ಕೋಟಿ ಚಿತ್ರಕ್ಕೆ ಕೊಡಗಿನ ಮೋಕ್ಷಾ ಕುಶಾಲ್ ನಾಯಕಿ, ಸ್ಪಷ್ಟ ಕನ್ನಡ ಮಾತನಾಡೋ ಈ ಬಬ್ಲಿ, ಬೋಲ್ಡ್ ಬ್ಯೂಟಿ ಯಾರು?

ಪರಮೇಶ್ವರ್ ಗುಂಡ್ಕಲ್ ನಿರ್ದೇಶಿಸುತ್ತಿರುವ ಮತ್ತು ಡಾಲಿ ಧನಂಜಯ್ ನಾಯಕನಾಗಿ ನಟಿಸುತ್ತಿರುವ ಕೋಟಿ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿರುವ ಮೋಕ್ಷ ಕುಶಾಲ್ ಬಗ್ಗೆ ಇಂಟ್ರೆಸ್ಟಿಂಗ್ ಮಾಹಿತಿ ತಿಳಿಯೋಣ.  

ಸದ್ಯ ಕನ್ನಡದಲ್ಲಿ ಭಾರಿ ಸದ್ದು ಮಾಡುತ್ತಿರುವ ಚಿತ್ರ ಅಂದ್ರೆ ಅದು ಕೋಟಿ ಸಿನಿಮಾ. ಕಲರ್ಸ್ ಕನ್ನಡ ಬ್ಯುಸಿನೆಸ್ ಹೆಡ್ ಆಗಿದ್ದ ಪರಮೇಶ್ವರ್ ಗುಂಡ್ಕಲ್ ನಿರ್ದೇಶಿಸುತ್ತಿರುವ ಮತ್ತು ನಟ ರಾಕ್ಷಸ ಡಾಲಿ ಧನಂಜಯ್ ನಟಿಸುತ್ತಿರುವ ಕೋಟಿ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆ ಆಗಿರೋ ಬೆಡಗಿ ಮೋಕ್ಷ ಕುಶಾಲ್ (Moksha Kushal). 

ಈ ಅಂದದ ಚೆಂದದ ಕೊಡಗಿನ ಬೆಡಗಿ ಮೋಕ್ಷ ಕುಶಾಲ್ ಕನ್ನಡಕ್ಕೇನು ಹೊಸಬರೇನಲ್ಲ. ಒಂದೆರಡು ಕನ್ನಡ ಸಿನಿಮಾಗಳಲ್ಲಿ, ಶಾರ್ಟ್ ಫಿಲಂಗಳು, ಫೀಚರ್ ಫಿಲಂ ಮತ್ತು ಜಾಹೀರಾತುಗಳಲ್ಲಿ ಈಗಾಗಲೇ ತಮ್ಮ ಛಾಪು ಮೂಡಿಸಿರುವ ಸುಂದರಿ. ಇದೀಗ ಮೊದಲ ಬಾರಿ ದೊಡ್ಡ ಬ್ಯಾನರ್ ಅಡಿಯಲ್ಲಿ, ಸ್ಟಾರ್ ನಟನ ಜೊತೆ ನಟಿಸುತ್ತಿದ್ದಾರೆ. 

ಆದಿಪುರಾಣ (Adipurana) ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಮೋಕ್ಷ ಕುಶಾಲ್ ಬಳಿಕ ನವರತ್ನ, ಮೋಡ ಕವಿದ ವಾತಾವರಣ ಎನ್ನುವ ಸಿನಿಮಾಗಳಲ್ಲೂ ನಟಿಸಿದ್ದರು. ಇದೀಗ ಕೋಟಿ ಸಿನಿಮಾಗೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. 

ಕೊಡಗಿನಲ್ಲೇ ಹುಟ್ಟಿ ಬೆಳೆದ ಮೋಕ್ಷಾ, ಸದ್ಯ ಬೆಂಗಳೂರಿನಲ್ಲಿ ಸೆಟಲ್ ಆಗಿದ್ದಾರೆ. ಇಂಜಿನಿಯರಿಂಗ್(engineering) ಗ್ರಾಜ್ಯುಯೇಟ್ ಆಗಿರುವ ಮೋಕ್ಷಾಗೆ ಬಾಲ್ಯದಿಂದಲೇ ನಟನೆ ಕಡೆಗೆ ಒಲವು ಹೆಚ್ಚಂತೆ, ಹಾಗಾಗಿ, ಶಾರ್ಟ್ ಸಿನಿಮಾ, ಫೀಚರ್ ಫಿಲಂಗಳಲ್ಲಿ ಅಭಿನಯಿಸುತ್ತಾ ನಟನೆಯಲ್ಲಿ ಪಳಗಿದ್ದಾರೆ ಮೋಕ್ಷ. 

ಮಾಡೆಲ್ ಆಗಿರುವ ಮೋಕ್ಷಾ ಹಲವು ಫ್ಯಾಷನ್ ಶೋ, ಈವೆಂಟ್ ಗಳಲ್ಲಿ ಭಾಗವಹಿಸಿದ್ದಾರೆ, ಜೊತೆಗೆ ಗೋದ್ರೇಜ್ ಸೋಪ್, ಸಂಗೀತಾ ಮೊಬೈಲ್, ಸಿರೋನಾ ಮೆನ್ಸ್ಟ್ರುವಲ್ ಕಪ್, ಕ್ರಾಸ್ ಬೀಟ್ ಸ್ಮಾರ್ಟ್ ವಾಚ್, ಟೈಟಾನ್ ವಾಚ್, ಸೀರೆ, ಜ್ಯುವೆಲ್ಲರಿಗಳಿಗೆ ಮಾಡೆಲ್ ಆಗಿ ಹಲವಾರು ಜಾಹೀರಾತುಗಳಲ್ಲಿ (Advertisement) ಮೋಕ್ಷಾ ನಟಿಸಿದ್ದಾರೆ. 

ನಟನೆ ಬಗ್ಗೆ ಮಾತನಾಡಿರೋ ಮೋಕ್ಷ ನನಗೆ ನೂರಾರು ಸಿನಿಮಾಗಳಲ್ಲಿ ನಟಿಸುವ ಅವಕಾಶ ಸಿಗೋದು ಬೇಕಾಗಿಲ್ಲ. ಆದರೆ ಅತ್ಯುತ್ತಮ ಪಾತ್ರದಲ್ಲಿ ನಟಿಸೋದು ನನ್ನ ಆಯ್ಕೆ, ನನಗಿಷ್ಟ ಆದ ಅತ್ಯುತ್ತಮ ಪಾತ್ರಗಳನ್ನು ಮಾತ್ರ ನಾನು ಆಯ್ಕೆ ಮಾಡಿಕೊಳ್ಳೋದು ಎನ್ನುವ ಮೋಕ್ಷಾಗೆ ಕೋಟಿ ಸಿನಿಮಾಕ್ಕೆ ನಾಯಕಿಯಾಗುವ ಅವಕಾಶ ಸಿಕ್ಕಿದ್ದು, ದಿಢೀರ್ ಆಗಿ. ಅಚ್ಚ ಕನ್ನಡದ ಹುಡುಗಿಯನ್ನು ಹುಡುಕುತ್ತಿದ್ದ ಗುಂಡ್ಕಲ್ (Parameshwar Gundkal) ಅವರಿಗೆ ಸ್ಪಷ್ಟವಾಗಿ ಕನ್ನಡ ಮಾತನಾಡುವ ಮೋಕ್ಷ ಅವರು ಸಿಕ್ಕಿದ್ದಾರೆ. 

ಸಿನಿಮಾಗಳಲ್ಲಿ ನಟಿಸುವ ಆಸೆಯಿಂದ ಸಾಕಷ್ಟು ಆಡಿಶನ್ ಕೊಟ್ಟಿದ್ದ ನಟಿಗೆ ಕೋಟಿ ಸಿನಿಮಾದಲ್ಲಿ ಚಾನ್ಸ್ ಸಿಕ್ಕಿದ್ದು ಅಚಾನಕ್ ಆಗಿ. ಮೊದಲ ಆಡೀಶನ್ ಚೆನ್ನಾಗಿ ಕೊಟ್ಟಿರದೇ ಇದ್ದ ಮೋಕ್ಷಾ, ಸೆಕೆಂಡ್ ಮತ್ತು ಫೈನಲ್ ಆಡೀಶನ್ ನಲ್ಲಿ ಛಿಂದಿ ಚಿತ್ರಾನ್ನ ಮಾಡಿಯೇ ಬಿಡ್ಬೇಕು ಅಂತ, ಆಡಿಶನ್ ಕೊಟ್ಟು, ಲುಕ್ ಟೆಸ್ಟ್ ಕೊಟ್ಟು ಕೊನೆಗೆ ಸೆಲೆಕ್ಟೂ ಆಗ್ಬಿಟ್ರಂತೆ. 

ಇನ್ನು ಕೋಟಿ ಚಿತ್ರದಲ್ಲಿ ಮೋಕ್ಷಾ ನವಮಿ ಎಂಬ ಚಾರ್ಟೆಡ್‌ ಅಕೌಂಟೆಂಟ್‌ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಅದು ಪಕ್ಕದ್ಮನೆ ಹುಡುಗಿಯಂತೆ ತುಂಬಾ ಸರಳವಾದ ಪಾತ್ರವಂತೆ. ಸದಾ ಚಟುವಟಿಕೆಯಿಂದ ಕೂಡಿರುವ ಆ ಬಬ್ಲಿ ಪಾತ್ರ ಇದಾಗಿದೆ. ಈ ಪಾತ್ರ ನನಗೆ ಬಹಳ ಹಿಡಿಸಿತು, ಅದರಲ್ಲೂ ಧನಂಜಯ್ (Doly Dhananjay) ಜೊತೆ ನಟಿಸುವ ಅವಕಾಶ ಸಿಕ್ಕಿರೋದು ಬಹಳ ಖುಷಿ, ಯಾಕಂದ್ರೆ ನಾನು ಅವರ ದೊಡ್ಡ ಅಭಿಮಾನಿ ಎನ್ನುತ್ತಾರೆ ಮೋಕ್ಷ.