ಅಪ್ಪ ತೋರಿಸಿದ ಹುಡುಗನ ಮದ್ವೆಯಾಗ್ತೇನೆ ಅಂದಿದ್ದ ಮೊನಾಲಿಸಾಗೆ ಬ್ರೇನ್​ವಾಷ್​? ತಂದೆಯ ಕಣ್ಣೀರು- ಹೇಳಿದ್ದೇನು

ಕುಂಭಮೇಳದ ವೈರಲ್ ಹುಡುಗಿ ಮೊನಾಲಿಸಾ, ತನ್ನ ಪೋಷಕರ ಇಚ್ಛೆಗೆ ವಿರುದ್ಧವಾಗಿ ಫರ್ಮಾನ್ ಖಾನ್ ಎಂಬ ಯುವಕನನ್ನು ವಿವಾಹವಾಗಿದ್ದಾಳೆ. ಇದು ಲವ್ ಜಿಹಾದ್ ಅಲ್ಲ ಎಂದು ಪತಿ ಹೇಳಿದರೆ, ತನ್ನ ಮಗಳಿಗೆ ಬ್ರೈನ್‌ವಾಶ್ ಮಾಡಲಾಗಿದೆ ಎಂದು ತಂದೆ ಆರೋಪಿಸುತ್ತಿದ್ದಾರೆ.

Image Credit : ANI

ಆಗ ಹೇಳಿದ್ದೇ ಬೇರೆ

ಕುಂಭಮೇಳದ ವೈರಲ್​ ಗರ್ಲ್​ ಮೊನಾಲಿಸಾ ಇದೀಗ ಸೋಷಿಯಲ್​ ಮೀಡಿಯಾದ ಸೆನ್ಸೇಷನ್​ ಆಗಿದ್ದಾಳೆ. ಮುಸ್ಲಿಂ ಯುವಕ ಫರ್ಮಾನ್​ ಖಾನ್​ ಜೊತೆ ಮದುವೆಯಾದ 18ರ ಮೊನಾಲಿಸಾ ಕೆಲ ತಿಂಗಳ ಹಿಂದಷ್ಟೇ, ನಾನು ಅಪ್ಪ-ಅಮ್ಮ ಹಾಕಿದ ಗೆರೆ ದಾಟುವವಳಲ್ಲ. ಅವರು ಹೇಳಿದ ಹುಡುಗನನ್ನೇ ಮದುವೆಯಾಗುತ್ತೇನೆ ಎಂದು ಮಾಧ್ಯಮದವರ ಎದುರು ಹೇಳಿಕೊಂಡಿದ್ದಳು. ನನಗಿನ್ನೂ 17 ವರ್ಷ ವಯಸ್ಸು. ಮದುವೆಯ ವಯಸ್ಸಲ್ಲ. ಆದರೆ ಮದುವೆಯ ವಯಸ್ಸಿಗೆ ಬಂದರೂ ಅವರು ಹೇಳಿರುವ ಹುಡುಗನನ್ನೇ ಮದುವೆಯಾಗುವವಳು ಎಂದಿದ್ದಳು ಮೋನಾಲಿಸಾ.

Image Credit : Google

ಅಪ್ಪ-ಅಮ್ಮನ ವಿರುದ್ಧ

ಆದರೆ, ಇದೀಗ ಎಲ್ಲವೂ ಬದಲಾಗಿದೆ. ಅಪ್ಪ-ಅಮ್ಮನಿಂದಲೇ ರಕ್ಷಣೆ ಕೋರಿ ಪೊಲೀಸ್​ ಪ್ರೊಟೆಕ್ಷನ್​ ಪಡೆದು ಉತ್ತರ ಪ್ರದೇಶದ ಯುವಕನನ್ನು ಕೇರಳದಲ್ಲಿ ಮದುವೆಯಾಗಿದ್ದಾಳೆ ಈಕೆ. ಇದಾಗಲೇ ಈ ಜೋಡಿ ಮೀಡಿಯಾ ಮುಂದೆ ಬಂದು ಎಲ್ಲಾ ಉತ್ತರ ಕೊಟ್ಟಿದೆ.

Image Credit : Instagram

ಲವ್​ ಜಿಹಾದ್​ ಅಲ್ಲ

ನಾನು ಮದುವೆಗೆ ಒಪ್ಪಿರಲಿಲ್ಲ. ಮೊನಾಲಿಸಾಳೇ ಮದುವೆಗೆ ಒತ್ತಾಯಿಸಿದ್ದು ಎಂದು ಪತಿ ಫರ್ಮಾನ್ ಖಾನ್​ ಹೇಳಿದ್ದಾನೆ. ಇದು ಲವ್​ ಜಿಹಾದೂ ಅಲ್ಲ, ಆಕೆಯನ್ನು ಮತಾಂತರವೂ ಮಾಡುವುದಿಲ್ಲ ಎಂದು ಹೇಳಿದ್ದಾನೆ. ಹಿಂದೂ ಸಂಪ್ರದಾಯದಂತೆ ಮದುವೆಯಾಗಿ ಹಣೆಗೆ ಕುಂಕುಮವನ್ನೂ ಇಟ್ಟುಕೊಂಡಿದ್ದಾನೆ ಫರ್ಮಾನ್​.

Image Credit : Instagram

ಬ್ರೈನ್​ ವಾಷ್​ ಆಗಿದೆ

ಆದರೆ, ಇವೆಲ್ಲವುಗಳ ನಡುವೆಯೇ, ಮೊನಾಲಿಸಾ ಅಪ್ಪ ಜೈ ಸಿಂಗ್​ ಭೋಸ್ಲೆ ಹೇಳ್ತಿರೋದೇ ಬೇರೆ. ನನ್ನ ಮಗಳಿಗೆ ಬ್ರೈನ್​ವಾಷ್​ ಮಾಡಲಾಗಿದೆ. ಏನೇನೋ ಮಾತನಾಡುತ್ತಾಳೆ. ಕೆಲವು ತಿಂಗಳ ಹಿಂದೆ ಸರಿಯಾಗಿಯೇ ಇದ್ದಳು. ಈಗ ಏಕಾಏಕಿ ಈ ನಿರ್ಧಾರ ತೆಗೆದುಕೊಂಡಿದ್ದಾಳೆ. ಇದು ಸಿಕ್ಕಾಪಟ್ಟೆ ಅನುಮಾನ ಮೂಡಿಸುತ್ತಿದೆ ಎಂದು ಕಣ್ಣೀರು ಹಾಕಿದ್ದಾರೆ.

Image Credit : ANI

ದಿಕ್ಕು ತಪ್ಪಿಸಲಾಗಿದೆ

ನನ್ನ ಮಗಳು ನನ್ನನ್ನೇ ಧಿಕ್ಕರಿಸಿದಳು. ನಮ್ಮ ವಿರುದ್ಧವೇ ಪೊಲೀಸ್​ ರಕ್ಷಣೆ ಕೋರಿದಳು. ಅವಳು ನಮಗೆ ವಾಪಸ್​ ಬೇಕು. ಅವಳ ದಿಕ್ಕನ್ನು ತಪ್ಪಿಸಲಾಗಿದೆ. ಅವಳಿಗೆ ಏನೋ ಆಗುತ್ತಿದೆ. ಏನೂ ಸರಿಯಿಲ್ಲ ಎಂದು ಎನ್ನಿಸುತ್ತಿದೆ ಎಂದಿದ್ದಾರೆ ಅಪ್ಪ.

Image Credit : X@HindustanKiArmy

ಮುಂದೇನು?

ಒಟ್ಟಿನಲ್ಲಿ ಮೊನಾಲಿಸಾ, ಫರ್ಮಾನ್​ ಖಾನ್​ ಜೊತೆ ಸುಖವಾಗಿ ಬಾಳಲಿ ಎನ್ನುವುದು ಎಲ್ಲರ ಅಶಯವಾಗಿದ್ದರೆ, ಅಪ್ಪನ ನೋವನ್ನು ಮಾತ್ರ ನೋಡಲು ಆಗುತ್ತಿಲ್ಲ. ನಿಜಕ್ಕೂ ಆಗಿದ್ದೇನು ಎನ್ನುವುದು ಕೂಡ ಮುಂದಿನ ದಿನಗಳಲ್ಲಿ ತಿಳಿಯಬೇಕಿದೆ ಅಷ್ಟೇ.