ಚರ್ಮದ ಕಾಂತಿ ಹೆಚ್ಚಾಗಲು ದಿನಕ್ಕೆ ಎಷ್ಟು ಬಾರಿ ಮುಖ ತೊಳೆಯಬೇಕು?

wash your face: ಮುಖದ ಸೌಂದರ್ಯವನ್ನು ಕಾಪಾಡಿಕೊಳ್ಳಲು ದಿನಕ್ಕೆ ಎಷ್ಟು ಬಾರಿ ಮುಖ ತೊಳೆಯಬೇಕು ಎಂಬುದರ ಕುರಿತು ಈ ಲೇಖನದಲ್ಲಿ ತಿಳಿದುಕೊಳ್ಳೋಣ. 

ನಿಮ್ಮ ಚರ್ಮವನ್ನು ಆರೈಕೆ ಮಾಡಲು ಅದನ್ನು ಸ್ವಚ್ಛವಾಗಿಡುವುದು ಅವಶ್ಯಕ. ಮುಖದ ಸೌಂದರ್ಯ ಆರೈಕೆಯ ಮೊದಲ ಹಂತವೆಂದರೆ ಅದನ್ನು ಸ್ವಚ್ಛವಾಗಿಡುವುದು. ಪ್ರತಿದಿನ ಸರಿಯಾದ ಸಮಯದಲ್ಲಿ ಮುಖ ತೊಳೆಯುವುದರಿಂದ ಮೊಡವೆಗಳಿಲ್ಲದ ಹೊಳೆಯುವ ಚರ್ಮವನ್ನು ಪಡೆಯಬಹುದು. ನಮ್ಮ ಮುಖದಲ್ಲಿ ಯಾವಾಗಲೂ ಕೊಳೆ, ಸತ್ತ ಜೀವಕೋಶಗಳು ಇರುತ್ತವೆ. ಇವುಗಳನ್ನು ತೆಗೆದುಹಾಕಲು ಸರಿಯಾದ ಸಮಯದಲ್ಲಿ ಮುಖ ತೊಳೆಯಬೇಕು.

ಮುಖವನ್ನು ಸುಂದರವಾಗಿಡಲು ಬಯಸುವ ಅನೇಕರಿಗೆ ಅದನ್ನು ಯಾವಾಗ ತೊಳೆಯಬೇಕು ಎಂದು ತಿಳಿದಿರುವುದಿಲ್ಲ. ಈ ಲೇಖನದಲ್ಲಿ ದಿನಕ್ಕೆ ಎಷ್ಟು ಬಾರಿ ಮುಖ ತೊಳೆಯಬೇಕು ಎಂದು ತಿಳಿಯೋಣ.

ಬೆಳಗ್ಗೆ ಎದ್ದ ತಕ್ಷಣ ಮುಖ ತೊಳೆಯಬೇಕು. ರಾತ್ರಿ ಮಲಗುವ ಮುನ್ನ ಮುಖ ತೊಳೆದುಕೊಂಡು ಮಲಗಬೇಕು. ಈ ರೀತಿ ದಿನಕ್ಕೆ ಕನಿಷ್ಠ ಎರಡು ಬಾರಿ ಮುಖ ತೊಳೆಯಬೇಕು. ದಿನವಿಡೀ ಮುಖದ ಮೇಲೆ ಸಂಗ್ರಹವಾದ ಕೊಳೆ, ಧೂಳನ್ನು ತೆಗೆದುಹಾಕಲು ರಾತ್ರಿ ಕಡ್ಡಾಯವಾಗಿ ಮುಖ ತೊಳೆಯಬೇಕು. ನೀವು ಸೌಂದರ್ಯವರ್ಧಕಗಳನ್ನು ಬಳಸುತ್ತಿದ್ದರೆ, ಅವುಗಳನ್ನು ತೊಳೆದುಕೊಂಡು ಮಲಗಬೇಕು.

ನೀವು ಹೊರಗೆ ಹೋಗಿ ಬಂದರೆ, ಮುಖದ ಮೇಲೆ ಧೂಳು, ಕಲ್ಮಶಗಳು ಸಂಗ್ರಹವಾಗುವ ಸಾಧ್ಯತೆಗಳಿರುತ್ತವೆ. ಅವುಗಳನ್ನು ತೆಗೆದುಹಾಕಲು ಮನೆಗೆ ಬಂದ ತಕ್ಷಣ ಮುಖ ತೊಳೆಯಬೇಕು. ನೀವು ಮನೆಯಲ್ಲೇ ಇದ್ದಾಗ ಹೆಚ್ಚಿನ ಎಣ್ಣೆಯಂಶ ಚರ್ಮದಲ್ಲಿ ಕಂಡುಬಂದರೆ, ಆಗಲೂ ಮುಖ ತೊಳೆಯಬಹುದು.

ಹೇಗೆ ಮುಖ ತೊಳೆಯಬೇಕು?

ಮುಖ ತೊಳೆಯುವಾಗ ಕೊಳೆ, ಎಣ್ಣೆಯಂಶ ಇತ್ಯಾದಿಗಳನ್ನು ತೆಗೆದುಹಾಕುವ ಕ್ಲೆನ್ಸರ್ ಬಳಸಬಹುದು. ನಿಮ್ಮ ಚರ್ಮದ ಪ್ರಕಾರಕ್ಕೆ ಸೂಕ್ತವಾದ ಕ್ಲೆನ್ಸರ್ ಖರೀದಿಸಿ ಬಳಸಿ. ಏಕೆಂದರೆ ಕೆಲವರಿಗೆ ಒಣ ಚರ್ಮ, ಕೆಲವರಿಗೆ ಎಣ್ಣೆಯುಕ್ತ ಚರ್ಮ ಇರುತ್ತದೆ. ಆದ್ದರಿಂದ ಅದಕ್ಕೆ ತಕ್ಕಂತೆ ಕ್ಲೆನ್ಸರ್ ಬಳಸಿ ಮುಖ ತೊಳೆಯಬಹುದು. ಮುಖ ತೊಳೆದ ನಂತರ ಟೋನರ್, ಮಾಯಿಶ್ಚರೈಸರ್ ಹಚ್ಚಬಹುದು. ಟೋನರ್ ಇಲ್ಲದಿದ್ದರೂ ಮಾಯಿಶ್ಚರೈಸರ್ ಬಳಸಿದರೆ ಚರ್ಮ ತೇವಾಂಶದಿಂದ ಕೂಡಿರುತ್ತದೆ.

ಫೇಸ್ ವಾಶ್ ಹೇಗೆ ಖರೀದಿಸಬೇಕು?

ನೀವು ಖರೀದಿಸುವ ಫೇಸ್ ವಾಶ್ ನಿಮ್ಮ ಚರ್ಮವನ್ನು ಒರಟಾಗಿಸಬಾರದು. ಮೃದುವಾದ ಫೇಸ್ ವಾಶ್‌ಗಳನ್ನು ಆರಿಸಿಕೊಂಡು ಮುಖ ತೊಳೆಯಬೇಕು. ಏಕೆಂದರೆ ಒರಟಾದ ಕಣಗಳನ್ನು ಹೊಂದಿರುವ ಫೇಸ್ ವಾಶ್‌ಗಳು ಮುಖದ ಮೇಲೆ ಉಜ್ಜುವಿಕೆಯನ್ನು ಉಂಟುಮಾಡಿ ಚರ್ಮಕ್ಕೆ ಹಾನಿ ಮಾಡಬಹುದು.

ಒಣ ಚರ್ಮದ ಮೇಲೆ ನೇರವಾಗಿ ಫೇಸ್ ವಾಶ್ ಬಳಸಬಾರದು. ಮೊದಲು ಮುಖವನ್ನು ನೀರಿನಿಂದ ತೊಳೆದುಕೊಂಡು ನಂತರ ಫೇಸ್ ವಾಶ್ ಅನ್ನು 20 ರಿಂದ 30 ಸೆಕೆಂಡುಗಳ ಕಾಲ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ ನಂತರ ಮುಖ ತೊಳೆಯಬೇಕು. ಮುಖ ತೊಳೆದ ನಂತರ ಬಟ್ಟೆಯಿಂದ ಒರೆಸುವ ಬದಲು ಮುಖದ ಮೇಲೆ ನಿಧಾನವಾಗಿ ಒತ್ತಿ ಒಣಗಲು ಬಿಡಬಹುದು.