ಹೊಸ ಫೋಟೋ ಹಂಚಿಕೊಂಡ ಆಶಿಕಾ; ಚುಟು ಚುಟು ಸುಂದರಿ ನೋಡಿ ಫ್ಯಾನ್ಸ್ ಫುಲ್ ಖುಷ್

ಸ್ಯಾಂಡಲ್‌ವುಡ್ ಖ್ಯಾತ ನಟಿ ಆಶಿಕಾ ರಂಗನಾಥ್ ಸಿಕ್ಕಾಪಟ್ಟೆ ಹಾಟ್ ಆಗುತ್ತಿದ್ದಾರೆ. ಇತ್ತೀಚಿಗೆ ಆಶಿಕಾ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡುತ್ತಿರುವ ಫೋಟೋಗಳು ಪಡ್ಡೆ ಯುವಕರ ನಿದ್ದೆಗೆಡಿಸುತ್ತಿದೆ. 

ಸದ್ಯ ಆಶಿಕಾ ಶೇರ್ ಮಾಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ನಟಿ ಆಶಿಕಾ ಒಂದಿಷ್ಟು ಸುಂದರ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕಪ್ಪು ಬಣ್ಣದ ಬಟ್ಟೆಯಲ್ಲಿ ಆಶಿಕಾ ಮಸ್ತ್ ಪೋಸ್ ನೀಡಿದ್ದಾರೆ. 

ಕ್ಯಾಮರಾ ಮುಂದೆ ತರಹೇವಾರಿ ಪೋಸ್ ನೀಡಿರುವ ಆಶಿಕಾ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಲೈರಲ್ ಆಗುತ್ತಿವೆ. ಹೆಲೋ ಎಂದು ಕ್ಯಾಪ್ಷನ್ ನೀಡಿ ಆಶಿಕಾ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. 

ಚುಟು ಚುಟು ಸುಂದರಿಯ ಫೋಟೋಗಳಿಗೆ ಅಭಿಮಾನಿಗಳಿಂದ ಸಿಕ್ಕಾಪಟ್ಟೆ ಲೈಕ್ಸ್ ಮತ್ತು ಕಾಮೆಂಟ್ಸ್ ಹರಿದುಬರುತ್ತಿದೆ. ಅಭಿಮಾನಿಗಳು ಕ್ಯೂಟಿ, ಹಾಟ್, ಕ್ರಶ್ ಅಂತೆಲ್ಲ ಕಾಮೆಂಟ್ ಮಾಡಿ ಆಶಿಕಾ ಅವರನ್ನು ಹೊಗಳುತ್ತಿದ್ದಾರೆ. 

ಅನೇಕ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿ ಆಶಿಕಾ ದೊಡ್ಡ ಹಿಟ್ ಗಾಗಿ ಕಾಯುತ್ತಿದ್ದಾರೆ. 2016ರಲ್ಲಿ ಕ್ರೇಸಿ ಬಾಯ್ ಸಿನಿಮಾ ಮೂಲಕ ಆಶಿಕಾ ಬಣ್ಣದ ಲೋಕದ ಪಯಣ ಪ್ರಾರಂಭಿಸಿದರು. ಬಳಿಕ ಅನೇಕ ಸಿನಿಮಾಗಳಲ್ಲಿ ಮಿಂಚಿದ್ದಾರೆ. ರಾಜು ಕನ್ನಡ ಮೀಡಿಯಮ್, ಮುಗುಳು ನಗೆ, ರೆಂಬೋ-2 ಸಿನಿಮಾಗಳು ದೊಡ್ಡ ಮಟ್ಟದ ಖ್ಯಾತಿ ತಂದುಕೊಟ್ಟಿತು. ಬಳಿಕ ಕಿಚ್ಚ ಸುದೀಪ್ ನಟನೆಯ ಕೋಟಿಗೊಬ್ಬ-3 ಸಿನಿಮಾದಲ್ಲಿ  ಐಟಂ ಹಾಡಿನಲ್ಲಿ ಆಶಿಕಾ ಮಿಂಚಿದರು. 

ಕೊನೆಯದಾಗಿ ಆಶಿಕಾ ಅವತಾರ ಪುರುಷ ಮತ್ತು ಗರುಡ ಗಮನ ವೃಷಬ ವಾಹನ ಸಿನಿಮಾ ಮೂಲಕ ಅಭಿಮಾನಿಗಳ  ಮುಂದೆ ಬಂದರು. ಸದ್ಯ ಆಶಿಕಾ ಬಳಿ ರೇಮೋ, ಓ2, ಗತವೈಭವ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.