ಹೃದಯಾಘಾತಕ್ಕೆ ಕಾರಣವಾಗೋ ಆಹಾರ, ಅವೈಯ್ಡ್ ಮಾಡಿದವನೇ ಜಾಣ
ಆರೋಗ್ಯಕರ ದೇಹಕ್ಕೆ ಆರೋಗ್ಯಕರ ಹೃದಯ ಬಹಳ ಮುಖ್ಯ. ಇದು ನಮ್ಮ ಜೀವನಶೈಲಿ ಜೊತೆಗೆ ತಿನ್ನುವ ಮತ್ತು ಕುಡಿಯುವ ಅಭ್ಯಾಸಗಳ ಮೇಲೆ ಸಂಪೂರ್ಣವಾಗಿ ಅವಲಂಬಿತವಾಗಿದೆ. ನಿಮ್ಮ ಆಹಾರದ ಬಗ್ಗೆ ವಿಶೇಷ ಕಾಳಜಿಯನ್ನು ತೆಗೆದುಕೊಂಡರೆ, ಹೃದಯವನ್ನು ಹೆಚ್ಚಿನ ಪ್ರಮಾಣದಲ್ಲಿ ಸುರಕ್ಷಿತವಾಗಿ ಮತ್ತು ಆರೋಗ್ಯಕರವಾಗಿಡಲು ಸಾಧ್ಯವಾಗುತ್ತದೆ. ಆರೋಗ್ಯಕರ ಹೃದಯವನ್ನು ಹೊಂದಿದ್ದರೆ, ಹೃದಯಾಘಾತದಂತಹ ಮಾರಣಾಂತಿಕ ಕಾಯಿಲೆಗಳನ್ನು ಸಹ ತಪ್ಪಿಸುತ್ತೆ. ಇಂತಹ ಪರಿಸ್ಥಿತಿಯಲ್ಲಿ ದೈನಂದಿನ ಆಹಾರ (ಡಯಟ್) ಬಗ್ಗೆ ಹೆಚ್ಚಿನ ನಿಗಾ ಇಡುವುದು ಬಹಳ ಮುಖ್ಯ.
)
Followಅನಾರೋಗ್ಯಕರ ಆಹಾರಗಳ ಬದಲಾಗಿ ಆರೋಗ್ಯಕರ ಆಹಾರ ಸೇವಿಸಿದರೆ ಹೃದಯವನ್ನು ಆರೋಗ್ಯಕರವಾಗಿಡಬಹುದು. ದೀರ್ಘಕಾಲದವರೆಗೆ ನಿಮ್ಮನ್ನು ಆರೋಗ್ಯವಾಗಿಡಲು ಸಾಧ್ಯವಾಗುತ್ತದೆ. ಆದ್ದರಿಂದ ಆರೋಗ್ಯಕರ ಹೃದಯಕ್ಕಾಗಿ ಆಹಾರದಿಂದ ಯಾವ ವಿಷಯಗಳನ್ನು ದೂರವಿಡಬೇಕು ಎಂದು ನೋಡೋಣ.
)
ಕೆಂಪು ಮಾಂಸ
ಆರೋಗ್ಯಕರ ಹೃದಯಕ್ಕಾಗಿ ಕೆಂಪು ಮಾಂಸದ ಬದಲು ಹೆಚ್ಚು ಬಿಳಿ ಮಾಂಸವನ್ನು ಸೇವಿಸುವುದು ಬಹಳ ಮುಖ್ಯ. ಹೆಚ್ಚು ಗೋಮಾಂಸ, ಕುರಿಮರಿ, ಹಂದಿ ಮಾಂಸ ಇತ್ಯಾದಿಗಳನ್ನು ಸೇವಿಸುತ್ತಿದ್ದರೆ, ಅದು ಹೃದ್ರೋಗ ಮತ್ತು ಮಧುಮೇಹಕ್ಕೆ ಕಾರಣವಾಗಬಹುದು.
ಸೋಡಾ
ಸೋಡಾ ಕುಡಿಯುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗುತ್ತದೆ ಮತ್ತು ಹೃದಯದಿಂದ ದೇಹದ ಉಳಿದ ಭಾಗಗಳಿಗೆ ರಕ್ತವನ್ನು ಸಾಗಿಸುವ ಅಪಧಮನಿಗಳ ಗೋಡೆಗಳ ಮೇಲೆ ಉದ್ವಿಗ್ನತೆಯನ್ನು ಉಂಟುಮಾಡುತ್ತೆ. ಇದರಿಂದ ಹೃದ್ರೋಗ ಉಂಟಾಗುವ ಅಪಾಯ ಹೆಚ್ಚುತ್ತೆ.
ಕೇಕ್ ಗಳು & ಕುಕೀಗಳು
ಇವುಗಳಲ್ಲಿ ಹಿಟ್ಟು, ಸಕ್ಕರೆ, ಕೊಬ್ಬು ಸಮೃದ್ಧವಾಗಿವೆ, ಇದು ಹೃದಯಕ್ಕೆ ಒಳ್ಳೆಯದಲ್ಲ. ಆಹಾರದಲ್ಲಿ ಸಂಪೂರ್ಣ ಗೋಧಿ, ಸಕ್ಕರೆಯೇತರ ಮತ್ತು ಕನಿಷ್ಠ ದ್ರವ ಸಸ್ಯ ತೈಲ ಅಥವಾ ಬೆಣ್ಣೆಯನ್ನು ಹೊಂದಿರುವ ವಸ್ತುಗಳನ್ನು ಸೇರಿಸುವುದು ಮುಖ್ಯ.
ಸಂಸ್ಕರಿಸಿದ ಮಾಂಸ
ಹಾಟ್ ಡಾಗ್ಸ್, ಸಾಸೇಜ್, ಸಲಾಮಿ ಇತ್ಯಾದಿ ಹೆಚ್ಚುತ್ತಿರುವ ಹೃದ್ರೋಗದಲ್ಲಿ ಪ್ರಚೋದಕವಾಗಿ ಕಾರ್ಯನಿರ್ವಹಿಸುವ ಮಾಂಸದ ಅತ್ಯಂತ ಅನಾರೋಗ್ಯಕರ ಆಹಾರಗಳು.
ಬಿಳಿ ಅಕ್ಕಿ, ಬ್ರೆಡ್ ಮತ್ತು ಪಾಸ್ತಾ
ಬಿಳಿ ಅಕ್ಕಿ, ಬ್ರೆಡ್, ಪಾಸ್ತಾ ಮತ್ತು ಮೈದಾ ಬಳಸುವ ಎಲ್ಲಾ ಪದಾರ್ಥಗಳು ಆರೋಗ್ಯಕರ ನಾರು, ವಿಟಮಿನ್‌ಗಳು ಮತ್ತು ಖನಿಜಗಳನ್ನು ಹೊಂದಿರುತ್ತವೆ. ಸಂಸ್ಕರಿಸಿದ ಆಹಾರ ದೇಹದಲ್ಲಿ ಸಕ್ಕರೆಯಷ್ಟೇ ವೇಗವಾಗಿ ಬದಲಾಗುತ್ತದೆ ಮತ್ತು ಕೊಬ್ಬನ್ನು ಸೃಷ್ಟಿಸುತ್ತದೆ.
ಸಂಸ್ಕರಿಸಿದ ಆಹಾರ ಸೇವನೆಯಿಂದ ಟೈಪ್ 2 ಮಧುಮೇಹ ಮತ್ತು ಹೊಟ್ಟೆಯ ಕೊಬ್ಬು ಹೆಚ್ಚಾಗಲು ಕಾರಣವಾಗಬಹುದು. ಈ ಸಂದರ್ಭದಲ್ಲಿ ಅನ್ನ ಇತ್ಯಾದಿ ತಿನ್ನಬೇಕೆಂದಿದ್ದರೆ, ಖಂಡಿತವಾಗಿಯೂ ಒಂದೇ ಸಮಯದಲ್ಲಿ ನಾರಿನ ಪ್ರಮಾಣವನ್ನು ಹೆಚ್ಚಿಸಿ.
ಪಿಜ್ಜಾ
ಪಿಜ್ಜಾ ಹೃದಯಕ್ಕೆ ತುಂಬಾ ಕೆಟ್ಟ ಆಹಾರವಾಗಿದೆ. ಇದು ಸಾಕಷ್ಟು ಸೋಡಿಯಂ, ಕೊಬ್ಬು ಮತ್ತು ಕ್ಯಾಲೊರಿಗಳನ್ನು ಹೊಂದಿರುತ್ತೆ, ಇದು ಹೃದಯಕ್ಕೆ ಸಾಕಷ್ಟು ಅಪಾಯಕಾರಿ. ಎಂದಾದರೂ ತಿನ್ನಲು ಬಯಸಿದರೆ, ಕಡಿಮೆ ಚೀಸ್, ಸಾಸೇಜ್ ಮತ್ತು ಕನಿಷ್ಠ ಉಪ್ಪನ್ನು ಹೊಂದಿರುವ ಕನಿಷ್ಠ ಸಂಪೂರ್ಣ ಗೋಧಿಯನ್ನು ಆಯ್ಕೆ ಮಾಡಿ.
ಇತರ ವಿಷಯಗಳು
ಆಲ್ಕೋಹಾಲ್, ಬೆಣ್ಣೆ, ಪೂರ್ಣ ಕೊಬ್ಬಿನ ಮೊಸರು, ಫ್ರೆಂಚ್ ಫ್ರೈಸ್, ಫ್ರೈಡ್ ಚಿಕನ್, ಕ್ಯಾನ್ಡ್ ಸೂಪ್, ಐಸ್ ಕ್ರೀಮ್, ಚಿಪ್ಸ್ ಇತ್ಯಾದಿಗಳಿಂದ ಸಾಧ್ಯವಾದಷ್ಟು ದೂರವಿರಿ. ಅವು ಹೃದಯವನ್ನು ಅನಾರೋಗ್ಯಕರವಾಗಿಸಲು ಕೆಲಸ ಮಾಡುತ್ತವೆ.
