ಕಿರುತೆರೆಯಿಂದ ದೂರ ಸರಿದ್ರಾ ಚಂದನ ಅನಂತಕೃಷ್ಣ? ಈವಾಗ ಏನ್ ಮಾಡ್ತಿದ್ದಾರೆ?
ರಾಜಾ ರಾಣಿ, ಹೂಮಳೆ, ಬಿಗ್ ಬಾಸ್ನಲ್ಲಿ ಮಿಂಚಿದ್ದ ನಟಿ ಚಂದನ ಅನಂತಕೃಷ್ಣ ಸದ್ಯ ಕಿರುತೆರೆಯಲ್ಲೆಲ್ಲೂ ಕಾಣಿಸಿಕೊಳ್ತಾನೆ ಇಲ್ಲ. ಹಾಗಿದ್ರೆ ಕಿರುತೆರೆಯಿಂದ ಸಂಪೂರ್ಣವಾಗಿ ದೂರ ಸರಿದ್ರಾ ಚಂದನಾ? ಅವರು ಈವಾಗ ಏನ್ ಮಾಡ್ತಿದ್ದಾರೆ ನೋಡೋಣ.
ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ರಾಜಾ ರಾಣಿ ಸೀರಿಯಲ್ನಲ್ಲಿ ಎಡವಟ್ಟು ರಾಣಿ ಚುಕ್ಕಿ ಪಾತ್ರದಲ್ಲಿ ಕಾಣಿಸಿಕೊಂಡು ಸಿಕ್ಕಾಪಟ್ಟೆ ಅಭಿಮಾನಿಗಳನ್ನು ಪಡೆದುಕೊಂಡ ನಟಿ ಅಂದರೆ ಚಂದನ ಅನಂತಕೃಷ್ಣ (Chandana Ananthakrishna).
ರಾಜಾ ರಾಣಿ ಸೀರಿಯಲ್ನಲ್ಲಿ ಚಂದನಾ ತಮ್ಮ ಮುದ್ದು ಮುದ್ದು, ಪೆದ್ದು ಪೆದ್ದು ಪಾತ್ರದ ಮೂಲಕ ಜನಮನ ಗೆದ್ದಿದ್ದರು. ಇದಾದ ಬಳಿಕ ಇವರು ಹೂಮಳೆ ಸೀರಿಯಲ್ (Serial) ನಲ್ಲಿ ಮದುವೆಗೆ ಮುನ್ನವೇ ಪ್ರೆಗ್ನೆಂಟ್ ಆಗಿ, ತಾಯಿಯಿಂದಲೇ ಮೋಸ ಹೋಗಿ ಪ್ರೀತಿಸಿದ ಹುಡುಗನನ್ನು ಕಳೆದುಕೊಂಡ ಮಗಳ ಪಾತ್ರದಲ್ಲಿ ನಟಿಸಿದ್ದರು.
ಇದಾದ ನಂತರ ಚಂದನಾಗೆ ಹೆಚ್ಚು ಹೆಸರು ತಂದು ಕೊಟ್ಟಿದ್ದು ಅಂದ್ರೆ ಅದು ಬಿಗ್ ಬಾಸ್ ಕನ್ನಡ ಸೀಸನ್ 7 (Bigg Boss Kannada). ಇದರ ಮೂಲಕ ಚಂದನ ಅಂದ್ರೆ ಯಾರು? ಏನು ಅನ್ನೋದು ಎಲ್ಲರಿಗೂ ತಿಳಿಯಿತು. ಈ ಸೀಸನ್ ಮುಗಿದ ನಂತರ ಇವರು ಹಾಡು ಕರ್ನಾಟಕ ಶೋದಲ್ಲಿ ನಿರೂಪಕಿಯಾಗಿ ಸಹ ಕಾಣಿಸಿಕೊಂಡಿದ್ದರು. ಜೊತೆಗೆ ಡ್ಯಾನ್ಸ್ ರಿಯಾಲಿಟಿ ಶೋದಲ್ಲೂ ಕಾಣಿಸಿಕೊಂಡಿದ್ದರು.
ಬೆಂಗಳೂರಿನಲ್ಲಿ ಹುಟ್ಟಿ ಬೆಳೆದಿರುವ ಚಂದನ ಅನಂತಕೃಷ್ಣ ಕ್ಲಾಸಿಕಲ್ ಡ್ಯಾನ್ಸರ್. ಭರತನಾಟ್ಯದಲ್ಲಿ ತರಬೇತಿ ಪಡೆದಿರುವ ಇವರು ಗಾಯಕಿ ಕೂಡ ಹೌದು. ಜೊತೆಗೆ ನಟನೆಯಲ್ಲೂ ಇವರು ಸೈ ಎನಿಸಿಕೊಂಡಿದ್ದಾರೆ. ಜೊತೆಗೆ ನಿರೂಪಣೆಗೂ ಸೈ.
ಕಿರುತೆರೆಯಲ್ಲಿ ಮಿಂಚಿದ್ದ ಈ ನಟಿ ಇತ್ತೀಚಿನ ಕೆಲವು ಸಮಯದಿಂದ ಕಿರುತೆರೆಯಲ್ಲಿ ಕಾಣಿಸಿಕೊಂಡೇ ಇಲ್ಲ. ಕಿರುತೆರೆಯಿಂದ ಚಂದನ ದೂರ ಸರಿದ್ರಾ? ಅನ್ನೋ ಪ್ರಶ್ನೆಗಳು ಸಹ ಅಭಿಮಾನಿಗಳಿಂದ ಆವಾಗವಾಗ ಕೇಳಿ ಬರುತ್ತೆ. ಹಾಗಿದ್ರೆ ಈ ನಟಿ ಈವಾಗ ಏನು ಮಾಡ್ತಿದ್ದಾರೆ.
ಚಂದನ ನಟಿಯಾಗೋ ಮೊದಲೇ ಭರತನಾಟ್ಯ ಕಲಾವಿದೆಯಾಗಿದ್ದರು. ನಟನೆ ಜೊತೆಗೆ ಇವರು ನೃತ್ಯ ಮುಂದುವರೆಸಿಕೊಂಡು ಬಂದಿದ್ದರು. ಇದೀಗ ಪರ್ಫಾರ್ಮಿಂಗ್ ಆರ್ಟ್ ನಲ್ಲಿ ಸ್ನಾತ್ತಕೋತರ ಪದವಿ (master degree in performing art) ಪಡೆಯುವ ಉದ್ದೇಶದಿಂದಾಗಿ ಚಂದನ ಸದ್ಯ ಸೀರಿಯಲ್ ಗಳಿಂದ ದೂರವೇ ಉಳಿದಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ (social media) ಆಕ್ಟೀವ್ ಆಗಿರುವ ಇವರು ಯಾವಾಗಲೂ ಭರತನಾಟ್ಯಕ್ಕೆ ಸಂಬಂಧಿಸಿದ ವಿಡಿಯೋ ಶೇರ್ ಮಾಡುತ್ತಿರುತ್ತಾರೆ, ಜೊತೆಗೆ ರೀಲ್ಸ್ ಕೂಡ ಮಾಡುತ್ತಿರುತ್ತಾರೆ. ಸ್ನಾತಕೋತ್ತರ ಪದವಿಗೆ ಫುಲ್ ಟೈಮ್ ನೀಡಬೇಕಾಗಿರೋದರಿಂದ ಈ ಸಮಯದಲ್ಲಿ ಸೀರಿಯಲ್ ನಲ್ಲಿ ನಟಿಸುವುದು ಅಸಾಧ್ಯವಾದ ಕಾರಣ ಚಂದನ ಸೀರಿಯಲ್ಗಳಲ್ಲಿ ನಟಿಸುತ್ತಿಲ್ಲ.
ಆದರೆ ಒಂದೊಳ್ಳೆ ಆಫರ್ ಬಂದರೆ ಸಿನಿಮಾದಲ್ಲಿ ನಟಿಸುವುದಾಗಿ ಹೇಳಿರುವ ಚಂದನ, ಸ್ನಾತಕೋತರ ಪದವಿ ಜೊತೆಗೆ ಈಗಾಗಲೇ ಕೆಲವು ವೆಬ್ ಸೀರೀಸ್, ಆಲ್ಬಂ ಸಾಂಗ್ ಗಳಲ್ಲಿ ನಟಿಸಿದ್ದೇನೆ. ಆದರೆ ಸೀರಿಯಲ್ ಗೆ ಫುಲ್ ಟೈಮ್ ಕೊಡಲು ಅಸಾಧ್ಯವಾಗಿರೋ ಕಾರಣ ಅದನ್ನ ಒಪ್ಪಿಕೊಂಡಿಲ್ಲ ಎಂದಿದ್ದಾರೆ.
ಸದ್ಯ ಚಂದನ ಎಲ್ಲದರಿಂದಲೂ ಬಿಡುವು ಮಾಡಿಕೊಂಡು ತನ್ನ ಫ್ರೆಂಡ್ಸ್ ಜೊತೆ ವೆಕೇಶನ್ ಮೂಡ್ ನಲ್ಲಿದ್ದಾರೆ. ಕಳೆದ ಕೆಲದಿನಗಳಿಂದ ನಿರಂತರವಾಗಿ ತಮ್ಮ ಟೂರ್ ಫೋಟೋಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಇವರು ಗೋಕರ್ಣ, ಯಾಣ, ಹೊನ್ನಾವರ ಮೊದಲಾದ ಸ್ಥಳಗಳಲ್ಲಿ ಎಂಜಾಯ್ ಮಾಡ್ತಿದ್ದಾರೆ.