ರೈಲಿನಲ್ಲಿ ವೇಟಿಂಗ್ ಟಿಕೆಟ್ ಇದ್ರೆ ಜನರಲ್ ಕೋಚ್ನಲ್ಲಿ ಪ್ರಯಾಣಿಸಬಹುದಾ?
ಜನಸಂದಣಿ ಹೆಚ್ಚಿರುವ ರೈಲುಗಳಲ್ಲಿ ಕನ್ಫರ್ಮ್ ಟಿಕೆಟ್ ಸಿಗೋದು ಕಷ್ಟ. ವೇಟಿಂಗ್ ಟಿಕೆಟ್ ಇದ್ದವರು ಜನರಲ್ ಕೋಚ್ನಲ್ಲಿ ಪ್ರಯಾಣಿಸಬಹುದೇ? ಭಾರತೀಯ ರೈಲ್ವೆಯ ನಿಯಮಗಳೇನು? ದಂಡ ಎಷ್ಟು?
ದೀರ್ಘ ಪ್ರಯಾಣಕ್ಕೆ ಅತ್ಯುತ್ತಮ ಸಾರಿಗೆ ಅಂದ್ರೆ ಭಾರತೀಯ ರೈಲ್ವೆ. ಆದ್ರೆ ಜನಸಂದಣಿ ಹೆಚ್ಚಿರುವ ರೈಲುಗಳಲ್ಲಿ ಕನ್ಫರ್ಮ್ ಟಿಕೆಟ್ ಸಿಗೋದು ಲಾಟರಿ ಹೊಡೆದಂತೆ. ಆದ್ರೂ ಕೆಲವರು ವೇಟಿಂಗ್ ಟಿಕೆಟ್ ಹಿಡಿದು ಸ್ಲೀಪರ್ ಕೋಚ್ನಲ್ಲಿ ಬಂದಿರುತ್ತಾರೆ.
ಈ ವೇಳೆ ಟಿಕೆಟ್ ಪರಿಶೀಲಕರು ಜನರಲ್ ಕೋಚ್ಗೆ ಹೋಗುವಂತೆ ಹೇಳುತ್ತಾರೆ. ವೇಟಿಂಗ್ ಟಿಕೆಟ್ ಹಣ ರಿಫಂಡ್ ಆಗುತ್ತದೆ. ಹಾಗಾಗಿ ವೇಟಿಂಗ್ ಟಿಕೆಟ್ ಹಿಡಿದು ಜನರಲ್ ಕೋಚ್ನಲ್ಲಿ ಪ್ರಯಾಣಿಸಬಹುದಾ? ಈ ಬಗ್ಗೆ ಭಾರತೀಯ ರೈಲ್ವೆಯ ನಿಯಮ ಏನು ಹೇಳುತ್ತೆ? ಎಂಬುದರ ಮಾಹಿತಿ ಇಲ್ಲಿದೆ.
ಭಾರತೀಯ ರೈಲ್ವೆ ಪ್ರಯಾಣಿಕರಿಗೆ ಪ್ರಯಾಣದ ಸಮಯದಲ್ಲಿ ಪಾಲಿಸಬೇಕಾದ ಹಲವು ನಿಯಮಗಳನ್ನು ರೂಪಿಸಿದೆ. ಪ್ರಯಾಣಿಕರು ಸಹ ಈ ನಿಯಮಗಳನ್ನು ಕಡ್ಡಾಯವಾಗಿ ಪಾಲನೆ ಮಾಡಬೇಕಾಗುತ್ತದೆ. ಈ ನಿಯಮ ಪಾಲನೆ ಮಾಡದಿದ್ದರೆ ದಂಡ ವಿಧಿಸಲಾಗುತ್ತದೆ.
ವೇಟಿಂಗ್ ಟಿಕೆಟ್ ಹಿಡಿದು ಜನರಲ್ ಕೋಚ್ಗಳಲ್ಲಿ ಪ್ರಯಾಣಿಸುವ ಪ್ರಕರಣಗಳು ಹಲವು ಕಂಡು ಬರುತ್ತವೆ. ವೇಟಿಂಗ್ ಟಿಕೆಟ್ ಹಿಡಿದು ಜನರಲ್ ಕೋಚ್ನಲ್ಲಿ ಪ್ರಯಾಣಿಕರು ಪ್ರಯಾಣಿಸುವಂತಿಲ್ಲ. ಒಂದು ವೇಳೆ ಟಿಟಿಇ ನಿಮ್ಮನ್ನು ಹಿಡಿದ್ರೆ ದಂಡ ಪಾವತಿಸಬೇಕಾಗುತ್ತದೆ. ಎಷ್ಟು ದಂಡ ಪಾವತಿಸಬೇಕು ಎಂಬದನ್ನು ನೋಡೋಣ ಬನ್ನಿ
ಎಸಿ ಕೋಚ್ನಲ್ಲಿ ವೇಟಿಂಗ್ ಟಿಕೆಟ್ನೊಂದಿಗೆ ಪ್ರಯಾಣಿಸಿದ್ರೆ 440 ರೂಪಾಯಿ ದಂಡ ಪಾವತಿಸಬೇಕಾಗುತ್ತದೆ. ಟಿಟಿಇ ಬಯಸಿದರೆ ಅಂತಹ ಪ್ರಯಾಣಿಕರನ್ನು ರೈಲಿನಿಂದ ಮುಂದಿನ ನಿಲ್ದಾಣದಲ್ಲಿ ಕೆಳಗೆ ಇಳಿಸಬಹುದು. ಸ್ಲೀಪರ್ ಕೋಚ್ನಲ್ಲಿದ್ದರೆ 250 ರೂ. ದಂಡ ಪಾವತಿಸಬೇಕಾಗುತ್ತದೆ. ಒಂದು ವೇಳೆ ನೀವು ರೈಲ್ವೆ ಟಿಕೆಟ್ ಕೌಂಟರ್ನಿಂದ ಟಿಕೆಟ್ ಖರೀದಿಸಿದ್ದರೆ ಮತ್ತು ಅದು ವೇಟಿಂಗ್ನಲ್ಲಿದ್ರೆ ಜನರಲ್ ಕೋಚ್ನಲ್ಲಿ ಪ್ರಯಾಣಿಸುವ ಅವಕಾಶವಿದೆ.