ಬಿಗ್ ಬಾಸ್ ಭೂಮಿ ಶೆಟ್ಟಿ ಜೊತೆ ನಂದು ಸಖತ್ ಮಸ್ತಿ; ಇಬ್ಬರೂ ಅವಳಿ ಮಕ್ಳಾ ಎಂದು ನೆಟ್ಟಿಗರ ಪ್ರಶ್ನೆ
ಬಿಗ್ ಬಾಸ್ ಕನ್ನಡ ಒಟಿಟಿ ಖ್ಯಾತಿಯ ನಂದು ಮತ್ತು ನಟಿ, ಹಾಗೂ ಟಿವಿ ಬಿಗ್ ಬಾಸ್ನಲ್ಲಿ ಕಾಣಿಸಿಕೊಂಡಿದ್ದ ಭೂಮಿ ಶೆಟ್ಟಿ ಇಬ್ಬರೂ ಮಸ್ತ್ ಮಜಾ ಮಾಡುತ್ತಿದ್ದಾರೆ.
ಬಿಗ್ ಬಾಸ್ ಕನ್ನಡ ಒಟಿಟಿ ಖ್ಯಾತಿಯ ನಂದು ಮತ್ತು ನಟಿ, ಹಾಗೂ ಟಿವಿ ಬಿಗ್ ಬಾಸ್ನಲ್ಲಿ ಕಾಣಿಸಿಕೊಂಡಿದ್ದ ಭೂಮಿ ಶೆಟ್ಟಿ ಇಬ್ಬರೂ ಮಸ್ತ್ ಮಜಾ ಮಾಡುತ್ತಿದ್ದಾರೆ. ಇಬ್ಬರೂ ಹೇಗೆ ಸ್ನೇಹಿತರು ಆದರೂ ಎನ್ನುವುದು ಕೆಲವರ ಪ್ರಶ್ನೆಯಾದರೆ ಇನ್ನು ಕೆಲವರು ಇಬ್ಬರೂ ಅವಳಿ ಮಕ್ಕಳಾ ಎಂದು ಕೇಳುತ್ತಿದ್ದಾರೆ.
ಭೂಮಿ ಮತ್ತು ನಂದು ಇಬ್ಬರೂ ಇತ್ತೀಚಿಗೆ ಭೇಟಿಯಾಗಿದ್ದಾರೆ. ಸಖತ್ ಮಜಾ ಮಾಡಿದ್ದಾರೆ. ಇಬ್ಬರೂ ತಮ್ಮ ಸ್ನೇಹಿತರ ಗ್ಯಾಂಗ್ ಜೊತೆ ಟ್ರಿಪ್ ಮಾಡಿದ್ದು ವಿಡಿಯೋವನ್ನು ಸಾಮಾಜಿಕ ಜಾಲಾತಾಣದಲ್ಲಿ ಶೇರ್ ಮಾಡಿದ್ದಾರೆ. ಇಬ್ಬರೂ ನೋಡಲು ಒಂದೇ ರೀತಿ ಇದ್ದು ಅವಳಿ ಮಕ್ಕಳಾ ಎಂದು ನೆಟ್ಟಿಗರು ಕೇಳುತ್ತಿದ್ದಾರೆ.
ಡಾನ್ಸ್, ಸುತ್ತಾಟ, ತಮಾಷೆ, ಹರಟೆ ಎಲ್ಲಾ ಮಾಡಿರುವ ಭೂಮಿ ಮತ್ತು ನಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇಬ್ಬರ ವಿಡಿಯೋಗೆ ನೆಟ್ಟಿಗರು ವಿವಿಧ ರೀತಿಯ ಕಾಮೆಂಟ್ ಮಾಡುತ್ತಿದ್ದಾರೆ. ಆದರೆ ಎಲ್ಲರಿಗೂ ಅಚ್ಚರಿಯಾಗಿದ್ದು ಇಬ್ಬರೂ ಒಂದೇ ರೀತಿ ಕಾಣಿಸುತ್ತಿದ್ದಾರೆ ಎನ್ನುವುದು. ಅನೇಕರು ಈ ಪ್ರಶ್ನೆ ಕೇಳಿದ್ದಾರೆ.
ಕಿನ್ನರಿ ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಭೂಮಿ ಶೆಟ್ಟಿ ಬಳಿಕ ಬಿಗ್ ಬಾಸ್ ನಲ್ಲಿ ಕಾಣಿಸಿಕೊಂಡರು. ಧಾರಾವಾಹಿ ಜೊತೆ ಸಿನಿಮಾದಲ್ಲೂ ನಟಿಸಿದ್ದಾರೆ. ಕನ್ನಡ ಜೊತೆಗೆ ಪರಭಾಷೆಯ ಧಾರಾವಾಹಿಗಳಲ್ಲೂ ಭೂಮಿ ನಟಿಸುತ್ತಿದ್ದಾರೆ.
ಇನ್ನೂ ನಂದು ಖ್ಯಾತಿಯ ನಂದಿನಿ ಹಿಂದಿ ಕಿರುತೆರೆ ಜನಪ್ರಿಯ ರಿಯಾಲಿಟಿ ಶೋ ರೋಡೀಸ್ನಲ್ಲಿ ಭಾಗಿಯಾಗಿದ್ದರು. ರೋಡೀಸ್ ಗೆದ್ದು ಖ್ಯಾತಿ ಗಳಿಸಿದ್ದ ನಂದು ಬಳಿಕ ಕನ್ನಡ ಬಿಗ್ ಬಾಸ್ ಮೂಲಕ ಕನ್ನಡ ಪ್ರೇಕ್ಷಕರ ಮುಂದೆ ಬಂದಿದ್ದರು. ತನ್ನ ಬಾಯ್ ಫ್ರೆಂಡ್ ಜಶ್ವಂತ್ ಜೊತೆ ಬಿಗ್ ಮೆನೆಗೆ ಎಂಟ್ರಿ ಕೊಟ್ಟಿದ್ದರು. ಆದರೆ ಬಿಗ್ ಬಾಸ್ ಬಳಿಕ ಬ್ರೇಕಪ್ ಮಾಡಿಕೊಂಡು ಸುದ್ದಿಯಾಗಿದ್ದಾರೆ.
ಇತ್ತೀಚಿಗಷ್ಟೆ ನಂದು ಬ್ರೇಕಪ್ ಅನೌನ್ಸ್ ಮಾಡುವ ಮೂಲಕ ಸುದ್ದಿಯಾಗಿದ್ದರು. ಜಶ್ವಂತ್ ಜೊತೆ ಡೇಟಿಂಗ್ ಮಾಡುತ್ತಿದ್ದ ನಂದು ಇದೀಗ ಪ್ರತ್ಯೇಕ ಆಗಿದ್ದಾರೆ. 'ನಾನು ಮತ್ತು ಜಶ್ವಂತ್ ಒಟ್ಟಿಗೆ ಇದ್ದೆವು. ಇಬ್ಬರೂ ಒಟ್ಟಿಗೆ ಹಿಸ್ಟರಿ ಸೃಷ್ಟಿಸಿದೆವು. ಇಬ್ಬರೂ ಸಂತೋಷದ ಕ್ಷಣ ಕಳೆದೆವು. ರಿಲೇಷನ್ ಶಿಪ್ನಲ್ಲಿ ಇರಲು ನನಗೆ ಇಷ್ಟವಿರಲಿಲ್ಲ. ಆದರೆ ಟೈಂ ತಗೊಂಡು ಬಳಿಕ ಒಪ್ಪಿಕೊಂಡೆ. ಈಗ ಬಿಟ್ಟಿಕೊಡಲು ಇಷ್ಟವಿರಲಿಲ್ಲ. ಆದರೂ ಬಿಟ್ಟು ಕೊಟ್ಟೆ' ಎಂದು ಪೋಸ್ಟ್ ಶೇರ್ ಮಾಡಿದ್ದರು.