Summer Tips: ಬೇಸಿಗೆಯಲ್ಲಿ ಮನೆ ಕೂಲ್ ಆಗಿಡಲು ಈ ಸಿಂಪಲ್ ಟ್ರಿಕ್ಸ್ ಫಾಲೋ ಮಾಡಿದ್ರೆ ಸಾಕು

Keep home cool in summer: ಬೇಸಿಗೆ ಶುರುವಾಯಿತೆಂದರೆ ಹೊರಗಿನ ಬಿಸಿಲನ್ನು ಸಹಿಸಿಕೊಳ್ಳುವುದೇ ಕಷ್ಟ, ಅದರಲ್ಲೂ ಕೆಲವು ಮನೆಗಳ ಒಳಗೆ ಇನ್ನೂ ಹೆಚ್ಚು ಬಿಸಿ ಇರುತ್ತದೆ. ಮನೆಯೊಳಗೆ ಇರುವುದು ಕೂಡ ಕಷ್ಟ ಎನಿಸುತ್ತದೆ. ಆದರೆ ಕೆಲವು ಸರಳ ಟಿಪ್ಸ್ ಮೂಲಕ ಈ ಸಮಸ್ಯೆ ಬಗೆಹರಿಸಿಕೊಳ್ಳಬಹುದು.    

Image Credit : Getty

ನೈಸರ್ಗಿಕ ವಿಧಾನಗಳಲ್ಲಿ ಮನೆಯನ್ನು ತಂಪಾಗಿಡುವ ಕೆಲವು ಟಿಪ್ಸ್

ಬೇಸಿಗೆ ಕಾಲದಲ್ಲಿ ಹೊರಗೆ ಇರುವುದು ಮಾತ್ರವಲ್ಲ, ಮನೆಯೊಳಗೆ ಇರುವುದೂ ಕಷ್ಟವೇ. ಯಾಕೆಂದರೆ ಕೆಲವು ಮನೆಗಳಲ್ಲಿ ಮಧ್ಯಾಹ್ನದ ಹೊತ್ತಿಗೆ ಅಷ್ಟೊಂದು ಬಿಸಿ ಇರುತ್ತದೆ. ಎಸಿ ಅಥವಾ ಕೂಲರ್ ಇದ್ದವರಿಗೆ ಸ್ವಲ್ಪ ಆರಾಮ ಸಿಗುತ್ತದೆ, ಆದರೆ ಅವು ಇಲ್ಲದವರಿಗೆ ಕಷ್ಟ ತಪ್ಪಿದ್ದಲ್ಲ. ಆದರೆ, ಒಂದು ಪೈಸೆಯೂ ಖರ್ಚಿಲ್ಲದೆ ನೈಸರ್ಗಿಕ ವಿಧಾನಗಳಲ್ಲಿ ಮನೆಯನ್ನು ತಂಪಾಗಿಡುವ ಕೆಲವು ಟಿಪ್ಸ್ ಇವೆ. ಅವು ಯಾವುವು ನೋಡೋಣ.

Image Credit : chat gpt

ಈ ಸಮಯದಲ್ಲಿ ಕಿಟಕಿಗಳನ್ನು ಮುಚ್ಚಿಡುವುದು ಉತ್ತಮ

ಬೇಸಿಗೆಯಲ್ಲಿ ಬೆಳಗ್ಗೆ ಮತ್ತು ಸಂಜೆ ಹೊತ್ತು ಮನೆಯ ಕಿಟಕಿ, ಬಾಗಿಲುಗಳನ್ನು ಸ್ವಲ್ಪ ಹೊತ್ತು ತೆರೆದಿಡುವುದು ಒಳ್ಳೆಯದು. ಬೆಳಗಿನ ಹೊತ್ತು ಗಾಳಿ ತಂಪಾಗಿರುತ್ತದೆ. ಆ ಸಮಯದಲ್ಲಿ ಗಾಳಿ ಮನೆಯೊಳಗೆ ಬರುವಂತೆ ಕಿಟಕಿ ತೆರೆದರೆ, ಮನೆಯೊಳಗಿನ ಬಿಸಿ ಸ್ವಲ್ಪ ಹೊರಗೆ ಹೋಗುತ್ತದೆ. ಹಾಗೆಯೇ, ಸಂಜೆ ಸೂರ್ಯಾಸ್ತದ ನಂತರವೂ ಸ್ವಲ್ಪ ಹೊತ್ತು ಗಾಳಿ ಬರುವಂತೆ ಬಾಗಿಲು ತೆರೆದಿಟ್ಟರೆ ಮನೆಯ ವಾತಾವರಣ ತಂಪಾಗುತ್ತದೆ. ಆದರೆ ಮಧ್ಯಾಹ್ನದ ಸಮಯದಲ್ಲಿ ಹೊರಗಿನ ಬಿಸಿಗಾಳಿ ಒಳಗೆ ಬರದಂತೆ ಕಿಟಕಿಗಳನ್ನು ಮುಚ್ಚಿಡುವುದು ಉತ್ತಮ.

Image Credit : meta ai

ಮನೆಯ ಮುಂಭಾಗದಲ್ಲಿ ಸಣ್ಣ ಗಿಡಗಳಿದ್ದರೆ ಒಳಿತು

ಗಿಡಗಳು ನೈಸರ್ಗಿಕವಾಗಿ ವಾತಾವರಣವನ್ನು ತಂಪಾಗಿಡಲು ಸಹಾಯ ಮಾಡುತ್ತವೆ. ಬಾಲ್ಕನಿ, ಕಿಟಕಿ ಪಕ್ಕ ಅಥವಾ ಮನೆಯ ಮುಂಭಾಗದಲ್ಲಿ ಸಣ್ಣ ಗಿಡಗಳನ್ನು ಬೆಳೆಸಿದರೆ, ಸುತ್ತಲಿನ ಗಾಳಿ ತೇವಾಂಶದಿಂದ ಕೂಡಿ ತಂಪಾಗಿರುತ್ತದೆ. ತುಳಸಿ, ಮನಿ ಪ್ಲಾಂಟ್, ಅಲೋವೆರಾದಂತಹ ಗಿಡಗಳು ಮನೆಯ ವಾತಾವರಣವನ್ನು ಸುಧಾರಿಸಲು ಸಹಾಯ ಮಾಡುತ್ತವೆ. ಗಿಡಗಳು ಕಾರ್ಬನ್ ಡೈ ಆಕ್ಸೈಡ್ ತೆಗೆದುಕೊಂಡು ಆಮ್ಲಜನಕವನ್ನು ಬಿಡುಗಡೆ ಮಾಡುವುದರಿಂದ ಮನೆಯಲ್ಲಿ ಗಾಳಿಯ ಗುಣಮಟ್ಟವೂ ಸುಧಾರಿಸುತ್ತದೆ.

Image Credit : our own

ಹುಲ್ಲು, ತಾಳೆ ಚಾಪೆ ಅಥವಾ ಬಿದಿರಿನ ಕರ್ಟನ್‌

ಮನೆಯೊಳಗೆ ನೇರವಾಗಿ ಸೂರ್ಯನ ಬಿಸಿಲು ಬರದಂತೆ ನೋಡಿಕೊಳ್ಳಿ. ಕಿಟಕಿಗಳಿಗೆ ದಪ್ಪ ಅಥವಾ ತಿಳಿ ಬಣ್ಣದ ಕರ್ಟನ್‌ಗಳನ್ನು ಬಳಸುವುದರಿಂದ ಮನೆಯೊಳಗೆ ಬರುವ ಬಿಸಿ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುತ್ತದೆ. ಕೆಲವರು ಕಿಟಕಿಗಳ ಹೊರಭಾಗದಲ್ಲಿ ಹುಲ್ಲು, ತಾಳೆ ಚಾಪೆ ಅಥವಾ ಬಿದಿರಿನ ಕರ್ಟನ್‌ಗಳನ್ನು ಬಳಸುತ್ತಾರೆ. ಇವು ಕೂಡ ಹೊರಗಿನಿಂದ ಬರುವ ಬಿಸಿಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತವೆ. ಹಾಗೆಯೇ, ಮನೆಯ ಮೇಲ್ಛಾವಣಿಯ ಮೇಲೆ ಸೂರ್ಯನ ಬಿಸಿಲು ಹೆಚ್ಚು ಬೀಳುವ ಜಾಗದಲ್ಲಿ ಬಿಳಿ ಬಣ್ಣದ ಪೇಂಟ್ ಮಾಡಿದರೂ ಮನೆಯೊಳಗಿನ ಬಿಸಿ ಕಡಿಮೆಯಾಗುತ್ತದೆ.

Image Credit : Getty

ಕಿಟಕಿಗಳಿಗೆ ಒದ್ದೆ ಬಟ್ಟೆ ಅಥವಾ ಒದ್ದೆ ಚಾಪೆಗಳನ್ನು ನೇತುಹಾಕುವುದು

ಹಿಂದಿನ ಕಾಲದಲ್ಲಿ, ಮನೆಯ ಮುಂದೆ ಅಥವಾ ಅಂಗಳದಲ್ಲಿ ನೀರು ಚೆಲ್ಲಿ ತಂಪು ಮಾಡಿಕೊಳ್ಳುತ್ತಿದ್ದರು. ಈ ವಿಧಾನ ಈಗಲೂ ತುಂಬಾ ಉಪಯುಕ್ತ. ಮನೆಯ ಮುಂಭಾಗದಲ್ಲಿ ಅಥವಾ ಟೆರೇಸ್ ಮೇಲೆ ನೀರು ಸಿಂಪಡಿಸುವುದರಿಂದ ಸುತ್ತಮುತ್ತಲಿನ ವಾತಾವರಣ ಸ್ವಲ್ಪ ತಂಪಾಗುತ್ತದೆ. ಹಾಗೆಯೇ, ಕೆಲವು ಮನೆಗಳಲ್ಲಿ ಕಿಟಕಿಗಳಿಗೆ ಒದ್ದೆ ಬಟ್ಟೆ ಅಥವಾ ಒದ್ದೆ ಚಾಪೆಗಳನ್ನು ನೇತುಹಾಕುವುದರಿಂದಲೂ ಗಾಳಿ ತಂಪಾಗುತ್ತದೆ.

Image Credit : our own

ಗಾಳಿ ಸರಿಯಾಗಿ ಆಡುವಂತೆ ನೋಡಿಕೊಳ್ಳಿ

ಟೆಲಿವಿಷನ್, ಕಂಪ್ಯೂಟರ್, ಲೈಟ್‌ಗಳು ಮತ್ತು ಅಡುಗೆಮನೆಯ ಕೆಲವು ಉಪಕರಣಗಳು ಕೂಡ ಶಾಖವನ್ನು ಉತ್ಪತ್ತಿ ಮಾಡುತ್ತವೆ. ಇವುಗಳನ್ನು ಹೆಚ್ಚು ಹೊತ್ತು ಬಳಸಿದರೆ ಮನೆಯೊಳಗಿನ ತಾಪಮಾನ ಸ್ವಲ್ಪ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಹಾಗಾಗಿ, ಅಗತ್ಯವಿಲ್ಲದ ಸಮಯದಲ್ಲಿ ಲೈಟ್‌ಗಳು ಅಥವಾ ಇತರ ಉಪಕರಣಗಳನ್ನು ಆಫ್ ಮಾಡುವುದು ಒಳ್ಳೆಯದು. ಮಧ್ಯಾಹ್ನದ ಸಮಯದಲ್ಲಿ ಅಡುಗೆ ಮಾಡಬೇಕಾದರೆ, ಅಡುಗೆಮನೆಯ ಕಿಟಕಿಗಳನ್ನು ತೆರೆದು ಗಾಳಿ ಸರಿಯಾಗಿ ಆಡುವಂತೆ ನೋಡಿಕೊಳ್ಳಿ.