ನಟಿ ತನಿಷಾ ಬಳಿ ಅದೆಷ್ಟು ಆಸ್ತಿಯಿದೆ. ಏನೇನೆಲ್ಲಾ ಮಾಡ್ಕೊಂಡಿದಾರೆ; ಬಾಯ್ಬಿಟ್ಟು ಹೇಳ್ಕೊಂಡಿದಾರೆ ನೋಡ್ರೀ!

ಬಿಗ್ ಬಾಸ್ ಕನ್ನಡ ಸ್ಪರ್ಧಿ (Bigg Boss Kannada) ಹಾಗು ನಟಿ ತನಿಷಾ ಕುಪ್ಪಂಡ (Tanisha Kuppanda) ಅವರು ತಮ್ಮ ವೃತ್ತಿಯ ಮೂಲಕ ಸಾಕಷ್ಟು ಆಸ್ತಿ ಮಾಡಿರಬಹುದು ಎಂಬುದು ಹಲವರ ಲೆಕ್ಕಾಚಾರ. ಅವರದು ಆರ್‌ಆರ್‌ ನಗರದಲ್ಲಿ ಭವ್ಯವಾದ ನಾನ್‌ವೆಜ್ ಹೊಟೆಲ್‌  (Non Veg Hotel) ಇದೆ. ಅವರು ತಮ್ಮ ಮೇಕಪ್‌ಗಾಗಿಯೇ ದಿನಕ್ಕೆ ಸಾವಿರಾರು ರೂಪಾಯಿ ಸುರಿಯುತ್ತಾರೆ. 
 

ಟೂರ್, ಟ್ರಿಪ್ ಅದೂ ಇದೂ ಅಂತ ಸಖತ್ ತಿರುಗಾಡುತ್ತಾರೆ, ಖರ್ಚು ಮಾಡುತ್ತಾರೆ. ಹೀಗೆ ಬಹಳಷ್ಟು ಅಂತೆಕಂತೆಗಳು ಬಿಗ್ ಬಾಸ್ ಮೂಲಕ ಮತ್ತೆ ಮಿಂಚಿರುವ ತನಿಷಾ ಬಗ್ಗೆ ಕೇಳಿಬರುತ್ತಲೇ ಇರುತ್ತವೆ. ಆದರೆ, ಸುತ್ತುತ್ತಿರುವ ಸುದ್ದಿಗಳಲ್ಲಿ ಎಷ್ಟು ಸತ್ಯವಿದೆ, ಅದೆಷ್ಟು ಸುಳ್ಳಿದೆ ಎಂಬ ಬಗ್ಗೆ ಸ್ವತಃ ತನಿಷಾ ಕುಪ್ಪಂಡ ಸ್ಪಷ್ಟನೆ ಕೊಟ್ಟಿದ್ದಾರೆ.

ಸಂದರ್ಶನವೊಂದರಲ್ಲಿ 'ತನಿಷಾ ಅವರು ಎಷ್ಟು ಆಸ್ತಿ ಮಾಡಿದಾರೆ...' ಎಂಬ ಪ್ರಶ್ನೆಗೆ ಉತ್ತರಿಸುತ್ತ ತನಿಷಾ 'ಆಸ್ತಿ ಗೀಸ್ತಿ ಏನೂ ಮಾಡಿಲ್ಲ. ನಮ್ಮಪ್ಪ ಮಾಡಿರೋದ್ರಲ್ಲಿ ಇದೀವಿ ಅಷ್ಟೇ..' ಎಂದಿದ್ದಾರೆ. ಹೊಟೆಲ್ ಕೂಡ ನಿಮ್ ಹೆಸ್ರಲ್ಲಿ ಇಲ್ವಾ ಎಂದು ಕೇಳಿದ್ದಕ್ಕೆ 'ಇಲ್ಲಾ, ಯಾವ್ದೂ ನನ್ ಹೆಸ್ರಲ್ಲಿ ಇಲ್ಲಾ.. ಹೆಸ್ರಲ್ಲಿ ಇಲ್ಲ ಅನ್ನೋದಕ್ಕಿಂತ ನಾನು ಯಾವ್ದನ್ನೂ ಇನ್ನೂ ಆ ರೀತಿಯಾಗಿ ಮಾಡ್ಲಿಲ್ಲ.. 

ಇನ್ಮುಂದೆ ಮಾಡ್ಬೇಕು, ಕಷ್ಟ ಪಡ್ತಾ ಇದೀನಿ, ಬೆವರು ಸುರಿಸಿ ಕಷ್ಟ ಪಡ್ತಾ ಇದೀನಿ.. ನಮ್ ಬಿಗ್ ಬಾಸ್ ಮನೆಯೊಳಗೆ ಆದ್ರೆ ಸ್ನೇಹಿತ್ ಅವ್ರೆಲ್ಲ ಹೇಳ್ತಾ ಇದ್ರು, 'ರಕ್ತ ಸುರಿಸಿ ಕೆಲ್ಸ ಮಾಡ್ತಾ ಇದೀವಿ' ಅಂತ.. ಆದರೆ ನಾನು ಇಲ್ಲಿ ಹೇಳ್ತೀನಿ, ಬೆವರು ಸುರಿಸಿ ದುಡಿತಾ ಇದೀನಿ, ಆದಷ್ಟು ಬೇಗ ಏನಾದ್ರೂ ಪ್ರಾಪರ್ಟಿ ಮಾಡ್ಕೋತೀನಿ.. ' ಎಂದಿದ್ದಾರೆ ತನಿಷಾ. 

ಸದ್ಯ ತನಿಷಾ ಉತ್ತರದ ಮೂಲಕ, ತನಿಷಾ ಯಾವುದೇ ಪ್ರಾಪರ್ಟಿಗೆ ವರ್ತಮಾನದಲ್ಲಿ ಒಡತಿಯಲ್ಲ ಎಂಬುದು ಗೊತ್ತಾಗಿದೆ. ಆದರೆ, ಕಷ್ಟಪಟ್ಟು ದುಡಿಯುವ ಮೂಲಕ ಭವಿಷ್ಯದಲ್ಲಿ ಅವರು ಆಸ್ತಿ ಮಾಡಲಿದ್ದಾರೆ ಎಂಬುದು ಸ್ಪಷ್ಟವಾಯ್ತು. ಕಷ್ಟಪಟ್ಟು ಸಂಪಾದಿಸುವುದರಲ್ಲಿ, ಶ್ರದ್ಧೆಯಿಂದ ಕೆಲಸ ಮಾಡುವುದರಲ್ಲಿ ನಟಿ ತನಿಷಾ ಎತ್ತಿದ ಕೈ ಎನ್ನುತ್ತಾರೆ ಅವರನ್ನು ಹತ್ತಿರದಿಂದ ಬಲ್ಲವರು. 

ಅದು ಸ್ವತಃ ತನಿಷಾ ಮಾತುಗಳಲ್ಲಿ ಕೂಡ ವ್ಯಕ್ತವಾಗಿದೆ. ಖಾಸಗಿ ಚಾನೆಲ್ಲೊಂದರ 'ಹಳ್ಳಿ ದುನಿಯಾ' ರಿಯಾಲಿಟಿ ಶೋ ಮೂಲಕ ಬಣ್ಣದ ಬದುಕಿಗೆ ಕಾಲಿಟ್ಟ ತನಿಷಾ, ಅಲ್ಲಿಂದ ಇಲ್ಲಿಯವರೆಗೂ ತಮ್ಮ ನೇರ ನುಡಿ, ನಡೆಗೆ ಹೆಸರಾದವರು. 'ಅನಿವಾರ್ಯ ಪ್ರಸಂಗ ಹೊರತುಪಡಿಸಿ, ತನಿಷಾ ಸುಳ್ಳು ಹೇಳುವುದಿಲ್ಲ' ಎಂಬುದು ಅವರ ಆಪ್ತರಿಗೆ ಗೊತ್ತು. 

ಒಟ್ಟಿನಲ್ಲಿ, ಬಿಗ್ ಬಾಸ್ ಕನ್ನಡ ರಿಯಾಲಿಟಿ ಶೋನಲ್ಲಿ ಆಲ್‌ಮೋಸ್ಟ್ ಫೈನಲ್‌ ಹಂತದವರೆಗೂ  ಹೋಗಿದ್ದ ನಟಿ ತನಿಷಾ ಕುಪ್ಪಂಡ ಅಲ್ಲೂ ಕೂಡ ನೇರ ನಡೆ-ನುಡಿ ಪ್ರದರ್ಶಿಸಿದ್ದಾರೆ. ಯಾವುದೇ ಟಾಸ್ಕ್‌ಗೂ ಸಿದ್ಧ ಎಂದು ಪ್ರೂವ್ ಮಾಡಿದ್ದಾರೆ. ತಾವೊಬ್ಬರು ಮೇಕಪ್ ಪ್ರಿಯರು ಎಂಬುದನ್ನೂ ಸಹ ಹೇಳಿಕೊಂಡಿದ್ದಾರೆ. 

ಬಿಗ್ ಬಾಸ್ ಮನೆಯಿಂದ ಬಂದ ಬಳಿಕ ಅವರು 'ವಿನ್ನರ್' ಕಾರ್ತಿಕ್ ಮಹೇಶ್ (Karthik Mahesh) ಮನೆಗೆ ಹೋಗಿ ಅವರ ಅಳಿಯನನ್ನು ಮುದ್ದಾಡಿ ಬಂದಿದ್ದಾರೆ. ಸಹ-ಸ್ಪರ್ಧಿ ವರ್ತೂರು ಸಂತೋಷ್ ಅವರನ್ನೂ ಭೇಟಿಯಾಗಿದ್ದಾರೆ. ನಟಿ ತನಿಷಾರ ಮುಂದಿನ ಪ್ರಾಜೆಕ್ಟ್‌ ಯಾವುದಿರಬಹುದು ಎಂಬ ಬಗ್ಗೆ ಸದ್ಯ ಅವರ ಫ್ಯಾನ್ಸ್‌ ಫಾಲೋವರ್ಸ್‌ ಚಿತ್ತದಲ್ಲಿ ಯೋಚನೆ ಮೂಡಿದೆ ಎನ್ನಬಹುದು.