ಮುಖ ಹೊಳೆಯಲು ಅರಿಶಿನ, ಕಡ್ಲೆಹಿಟ್ಟು ಬೇಡ, ಕಾಫಿ ಪ್ಯಾಕ್ ಟ್ರೈ ಮಾಡಿ!
ಅರಿಶಿನ, ಕಡ್ಲೆ ಹಿಟ್ಟು ಹೀಗೆ ಎಷ್ಟೆಲ್ಲಾ ಹಚ್ಚಿದ್ರೂ ಮುಖ ಹೊಳೆಯುತ್ತಿಲ್ಲ ಅಂದ್ರೆ ಈ ಕಾಫಿ ಪುಡಿ ಟ್ರೈ ಮಾಡಿ. ವಾವ್ ಅನ್ನೋ ರೀತಿ ರಿಸಲ್ಟ್ ಸಿಗುತ್ತೆ.
ಕಾಫಿ-ಮೊಸರು ಫೇಸ್ ಮಾಸ್ಕ್: ತ್ವಚೆಗೆ ತ್ವರಿತ ಹೊಳಪು ನೀಡಲು ಈ ಫೇಸ್ ಮಾಸ್ಕ್ ಒಳ್ಳೆಯದು. ಕಾಫಿಯಲ್ಲಿರುವ ಆಂಟಿಆಕ್ಸಿಡೆಂಟ್ ಚರ್ಮದ ಜೀವಕೋಶಗಳನ್ನು ಪುನಶ್ಚೇತನಗೊಳಿಸುತ್ತದೆ. ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲ ಚರ್ಮ ಮೃದುಗೊಳಿಸುತ್ತದೆ. ಒಂದು ಚಮಚ ಕಾಫಿ ಪುಡಿಗೆ ಎರಡು ಚಮಚ ಮೊಸರು ಹಾಕಿ ಮಿಕ್ಸ್ ಮಾಡಿ. ಮುಖ-ಕುತ್ತಿಗೆಗೆ ಹಚ್ಚಿ 15-20 ನಿಮಿಷ ಬಿಟ್ಟು ತೊಳೆಯಿರಿ. ವಾರಕ್ಕೊಮ್ಮೆ ಹಚ್ಚಿದ್ರೆ ಮುಖ ಹೊಳೆಯುತ್ತದೆ. ಎಣ್ಣೆಯಂಶದ ಚರ್ಮ ಇದ್ದವರು ಹಾಲು ಬಳಸಬಹುದು. ಒಣ ಚರ್ಮ ಇದ್ದವರು ಮೊಸರಿಗೆ ಬಾದಾಮಿ ಎಣ್ಣೆ ಹಾಕಬಹುದು.
ಕಾಫಿ-ತೆಂಗಿನ ಎಣ್ಣೆ ಸ್ಕ್ರಬ್: ಮೃತ ಚರ್ಮ ತೆಗೆದು ತ್ವಚೆ ಮೃದುಗೊಳಿಸಲು ಈ ಸ್ಕ್ರಬ್ ಚೆನ್ನಾಗಿ ಕೆಲಸ ಮಾಡುತ್ತದೆ. ರಕ್ತ ಸಂಚಾರ ಹೆಚ್ಚಿಸಿ ಚರ್ಮಕ್ಕೆ ಹೊಳಪು ನೀಡುತ್ತದೆ. ಅರ್ಧ ಕಪ್ ಕಾಫಿ ಪುಡಿಗೆ ಕಾಲು ಕಪ್ ತೆಂಗಿನ ಎಣ್ಣೆ ಮಿಕ್ಸ್ ಮಾಡಿ. ಸ್ನಾನಕ್ಕೆ ಮುಂಚೆ ಮೈಗೆಲ್ಲಾ ಹಚ್ಚಿ ಮಸಾಜ್ ಮಾಡಿ. ಮೊಣಕೈ, ಮೊಣಕಾಲುಗಳಿಗೆ ಹೆಚ್ಚು ಹಚ್ಚಿ. 5-10 ನಿಮಿಷ ಬಿಟ್ಟು ತೊಳೆಯಿರಿ. ಚರ್ಮಕ್ಕೆ ತೇವಾಂಶ ನೀಡಿ ಒಣಗದಂತೆ ನೋಡಿಕೊಳ್ಳುತ್ತದೆ. ತೆಂಗಿನ ಎಣ್ಣೆ ಬದಲು ಆಲಿವ್/ಜೊಜೊಬ ಎಣ್ಣೆ ಬಳಸಬಹುದು.
ಕಾಫಿ-ಜೇನು ಸ್ಕ್ರಬ್: ಒಡೆದ, ಒಣ ತುಟಿಗಳಿಗೆ ಈ ಸ್ಕ್ರಬ್ ಸಹಾಯ ಮಾಡುತ್ತದೆ. ಕಾಫಿ ಮೃತ ಚರ್ಮ ತೆಗೆಯುತ್ತದೆ. ಜೇನು ತೇವಾಂಶ ನೀಡಿ ಮೃದುಗೊಳಿಸುತ್ತದೆ. ಒಂದು ಚಮಚ ಕಾಫಿ ಪುಡಿ, ಒಂದು ಚಮಚ ಜೇನು ಮಿಕ್ಸ್ ಮಾಡಿ. ತುಟಿಗೆ ಹಚ್ಚಿ 1-2 ನಿಮಿಷ ಉಜ್ಜಿ. ಒದ್ದೆ ಬಟ್ಟೆಯಿಂದ ಒರೆಸಿ. ಹೀಗೆ ಮಾಡಿದ್ರೆ ತುಟಿ ಮೃದುವಾಗಿ ಗುಲಾಬಿ ಬಣ್ಣ ಬರುತ್ತದೆ. ಜೇನು ಬದಲು ಸಕ್ಕರೆ/ಗ್ಲಿಸರಿನ್ ಬಳಸಬಹುದು.
ಕಾಫಿ-ಕಲಬಂದ ಜೆಲ್: ಕಣ್ಣಿನ ಕೆಳಗಿನ ಕಪ್ಪು ವರ್ತುಲ, ಊತ ಕಡಿಮೆ ಮಾಡಲು ಈ ಚಿಕಿತ್ಸೆ ಒಳ್ಳೆಯದು. ಕಾಫಿಯಲ್ಲಿರುವ ಕೆಫೀನ್ ರಕ್ತನಾಳಗಳನ್ನು ಸಂಕುಚಿತಗೊಳಿಸಿ ಊತ ಕಡಿಮೆ ಮಾಡುತ್ತದೆ. ಒಂದು ಚಮಚ ಕಾಫಿ ಪುಡಿಗೆ ಎರಡು ಚಮಚ ಕಲಬಂದ ಜೆಲ್ ಮಿಕ್ಸ್ ಮಾಡಿ. ಕಣ್ಣಿನ ಕೆಳಗೆ ಹಚ್ಚಿ 10 ನಿಮಿಷ ಬಿಟ್ಟು ತಣ್ಣೀರಿನಿಂದ ತೊಳೆಯಿರಿ. ಕಣ್ಣಿಗೆ ರಿಫ್ರೆಶ್ ಸಿಕ್ಕಿ ಕಪ್ಪು ವರ್ತುಲ ಕಡಿಮೆಯಾಗುತ್ತದೆ. ಪ್ರತಿದಿನ ರಾತ್ರಿ ಮಲಗುವ ಮುನ್ನ ಹಚ್ಚಬಹುದು. ಕಲಬಂದ ಜೆಲ್ ಬದಲು ಸೌತೆಕಾಯಿ/ಆಲೂಗಡ್ಡೆ ರಸ ಹಚ್ಚಬಹುದು.