ಸೋಂಕು ನಿವಾರಿಸಲು ಆಂಟಿಬಯೋಟಿಕ್ಸ್ ಸೇವಿಸ್ತೀರಾ? ಹಾಗಿದ್ರೆ ಆಹಾರ ಕ್ರಮ ಹೀಗಿರಲಿ

ಬ್ಯಾಕ್ಟೀರಿಯಾದ ಸೋಂಕುಗಳಿಗೆ ಚಿಕಿತ್ಸೆ ನೀಡಲು ಆಂಟಿಬಯೋಟಿಕ್ಸ್ (antibiotics) ಬಳಸಲಾಗುತ್ತದೆ. ಇದು ಬ್ಯಾಕ್ಟೀರಿಯಾವನ್ನು ಕೊಲ್ಲಲು ಅಥವಾ ಅವುಗಳ ಬೆಳವಣಿಗೆಯನ್ನು ನಿಲ್ಲಿಸಲು ಸಹಾಯ ಮಾಡುತ್ತದೆ. ಇದು ನಾಯಿಕೆಮ್ಮು, ಗಂಟಲು ನೋವು ಮತ್ತು ಯುಟಿಐ ಸೇರಿದಂತೆ ಕೆಲವು ಮಾರಣಾಂತಿಕ ಸೋಂಕುಗಳಿಂದ ರಕ್ಷಿಸುತ್ತದೆ. ಆದರೆ ಈ ಔಷಧಿಗಳನ್ನು ತೆಗೆದುಕೊಳ್ಳುವ ಮೊದಲು, ನೀವು ಒಂದು ವಿಷಯವನ್ನು ನೆನಪಿಟ್ಟೂಕೊಳ್ಳೋದು ಮುಖ್ಯ. .

ಆಯುರ್ವೇದ ವೈದ್ಯರು (Ayurveda doctor) ತಿಳಿಸುವಂತೆ, ದೇಹದಲ್ಲಿ ಸೋಂಕುಗಳನ್ನು ನಿವಾರಿಸಲು ಆಂಟಿಬಯೋಟಿಕ್ಸ್ ಬೇಕೇ ಬೇಕು, ಆದರೆ ಇದು ನಿಮ್ಮ ಕರುಳಿನ ಆರೋಗ್ಯವನ್ನು ದುರ್ಬಲಗೊಳಿಸುತ್ತದೆ. ಆದ್ದರಿಂದ, ಈ ಔಷಧಿಗಳೊಂದಿಗೆ ಕೆಲವೊಂದು ಆಹಾರವನ್ನು ತೆಗೆದುಕೊಳ್ಳುವುದು ಮುಖ್ಯ, ಇದು ನಿಮ್ಮ ಜೀರ್ಣಕಾರಿ ಮತ್ತು ಕರುಳಿನ ಆರೋಗ್ಯವನ್ನು ಬೆಂಬಲಿಸುತ್ತದೆ.

ಆಂಟಿಬಯೋಟಿಕ್ಸ್ ತೆಗೆದುಕೊಳ್ಳುವಾಗ ಏನು ತಿನ್ನಬೇಕು ಮತ್ತು ಏನು ತಿನ್ನಬಾರದು?

ಬೆಚ್ಚಗಿನ ಮತ್ತು ಹಗುರ ಆಹಾರ ಸೇವಿಸಿ (hot and light food)
ಯಾವುದೇ ಆರೋಗ್ಯ ಸಮಸ್ಯೆ ಬಂದಾಗ, ನಮ್ಮ ದೇಹದಲ್ಲಿರುವ ಜೀರ್ಣಶಕ್ತಿ ಕಡಿಮೆಯಾಗುತ್ತೆ, ಹಾಗಾಗಿ ಈ ಸಂದರ್ಭದಲ್ಲಿ ಚೆನ್ನಾಗಿ ಬೇಯಿಸಿದ ಆಹಾರವನ್ನು ಜೀರ್ಣಿಸಿಕೊಳ್ಳಲು ಸುಲಭವಾಗುತ್ತೆ. ಆಂಟಿಬಯೋಟಿಕ್ಸ್ ತೆಗೆದುಕೊಳ್ಳುವಾಗ ನೀವು ಕಿಚಡಿ ಅಥವಾ ಗಂಜಿಯಂತಹ ಲೈಟ್ ವೈಟ್ ಆಹಾರ ಸೇವಿಸಬೇಕು.

ಹಸಿವಾದಾಗ ಮಾತ್ರ ತಿನ್ನಿ (eat when you are hungry)
ಆಂಟಿಬಯೋಟಿಕ್ಸ್ ಹಸಿವನ್ನು ಕಡಿಮೆ ಮಾಡಬಹುದು. ಆದ್ದರಿಂದ ನಿಮಗೆ ಹಸಿವಾಗುವವರೆಗೆ ತಿನ್ನಬೇಡಿ. ಹಸಿವನ್ನು ಹೆಚ್ಚಿಸಲು ಉಗುರುಬೆಚ್ಚಗಿನ ನೀರನ್ನು ಕುಡಿಯಿರಿ ಮತ್ತು ನಿಧಾನವಾಗಿ ನಡೆಯಿರಿ. ಇದು ನಿಮಗೆ ಹಸಿವನ್ನುಂಟು ಮಾಡುತ್ತದೆ.

ಸೂಪ್ ಕುಡಿಯಿರಿ (have soup)
ದ್ರವ ವಸ್ತುಗಳು ಬೇಗನೆ ಜೀರ್ಣವಾಗುತ್ತವೆ ಮತ್ತು ಮೃದುವಾಗುತ್ತವೆ. ದೇಹವು ಅವುಗಳನ್ನು ಸುಲಭವಾಗಿ ಹೀರಿಕೊಳ್ಳುತ್ತದೆ. ಹಾಗಾಗಿ ಆಂಟಿಬಯೋಟಿಕ್ಸ್  ಸೇವಿಸುವ ಸಂದರ್ಭದಲ್ಲಿ ತರಕಾರಿ ಸೂಪ್, ಅಕ್ಕಿ ಗಂಜಿ, ಹೆಸರುಬೇಳೆ ದಾಲ್ ಸೇವಿಸಬಹುದು.

ನಟ್ಸ್, ಹಣ್ಣು ಮತ್ತು ಬೇರಿನ ತರಕಾರಿಗಳನ್ನು ತಿನ್ನಬೇಡಿ ( do not eat nuts, root vegetable)
ಭೂಮಿಯ ಅಡಿಯಲ್ಲಿ ಬೆಳೆದ ತರಕಾರಿಗಳು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತೆ ಮತ್ತು ತಾಮಸಿಕ್ ಆಗಿರುತ್ತವೆ.  ಹಣ್ಣುಗಳು ತಂಪಾಗಿರುತ್ತವೆ ಮತ್ತು ಜೀರ್ಣಕ್ರಿಯೆಯ ನಂತರ ಆಮ್ಲವನ್ನು ರೂಪಿಸಬಹುದು. ಅದೇ ಸಮಯದಲ್ಲಿ, ಬೀಜಗಳು ಸಹ ಸರಿಯಾಗಿ ಜೀರ್ಣವಾಗದೇ ಗ್ಯಾಸ್ ಸೃಷ್ಟಿಸುತ್ತವೆ, ಹಾಗಾಗಿ ಅವುಗಳನ್ನು ಸೇವಿಸದೇ ಇರೋದು ಉತ್ತಮ. 

ಮಜ್ಜಿಗೆ ಸೇವಿಸಿ (Drink Buttermilk)
ತಿಂದ ನಂತರ ಮಜ್ಜಿಗೆ ಕುಡಿಯುವುದರಿಂದ ಜೀರ್ಣಕ್ರಿಯೆ ವೇಗಗೊಳ್ಳುತ್ತದೆ. ಇದು ನಿಮ್ಮ ಕರುಳಿನ ಆರೋಗ್ಯಕ್ಕೆ ಅಗತ್ಯವಾದ ಗುಣಗಳನ್ನು ಹೊಂದಿದೆ. ಮಜ್ಜಿಗೆಗೆ 1 ಚಿಟಿಕೆ ಉಪ್ಪು, ಅರ್ಧ ಟೀಸ್ಪೂನ್ ಜೀರಿಗೆ ಪುಡಿ ಮತ್ತು ಸ್ವಲ್ಪ ಸೆಲರಿ ಸೇರಿಸಿ ಸೇವಿಸಿ. ಇದು ಹೊಟ್ಟೆಯ ಮೇಲೆ ಆಂಟಿಬಯೋಟಿಕ್ಸ್ ಕೆಟ್ಟ ಪರಿಣಾಮವನ್ನು ಬೀರದಂತೆ ತಡೆಯುತ್ತೆ. .