ವೆಸ್ಟರ್ನ್ ಟಾಯ್ಲೆಟ್ ಬಿಟ್ಬಿಡಿ, ಇಂಡಿಯನ್ ಟಾಯ್ಲೆಟ್ ಬಳಸೋದ್ರಿಂದ ಹೆರಿಗೇಯೂ ಆಗುತ್ತೆಈಸಿ!

ಇತ್ತೀಚಿನ ದಿನಗಳಲ್ಲಿ ಜನರು ತಮ್ಮ ಅನುಕೂಲ ಮತ್ತು ಅನಾನುಕೂಲಕ್ಕೆ ಅನುಗುಣವಾಗಿ ತಮ್ಮ ಜೀವನಶೈಲಿಯನ್ನು ಬದಲಾಯಿಸುತ್ತಿದ್ದಾರೆ. ತಂತ್ರಜ್ಞಾನವಾಗಲಿ ಅಥವಾ ಪಾಶ್ಚಿಮಾತ್ಯ ಶೌಚಾಲಯಗಳ (western toilet) ಬಳಕೆಯಾಗಲಿ, ಜನರು ನಿರಂತರವಾಗಿ ಹೊಸ ಮತ್ತು ಅನುಕೂಲಕರ ವಿಷಯಗಳನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಈಗ ಕೆಲವು ಸಮಯದಿಂದ, ವೆಸ್ಟರ್ನ್ ಟಾಯ್ಲೆಟ್ ಸಂಸ್ಕೃತಿಯು ಜನರಲ್ಲಿ ವೇಗವಾಗಿ ಹೆಚ್ಚುತ್ತಿದೆ. ಕೆಲವರು ಇದನ್ನು ತಮ್ಮ ಅನುಕೂಲಕ್ಕಾಗಿ ಬಳಸಿದರೆ, ಕೆಲವರು ಟ್ರೆಂಡ್ ಗೆ ಸರಿಯಾಗಿ ತಮ್ಮ ಲೈಫ್ ಸ್ಟೈಲ್ ನ ಒಂದು ಭಾಗವನ್ನಾಗಿ ಮಾಡಿಕೊಳ್ಳುತ್ತಿದ್ದಾರೆ.

ನಿಮ್ಮ ಅನುಕೂಲಕ್ಕಾಗಿ ನೀವು ಬಳಸುತ್ತಿರುವ ಪಾಶ್ಚಿಮಾತ್ಯ ಶೌಚಾಲಯವು ನಿಜವಾಗಿಯೂ ಆರೋಗ್ಯಕ್ಕೆ ತುಂಬಾ ಹಾನಿಕಾರಕವಾಗಿದೆ ಎಂದು ನಿಮಗೆ ತಿಳಿದಿದೆಯೇ? ಈ ದಿನಗಳಲ್ಲಿ ಭಾರತೀಯ ಶೌಚಾಲಯಗಳ (Indian toilet) ಬದಲು ಪಾಶ್ಚಿಮಾತ್ಯ ಶೌಚಾಲಯಗಳನ್ನು ಬಳಸುತ್ತಿರುವ ಜನರಲ್ಲಿ ನೀವೂ ಒಬ್ಬರಾಗಿದ್ದರೆ,  ವೆಸ್ಟರ್ನ್ ಟಾಯ್ಲೆಟ್ ಗಿಂತ ಇಂಡಿಯನ್ ಟಾಯ್ಲೆಟ್ ಏಕೆ ಉತ್ತಮವಾಗಿವೆ ಅನ್ನೋದನ್ನು ನೀವೇ ನೋಡಿ… 
 

ರಕ್ತ ಪರಿಚಲನೆ ಸುಧಾರಿಸುತ್ತೆ (blood circulation)
ನಿಮ್ಮನ್ನು ಆರೋಗ್ಯವಾಗಿಡಲು ಭಾರತೀಯ ಶೌಚಾಲಯಗಳು ಬೆಸ್ಟ್ ಅಂತಾನೆ ಹೇಳಬಹುದು. ವಾಸ್ತವವಾಗಿ, ಅದರ ಬಳಕೆಯು ನಿಮ್ಮ ಇಡೀ ದೇಹಕ್ಕೆ ವ್ಯಾಯಾಮ ನೀಡುತ್ತದೆ. ಭಾರತೀಯ ಶೌಚಾಲಯದಲ್ಲಿ 10 ರಿಂದ 15 ನಿಮಿಷಗಳ ಕಾಲ ಕುಳಿತುಕೊಳ್ಳುವುದು ಜಿಮ್ನಲ್ಲಿ ಸ್ಕ್ವಾಟ್ ಮಾಡುವುದಕ್ಕೆ ಸಮಾನವಾಗಿದೆ, ಇದರಿಂದ ನೀವು ಸದೃಢರಾಗಿರುತ್ತೀರಿ. ಅಲ್ಲದೆ, ದೇಹದ ರಕ್ತ ಪರಿಚಲನೆಯೂ ಉತ್ತಮವಾಗಿರುತ್ತದೆ.

ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತೆ (good dygestion)
ಭಾರತೀಯ ಶೌಚಾಲಯವನ್ನು ಬಳಸುವುದರಿಂದ ನಿಮ್ಮ ಹೊಟ್ಟೆಯ ಮೇಲೆ ಒತ್ತಡ ಉಂಟಾಗುತ್ತದೆ, ಇದು ನಿಮ್ಮ ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ  ಮತ್ತು ಹೊಟ್ಟೆಯನ್ನು ಸಹ ಚೆನ್ನಾಗಿ ಸ್ವಚ್ಛಗೊಳಿಸುತ್ತದೆ. ಆದರೆ ಪಾಶ್ಚಿಮಾತ್ಯ ಶೌಚಾಲಯಗಳ ಬಳಕೆಯು ಹೊಟ್ಟೆಯ ಮೇಲೆ ಒತ್ತಡ ಹೇರುವುದಿಲ್ಲ, ಇದು ಹೊಟ್ಟೆಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
 

ನೀರು ಹೆಚ್ಚು ವೇಸ್ಟ್ ಆಗೋದಿಲ್ಲ
ಶಾಲಾ-ಕಾಲೇಜು, ಕಚೇರಿ ಅಥವಾ ಮನೆಯಲ್ಲಿರುವ ವೆಸ್ಟರ್ನ್ ಟಾಯ್ಲೆಟ್ ಬಳಸುವಾಗ, ಹೆಚ್ಚಿನ ಪ್ರಮಾಣದ ನೀರು ಮತ್ತು ಕಾಗದವನ್ನು (toilet paper) ಬಳಸಲಾಗುತ್ತದೆ, ಇದು ಸಾಕಷ್ಟು ವ್ಯರ್ಥಕ್ಕೆ ಕಾರಣವಾಗುತ್ತದೆ. ಆದರೆ ಇದರ ಬದಲಾಗಿ, ಭಾರತೀಯ ಶೌಚಾಲಯಗಳಲ್ಲಿ ಕಾಗದದ ಅಗತ್ಯವಿಲ್ಲ ಮತ್ತು ನೀರನ್ನು ಸಹ ಸೀಮಿತ ಪ್ರಮಾಣದಲ್ಲಿ ಬಳಸಲಾಗುತ್ತದೆ.

ಗರ್ಭಿಣಿ ಮಹಿಳೆಯರಿಗೆ ಪ್ರಯೋಜನಕಾರಿ
ಭಾರತೀಯ ಶೌಚಾಲಯಗಳು ಗರ್ಭಿಣಿ ಮಹಿಳೆಯರಿಗೆ ಹೆಚ್ಚು ಪ್ರಯೋಜನಕಾರಿ ಅನ್ನೋದು ಗೊತ್ತಾ ನಿಮಗೆ?. ವಾಸ್ತವವಾಗಿ, ಅದರ ಮೇಲೆ ಕುಳಿತುಕೊಳ್ಳುವುದು ಮಹಿಳೆಯರಿಗೆ ಸಾಮಾನ್ಯ ಹೆರಿಗೆ ಸಾಧ್ಯತೆಯನ್ನು (normal delivery) ಹೆಚ್ಚಿಸುತ್ತೆ. 
 

ಕ್ಯಾನ್ಸರ್ ಸೇರಿ ಗಂಭೀರ ಕಾಯಿಲೆ ತಡೆಗಟ್ಟುತ್ತೆ
ಭಾರತೀಯ ಶೌಚಾಲಯಗಳನ್ನು ಬಳಸುವುದು ಹೊಟ್ಟೆಯನ್ನು ಸ್ವಚ್ಛವಾಗಿರಿಸುತ್ತದೆ, ಜೊತೆಗೆ ಇದು ಕರುಳಿನ ಕ್ಯಾನ್ಸರ್ (Gut Cancer) ಮತ್ತು ಹೊಟ್ಟೆಗೆ ಸಂಬಂಧಿಸಿದ ಇತರ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ಭಾರತೀಯ ಟಾಯ್ಲೆಟ್ ಬಳಸೋದ್ರಿಂದ ಮಲಬದ್ಧತೆ, ಅಪೆಂಡಿಸೈಟಿಸ್, ಕರುಳಿನ ಕ್ಯಾನ್ಸರ್ ಮತ್ತು ಇತರ ಕಾಯಿಲೆಗಳ ಸಾಧ್ಯತೆಗಳನ್ನು ಸಹ ಕಡಿಮೆ ಮಾಡುತ್ತದೆ.