ಅತಿ ಹೆಚ್ಚು ವಿವಾಹೇತರ ಸಂಬಂಧ ಹೊಂದಿರುವ ನಗರ ಇದೇ ಅಂತೆ; ಲಿಸ್ಟ್ನಿಂದ ದೊಡ್ಡ ಸಿಟಿಗಳೇ ಔಟ್!
ಜಾಗತಿಕವಾಗಿ ಪ್ರಸಿದ್ಧವಾದ ಡೇಟಿಂಗ್ ಸೈಟ್ ಆಶ್ಲೇ ಮ್ಯಾಡಿಸನ್ ನಡೆಸಿದ ಸಮೀಕ್ಷೆಯ ಆಧಾರದ ಮೇಲೆ ಈ ತೀರ್ಮಾನಕ್ಕೆ ಬರಲಾಗಿದೆ.
India love affair trends: ದೇಶಾದ್ಯಂತ ವಿವಾಹೇತರ ಸಂಬಂಧಗಳ ಸಂಖ್ಯೆ ಹೆಚ್ಚಾಗುತ್ತಿರುವುದನ್ನು ಮಾಧ್ಯಮ ವರದಿಗಳಿಂದ ನೀವು ಗಮನಿಸಿರಬಹುದು. ಕ್ರೈಂಗೆ ಸಂಬಂಧಿಸಿದ ಅನೇಕ ಸುದ್ದಿಗಳು ಈ ವಿವಾಹೇತರ ಸಂಬಂಧಗಳಿಂದಲೇ ಆಗಿರುವುದು.
ಮೊದಲೆಲ್ಲಾ ಇಂತಹ ಘಟನೆಗಳು ಮಹಾನಗರಗಳಲ್ಲಿ ನಡೆಯುತ್ತಿವೆ ಎಂದು ನಂಬಲಾಗಿತ್ತು. ಆದರೆ ಈಗ ಗ್ರಾಮೀಣ ಮತ್ತು ಅರೆ ನಗರ ಪ್ರದೇಶಗಳಲ್ಲಿಯೂ ಇಂತಹ ಘಟನೆಗಳ ಸಂಖ್ಯೆ ಹೆಚ್ಚಾಗಿದೆ ಎಂದು ತೋರುತ್ತದೆ. ಸದ್ಯ ಇದನ್ನು ದೃಢೀಕರಿಸುವ ವರದಿ ಇತ್ತೀಚೆಗೆ ಹೊರಬಂದಿದ್ದು, ಜಾಗತಿಕವಾಗಿ ಪ್ರಸಿದ್ಧವಾದ ಡೇಟಿಂಗ್ ಸೈಟ್ ಆಶ್ಲೇ ಮ್ಯಾಡಿಸನ್ ನಡೆಸಿದ ಸಮೀಕ್ಷೆಯ ಆಧಾರದ ಮೇಲೆ ಈ ತೀರ್ಮಾನಕ್ಕೆ ಬರಲಾಗಿದೆ.
ವರದಿಯ ಪ್ರಕಾರ, ಅತಿ ಹೆಚ್ಚು ವಿವಾಹೇತರ ಸಂಬಂಧ ಹೊಂದಿರುವ ಪೈಕಿ ತಮಿಳುನಾಡಿನ ಕಾಂಚೀಪುರಂ ನಂಬರ್ ಒನ್ ನಗರವಾಗಿದೆ. ಈ ನಗರವು ದೆಹಲಿ ಮತ್ತು ಮುಂಬೈನಂತಹ ಮಹಾನಗರಗಳನ್ನು ಸಹ ಹಿಂದಿಕ್ಕಿದೆ. 2024ರ ಸಮೀಕ್ಷೆಯಲ್ಲಿ ಕಾಂಚೀಪುರಂ 17 ನೇ ಸ್ಥಾನದಲ್ಲಿತ್ತು. ಈ ವರ್ಷ ಅದು ನಂಬರ್ ಒನ್ ಸ್ಥಾನಕ್ಕೆ ಜಿಗಿದಿದೆ. ಆದರೆ ಆಶ್ಲೇ ಮ್ಯಾಡಿಸನ್ ಇದಕ್ಕೆ ನಿರ್ದಿಷ್ಟ ಕಾರಣವನ್ನು ನೀಡಿಲ್ಲ.
ಆಶ್ಲೇ ಮ್ಯಾಡಿಸನ್ನಲ್ಲಿ ಸೈನ್ ಅಪ್ ಆಗಿರುವ ಬಳಕೆದಾರರ ಡೇಟಾಬೇಸ್ ಪ್ರಕಾರ, ಕೇಂದ್ರ ದೆಹಲಿಯು ಸತತ ಎರಡನೇ ವರ್ಷವೂ ಭಾರತದ ಟಾಪ್ 20 ನಗರಗಳಲ್ಲಿ ಎರಡನೇ ಸ್ಥಾನವನ್ನು ಉಳಿಸಿಕೊಂಡಿದೆ. ದೆಹಲಿ NCR ಪ್ರದೇಶದಿಂದ ಈ ಅಪ್ಲಿಕೇಶನ್ಗೆ ಭಾರಿ ಪ್ರತಿಕ್ರಿಯೆ ಸಿಗುತ್ತಿದೆ. ಇನ್ನು ದೆಹಲಿಯ ಆರು ಜಿಲ್ಲೆಗಳಾದ ಮಧ್ಯ ದೆಹಲಿ, ನೈಋತ್ಯ ದೆಹಲಿ, ಪೂರ್ವ ದೆಹಲಿ, ದಕ್ಷಿಣ ದೆಹಲಿ, ಪಶ್ಚಿಮ ದೆಹಲಿ ಮತ್ತು ವಾಯುವ್ಯ ದೆಹಲಿ ಟಾಪ್ 20 ರಲ್ಲಿವೆ. ಇದರೊಂದಿಗೆ ದೆಹಲಿಯ ಪಕ್ಕದಲ್ಲಿರುವ ಗುರುಗ್ರಾಮ್, ಗಾಜಿಯಾಬಾದ್ ಮತ್ತು ಗೌತಮ್ ಬುದ್ಧ ನಗರ (ನೋಯ್ಡಾ) ಜಿಲ್ಲೆಗಳು ಸಹ ಟಾಪ್ 20ರಲ್ಲಿ ಸೇರಿವೆ.
ಕುತೂಹಲಕಾರಿ ವಿಚಾರವೆಂದರೆ ಈ ವರದಿಯಲ್ಲಿ ಮಹಾರಾಷ್ಟ್ರದ ಯಾವುದೇ ನಗರವು ಟಾಪ್ 20 ರಲ್ಲಿಲ್ಲ. ಮುಂಬೈನಂತಹ ದೊಡ್ಡ ಮಹಾನಗರಗಳು ಟಾಪ್ 20 ರಲ್ಲಿಲ್ಲ. ಆದರೆ ಜೈಪುರ, ಕಾಮರೂಪ ಮತ್ತು ಚಂಡೀಗಢದಂತಹ ನಗರಗಳು ಪಟ್ಟಿಯಲ್ಲಿವೆ. ಜೈಪುರ ಮತ್ತು ಗಾಜಿಯಾಬಾದ್ನಂತಹ ಟೈಯರ್ -2 ನಗರಗಳು ಸಹ ದೊಡ್ಡ ನಗರಗಳನ್ನು ಮೀರಿಸಿದೆ.
ಆಶ್ಲೇ ಮ್ಯಾಡಿಸನ್ ನೀಡಿದ ಮಾಹಿತಿಯ ಪ್ರಕಾರ, ವರದಿಯಲ್ಲಿನ ಮಾಹಿತಿಯು ಎಷ್ಟು ಹೊಸ ಬಳಕೆದಾರರು ಸೈನ್ ಅಪ್ ಮಾಡಿದ್ದಾರೆ ಎಂಬುದರ ಮೇಲೆ ಮಾತ್ರ ಆಧಾರಿತವಾಗಿಲ್ಲ, ಆದರೆ ಬಳಕೆದಾರರ ದೈನಂದಿನ ಚಟುವಟಿಕೆ ಮತ್ತು ಎಂಗೇಜ್ ಡೇಟಾವನ್ನು ವಿಶ್ಲೇಷಿಸುವ ಮೂಲಕ ಈ ಮಾಹಿತಿಯನ್ನು ಪಡೆಯಲಾಗಿದೆ.