ಅಪ್ಪಿ, ತಪ್ಪಿಯೂ ನಿಮ್ಮ ಸಂಗಾತಿ ಜೊತೆ ಇಂಥಾ ತಮಾಷೆ ಮಾತುಗಳನ್ನಾಡಬೇಡಿ…

ಅನೇಕ ಬಾರಿ ತಮಾಷೆಯಲ್ಲಿ, ನಾವು ನಮ್ಮ ಸಂಗಾತಿಗೆ ನೋವುಂಟುಮಾಡುವ ಕೆಲವು ವಿಷಯಗಳನ್ನು ಹೇಳುತ್ತೇವೆ. ಇದರಿಂದಾಗಿ ಅವರ ದೃಷ್ಟಿಯಲ್ಲಿ ನಿಮ್ಮ ಇಮೇಜ್ ಸಹ ಹಾಳಾಗಬಹುದು. ನಿಮ್ಮ ಹೆಂಡತಿ ಅಥವಾ ಗೆಳತಿಯೊಂದಿಗೆ ನೀವು ತಪ್ಪಾಗಿ ಅಥವಾ ತಮಾಷೆಯಲ್ಲಿ ಏನು ಮಾಡಬಾರದು ಅನ್ನೋದನ್ನು ಇಲ್ಲಿ ನಾವು ನಿಮಗೆ ಹೇಳುತ್ತಿದ್ದೇವೆ.

ಗಂಡ-ಹೆಂಡತಿ ಅಥವಾ ಗೆಳತಿ-ಗೆಳೆಯ ಆಗಿರಲಿ, ತಮಾಷೆ ಮಾಡೋದು ಸಾಮಾನ್ಯವಾಗಿದೆ. ಈ ಸಂಬಂಧಗಳಲ್ಲಿ, ನಗು ಮತ್ತು ಪರಸ್ಪರ ಮೋಜು ಪರಸ್ಪರ ಬಂಧವನ್ನು ಹೆಚ್ಚಿಸುತ್ತೆ ನಿಜಾ. ಆದರೆ ಅನೇಕ ಮೋಜಿನ ವಿಷಯಗಳೇ ಪತಿ -ಪತ್ನಿ ನಡುವೆ ಗಲಭೆಗೆ ಕಾರಣವಾಗುತ್ತೆ.  ಮತ್ತು ನಿಮ್ಮ ಇಮೇಜ್ ಸಹ ಹಾಳಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಒಂದು ಸಣ್ಣ ಜೋಕ್(Joke) ಸಂಬಂಧದಲ್ಲಿ ಅಂತರಕ್ಕೆ ಕಾರಣವಾಗುತ್ತದೆ. ಅವರ ದೃಷ್ಟಿಯಲ್ಲಿ ನಿಮ್ಮ ವ್ಯಕ್ತಿತ್ವ ಹಾಳಾಗದಂತೆ ನೀವು ಹೇಗೆ ಸಂಬಂಧ ಉಳಿಸಬಹುದು ಎಂದು ಇಲ್ಲಿ ನಾವು ನಿಮಗೆ ಹೇಳುತ್ತಿದ್ದೇವೆ. 

ನಾವು ತಮಾಷೆಯಾಗಿಯೋ, ಅಥವಾ ಕಾಲು ಎಳೆಯಲೆಂದೋ ಹೇಳಿದ ಕೆಲವೊಂದು ವಿಷಯಗಳು ಸೀರಿಯಸ್ (Serious)ಆಗುತ್ತವೆ. ಇದರಿಂದ ಸಂಬಂಧ ಹದಗೆಡುವ ಸಾಧ್ಯತೆ ಹೆಚ್ಚಿದೆ. ಹಾಗಾಗಿ ನಿಮ್ಮ ಹೆಂಡತಿ ಅಥವಾ ಗೆಳತಿಯ ಮುಂದೆ ಯಾವ ವಿಷಯಗಳನ್ನು ಎಂದಿಗೂ ಹೇಳಬಾರದು ಆ ವಿಷಯಗಳ ಬಗ್ಗೆ ತಿಳಿದುಕೊಳ್ಳೋಣ.

ನೀವು ಅವರ ಲುಕ್(Look) ಬಗ್ಗೆ ತಮಾಷೆಯಾಗಿ ಏನನ್ನಾದರೂ ಹೇಳಿದರೆ, ಅವಳು ಕೆಟ್ಟದಾಗಿ ಭಾವಿಸುವುದಿಲ್ಲ ಎಂದು ನೀವು ಯೋಚಿಸುತ್ತಿದ್ದರೆ, ಇದು ನಿಮ್ಮ ತಪ್ಪು ಆಲೋಚನೆ. ವಾಸ್ತವವಾಗಿ, ಯಾವುದೇ ಮಹಿಳೆ ತನ್ನ ಲುಕ್ ಬಗ್ಗೆ ತನ್ನ ಸಂಗಾತಿ ಗೇಲಿ ಮಾಡುವುದನ್ನು ಸಹಿಸೋದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಅವರ ಮೇಕಪ್ ಅಥವಾ ಫ್ಯಾಷನ್ನಲ್ಲಿ ಏನಾದರೂ ತಪ್ಪನ್ನು ಹುಡುಕಿದರೆ, ನೀವು ಯಾರು ಇಲ್ಲದ ಸಮಯದಲ್ಲಿ ಅವರ ಬಳಿ ಹೋಗಿ ನಿಧಾನವಾಗಿ ಹೇಳಿ.

<

ನಿಮ್ಮ ಹೆಂಡತಿ ಅಥವಾ ಗೆಳತಿ ಕೆಲಸ ಮಾಡದಿದ್ದರೆ ಅಥವಾ ಮನೆಕೆಲಸದಲ್ಲಿ ಪರಿಣಿತರಲ್ಲದಿದ್ದರೆ, ನೀವು ಅವರ ವ್ಯಕ್ತಿತ್ವವನ್ನು ಕಡೆಗಣಿಸಬಾರದು. ಅವರು ಗೃಹಿಣಿ, ಏನೂ ಕೆಲಸ ಮಾಡಲ್ಲ, ಯಾವುದೇ ಪ್ರಯೋಜನವಿಲ್ಲ ಎಂದು ಎಂದಿಗೂ ಗೇಲಿ ಮಾಡಬೇಡಿ. ನೀವು ಇದನ್ನು ಮಾಡಿದರೆ, ಅವರ ಗೌರವಕ್ಕೆ(Respect) ಧಕ್ಕೆಯುಂಟಾಗಬಹುದು. ಇದರಿಂದ ಅವರು ನಿಮ್ಮಿಂದ ದೂರವಾಗುವ ಸಾಧ್ಯತೆ ಇದೆ. 

ಪ್ರತಿಯೊಬ್ಬ ಹುಡುಗಿಯು ತನ್ನ ಸಂಗಾತಿಯು ಮುಕ್ತವಾಗಿ ಆಲೋಚನೆ(Open thinking) ಮಾಡುವವರು ಆಗಿರಬೇಕು ಎಂದು ಬಯಸುತ್ತಾಳೆ. ಆದರೆ ನೀವು ಅವರು ಮಾತನಾಡುವಾಗ ಪದೇ ಪದೇ ತಮಾಷೆಯಾಗಿ ಕಾಮೆಂಟ್ ಮಾಡುತ್ತಿದ್ದರೆ ಅಥವಾ ಅವರನ್ನು ನಿಂದಿಸುತ್ತಿದ್ದರೆ, ಅದು ನಿಮ್ಮ ಸಂಬಂಧವನ್ನು ಹಾಳುಮಾಡಬಹುದು. ಆದ್ದರಿಂದ ನಿಮ್ಮ ಸಂಗಾತಿಯನ್ನು ನಿಂದಿಸುವ ಅಭ್ಯಾಸವನ್ನು ಎಂದಿಗೂ ಮಾಡಿಕೊಳ್ಳಬೇಡಿ.

ಯಾವುದೇ ಸಂಬಂಧವನ್ನು ಉತ್ತಮವಾಗಿಡಲು, ನೀವು ಪರಸ್ಪರರ ಕುಟುಂಬವನ್ನು ಗೌರವಿಸಸೋದು ತುಂಬಾ ಮುಖ್ಯ. ಇದು ನಿಮ್ಮಿಬ್ಬರ ಕರ್ತವ್ಯ. ಆದರೆ ಈ ವಿಷಯದಲ್ಲಿ ನೀವು ಕುಟುಂಬ (Family) ಸದಸ್ಯರನ್ನು ಗೇಲಿ ಮಾಡಿದರೆ, ಅದು ಯಾವುದೇ ಮಹಿಳೆಗೆ ಇಷ್ಟವಾಗೋದಿಲ್ಲ. ಬಹುಶಃ ಅವರು ನಿಮ್ಮನ್ನು ಗೌರವಿಸುವುದನ್ನು ನಿಲ್ಲಿಸಬಹುದು.