ಪುರುಷರೇ, ಕೊರಿಯನ್‌ ಯುವಕರಂತೆ ಕಾಣಲು ಈ ಟಿಪ್ಸ್ ಫಾಲೋ ಮಾಡಿ

ಪುರುಷರೇ, ನಿಮ್ಮ ಮುಖವು ಕೊರಿಯನ್ನರಂತೆ ಮೃದು ಮತ್ತು ಕಾಂತಿಯುತವಾಗಿರಲು ಬಯಸಿದರೆ ನೀವು ಕೆಳಗೆ ನೀಡಲಾದ ಸೌಂದರ್ಯ ಸಲಹೆಗಳನ್ನು ಅನುಸರಿಸಬೇಕು. ಇದರಿಂದ ನಿಮ್ಮ ಮುಖದ ಚರ್ಮ ಫಳಫಳ ಅಂತ ಹೊಳೆಯುತ್ತದೆ.

ಬದಲಾಗುತ್ತಿರುವ ಋತುಮಾನಗಳಿಗೆ ಅನುಗುಣವಾಗಿ ಚರ್ಮದ ಆರೈಕೆಯನ್ನು ಮಾಡಿಕೊಳ್ಳಬೇಕಾಗುತ್ತದೆ. ಇದು ಮಹಿಳೆಯರಿಗೆ ಮಾತ್ರವಲ್ಲ, ಪುರುಷರಿಗೂ ಅನ್ವಯಿಸುತ್ತದೆ. ಇದು ಚರ್ಮದ ಮೇಲೆ ಧೂಳು ಮತ್ತು ಕೊಳಕು ಬೇಗನೆ ಸಂಗ್ರಹವಾಗಿ ರಂಧ್ರಗಳಲ್ಲಿ ಸಿಲುಕಿಕೊಳ್ಳಲು ಕಾರಣವಾಗುತ್ತದೆ. ನಿಮ್ಮ ಮುಖದ ಮೇಲಿನ ಕೊಳೆಯನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ, ನಿಮ್ಮ ಮುಖದ ಮೇಲೆ ಮೊಡವೆಗಳು ಕಾಣಿಸಿಕೊಳ್ಳುತ್ತವೆ. ಆದ್ದರಿಂದ, ಚರ್ಮದ ಬಗ್ಗೆ ಕಾಳಜಿ ವಹಿಸುವುದು ಬಹಳ ಮುಖ್ಯ.

ಮಹಿಳೆಯರಂತೆ ಪುರುಷರು ಸಹ ಈಗ ಸುಂದರವಾಗಿರಬೇಕೆಂದು ಬಯಸುತ್ತಾರೆ. ಸುಂದರವಾಗಿ ಕಾಣಿಸಲು ರಾಸಾಯನಿಕ ಉತ್ಪನ್ನಗಳನ್ನು ಅಧಿಕವಾಗಿ ಬಳಸಿದ್ರೆ ಮುಖದ ಕಾಂತಿ ಕಡಿಮೆ ಮಾಡುತ್ತದೆ. ನಿಮ್ಮ ಮುಖವನ್ನು ಸುಂದರವಾಗಿಡಲು ಮನೆಯಲ್ಲಿಯೇ ಕೆಲವು ವಸ್ತುಗಳನ್ನು ಬಳಸಬಹುದು. ಇಲ್ಲಿ ನೀಡಲಾದ ಸೌಂದರ್ಯ ಸಲಹೆಗಳನ್ನು ಅನುಸರಿಸಿ ಮತ್ತು ನೀವು ನಿಮ್ಮ ಗೆಳತಿಯನ್ನು ಸುಲಭವಾಗಿ ಮೆಚ್ಚಿಸಬಹುದು.

1. ಮುಖದ ಕಾಂತಿ
ಇದಕ್ಕಾಗಿ, ಟೊಮೆಟೊವನ್ನು ಚೆನ್ನಾಗಿ ತುರಿದು, ಬಸಿದು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ. ನಂತರ ಅದಕ್ಕೆ ಕುದಿಸಿ ತಣ್ಣಗಾದ ಗ್ರೀನ್ ಟೀ ನೀರು, ಒಂದು ಚಮಚ ಅಕ್ಕಿ ಹಿಟ್ಟು ಮತ್ತು ನಿಂಬೆ ರಸವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನೀವು ಸುಮಾರು ಐದು ನಿಮಿಷಗಳ ನಂತರ, ಈ ಪ್ಯಾಕ್ ಅನ್ನು ನಿಮ್ಮ ಮುಖಕ್ಕೆ ಹಚ್ಚಿ, ಚೆನ್ನಾಗಿ ಒಣಗಲು ಬಿಡಿ, ತದನಂತರ ನಿಮ್ಮ ಮುಖವನ್ನು ತೊಳೆಯಿರಿ, ಆಗ ನಿಮ್ಮ ಮುಖವು ಹೊಳೆಯುತ್ತದೆ.

2. ಮುಖದ ಮೇಲಿನ ಕಪ್ಪು ಕಲೆಗಳನ್ನು ತೆಗೆದುಹಾಕಿ..
ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ 2 ಚಮಚ ಟೊಮೆಟೊ ರಸ, ಓಟ್ಸ್ ಮತ್ತು ಒಂದು ಚಮಚ ನಿಂಬೆ ರಸವನ್ನು ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿ ಮಸಾಜ್ ಮಾಡಿ. ಹೀಗೆ ಮಾಡುವುದರಿಂದ ಮುಖದಲ್ಲಿರುವ ಸತ್ತ ಜೀವಕೋಶಗಳು ನಿವಾರಣೆಯಾಗುತ್ತವೆ. ವಾರಕ್ಕೆ ಎರಡು ಬಾರಿ ಹೀಗೆ ಮಾಡಿದರೆ ಮುಖದಲ್ಲಿರುವ ಕಪ್ಪು ಕಲೆಗಳು ಮಾಯವಾಗುತ್ತವೆ.

3. ಮೊಡವೆ ರಹಿತ ಮುಖ ಪಡೆಯಲು
ಇದಕ್ಕಾಗಿ ಎರಡು ಚಮಚ ಅಕ್ಕಿ ಹಿಟ್ಟು, ಮೊಸರು ಮತ್ತು ಸ್ವಲ್ಪ ಅಡುಗೆ ಸೋಡಾವನ್ನು ಚೆನ್ನಾಗಿ ಮಿಶ್ರಣ ಮಾಡಿ, ಮುಖಕ್ಕೆ ಹಚ್ಚಿ, ಐದು ನಿಮಿಷಗಳ ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ಹೀಗೆ ಮಾಡುವುದರಿಂದ ಮುಖದ ಮೇಲಿನ ಕೊಳೆ ನಿವಾರಣೆಯಾಗಿ, ಮೊಡವೆಗಳಿಲ್ಲದೆ ಮುಖವು ತುಂಬಾ ಸುಂದರವಾಗಿ ಕಾಣುತ್ತದೆ.

4. ಡ್ರೈ ಸ್ಕಿನ್ ನಿವಾರಣೆ
ಇದಕ್ಕಾಗಿ, ಒಂದು ಬಟ್ಟಲಿನಲ್ಲಿ 5 ಚಮಚ ಮೊಸರು, ಒಂದು ಚಮಚ ನಿಂಬೆ ರಸ, ಸ್ವಲ್ಪ ಆಲಿವ್ ಎಣ್ಣೆ ಮತ್ತು ಬಾದಾಮಿ ಪುಡಿಯನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ, ಮುಖಕ್ಕೆ ಹಚ್ಚಿ, 10 ನಿಮಿಷಗಳ ನಂತರ ಉಗುರು ಬೆಚ್ಚಗಿನ ನೀರಿನಿಂದ ಮುಖ ತೊಳೆಯಿರಿ. ನೀವು ವಾರಕ್ಕೆ ಎರಡು ಬಾರಿ ಹೀಗೆ ಮಾಡಿದರೆ, ನಿಮ್ಮ ಒಣ ಮುಖ ಮೃದುವಾಗುವುದನ್ನು ನೀವು ನೋಡುತ್ತೀರಿ.

5. ಮುಖದ ಸುಕ್ಕುಗಳನ್ನು ಹೋಗಲಾಡಿಸಲು
ಅನೇಕ ಪುರುಷರು ಎದುರಿಸುವ ಸಾಮಾನ್ಯ ಸಮಸ್ಯೆಯೆಂದರೆ ಮುಖದಲ್ಲಿನ ಸುಕ್ಕುಗಳು. ಮುಖದ ಸುಕ್ಕುಗಳು ಅವರ ಸೌಂದರ್ಯವನ್ನು ಹಾಳುಮಾಡಬಹುದು ಮತ್ತು ಅವರನ್ನು ವಯಸ್ಸಾದವರಂತೆ ಕಾಣುವಂತೆ ಮಾಡಬಹುದು. ಆದ್ದರಿಂದ ಇದನ್ನು ತೊಡೆದುಹಾಕಲು, ಪಪ್ಪಾಯಿ ಎಲೆಯನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ನಂತರ ನೀರಿನಲ್ಲಿ ಕುದಿಸಿ. ನೀರನ್ನು ಸೋಸಿ ಕುಡಿದರೆ, ನಿಮ್ಮ ಮುಖವು ಯೌವನಯುತವಾಗಿ ಮತ್ತು ಸುಕ್ಕುಗಳಿಲ್ಲದೆ ಕಾಣುತ್ತದೆ.