಹಿಸಲು ಮತ್ತು ಹೀರಿಕೊಳ್ಳಲು ವಿಟಮಿನ್ ಡಿ ಮಟ್ಟವು ಅತ್ಯಗತ್ಯ. ಸೂರ್ಯನ ಬೆಳಕಿನ ಹೊರತಾಗಿ, ಆಹಾರಕ್ರಮದಲ್ಲಿ ಆರೋಗ್ಯಕರ ವಿಟಮಿನ್ ಡಿ ಸಮೃದ್ಧ ಆಹಾರಗಳಾದ ಸಮುದ್ರಾಹಾರ ಮತ್ತು ಮೊಟ್ಟೆಗಳನ್ನು ಸೇರಿಸಿ. ಮೊಟ್ಟೆಯನ್ನು ಸುಲಭವಾಗಿ ಮಕ್ಕಳ ಆಹಾರದಲ್ಲಿ ಸೇರಿಸಬಹುದು.