ಪುರುಷರಿಗೆ ಇಷ್ಟವಾಗುವ ಮಹಿಳೆಯರಲ್ಲಿನ ಗುಣಗಳು; ಇದಕ್ಕೆ ಆಗೋದು ಹುಡುಗರ ಮನಸ್ಸು ಚಂಚಲ!

Woman Behaviors: ಪುರುಷರು ತಮ್ಮ ಸಂಗಾತಿಯಲ್ಲಿ ಕೆಲವು ಗುಣಗಳನ್ನು ಬಯಸುತ್ತಾರೆ. ಧೈರ್ಯ, ಸಮಸ್ಯೆಗಳಿಗೆ ಸ್ಪಂದನೆ, ಉತ್ತಮ ಸಂವಹನ, ಹಾಸ್ಯ ಪ್ರಜ್ಞೆ ಮತ್ತು ತಾಳ್ಮೆ ಹೊಂದಿರುವ ಮಹಿಳೆಯರನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ. 

ಪುರುಷ ಮತ್ತು ಮಹಿಳೆಯ ಸಂಬಂಧ ಅನ್ಯೋನ್ಯವಾಗಿರಲು ಹಲವು ಕಾರಣಗಳಿರುತ್ತವೆ. ಆದರೂ ಕೆಲವು ಸಂಬಂಧಗಳು ಬಹುಬೇಗನೆ ಮುರಿದು ಬೀಳುತ್ತವೆ. ಸಂಬಂಧದಲ್ಲಿ ಮಹಿಳೆಯರಂತೆ ಪುರುಷರ ಮನಸ್ಸು  ಚಂಚಲವಾಗುತ್ತದೆ. ಮನಸ್ಸು ಚಂಚಲವಾದ್ರೆ ಏನು ಆಗುತ್ತೆ ಅನ್ನೋದು ಬಹುತೇಕ ಎಲ್ಲರಿಗೂ ಗೊತ್ತಿರುತ್ತದೆ.

ಪುರುಷ ತನ್ನ ಸಂಗಾತಿಯಲ್ಲಿ ಕೆಲವೊಂದು ಗುಣಗಳಿರಬೇಕೆಂದು ಇಷ್ಟಪಡುತ್ತಾನೆ. ಆ ಗುಣಗಳಿದ್ರೆ  ಬೇರೆ ಹೆಣ್ಣಿನತ್ತ ಕಣ್ಣೆತ್ತಿಯೂ ನೋಡಲ್ಲ. ಮಹಿಳೆಯರಲ್ಲಿನ ಈ ಗುಣಗಳು ಪುರುಷರನ್ನು ಹೆಚ್ಚು ಆಕರ್ಷಿಸುತ್ತವೆ.  ಈ ಲೇಖನದಲ್ಲಿ ಪುರುಷರಿಗೆ  ಇಷ್ಟವಾಗುವ ಮಹಿಳೆಯರಲ್ಲಿನ ಗುಣಗಳ ಬಗ್ಗೆ ನೋಡೋಣ.

1.ಧೈರ್ಯವಂತ ಮಹಿಳೆಯರನ್ನು ಕಂಡ್ರೆ ಪುರುಷರಿಗೆ ಹೆಚ್ಚು ಇಷ್ಟವಾಗುತ್ತಾರೆ. ಈ ರೀತಿಯ ಮಹಿಳೆಯರು ಎಲ್ಲಾ ಕಷ್ಟದ ಸನ್ನಿವೇಶಗಳನ್ನು ಎದುರಿಸುವ ಸಾಮಾರ್ಥ್ಯ ಹೊಂದಿರುತ್ತಾರೆ ಎಂದು ಪುರುಷರು ನಂಬುತ್ತಾರೆ. ಧೈರ್ಯವಂತ ಮಹಿಳೆ ಯಾವಾಗಲೂ ಬುದ್ಧಿವಂತೆ ಆಗಿರುತ್ತಾರೆ ಎಂಬ ಮಾತಿದೆ.

2.ಸಮಸ್ಯೆಗಳಿಗೆ ಸ್ಪಂದಿಸುವ ಗುಣವುಳ್ಳ ಹೆಣ್ಣನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ. ಭಾವನೆಗಳಿಗೆ ಸ್ಪಂದಿಸುವ ಮತ್ತು ಗೌರವಿಸುವ ಹೆಣ್ಣು ಅಂದ್ರೆ ಪುರುಷರಿಗೆ ಇಷ್ಟವಾಗುತ್ತಾರೆ. ಸಂಗಾತಿ ತನ್ನ ಇಷ್ಟ ಮತ್ತು ಕಷ್ಟಗಳನ್ನು ಅರ್ಥ ಮಾಡಿಕೊಳ್ಳಲಿ ಎಂದು ಪುರುಷರು ಬಯಸುತ್ತಾರೆ.

3.ತಮ್ಮೊಂದಿಗೆ ಮಾತನಾಡುವ ವ್ಯಕ್ತಿಯನ್ನು ಪುರುಷರು ಸೂಕ್ಷ್ಮವಾಗಿ ಗಮನಿಸುತ್ತಾರೆ ಮತ್ತು ಚೆನ್ನಾಗಿ ಆಲಿಸುವ ಗುಣವನ್ನು ಹೊಂದಿರುತ್ತಾರೆ. ನಿರರ್ಗಳವಾಗಿ ಮಾತನಾಡುವ ಮಹಿಳೆಯರು ಪುರುಷರಿಗೆ ಇಷ್ಟವಾಗುತ್ತಾರೆ. ಈ ರೀತಿಯ ಗುಣ ಹೊಂದಿರುವ ಮಹಿಳೆ, ಓಪನ್ ಹಾರ್ಟ್ ಹೊಂದಿರುತ್ತಾರೆ. ಯಾವುದೇ ವಿಷಯವನ್ನು ಮುಚ್ಚಿಡಲ್ಲ ಎಂದು ಪುರುಷರು  ನಂಬುತ್ತಾರೆ.

4.ಧೈರ್ಯಶಾಲಿ ಜೊತೆ ಹಾಸ್ಯಪ್ರಜ್ಞೆಯ ಮಹಿಳೆಯರನ್ನು ಇಷ್ಟಪಡುತ್ತಾರೆ. ಹಾಸ್ಯಪ್ರಜ್ಞೆಯನ್ನು ಹೊಂದಿರುವ ಮಹಿಳೆಯರಿಂದ ಪುರುಷರು ಹೆಚ್ಚು ಆಕರ್ಷಿತರಾಗುತ್ತಾರೆ. ಕುಟುಂಬದಲ್ಲಿ ಎಷ್ಟೇ ದೊಡ್ಡ ಸಮಸ್ಯೆ ಇದ್ದರೂ, ಹಾಸ್ಯಪ್ರಜ್ಞೆ ಇರುವ ಜನರು ಅದನ್ನು ಸುಲಭವಾಗಿ ಸರಿಪಡಿಸಬಹುದು.

5.ತಾಳ್ಮೆ ಹೊಂದಿರುವ ಮಹಿಳೆಯರನ್ನು ಪುರುಷರು ಹೆಚ್ಚು ಇಷ್ಟಪಡುತ್ತಾರೆ. ಎಲ್ಲವನ್ನು ತಾಳ್ಮೆಯಿಂದ ಕುಟುಂಬವನ್ನು ನಡೆಸಿಕೊಂಡು ಮಹಿಳೆ ತನ್ನ ಸಂಗಾತಿಯಾಗಬೇಕು ಮತ್ತು  ಸಣ್ಣಪುಟ್ಟ ವಿಚಾರಗಳಿಗೂ ಕ್ಯಾತೆ ತೆಗೆದು ಜಗಳ ಮಾಡುವ ಮಹಿಳೆ ಅಂದ್ರೆ ಪುರುಷರಿಗೆ ಇಷ್ಟಪಡುವುದಿಲ್ಲ.