ನೀತಾ ಅಂಬಾನಿ ಮೇಕಪ್ ಆರ್ಟಿಸ್ಟ್ ಕಂಪೆನಿ ಸಿಇಒಗಳಿಗಿಂತ ಹೆಚ್ಚು ಸಂಭಾವನೆ ಪಡೀತಾರಂತೆ!
ಅಂಬಾನಿ ಕುಟುಂಬದ ಲೈಫ್ಸ್ಟೈಲ್ ಎಂಥವರನ್ನೂ ಬೆರಗುಗೊಳ್ಳುವಂತೆ ಮಾಡುತ್ತೆ. ಅದರಲ್ಲೂ ನೀತಾ ಅಂಬಾನಿಯಸೀರೆ, ಹ್ಯಾಂಡ್ ಬ್ಯಾಗ್, ಜ್ಯುವೆಲ್ಲರಿ ಕಲೆಕ್ಷನ್ ವಾವ್ ಅನ್ನುವಂತಿದೆ. ಹಾಗೆಯೇ ನೀತಾ ಅಂಬಾನಿ ಪರ್ಸನಲ್ ಮೇಕಪ್ ಆರ್ಟಿಸ್ಟ್ ಕುರಿತಾದ ಆಸಕ್ತಿದಾಯಕ ವಿಚಾರಗಳು ಇಲ್ಲಿವೆ.
ಬಯಸಿದ್ದನ್ನು ಕಾಲು ಬುಡಕ್ಕೆ ಬಂದು ಬೀಳುವಂತೆ ಮಾಡಿಕೊಳ್ಳುವಷ್ಟು ಸಿರಿವಂತಿಕೆ ಮುಕೇಶ್ ಅಂಬಾನಿ ಕುಟುಂಬಕ್ಕಿದೆ. ದಿನದಲ್ಲಿಯೇ ಕೋಟಿಗಟ್ಟಲೆ ಸಂಪಾದನೆ ಮಾಡುವ ಅಂಬಾನಿ ಫ್ಯಾಮಿಲಿಯಲ್ಲಿ ಮುಕೇಶ್ ಅಂಬಾನಿ ಪತ್ನಿ ನೀತಾ ಅಂಬಾನಿ ಲೈಫ್ಸ್ಟೈಲ್ ಎಲ್ಲರನ್ನೂ ದಂಗುಪಡಿಸುತ್ತೆ. ಕಾಸ್ಟ್ಲೀ ಸೀರೆ, ಚಪ್ಪಲಿ, ವಾಚ್ ಕಲೆಕ್ಷನ್, ನೆಕ್ಲೇಸ್, ಉಂಗುರ, ವಾಚ್ಗಳನ್ನು ನೀತಾ ಅಂಬಾನಿ ಹೊಂದಿದ್ದಾರೆ.
ಅಂಬಾನಿ ಮನೆಯ ಕಾರ್ಯಕ್ರಮದಲ್ಲಿ ನೀತಾ ಅಂಬಾನಿ ತುಂಬಾ ಗ್ರ್ಯಾಂಡ್ ಆಗಿ ಡ್ರೆಸ್ ಮಾಡಿ ಕಾಣಿಸಿಕೊಳ್ಳುತ್ತಾರೆ. ಕಾಸ್ಟ್ಲೀ ಸೀರೆ, ಝಗಮಗಿಸುವ ನೆಕ್ಲೇಸ್, ಇಯರಿಂಗ್ಸ್, ರಿಂಗ್ ಹಾಕಿ ಎಲ್ಲರ ಗಮನ ಸೆಳೆಯುತ್ತಾರೆ. ಮಾತ್ರವಲ್ಲ ಸ್ಪೆಷಲ್ ಆಗಿ ಡಿಸೈನ್ ಮಾಡಿದ ಬ್ಯಾಗ್, ಗ್ರ್ಯಾಂಡ್ ಫೂಟ್ವೇರ್ ಸಖತ್ ಆಗಿರುತ್ತದೆ. ಇದೆಲ್ಲದರ ಜೊತೆಗೆ ನೀತಾ ಅಂಬಾನಿ ಮೇಕಪ್ ಲುಕ್ ಎಲ್ಲರನ್ನು ಸೆಳೆಯುತ್ತದೆ.
ಅಂಬಾನಿ ಕುಟುಂಬದ ಕಾರ್ಯಕ್ರಮವಾಗಿರಲಿ, ಬಿಟೌನ್ನ ಯಾವುದೇ ಕಾರ್ಯಕ್ರಮವಾಗಿರಲಿ ನೀತಾ ಅಂಬಾನಿ ಅಚ್ಚುಕಟ್ಟಾದ ಮೇಕಪ್ನಲ್ಲಿ ಕಾಣಿಸಿಕೊಳ್ಳುತ್ತಾರೆ. ದಿರಿಸಿಗೆ ತಕ್ಕಂತೆ ಮೇಕಪ್ ಮಾಡಿಕೊಳ್ಳುವ ಕಾರಣ ಅವರು ಇನ್ನಷ್ಟು ಸುಂದರವಾಗಿ ಕಾಣಿಸುತ್ತಾರೆ. ನೀತಾ ಅಂಬಾನಿಗೆ ಗ್ಲಾಮರಸ್ ಲುಕ್ ನೀಡುವ ಮೇಕಪ್ ಆರ್ಟಿಸ್ಟ್ ಹೆಸರು ಮಿಕ್ಕಿ ಕಂಟ್ರಾಕ್ಟರ್
ಮಿಕ್ಕಿ ಕಂಟ್ರಾಕ್ಟರ್, ಯಾವಾಗಲೂ ನೀತಾ ಅಂಬಾನಿಯವರಿಗೆ ಅಚ್ಚುಕಟ್ಟಾಗಿ ಮೇಕಪ್ ಮಾಡುತ್ತಾರೆ. ಎಲ್ಲಾ ರೀತಿಯ ಸಮಾರಂಭಕ್ಕೆ ಒಪ್ಪುವಂತಹಾ ಮೇಕಪ್ನಲ್ಲಿ ನೀತಾ ಅಂಬಾನಿ ಕಂಗೊಳಿಸುವುದರ ಹಿಂದಿರುವ ಜಾದೂ ಇವರದ್ದೇ. ಆಕಾಶ್ ಅಂಬಾನಿ-ಶ್ಲೋಕಾ ಮೆಹ್ತಾ ಅವರ ಮದುವೆ, ಮಗಳು ಇಶಾ ಅಂಬಾನಿ ಮದುವೆಯಲ್ಲೂ ನೀತಾ ಅಂಬಾನಿಗೆ ಮಿಕ್ಕಿ ಕಂಟ್ರಾಕ್ಟರ್ ಮೇಕಪ್ ಮಾಡಿದ್ದರು.
ಮಿಕ್ಕಿ ಕಂಟ್ರಾಕ್ಟರ್, ನೀತಾ ಅಂಬಾನಿಯವರ ವೈಯುಕ್ತಿಕ ಮೇಕಪ್ ಆರ್ಟಿಸ್ಟ್. ಆದರೆ ಇವರು ಇಶಾ ಅಂಬಾನಿ, ಶ್ಲೋಕಾ ಮೆಹ್ಲಾಗೂ ಮೇಕಪ್ ಮಾಡುತ್ತಾರೆ. ಎಲ್ಲಾ ರೀತಿಯ ಸೆಲೆಬ್ರಿಟಿ ಪ್ರೋಗ್ರಾಂಗಳಿಗೂ ಮಿಕ್ಕಿ, ಅಂಬಾನಿ ಕುಟುಂಬಕ್ಕೆ ಮೇಕಪ್ ಮಾಡಿಕೊಡುತ್ತಾರೆ. ಮಿಕ್ಕಿ ಬಾಲಿವುಡ್ ನಟಿಯರ ಅಚ್ಚುಮೆಚ್ಚಿನ ಆರ್ಟಿಸ್ಟ್ ಕೂಡಾ ಹೌದು. ಕಾಜೋಲ್ ನಿಂದ ಆಲಿಯಾ ವರೆಗೆ ಹಲವು ನಟಿಯರಿಗೆ ಮೇಕಪ್ ಮಾಡಿಸಿಕೊಳ್ಳುತ್ತಾರೆ.
ಒಬ್ಬ ವ್ಯಕ್ತಿಯ ಮೇಕಪ್ ಮಾಡಲು ಮಿಕ್ಕಿ ಎಷ್ಟು ಶುಲ್ಕ ವಿಧಿಸುತ್ತಾರೆ?
ಮಿಕ್ಕಿ ಇಂದು ಭಾರತದಲ್ಲಿ ಜನಪ್ರಿಯ ಮೇಕಪ್ ಕಲಾವಿದರಾಗಿದ್ದಾರೆ. ವರದಿಯ ಪ್ರಕಾರ, ಒಬ್ಬ ವ್ಯಕ್ತಿಯ ಮೇಕಪ್ ಮಾಡಲು ಮಿಕ್ಕಿ 75,000 ರಿಂದ 1 ಲಕ್ಷ ರೂ. ತೆಗೆದುಕೊಳ್ಳುತ್ತಾರೆ. ಮಿಕ್ಕಿ ಉದ್ಯಮದಲ್ಲಿ ಅತ್ಯಂತ ದುಬಾರಿ ಮೇಕಪ್ ಕಲಾವಿದ. ತಿಂಗಳಿಗೆ ಕೋಟ್ಯಂತರ ರೂ. ದುಡಿಯುತ್ತಾರೆ.
ಮಿಕ್ಕಿ ಅಂಬಾನಿ ಕುಟುಂಬದ ಜೊತೆಗೆ, ಅವರು ಐಶ್ವರ್ಯಾ ರೈ ಬಚ್ಚನ್, ಕರೀನಾ ಕಪೂರ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಅನುಷ್ಕಾ ಶರ್ಮಾ ಅವರಂತಹ ಸೆಲೆಬ್ರಿಟಿಗಳ ಮೇಕಪ್ನ್ನು ಸಹ ಮಾಡುತ್ತಾರೆ. ಸೆಲೆಬ್ರಿಟಿಗಳೊಂದಿಗೆ 'ಡಾನ್', 'ದಿಲ್ ತೋ ಪಾಗಲ್ ಹೈ', 'ಕಾರ್ತಿಕ್ ಕಾಲಿಂಗ್ ಕಾರ್ತಿಕ್' ಮತ್ತು 'ಮೈ ನೇಮ್ ಈಸ್ ಖಾನ್' ಸಿನಿಮಾಗಳಿಗೆ ಮೇಕಪ್ ಆರ್ಟಿಸ್ಟ್ ಆಗಿಯೂ ಕೆಲಸ ಮಾಡಿದ್ದಾರೆ.