ಈ ಗ್ರಾಮದಲ್ಲಿ ಜನರು ಎರಡು ಅಂತಸ್ತಿನ ಮನೆ ನಿರ್ಮಿಸೋಕೆ ಸಿಕ್ಕಾಪಟ್ಟೆ ಹೆದರ್ತಾರೆ

ನಮ್ಮ ದೇಶದಲ್ಲಿ ಅನೇಕ ವಿಶಿಷ್ಟ ಸ್ಥಳಗಳಿವೆ, ಅವುಗಳ ಬಗ್ಗೆ ತಿಳಿದಾಗ ಹೀಗೂ ಉಂಟಾ ಅಂತ ಅನಿಸೋದು ಖಚಿತ. .ಭಾರತದಲ್ಲಿ ಬಹಳ ಹಳೆಯದಾದ ಒಂದು ಹಳ್ಳಿ ಇದೆ. ಆದರೆ ಅಲ್ಲಿನ ವಿಶೇಷತೆ ಅಂದ್ರೆ ಅಲ್ಲಿನ ಜನ ಎರಡು ಅಂತಸ್ತಿನ ಮನೆಯನ್ನು ನಿರ್ಮಿಸೋದೆ ಇಲ್ಲವಂತೆ.  

ಭಾರತದಲ್ಲಿ ಬಹಳ ವಿಭಿನ್ನ ಮತ್ತು ವಿಶೇಷವಾದ ಅನೇಕ ಹಳ್ಳಿಗಳಿವೆ. ಈ ಗ್ರಾಮಗಳು ತಮ್ಮ ಸೌಂದರ್ಯದಿಂದ ಖಂಡಿತವಾಗಿಯೂ ಹೆಸರು ಮಾಡಿಲ್ಲ,  ಆದರೆ ಪ್ರತಿ ಹಳ್ಳಿಯ ಜೀವನ ವಿಧಾನವೂ ತುಂಬಾ ವಿಭಿನ್ನವಾಗಿದೆ. ಭಾರತದ ಆತ್ಮವು ಹಳ್ಳಿಗಳಲ್ಲಿದೆ ಎಂದು ಹೇಳಲಾಗುತ್ತದೆ. ಆದರೆ ಇಂದು ನಿಮಗೊಂದು ವಿಶಿಷ್ಟ ಗ್ರಾಮದ ಬಗ್ಗೆ ತಿಳಿಸುತ್ತೇವೆ, ಆ ಗ್ರಾಮದಲ್ಲಿ, ಎರಡು ಅಂತಸ್ತಿನ ಮನೆಯೇ ಇಲ್ವಂತೆ. 

ಯಾವ ಹಳ್ಳಿಯಲ್ಲಿ ಜನರು ಎರಡು ಅಂತಸ್ತಿನ ಮನೆಯನ್ನು ನಿರ್ಮಿಸುವುದಿಲ್ಲ? 
ಚುರು ಜಿಲ್ಲೆಯ ಸರ್ದಾರ್ಶಹರ್ ತಹಸಿಲ್ನ ಉದ್ಸರ್ ಗ್ರಾಮದಲ್ಲಿ ಕಳೆದ 700 ವರ್ಷಗಳಿಂದ ಯಾರೂ ಎರಡು ಅಂತಸ್ತಿನ ಮನೆಯನ್ನು (two story house) ನಿರ್ಮಿಸಿಲ್ಲ. ಯಾಕಂದ್ರೆ ಇಡೀ ಗ್ರಾಮವು ಶಾಪಕ್ಕೆ ಗುರಿಯಾಗಿದೆ ಎಂದು ಇಲ್ಲಿ ವಾಸಿಸುವ ಜನರು ನಂಬುತ್ತಾರೆ. ಅಂದ್ರೆ ಯಾವ ಮನೆಯವರು ಎರಡನೇ ಮಹಡಿಯನ್ನು ನಿರ್ಮಿಸುತ್ತಾರೆ, ಅವರ ಕುಟುಂಬವು ದೊಡ್ಡ ವಿಪತ್ತನ್ನು ಎದುರಿಸುತ್ತದೆ ಎಂದು ಜನ ನಂಬುತ್ತಾರೆ. 

ಗ್ರಾಮದ ಜನರ ಪ್ರಕಾರ, ಸುಮಾರು 700 ವರ್ಷಗಳ ಹಿಂದೆ ಭೋಮಿಯಾ ಎಂಬ ವ್ಯಕ್ತಿ ಉದ್ಸರ್ ಗ್ರಾಮದಲ್ಲಿ ವಾಸಿಸುತ್ತಿದ್ದರು. ಒಂದು ದಿನ ಅವನ ಹಳ್ಳಿಗೆ ಕಳ್ಳರು ಬಂದಾಗ, ಅವನು ಆ ಕಳ್ಳರೊಂದಿಗೆ ಜಗಳವಾಡಲು ಪ್ರಾರಂಭಿಸಿದನು, ಆದರೆ ಕಳ್ಳರು ಹೆಚ್ಚಿನ ಸಂಖ್ಯೆಯಲ್ಲಿ ಇದ್ದುದರಿಂದ, ಅವನಿಗೆ ಸರಿಯಾಗಿ ಥಳಿಸಿದರು. ತಪ್ಪಿಸಿಕೊಳ್ಳಲು, ಭೋಮಿಯಾ ತನ್ನ ಮಾವನ ಮನೆಯ ಎರಡನೇ ಮಹಡಿಯಲ್ಲಿ ಅಡಗಿಕೊಂಡನು, ಆದರೆ ಕಳ್ಳರು ಸಹ ಹಿಂದೆ ತಲುಪಿದರು

ಕಳ್ಳರು ಭೋಮಿಯಾನ ಕತ್ತು ಸೀಳಿದರು, ಅವನು ಸಾವನ್ನಪ್ಪಿದನು. ನಂತರ ಭೋಮಿಯಾ ತಲೆ ಬಿದ್ದ ಸ್ಥಳದಲ್ಲಿ ದೇವಾಲಯವನ್ನು ನಿರ್ಮಿಸಲಾಯಿತು. ಈ ಘಟನೆಯ ನಂತರ, ಗ್ರಾಮದಲ್ಲಿ ಯಾರಾದರೂ ತಮ್ಮ ಮನೆಯ ಎರಡನೇ ಮಹಡಿಯಲ್ಲಿ ಮನೆ ಅಥವಾ ಕೋಣೆಯನ್ನು ನಿರ್ಮಿಸಿದರೆ ಆ ಮನೆಯವರು ನಾಶವಾಗುತ್ತಾರೆ ಎಂದು ಭೋಮಿಯಾ ಪತ್ನಿ ಗ್ರಾಮಸ್ಥರಿಗೆ ಶಾಪ ಹಾಕಿದರು. 

ಈ ಘಟನೆ ಬಗ್ಗೆ ಯಾವುದೇ ದೃಢವಾದ ಪುರಾವೆಗಳಿಲ್ಲ ಆದರೆ ಸ್ಥಳೀಯ ಜನರು ಈ ಘಟನೆ ನಿಜವೆಂದು ನಂಬುತ್ತಾರೆ. ಈ ಕಾರಣಕ್ಕಾಗಿ, ಗ್ರಾಮದ ಜನರು ಎರಡು ಅಂತಸ್ತಿನ ಮನೆಯನ್ನು ನಿರ್ಮಿಸುವುದಿಲ್ಲ. ಇಂದಿಗೂ ಸಹ ಈ ಗ್ರಾಮದಲ್ಲಿ ಎರಡು ಅಂತಸ್ತಿನ ಮನೆಯಗಳನ್ನು ಕಾಣಲು ಸಾದ್ಗ್ಯವಿಲ್ಲ. 

ಕುಟುಂಬದಲ್ಲಿ ಹೆಚ್ಚು ಜನರಿದ್ದರೆ, ಈ ಹಳ್ಳಿಯ ಜನರು ಹೇಗೆ ಬದುಕುತ್ತಾರೆ? 
ಉದ್ಸರ್ ಗ್ರಾಮದಲ್ಲಿ ವಾಸಿಸುವ ಜನರು, ಅವರ ಕುಟುಂಬಗಳು ದೊಡ್ಡದಾಗಿದ್ದರೆ ಮತ್ತು ಮನೆ ಚಿಕ್ಕದಾಗಿದ್ದರೆ, ಅವರು ಹೊಸ ಮನೆಯನ್ನು ನಿರ್ಮಿಸುತ್ತಾರೆ ಆದರೆ ಎರಡು ಅಂತಸ್ತಿನ ಮನೆಯನ್ನು ನಿರ್ಮಿಸುವುದಿಲ್ಲ. ಭೋಮಿಯಾ ದೇವಾಲಯಕ್ಕೆ ಭೇಟಿ ನೀಡಲು ಅನೇಕ ಜನರು ಬರುತ್ತಾರೆ ಮತ್ತು ಗ್ರಾಮದಲ್ಲಿ ಭೇಟಿ ನೀಡಲು ಅಥವಾ ಉಳಿಯಲು ಬರುವವರು ಈ ದೇವಾಲಯಕ್ಕೆ ಹೋಗಿ ನಮಸ್ಕರಿಸಬೇಕು ಎಂದು ನಂಬಲಾಗಿದೆ, ಇದರಿಂದ ಅವರ ಕುಟುಂಬವು ಸಂತೋಷದಿಂದ ಬದುಕುತ್ತದೆ ಎಂದು ನಂಬಲಾಗಿದೆ.