ಈ ಸಂಕೇತಗಳು ನೀವು ಮತ್ತೆ Ex ಬಳಿ ಹೋದ್ರೆ ತಪ್ಪೇನಿಲ್ಲ ಅನ್ನತ್ತೆ…
ಮತ್ತೆ ನಿಮ್ಮ ಮಾಜಿ ಪ್ರೇಮಿ ಬಳಿ ಹೋಗೋದು ಸರೀನಾ?, ಈ ಪ್ರಶ್ನೆ ಶತಮಾನಗಳಿಂದ ಕೇಳಿ ಬರುತ್ತಿದೆ.. ಆದಾಗ್ಯೂ, ಅನೇಕ ಜನರು ಒಂದು ಸಲ ಪ್ರೀತಿಯಿಂದ ಹೊರ ಬಂದ ಮೇಲೆ ಮತ್ತೆ ಯಾವತ್ತೂ ಹಿಂದಿರುಗಿ ಆ ಪ್ರೀತಿಯ ಬಳಿ ಹೋಗಬಾರದು ಎನ್ನುತ್ತಾರೆ. ಆದರೆ ನಿಮ್ಮಲ್ಲೇ ನಿಮ್ಮ ಅನುಭವಕ್ಕೆ ಬರುವಂತಹ ಕೆಲವು ಸಂಗತಿಗಳು ನಿಮ್ಮ ಜೀವನದಲ್ಲಿ ನಡೆದರೆ ನೀವು ಮತ್ತೆ ನಿಮ್ಮ ಮಾಜಿ ಪ್ರೇಮಿಯ ಬಳಿ ಹೋಗಬಹುದು ಅನ್ನೋದನ್ನು ಸೂಚಿಸುತ್ತೆ.
Followಬ್ರೇಕಪ್ ಆದ ಬಳಿಕ ಜೀವನದಲ್ಲಿ ಏನೇನೋ ಬದಲಾವಣೆ ನಡೆಯುತ್ತೆ. ಈ ಸಮಯದಲ್ಲಿ ನೀವು ಒಂಟಿತನದ ಸಮಸ್ಯೆ ಕಾಡುತ್ತೆ. ಜೀವನವೇ ಯಾಕೆ ಹೀಗೆ ಎಂಬ ಭಾವನೆ ಮೂಡುತ್ತೆ. ಫೋನ್ ಅನ್ನು ಹಲವಾರು ಬಾರಿ ಎತ್ತಿಕೊಳ್ಳಿ ಮತ್ತು X ಗೆ ಕರೆ ಮಾಡುವ ಬಗ್ಗೆ ಯೋಚಿಸುತ್ತೀರಿ. ಸೋಶಿಯಲ್ ಮೀಡಿಯಾದಲ್ಲಿ (social media) ಅವರಿಗೆ ಮೆಸೇಜ್ ಕಳುಹಿಸಲು ಟೈಪ್ ಮಾಡುತ್ತೀರಿ, ಆದರೆ ಬೇಡ ಎಂದು ಮತ್ತೆ ಸುಮ್ಮನಾಗುತ್ತೀರಿ. ಇದೆಲ್ಲಾ ಬ್ರೇಕ್ ಅಪ್ ಆದ ಬಳಿಕ ಸಾಮಾನ್ಯ. ಆದರೆ ಅದೇ ಮಾಜಿ ಪ್ರೇಮಿಯ ಬಳಿ ಮತ್ತೆ ಹೋಗೋದು ಸರಿನಾ?
ಒಂದು ಸಂಬಂಧವು ಉಳಿಯದಿದ್ದರೆ ಸಾಮಾನ್ಯವಾಗಿ ಅದಕ್ಕೆ ಒಂದು ಕಾರಣವಿರುತ್ತದೆ. ಮತ್ತೆ ಮಾಜಿ ಪ್ರೇಮಿ (ex lover) ಬಳಿ ಹೋಗಲು ನಮ್ಮಲ್ಲೆ ಹಲವು ಪ್ರಶ್ನೆಗಳ ಮೂಡುತ್ತವೆ. ಮೊದಲ ಬಾರಿಗೆ ಕೆಲಸ ಮಾಡದಿದ್ದರೆ, ಅದು ಎರಡನೇ ಬಾರಿ ಹೇಗೆ ಮಾಡುತ್ತದೆ ಅನ್ನೋ ದೊಡ್ಡ ಪ್ರಶ್ನೆ ನಮ್ಮನ್ನು ಕಾಡುತ್ತೆ. ಆದಾಗ್ಯೂ, ಕೆಲವು ಜೋಡಿಗಳು ಮೊದಲಿನ ಎಲ್ಲಾ ಕೋಪ, ದ್ವೇಷ, ಜಗಳ ಬಿಟ್ಟು ಮತ್ತೆ ಮಾಜಿ ಪ್ರೇಮಿಯ ಬಳಿ ಹೋಗುವ ಯೋಚನೆ ಮಾಡುತ್ತಾರೆ.
ಇತ್ತೀಚೆಗೆ 1,000 ಜನರ ಮೇಲೆ ನಡೆಸಿದ ಒಂದು ಸಮೀಕ್ಷೆಯು, ನಮ್ಮಲ್ಲಿ ಅನೇಕರು ಮಾಜಿ ಪ್ರೇಮಿಯ ಬಳಿ ಹೋಗಿರೋದು ತಿಳಿದು ಬಂದಿದೆ. 10 ರಲ್ಲಿ 7 ಜನರು ಮತ್ತೆ ಮಾಜಿ ಪ್ರೇಮಿಯ ಬಳಿ ಹೋಗುತ್ತಾರೆ. ತನ್ನ ಮಾಜಿ ಪ್ರೇಮಿ ಇಲ್ಲದೆ ತಾನು ಬದುಕಲು ಸಾಧ್ಯವಿಲ್ಲ ಎಂದು ಹಲವರಿಗೆ ಅನಿಸುತ್ತೆ. ನಿಮಗೂ ಹೀಗೆಲ್ಲಾ ಅನಿಸಿದರೆ X ಬಳಿ ಹೋಗಲು ಇದು ಸರಿಯಾದ ಸಮಯ ಅನ್ನೋದನ್ನು ತಿಳಿಯಿರಿ.
ಇನ್ನೂ ಕೂಡ ಕಾಂಟಾಕ್ಟ್ ನಲ್ಲಿದ್ದೀರಿ
ನೀವು ಬೇರೊಬ್ಬರೊಂದಿಗೆ ಡೇಟಿಂಗ್ ಮಾಡುತ್ತಿದ್ದೀರಿ ಮತ್ತು ಇದರ ಹೊರತಾಗಿಯೂ ನೀವು ನಿಮ್ಮ ಮಾಜಿಯೊಂದಿಗೆ ಸಂಪರ್ಕದಲ್ಲಿದ್ದೀರಿ (contact with ex) ಮತ್ತು ಅವರತ್ತ ಆಕರ್ಷಿತರಾಗುತ್ತೀರಿ ಎಂದಾದರೆ ಇದು ನೀವು ನಿಮ್ಮ ಹಳೆಯ ಪ್ರೀತಿಗೆ ನೀವು ಹಿಂದಿರುಗಬೇಕು ಅನ್ನೋದನ್ನು ಸೂಚಿಸುತ್ತೆ. ನೀವಿಬ್ಬರೂ ಬೇರೆ ಯಾರೊಂದಿಗೂ ಸಂಪರ್ಕದಲ್ಲಿಲ್ಲದಿದ್ದರೆ, ಖಂಡಿತವಾಗಿಯೂ ನೀವು ಮತ್ತೆ ಒಂದಾಗಬಹುದು.
ನೀವು ನಿಮ್ಮ ತಪ್ಪುಗಳನ್ನು ಒಪ್ಪಿಕೊಂಡಿದ್ದೀರಿ
ನೀವಿಬ್ಬರೂ ತಪ್ಪು ಮಾಡಿದ್ದೀರಿ ಮತ್ತು ಅದರಿಂದ ಪಾಠಗಳನ್ನು ಕಲಿತಿದ್ದೀರಿ ಎಂದು ನಂಬಿದರೆ, ನೀವು ಅದನ್ನು ಮತ್ತೆ ಸರಿಪಡಿಸಲು ಸಾಧ್ಯವಾಗುತ್ತದೆ ಎನ್ನುವ ಭರವಸೆ ನಿಮಗಿದ್ದರೆ, ನಿಮ್ಮ ಸಂಬಂಧ ಭವಿಷ್ಯದಲ್ಲಿ ತುಂಬಾನೆ ಚೆನ್ನಾಗಿರುತ್ತದೆ.
ಅವರಿಲ್ಲದೆ ಜೀವನದ ಕ್ಷಣಗಳನ್ನು ಊಹಿಸಲು ಸಾಧ್ಯವಿಲ್ಲ
ಅವನಿಲ್ಲದ ಜೀವನವನ್ನು ಊಹಿಸಲು ಸಾಧ್ಯವಿಲ್ಲ ಎಂದು ನೀವು ಭಾವಿಸಿದರೆ. ನಿಮ್ಮೊಂದಿಗೆ ಆ ವ್ಯಕ್ತಿಯಿಲ್ಲದ ಜೀವನದ ಕ್ಷಣಗಳನ್ನು ನೀವು ನಿಜವಾಗಿಯೂ ಊಹಿಸಲು ಸಾಧ್ಯವಾಗದಿದ್ದರೆ, ಈ ಭಾವನೆ ನಿಜವಾಗಿಯೂ ವಿಶೇಷವಾಗಿದೆ. ಇದು ನೀವು X ಬಳಿ ಹೋಗಬೇಕು ಎಂಬುದರ ಸಂಕೇತವಾಗಿದೆ.
flirting
ನೀವು ಒಬ್ಬರನ್ನೊಬ್ಬರು ಸಮಾನವಾಗಿ ಕಾಣುತ್ತಿರಿ
ನೀವು ಪರಸ್ಪರರನ್ನು ಸಮಾನವಾಗಿ ನೋಡಿದರೆ, ಪರಸ್ಪರ ಗೌರವಿಸಿ ಮತ್ತು ಯಾವುದೇ ಅಡೆತಡೆಯನ್ನು ಪ್ರಾಮಾಣಿಕವಾಗಿ ದಾಟಲು ನಿಜವಾಗಿಯೂ ಸಮರ್ಥರಾಗಿದ್ದರೆ, ಒಟ್ಟಿಗೆ ಮತ್ತೆ ಜೀವನ ಸಾಗಿಸೋದು ಉತ್ತಮ ಸಂಕೇತವಾಗಿದೆ.
ಸಂಬಂಧದಲ್ಲಿ ಇನ್ನೂ ಸ್ಪಾರ್ಕ್ ಇದೆ
ಮಾಜಿಯೊಂದಿಗೆ ನಿಮ್ಮ ಸಂಬಂಧವು ಇನ್ನೂ ಸ್ನೇಹ, ಗೌರವದಿಂದ ಕೂಡಿದ್ದರೆ, ಅದರಲ್ಲಿ ಪ್ರೀತಿಯ ಸ್ಪಾರ್ಕ್ ಇನ್ನೂ ಹಾಗೆಯೇ ಉಳಿದಿದ್ದರೆ ಮತ್ತೆ ನೀವು ಮಾಜಿ ಬಳಿ ಹೋಗಬಹುದು. ನೀವಿಬ್ಬರು ಒಟ್ಟಿಗೆ ಭವಿಷ್ಯ ರೂಪಿಸುವ ಸಾಧ್ಯತೆಯ ಬಗ್ಗೆ ನೀವು ಉತ್ಸುಕರಾಗಿರಬೇಕು ಹಾಗಿದ್ದಾಗ ಮಾತ್ರ ಜೀವನ ಚೆನ್ನಾಗಿರುತ್ತೆ.
ನೀವು ಮೆಚ್ಯೂರ್ ಆಗಿದ್ದೀರಿ
ನೀವು ಈಗಾಗಲೇ ಮೆಚ್ಯೂರ್ ಆಗಿದ್ದೀರಿ ಮತ್ತು ನೀವು ಈಗಾಗಲೇ ನಿಮ್ಮ ಬೆಳವಣಿಗೆಗೆ ಬೇಕಾದಷ್ಟು ಹೂಡಿಕೆ ಮಾಡಿದ್ದೀರಿ ಎಂದು ನೀವು ಭಾವಿಸಿದರೆ, ನೀವು X ಬಳಿ ಮತ್ತೆ ಹೋಗುವ ಬಗ್ಗೆ ಯೋಚಿಸಬಹುದು. ಮುಕ್ತ ಮತ್ತು ಪ್ರಾಮಾಣಿಕರಾಗಿರಿ. ಹಾಗಿದ್ದಾಗ ಮಾತ್ರ X ಬಳಿ ಮತ್ತೆ ಹೋಗಲು, ಮತ್ತೆ ಹೊಸದಾಗಿ ಪ್ರೀತಿ ಆರಂಭಿಸಲು ಸಾಧ್ಯವಾಗುತ್ತೆ.
