ಏನಿದು 'emotional-rest'? ಮನುಷ್ಯನಿಗೆ ಇದರ ಅಗತ್ಯ ಏನಿದೆ? ತಿಳ್ಕೊಳಿ...

ದೈಹಿಕ ವಿಶ್ರಾಂತಿಯು ಆಲೋಚನೆಗಳು ಮತ್ತು ಭಾವನೆಗಳನ್ನು ಕೇಂದ್ರೀಕರಿಸಲು ನಮಗೆ ಸಹಾಯ ಮಾಡುವ ನರಗಳನ್ನು ವಿಶ್ರಾಂತಿ ಗೊಳಿಸುತ್ತದೆ. ಅದೇ ಸಮಯದಲ್ಲಿ, ದೇಹಕ್ಕೆ ಭಾವನಾತ್ಮಕ ವಿಶ್ರಾಂತಿಯ ಅಗತ್ಯವಿದೆ. ಏನಿದು ಭಾವನಾತ್ಮಕ ವಿಶ್ರಾಂತಿ, ಇದರಿಂದ ಏನಾಗುತ್ತೆ? ತಿಳಿಯಲು ಸಂಪೂರ್ಣ ಮಾಹಿತಿಯನ್ನು ಓದಿ... 

ಕೆಲವೊಮ್ಮೆ ಗಡಿಬಿಡಿಯ ಜೀವನದಲ್ಲಿ, ನಮಗೆ ವಿಶ್ರಾಂತಿ(Rest) ಪಡೆಯಲು ಸಮಯವಿಲ್ಲದಿದ್ದಾಗ, ಅದರ ಪರಿಣಾಮವು ನಮ್ಮ ಮನಸ್ಥಿತಿ (mental Status), ಶಕ್ತಿಯ ಮಟ್ಟ ಮತ್ತು ಆರೋಗ್ಯದ ಮೇಲೆ ಬೀರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಅಗತ್ಯ ಕಾರ್ಯಗಳ ಮೇಲೆ ಗಮನ ಹರಿಸುವ ಸಾಮರ್ಥ್ಯವನ್ನೂ ಕಳೆದುಕೊಳ್ಳುತ್ತೇವೆ. 

ಸಂಶೋಧನೆಯೊಂದರಲ್ಲಿ ಒಪೊನೊಪೊನೊ (ಕ್ಷಮೆಯ ಆಧಾರದ ಮೇಲೆ ಜೀವನದ ಪ್ರಾಚೀನ ತತ್ವಶಾಸ್ತ್ರ) ಬಗ್ಗೆ ತಜ್ಞರಾದ ಡಾ. ಕರಿಷ್ಮಾ ಅಹುಜಾ ಅವರು ಮಾನಸಿಕ(Mental rest) ಮತ್ತು ದೈಹಿಕ ವಿಶ್ರಾಂತಿ ಏಕೆ ಅತ್ಯಗತ್ಯ ಎಂಬುದನ್ನು ವಿವರಿಸಿದ್ದಾರೆ. ಅದರ ಬಗ್ಗೆ ನೀವು ತಿಳಿದುಕೊಳ್ಳಲೇಬೇಕು. 

ಡಾ. ಕರಿಷ್ಮಾ ಅಹುಜಾ ಪ್ರಕಾರ, ದೈಹಿಕ ವಿಶ್ರಾಂತಿಯು ಆಲೋಚನೆಗಳು ಮತ್ತು ಭಾವನೆಗಳನ್ನು ಕೇಂದ್ರೀಕರಿಸಲು ನಮಗೆ ಸಹಾಯ ಮಾಡುವ ನರಗಳನ್ನು ವಿಶ್ರಾಂತಿ ಗೊಳಿಸುತ್ತದೆ. ಯಾವಾಗ ಎಚ್ಚರಗೊಳ್ಳುವುದು ಮತ್ತು ಯಾವಾಗ ಮಲಗಬೇಕು ಎಂಬುದು ದೇಹದ ಆಂತರಿಕ ಗಡಿಯಾರಕ್ಕೆ ಸ್ವಾಭಾವಿಕವಾಗಿ ತಿಳಿದಿದೆ. ಆದರೆ ಇಂದಿನ ಬಿಡುವಿಲ್ಲದ ಜೀವನಶೈಲಿ ದೇಹದ ನೈಸರ್ಗಿಕ ಲಯ (natural rhythm) ಹದಗೆಡಲು ಪ್ರಾರಂಭಿಸಿದೆ. ಇದು  ನಿದ್ರೆಯ ಮೇಲೆ ನೇರ ಪರಿಣಾಮ ಬೀರಿದೆ.

ನಿದ್ರೆ ಏಕೆ ಅಗತ್ಯ?
ದೇಹದ ಚಯಾಪಚಯ ಕ್ರಿಯೆ ನಿರ್ವಹಿಸಲು, ರೋಗನಿರೋಧಕ ವ್ಯವಸ್ಥೆಯನ್ನು ನಿರ್ಮಿಸಲು, ಅಂಗಗಳನ್ನು ನಿರ್ವಿಷಗೊಳಿಸಲು, ಅಂಗಾಂಶಗಳನ್ನು (Tissues) ಪುನರುತ್ಪಾದಿಸಲು ನಿದ್ರೆ ಅತ್ಯಗತ್ಯ. ಇದು ಸಾಮಾನ್ಯವಾಗಿ ಮರುದಿನ ತಾಜಾವಾಗಿರಲು ಅಥವಾ ಮೂಡ್ fresh ಆಗಿರಲು ಸಹಾಯ ಮಾಡುತ್ತದೆ.

ಇಲ್ಲಿ ಪ್ರಶ್ನೆ ಯೆಂದರೆ ಎಷ್ಟು ಗಂಟೆಗಳು ಮಾತ್ರವಲ್ಲ, ನೀವು ಯಾವಾಗ ಮಲಗುತ್ತೀರಿ ಮತ್ತು ನಿಮ್ಮ ನಿದ್ರೆಯ ಅಭ್ಯಾಸಗಳೊಂದಿಗೆ ನೀವು ಎಷ್ಟು ಶಿಸ್ತುಬದ್ಧವಾಗಿದ್ದೀರಿ ಎಂಬುದರ ಬಗ್ಗೆಯೂ ಸಹ ಪ್ರತಿಯೊಬ್ಬರು ತಿಳಿದುಕೊಳ್ಳಬೇಕಾದುದು ಮುಖ್ಯ.  ಇದರಿಂದ ಮಾನಸಿಕ ಆರೋಗ್ಯ(Health) ಸುಧಾರಣೆಯಾಗಲು ಸಹಾಯ ಮಾಡುತ್ತೆ. 

ಯಾವಾಗ ನಿದ್ರೆ ಮಾಡಬೇಕು?
ತಜ್ಞರ ಪ್ರಕಾರ ನೀವು ಉತ್ತಮ ನಿದ್ರೆ ಪಡೆಯಲು ಬಯಸಿದರೆ ಊಟ (Dinner) ಮತ್ತು ಮಲಗುವ ಸಮಯದ ನಡುವೆ ಗಣನೀಯ ಅಂತರವನ್ನು ಇಟ್ಟುಕೊಳ್ಳಬೇಕು. ಅದೇ ಸಮಯದಲ್ಲಿ, ರಾತ್ರಿ 11 ಗಂಟೆಯ ಮೊದಲು ಮಲಗಲು ಪ್ರಯತ್ನಿಸಿ ಇದು ನಿದ್ರೆಯ ಗುಣಮಟ್ಟವನ್ನು (Quality of sleep) ಸುಧಾರಿಸಲು ಸಹಾಯ ಮಾಡುತ್ತದೆ.

ನಿಮಗಾಗಿ ಸಮಯ ಮಾಡಿಕೊಳ್ಳಿ
ಮಾನಸಿಕ ವಿಶ್ರಾಂತಿಯು ಮನಸ್ಸನ್ನು ಒತ್ತಡದಿಂದ(Stress) ದೂರವಿರಿಸಲು ಅತ್ಯಗತ್ಯ ಮತ್ತು ಅದನ್ನು ಪಡೆಯಲು ಅತ್ಯಂತ ಉತ್ತಮ ಮಾರ್ಗವೆಂದರೆ ಫೋನ್ (Phone) ನಲ್ಲಿ ಅಥವಾ ಲ್ಯಾಪ್ ಟಾಪ್ (Lap Top) ನಿಂದ ದೂರವಿರುವುದು. ಕೆಲವು ನಿಮಿಷಗಳನ್ನು ಮೌನವಾಗಿ ಕಳೆಯಿರಿ, ಉಸಿರು ಮತ್ತು ಮನಸ್ಸಿನೊಂದಿಗೆ ಸಂಪರ್ಕ ಸಾಧಿಸಿ. ಇದರಿಂದ ಮನಸ್ಸು ಮತ್ತಷ್ಟು ನಿರಾಳವಾಗುತ್ತದೆ. 

ನಿಮ್ಮ ಉಸಿರಿನ(Breathing) ಬಗ್ಗೆ ಗಮನ ಕೊಡಿ, ನೀವು ಉಸಿರನ್ನು ಒಳಕ್ಕೆ ತೆಗೆದುಕೊಳ್ಳುತ್ತಿದ್ದೀರಿ ಮತ್ತು ಅದು ನಿಮ್ಮ ದೇಹದಿಂದ ಹೊರ ಹೋಗುತ್ತದೆ. ಹಾಗೆ ಮಾಡಲು ಉತ್ತಮ ಸಮಯ ವೆಂದರೆ ಬೆಳಿಗ್ಗೆ. ಈ ವ್ಯಾಯಾಮವು ನಿಮ್ಮ ಮನಸ್ಸನ್ನು ತಾಜಾಗೊಳಿಸಲು ಮತ್ತು  ಇಂದ್ರಿಯಗಳನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ.

ಭಾವನಾತ್ಮಕ ವಿಶ್ರಾಂತಿಯ ಅಗತ್ಯವೂ ಇದೆ
 ಭಾವನಾತ್ಮಕವಾಗಿ ಉದ್ವಿಗ್ನರಾಗಿದ್ದರೆ,  ಎಂದಿಗೂ ಸಂಪೂರ್ಣವಾಗಿ ಬದುಕಲು ಸಾಧ್ಯವಿಲ್ಲ. ಕೆಲಸ ಮತ್ತು ವೈಯಕ್ತಿಕ ಜೀವನದ(Life) ನಡುವೆ ಸರಿಯಾದ ಸಮತೋಲನವನ್ನು ಕಾಪಾಡಿಕೊಳ್ಳುವುದು ಅತ್ಯಂತ ಮುಖ್ಯ. 

ಸಕಾರಾತ್ಮಕ ಜನರು, ಪ್ರೀತಿಪಾತ್ರರು ಮತ್ತು ಸ್ನೇಹಿತ(Friends)ರೊಂದಿಗೆ ಸಮಯ ಕಳೆಯುವುದು ನಿಮ್ಮನ್ನು ಭಾವನಾತ್ಮಕವಾಗಿ ತಾಜಾಗೊಳಿಸಬಹುದು. ಸಕಾರಾತ್ಮಕ ಪದಗಳು ಮತ್ತು ಸಲಹೆಗಳು  ಭಾವನೆಗಳನ್ನು (Emotions) ಹೆಚ್ಚು ಆರೋಗ್ಯಕರ ಮತ್ತು ಸಕಾರಾತ್ಮಕ ಭಾವನೆಗಳಾಗಿ ಪರಿವರ್ತಿಸಲು ಪ್ರಯತ್ನಿಸಲು ಸಹಾಯ ಮಾಡುತ್ತದೆ