Health Tips: ಅಧಿಕ ತೂಕದಿಂದ ಹೃದ್ರೋಗ ಮಾತ್ರವಲ್ಲ ಚರ್ಮದ ಸಮಸ್ಯೆಯೂ ಉಂಟಾಗುತ್ತೆ ಜೋಕೆ!

ಸ್ಥೂಲಕಾಯದಿಂದ ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಈ ಸಮಸ್ಯೆ ಎದುರಿಸುತ್ತಾರೆ. ವಿಶ್ವ ಬೊಜ್ಜು ದಿನದಂದು (World Obesity Day), ಬೊಜ್ಜು ಹೆಚ್ಚಿರುವ ಜನರು ಮಧುಮೇಹ ಮತ್ತು ಹೃದ್ರೋಗದಂತಹ ಆರೋಗ್ಯ ಸಮಸ್ಯೆಗಳ ಜೊತೆಗೆ ಈ ಸಮಸ್ಯೆ ಚರ್ಮಕ್ಕೆ ಯಾವ ರೀತಿಯಲ್ಲಿ ಸಂಬಂಧಿಸಿದೆ ಅನ್ನೋದನ್ನು ತಿಳಿದಿರಬೇಕು.

ಸಾಮಾಜಿಕ ಮಾಧ್ಯಮ ಅಥವಾ ಟಿವಿ ಅಥವಾ ರೇಡಿಯೋ ಅಥವಾ ವೃತ್ತಪತ್ರಿಕೆಯನ್ನು ನೋಡಿದರೆ ಸ್ಥೂಲಕಾಯತೆಯ ಬಗ್ಗೆ ಸಾಕಷ್ಟು ಮಾಹಿತಿಯನ್ನು ನೀವು ತಿಳಿಯಬಹುದು. ಮಾರ್ಚ್ 4 ನ್ನು ವಿಶ್ವ ಬೊಜ್ಜು ದಿನ (World Obesity Day)ಎಂದು ಆಚರಿಸಲಾಗುತ್ತೆ, ಇಂದಿನ ಸಮಯದಲ್ಲಿ ಬೊಜ್ಜಿನ ಕುರಿತು ಹೆಚ್ಚಿನ ಜನರಲ್ಲಿ ಜಾಗೃತಿ ಮೂಡಿಸಬೇಕಾಗಿದೆ. ಅಂಕಿಅಂಶಗಳ ಪ್ರಕಾರ, ವಿಶ್ವ ಆರೋಗ್ಯ ಸಂಸ್ಥೆ (WHO) 2016 ರಲ್ಲಿ, 18 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ವಯಸ್ಕರಲ್ಲಿ 39 ಪ್ರತಿಶತದಷ್ಟು (39 ಪ್ರತಿಶತ ಪುರುಷರು ಮತ್ತು 40 ಪ್ರತಿಶತ ಮಹಿಳೆಯರು) ಅಧಿಕ ತೂಕವನ್ನು ಹೊಂದಿದ್ದಾರೆ ಎಂದು ಬಹಿರಂಗಪಡಿಸಿದೆ. ಆ ವರ್ಷದಲ್ಲಿ ವಿಶ್ವದ ವಯಸ್ಕ ಜನಸಂಖ್ಯೆಯ ಸುಮಾರು 13 ಪ್ರತಿಶತದಷ್ಟು (15 ಪ್ರತಿಶತ ಮಹಿಳೆಯರು ಮತ್ತು 11 ಪ್ರತಿಶತ ಪುರುಷರು) ಬೊಜ್ಜು (obesity) ಹೊಂದಿದ್ದರು ಎಂದು ಅದು ಹಂಚಿಕೊಂಡಿದೆ. 

ಸ್ಥೂಲಕಾಯತೆಯು ಮಧುಮೇಹ ಅಥವಾ ಹೃದ್ರೋಗದಿಂದ (diabetes and heart problem) ಬಳಲುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಅನೇಕ ಜನರಿಗೆ ಈಗಾಗಲೇ ತಿಳಿದಿದ್ದರೂ, ಸ್ಥೂಲಕಾಯತೆಯು ಚರ್ಮದ ಸಮಸ್ಯೆಗಳಿಗೆ ಕಾರಣವಾಗಬಹುದು ಅನ್ನೋದನ್ನೂ ನೀವು ತಿಳಿಯಬೇಕು. ಸ್ಥೂಲಕಾಯತೆ ಮತ್ತು ಚರ್ಮದ ನಡುವಿನ ಸಂಬಂಧದ ಬಗ್ಗೆ ತಜ್ಞರು ಏನು ಹೇಳುತ್ತಾರೆ ನೋಡೋಣ.

ಸ್ಥೂಲಕಾಯತೆ ಎಂದರೇನು?: ನೀವು ದೇಹದಲ್ಲಿ ಅತಿಯಾದ ಕೊಬ್ಬನ್ನು ಹೊಂದಿದ್ದರೆ, ಅದನ್ನು ಬೊಜ್ಜು ಎಂದು ಕರೆಯಲಾಗುತ್ತದೆ. ಬಾಡಿ ಮಾಸ್ ಇಂಡೆಕ್ಸ್ (body mass index) 30 ಕ್ಕಿಂತ ಹೆಚ್ಚಾದಾಗ, ಅದು ನಿಮಗೆ ಬೊಜ್ಜು ಇದೆ ಎಂದು ಸೂಚಿಸುತ್ತದೆ. ದೇಹದಲ್ಲಿ ಬೊಜ್ಜು ಹೆಚ್ಚಾಗದಂತೆ ಜಾಗೃತೆ ವಹಿಸೋದು ಮುಖ್ಯ. 

ಸ್ಥೂಲಕಾಯತೆ ಮತ್ತು ಚರ್ಮ: ತಜ್ಞರ ಪ್ರಕಾರ, ಬೊಜ್ಜು ಎಪಿಡರ್ಮಲ್ ಬ್ಯಾರಿಯರ್ (pidermal barrier ) ಚರ್ಮವನ್ನು ಬದಲಾಯಿಸುತ್ತದೆ ಮತ್ತು ಟ್ರಾನ್ಸ್ ಎಪಿಡರ್ಮಲ್ ನೀರಿನ ಕೊರತೆಯನ್ನು ಹೆಚ್ಚಿಸುತ್ತದೆ, ಇದರಿಂದಾಗಿ ನಿಮ್ಮ ಚರ್ಮ ಹೆಚ್ಚು ಶುಷ್ಕವಾಗುತ್ತೆ. ಸ್ಥೂಲಕಾಯತೆಯು ಇನ್ನೂ ಅನೇಕ ಚರ್ಮದ ಸಮಸ್ಯೆಳನ್ನು ಹೆಚ್ಚಿಸುತ್ತೆ.

ಒಬೆಸಿಟಿಯಿಂದ ಏನೆಲ್ಲಾ ಸಮಸ್ಯೆ ಕಾಡುತ್ತೆ?
• ಚರ್ಮದ ಮೇಲೆ ಕೆಂಪು ಗೆರೆಗಳು ಮತ್ತು ಸ್ಟ್ರೆಚ್ ಮಾರ್ಕ್ ಗಳು
• ಸೆಲ್ಯುಲೈಟ್ (Cellulite), ಇದು ಚರ್ಮದ ಕೆಳಗೆ ಕೊಬ್ಬಿನ ಶೇಖರಣೆಯಾಗುತ್ತೆ.
• ವೆರಿಕೋಸ್ ವೇನ್ ಗಳು, ಇವು ಹೆಚ್ಚಾಗಿ ಕಾಲುಗಳು ಮತ್ತು ಪಾದಗಳಲ್ಲಿ ಕಾಣಿಸಿಕೊಳ್ಳುವ ವಿಸ್ತೃತ ರಕ್ತನಾಳಗಳಾಗಿವೆ.
ನೀವು ಬೊಜ್ಜು ಹೊಂದಿದ್ದರೆ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳ ಸೋಂಕಿನ ಅಪಾಯವೂ ಹೆಚ್ಚಿರುತ್ತದೆ.

ಸ್ಥೂಲಕಾಯತೆಯು ಕಪ್ಪು ಚರ್ಮಕ್ಕೆ ಕಾರಣವಾಗಬಹುದು: ಸ್ಥೂಲಕಾಯವು ಚರ್ಮಕ್ಕೆ ಹೆಚ್ಚು ಸಮಸ್ಯೆಯನ್ನು ಉಂಟು ಮಾಡುತ್ತದಲ್ಲದೇ, ಕುತ್ತಿಗೆ ಮತ್ತು ಸೊಂಟದ ಭಾಗವು ಇದರಿಂದ ಕಪ್ಪಾಗುತ್ತದೆ. ಕಪ್ಪು ಒಳ ತೊಡೆಗಳ ಸಮಸ್ಯೆಯೂ ಸ್ಥೂಲಕಾಯತೆಯೊಂದಿಗೆ ಸಂಬಂಧ ಹೊಂದಿದೆ. ಸ್ಥೂಲಕಾಯದ ಜನರಲ್ಲಿ, ಒಳ ತೊಡೆಗಳ ನಡುವಿನ ನಿರಂತರ ಘರ್ಷಣೆಯು ಒಳ ತೊಡೆಗಳನ್ನು (inner thighs) ಕಪ್ಪಾಗಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ..

ಸ್ಥೂಲಕಾಯತೆ ಮತ್ತು ದದ್ದುಗಳು: ಸ್ಥೂಲಕಾಯದಿಂದಾಗಿ ಮಹಿಳೆಯರು ದದ್ದುಗಳನ್ನು (rashes) ಸಹ ಹೊಂದಬಹುದು. ಚರ್ಮದ ಮೇಲ್ಮೈಯ ನಡುವಿನ ನಿರಂತರ ಘರ್ಷಣೆ ಮತ್ತು ತೇವಾಂಶ ಮತ್ತು ಉಷ್ಣತೆಯಿಂದಾಗಿ, ಬೊಜ್ಜು ಹೆಚ್ಚಾಗಿರುವ ಜನರ ದೇಹದಲ್ಲಿ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳ ಬೆಳವಣಿಗೆಯ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಅಲ್ಲದೇ ಯೀಸ್ಟ್ ನಿಂದಾಗಿ ಬೊಜ್ಜು ಹೆಚ್ಚಿರುವ ಮಹಿಳೆಯರಲ್ಲಿ ಸ್ತನಗಳ ಕೆಳಗೆ ಕ್ಯಾಂಡಿಡಾ ಸೋಂಕು (candida infection) ಸಾಮಾನ್ಯವಾಗಿ ಕಂಡುಬರುತ್ತದೆ.

ಸ್ಥೂಲಕಾಯದ ಮಹಿಳೆಯರು ಚರ್ಮದ ರಕ್ಷಣೆ ಹೇಗೆ ಮಾಡಬೇಕು?: ಆರೋಗ್ಯ ಸಮಸ್ಯೆಗಳನ್ನು ತಪ್ಪಿಸಲು ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವುದು ಉತ್ತಮ. ಸ್ಥೂಲಕಾಯತೆಯ ವಿರುದ್ಧ ಹೋರಾಡಲು ವೈಟ್ ಕಂಟ್ರೋಲ್ ಸಹ ಅಭ್ಯಾಸ ಮಾಡಬಹುದು. ಆದರೆ ಹೆಚ್ಚಿನ ತೂಕವನ್ನು ಕಳೆದುಕೊಳ್ಳುವುದು ಒಂದು ಅಥವಾ ಎರಡು ವಾರಗಳಲ್ಲಿ ಸಂಭವಿಸುವುದಿಲ್ಲ. ಅದಕ್ಕಾಗಿ ನೀವು ಕಠಿಣ ಪರಿಶ್ರಮ ಪಡಬೇಕು.

• ಬೊಜ್ಜು ಇರಲಿ ಅಥವಾ ಇಲ್ಲದಿರಲಿ, ಯಾವಾಗಲೂ ನಿಮ್ಮ ಚರ್ಮವನ್ನು ಸ್ವಚ್ಛವಾಗಿರಿಸಿಕೊಳ್ಳಿ, ಏಕೆಂದರೆ ನೈರ್ಮಲ್ಯ ಬಹಳ ಮುಖ್ಯ.
• ನಿಮ್ಮ ಚರ್ಮವನ್ನು ಸಂಪೂರ್ಣವಾಗಿ ಒಣಗಿಸಿ ಮತ್ತು ಯಾವುದೇ ಚರ್ಮದ ಸೋಂಕನ್ನು ತಪ್ಪಿಸಲು ದೇಹದ ಎಲ್ಲಾ ಮಡಿಕೆಗಳಲ್ಲಿ ಶಿಲೀಂಧ್ರ ವಿರೋಧಿ ಪೌಡರ್ (anti-fungal dusting powder) ಬಳಸಿ.
• ಕೂದಲು ಬ್ಯಾಕ್ಟೀರಿಯಾದ ಸಂತಾನೋತ್ಪತ್ತಿ ತಾಣವಾಗಿದೆ. ತಲೆಯ ಮೇಲಿನ ಕೂದಲು ಚೆನ್ನಾಗಿ ಕಾಣುತ್ತದೆ, ಆದರೆ ನಿಮ್ಮ ಕಂಕುಳು ಮತ್ತು ಗುಪ್ತಾಂಗದ ಪ್ರದೇಶಗಳಲ್ಲಿ (pubic areas)ಬೆಳೆಯುವ ಕೂದಲನ್ನು ಶೇವ್ ಮಾಡುವುದು ಉತ್ತಮ.

• ಸ್ನಾನದ ನಂತರ, ಸ್ವಚ್ಛ ಮತ್ತು ಒಣ ಬಟ್ಟೆಗಳನ್ನು ಧರಿಸಿ. ಒದ್ದೆಯಾದ ಬಟ್ಟೆಗಳು ಮತ್ತೆ ಸೋಂಕನ್ನು ಆಹ್ವಾನಿಸುತ್ತವೆ. ಸಿಂಥೆಟಿಕ್ ಬಟ್ಟೆಗಿಂತ ಸಡಿಲವಾಗಿ ಹೊಂದಿಕೊಳ್ಳುವ ಹತ್ತಿ ಬಟ್ಟೆಗಳು ಉತ್ತಮವಾಗಿವೆ. ಇದರಿಂದ ಚರ್ಮ ನಿರರ್ಗಳವಾಗಿ ಉಸಿರಾಡುತ್ತೆ.
• ಮುಖವನ್ನು ನಿಯಮಿತವಾಗಿ ಕ್ಲೀನ್ ಮಾಡೋದು, ಮಾಯಿಶ್ಚರೈಸಿಂಗ್ ಮತ್ತು ಸೂರ್ಯನ ಅತಿ ತೀಕ್ಷ್ಣಾ ಕಿರಣ ತಪ್ಪಿಸಲು ಸನ್ ಸ್ಕ್ರೀನ್ ಬಳಸೋದನ್ನು ಮರೆಯಬೇಡಿ.