ಪಠ್ಯದ ಕಡೆಗೆ ಏಕಾಗ್ರತೆ ಹೆಚ್ಚಲು ಮಕ್ಕಳಿಗಾಗಿ ಸುಲಭ ಯೋಗ

ಯಾವುದೇ ಕೆಲಸವನ್ನು ತ್ವರಿತವಾಗಿ ಮತ್ತು ಸರಿಯಾಗಿ ಮಾಡಬೇಕು ಮತ್ತು ಅದರ ಬಗ್ಗೆ ಸಂಪೂರ್ಣ ಗಮನ ಹರಿಸಬೇಕು. ಅದು ವಯಸ್ಸಾದವರಾಗಿರಲಿ ಅಥವಾ ಮಕ್ಕಳಾಗಿರಲಿ, ಏನನ್ನಾದರೂ ಕಲಿಯಲು  ಗಮನವನ್ನು ಹೊಂದಿರುವುದು ಬಹಳ ಮುಖ್ಯ. ಮತ್ತೊಂದೆಡೆ, ಕೆಲವು ಪೋಷಕರು ತಮ್ಮ ಮಗು ಅಧ್ಯಯನದ ಮೇಲೆ ಗಮನ ಹರಿಸುವುದಿಲ್ಲ ಎಂದು ದೂರುತ್ತಾರೆ.  

ಹೌದು ಕೆಲವೊಂದು ಮಕ್ಕಳು (Kids) ಅಧ್ಯಯನದ ಕಡೆಗೆ ಕಡಿಮೆ ಆಸಕ್ತಿಯನ್ನು ಹೊಂದಿರುತ್ತಾರೆ. ಈ ಸಮಸ್ಯೆಯನ್ನು ನೀವು ನಿಮ್ಮ ಮಗು ಅಥವಾ ನಿಮ್ಮಲ್ಲೂ ನೋಡುತ್ತಿದ್ದರೆ, ವಿಶೇಷ ಯೋಗಾಸನ (Yogasana) ಮಾಡಲು ಪ್ರಾರಂಭಿಸಿ. ಈ ಯೋಗಾಸನದ ಹೆಸರು ವೃಕ್ಷಾಸನ . ಇದನ್ನು ಮಾಡುವ ಮೂಲಕ ಏಕಾಗ್ರತೆ (Concentration) ಹೆಚ್ಚಿಸಬಹುದು. 

ವೃಕ್ಷಾಸನ  ಮಾಡುವುದು ಹೇಗೆ?
ದೇಹದ ಸಮತೋಲನ (Body Balance) ಮತ್ತು ಗಮನವನ್ನು ಹೆಚ್ಚಿಸಲು ವೃಕ್ಷಾಸನ ಸಹಾಯ ಮಾಡುತ್ತದೆ ಎಂದು ನಟಿ ಮಲೈಕಾ ಹೇಳುತ್ತಾರೆ. ಈ ಕೆಳಗಿನ ಹಂತಗಳನ್ನು ಮಾಡುವ ಮೂಲಕ ಇದನ್ನು ಮಾಡಬೇಕು. ಇದರಿಂದ ಸುಲಭವಾಗಿ ಏಕಾಗ್ರತೆ(Concentration) ಹೆಚ್ಚಿಸಬಹುದು. 

ಮೊದಲು ನಿಮ್ಮ ಎರಡೂ ಪಾದಗಳ ಮೇಲೆ ನೇರವಾಗಿ ನಿಂತುಕೊಳ್ಳಿ.
ಈಗ ಎಡಗಾಲನ್ನು(Left leg) ಸಮತೋಲನದಲ್ಲಿ ಇಡುವಾಗ ಬಲಗಾಲನ್ನು ಬಾಗಿಸಿ ಮತ್ತು ಬಲಗಾಲಿನ ಅಂಗಾಲು ಎಡಪಾದದ ಒಳ ತೊಡೆಯ ಮೇಲೆ ಇರಿಸಿ. ಈ ಮಧ್ಯೆ,  ಬಲಗಾಲಿನ ಪಂಜವು ನೆಲದ ಬದಿಯಲ್ಲಿರಬೇಕು.

ಈ ಭಂಗಿಯನ್ನು ಸಮತೋಲನಗೊಳಿಸಿ(balance) ಮತ್ತು ನಂತರ ಕೈಗಳನ್ನು ಮಡಚಿ ಮತ್ತು ಅವುಗಳನ್ನು ತಲೆಯ ಮೇಲೆ ಸರಿಸಿ. ಸ್ವಲ್ಪ ಸಮಯ ಒಂದೇ ಭಂಗಿಯಲ್ಲಿರಿ ಮತ್ತು ನಂತರ ಅದೇ ವಿಧಾನವನ್ನು ಇನ್ನೊಂದು ಕಾಲಿನಿಂದ ಪುನರಾವರ್ತಿಸಿ.

ವೃಕ್ಷಾಸನ(Vrukshasana) ಮಾಡುವುದರಿಂದ ಪ್ರಯೋಜನಗಳು
ಆರ್ಟ್ ಆಫ್ ಲಿವಿಂಗ್ (Art of Living) ಪ್ರಕಾರ, ವೃಕ್ಷಾಸನ ಮಾಡುವುದರಿಂದ ಈ ಕೆಳಗಿನ ಪ್ರಯೋಜನಗಳು ತರುತ್ತವೆ. ಅವುಗಳ ಬಗ್ಗೆ ತಿಳಿದು, ಪ್ರತಿದಿನ ಜೀವನದಲ್ಲಿ ಅಳವಡಿಸಿ ಮತ್ತು ಸದಾ ಕಾಲ ಫಿಟ್ ಆಗಿರಿ. .

ಇದು ಮಾನಸಿಕ ಸಮತೋಲನವನ್ನು(Mental balance) ಹೆಚ್ಚಿಸುತ್ತದೆ.
ಗಮನ ಕೇಂದ್ರೀಕರಿಸುವ ಸಾಮರ್ಥ್ಯ ಹೆಚ್ಚಾಗುತ್ತದೆ.
ಸಯಾಟಿಕಾ ಸಮಸ್ಯೆಯನ್ನು ನಿವಾರಿಸಬಹುದು.
ಕಾಲುಗಳನ್ನು ಬಲಪಡಿಸುತ್ತದೆ.
ಸೊಂಟದ ಸ್ನಾಯುಗಳನ್ನು ತೆರೆಯುತ್ತದೆ. ಇತ್ಯಾದಿ