ಈ ಸಮುದಾಯದಲ್ಲಿ ಮದುವೆಗೂ ಮುನ್ನ ಗರ್ಭಿಣಿ ಆಗಿಲ್ಲ ಅಂದ್ರೆ ಇಲ್ಲಿ ಮದ್ವೇನೆ ನಡೆಯಲ್ಲ!

ಬುಡಕಟ್ಟು ಜನಾಂಗವಾದ ಟೋಟೋದಲ್ಲಿ, ಹುಡುಗಿಯರು ಮದುವೆಗೆ ಮೊದಲು ತಾವು ಇಷ್ಟಪಡುವ ಹುಡುಗನೊಂದಿಗೆ ವಾಸಿಸಲು ಪ್ರಾರಂಭಿಸುತ್ತಾರೆ. ಇದರ ನಂತರ, ಅವರು ಗರ್ಭಿಣಿಯಾಗುತ್ತಾರೆ ಮತ್ತು ಮಕ್ಕಳನ್ನು ಹೊಂದುತ್ತಾರೆ. ಇದೆಲ್ಲಾ ಆದ ಬಳಿಕ ಅಷ್ಟೇ ಅವರು ಮದುವೆಯಾಗಲು ಸಾಧ್ಯವಾಗುತ್ತದೆ.

ಪ್ರತಿಯೊಂದು ಸಮಾಜದಲ್ಲಿ, ಮದುವೆಗೆ ಸಂಬಂಧಿಸಿದಂತೆ ವಿವಿಧ ರೀತಿಯ ಆಚರಣೆಗಳು ಕಂಡುಬರುತ್ತವೆ. ಕೆಲವೊಮ್ಮೆ ಕೆಲವು ಆಚರಣೆಗಳು ಕೇಳಲು ತುಂಬಾ ವಿಚಿತ್ರವಾಗಿ ತೋರುತ್ತವೆ, ಅವುಗಳನ್ನು ನಂಬುವುದು ಕಷ್ಟ. ಲವ್ ಮ್ಯಾರೇಜ್ ಮತ್ತು ಅರೇಂಜ್ ಮ್ಯಾರೇಜ್ ಗೆ ಸಂಬಂಧಿಸಿದಂತೆ ಸಹ ಸಮಾಜದಲ್ಲಿ ತುಂಬಾನೆ ಪ್ರಶ್ನೆಗಳು ಕೇಳಿ ಬರುತ್ತವೆ.

ಇತ್ತೀಚೆಗೆ, ಮದುವೆಗೆ ಮೊದಲು ಲಿವ್-ಇನ್ ಸಂಬಂಧ (live in relationship) ಇರಬೇಕೇ ಅಥವಾ ಬೇಡವೇ ಎಂಬ ಚರ್ಚೆ ಆಗಾಗ್ಗೆ ನಡೆಯುತ್ತಿದೆ. ಮದುವೆಗೆ ಮುಂಚಿತವಾಗಿ ಲಿವ್-ಇನ್ ಸಂಬಂಧಗಳಂತಹ ವಿಷಯಗಳು ಸಮಾಜಕ್ಕೆ ಒಳ್ಳೆಯದಲ್ಲ ಎಂದು ಅನೇಕರು ವಾದಿಸುತ್ತಾರೆ, ಆದರೆ ಕೆಲವರು ಅದನ್ನು ಬೆಂಬಲಿಸುತ್ತಾರೆ. ಇದೆಲ್ಲಾ ವಿದ್ಯಾವಂತ ಸಮಾಜದಲ್ಲಿ ನಡೆಯುತ್ತಿರುವ ನಡುವೆ ಒಂದೆಡೆ ಬೇರೆ ರೀತಿಯದ್ದೆ ಸಂಪ್ರದಾಯ ನಡೆಯುತ್ತಿದೆ. 

ನಮ್ಮ ದೇಶದಲ್ಲಿರುವ ಒಂದು ಬುಡಕಟ್ಟು ಸಮುದಾಯದಲ್ಲಿ (trible community) ಲವ್ ಮ್ಯಾರೇಜ್ ಅರೇಂಜ್ ಮ್ಯಾರೇಜ್, ಲಿವ್ ಇನ್ ಎಲ್ಲದಕ್ಕಿಂತಲೂ ಒಂದು ಹೆಜ್ಜೆ ಮುಂದೆ ಹೋಗಿ ಹುಡುಗಿ ಮದುವೆ ಮೊದಲು ಗರ್ಭಿಣಿಯಾದರೆ ಮಾತ್ರ ಮದುವೆ ನಡೆಯುವ ಒಂದು ಸಂಪ್ರದಾಯವಿದೆ. ಅಚ್ಚರಿ ಆಯ್ತಲ್ವಾ ಕೇಳಿ. ಆದರೆ ಇದು ನಿಜಾ. ಇಂತಹ ಸಂಪ್ರದಾಯ ಎಲ್ಲಿದೆ ನೋಡೋಣ. 

ನಾವು ಯಾವುದೇ ವಿದೇಶಿ ಬುಡಕಟ್ಟು ಸಮುದಾಯದ ಬಗ್ಗೆ ಮಾತನಾಡುತ್ತಿಲ್ಲ, ಇಲ್ಲಿ ಹೇಳುತ್ತಿರುವ ಬುಡಕಟ್ಟು ಸಮುದಾಯವು ಭಾರತದ ರಾಜಸ್ಥಾನ, ಪಶ್ಚಿಮ ಬಂಗಾಳ ಮತ್ತು ಗುಜರಾತ್ ಪ್ರದೇಶದಲ್ಲಿ ವಾಸಿಸುತ್ತಿದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು. ಈ ಬುಡಕಟ್ಟು ಜನಾಂಗವನ್ನು ಟೋಟೊ ಎಂದು ಕರೆಯಲಾಗುತ್ತದೆ.

ಈ ಟೋಟೋ ಸಮುದಾಯದಲ್ಲಿ (Toto Tribe) ಮದುವೆಗೆ ಮೊದಲು, ಹುಡುಗಿಯರು ತಮ್ಮ ನೆಚ್ಚಿನ ಹುಡುಗನೊಂದಿಗೆ ವಾಸಿಸಲು ಪ್ರಾರಂಭಿಸುತ್ತಾರೆ. ಅಂದರೆ ಲಿವ್ ಇನ್ ರಿಲೇಶನ್ ಶಿಪ್ ಎಂದೇ ಹೇಳಬಹುದು. ಇದರ ನಂತರ, ಅವರು ಗರ್ಭಿಣಿಯಾಗುತ್ತಾರೆ ಮತ್ತು ಮಕ್ಕಳನ್ನು ಹೊಂದುತ್ತಾರೆ, ಅದರ ನಂತರ ಮಾತ್ರ ಅವರು ಮದುವೆಯಾಗಲು ಸಾಧ್ಯವಾಗುತ್ತದೆ. 

ಹಾಗಂತ ಇದೆಲ್ಲಾ ವಿಷಯಗಳು ಸುಮ್ ಸುಮ್ನೆ ನಡೆಯೋದಿಲ್ಲ, ಇದೆಲ್ಲವೂ ವಿಶೇಷ ಪ್ರಕ್ರಿಯೆಯ ಅಡಿಯಲ್ಲಿ ನಡೆಯುತ್ತದೆ. ಇದಕ್ಕಾಗಿ, ಪ್ರತಿ 2 ವರ್ಷಗಳಿಗೊಮ್ಮೆ ಜಾತ್ರೆಯನ್ನು ಆಯೋಜಿಸಲಾಗುತ್ತದೆ, ಅಲ್ಲಿ ಹುಡುಗಿ ತನ್ನ ಆಯ್ಕೆಯ ಹುಡುಗನನ್ನು ಆಯ್ಕೆ ಮಾಡಿ ಅವನೊಂದಿಗೆ ವಾಸಿಸಲು ಪ್ರಾರಂಭಿಸುತ್ತಾಳೆ.

ಈ ಸಂಬಂಧದ ಸಮಯದಲ್ಲಿ, ಮಗು ಜನಿಸುವವರೆಗೂ ಇಬ್ಬರೂ ಸಂಗಾತಿಗಳು ಮದುವೆಯ ಬಗ್ಗೆ ಯೋಚಿಸುವುದಿಲ್ಲ. ಇದರ ನಂತರ, ಮಗು ಜನಿಸಿದರೂ, ಅವಳು ಆ ಹುಡುಗನನ್ನು ಮದುವೆಯಾಗುತ್ತಾಳೆಯೇ ಅಥವಾ ಇಲ್ಲವೇ ಎಂಬುದು ಹುಡುಗಿಗೆ ಬಿಟ್ಟದ್ದು. 

ಮಗು ಜನಿಸಿದ ನಂತರವೂ ಅವಳು ಇನ್ನೊಬ್ಬ ಹುಡುಗನನ್ನು ಆಯ್ಕೆ ಮಾಡಬಹುದೇ ಎಂದು ನಿರ್ಧರಿಸುವ ಸ್ವಾತಂತ್ರ್ಯ ಅವಳಿಗೆ ಇದೆ. ಸಮುದಾಯದಲ್ಲಿ ಮಗು ಜನಿಸಿದ ನಂತರವೂ, ಮದುವೆಗಾಗಿ ಹುಡುಗಿ ಅಥವಾ ಹುಡುಗನ ಮೇಲೆ ಯಾವುದೇ ಒತ್ತಡ ಹೇರಲಾಗುವುದಿಲ್ಲ. ನಿಜಕ್ಕೂ ಇಂತದ್ದೊಂದು ಸಂಪ್ರದಾಯ ಇದೆ ಅಂದ್ರೆ ನೀವು ನಂಬಲೇಬೇಕು.