ಮಗುವಿಗೆ ಆಗಾಗ್ಗೆ ಜ್ವರ ಬರುತ್ತಾ? ಹಾಗಿದ್ರೆ ಇದನ್ನ ಇಗ್ನೋರ್ ಮಾಡ್ಲೇಬೇಡಿ

ಬದಲಾಗುತ್ತಿರುವ ಋತುವಿನಲ್ಲಿ, ಶೀತ, ಕೆಮ್ಮು, ಜ್ವರ ಮಕ್ಕಳನ್ನು ಸಾಕಷ್ಟು ಕಾಡುತ್ತದೆ. 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ರೋಗನಿರೋಧಕ ಶಕ್ತಿ ತುಂಬಾ ದುರ್ಬಲವಾಗಿದೆ. ಹಾಗಾಗಿ ಅವರನ್ನು ರೋಗಗಳು ಹೆಚ್ಚಾಗಿ ಕಾಡುತ್ತವೆ.. 

ಬದಲಾಗುತ್ತಿರುವ ಋತುವಿನಲ್ಲಿ, ಮಕ್ಕಳಲ್ಲಿ ಹಲವು ಆರೋಗ್ಯ ಸಮಸ್ಯೆಗಳು ಕಾಣಿಸುತ್ತವೆ. ಇದಕ್ಕೆ ಮುಖ್ಯ ಕಾರಣ ರೋಗ ನಿರೋಧಕ ಶಕ್ತಿಯ (immunity power) ಕೊರತೆ. ಈ ಕಾರಣದಿಂದಾಗಿ ಸ್ವಲ್ಪ ತಂಪಾದ ಗಾಳಿ ಇದ್ದ ತಕ್ಷಣ ಮಗು ಅನಾರೋಗ್ಯಕ್ಕೆ ಒಳಗಾಗುತ್ತದೆ. ಆದರೆ, ಮಕ್ಕಳಲ್ಲಿ ಆಗಾಗ್ಗೆ ಜ್ವರ ಬರುವುದು ಸಹ ಆತಂಕಕಾರಿ ವಿಷಯ. ಇದರ ಹಿಂದೆ ಹಲವು ಕಾರಣಗಳಿರಬಹುದು. 

ನಿಮ್ಮ ಮಗುವಿಗೆ ಪದೇ ಪದೇ ಜ್ವರ (fever) ಬರುತ್ತಿದ್ದರೆ, ಅದನ್ನು ಲಘುವಾಗಿ ತೆಗೆದುಕೊಳ್ಳಬಾರದು, ಅವರು ಖಂಡಿತವಾಗಿಯೂ ಒಮ್ಮೆ ವೈದ್ಯರನ್ನು ನೋಡಬೇಕು. ಏಕೆಂದರೆ ಇದಕ್ಕೆ ಅನೇಕ ಕಾರಣಗಳಿರಬಹುದು. ಯಾವ ಕಾರಣಗಳಿಂದಾಗಿ ಮಗುವಿಗೆ ಪದೇ ಪದೇ ಜ್ವರ ಬರುತ್ತೆ ನೋಡೋಣ.

ಈ ಕಾರಣಗಳಿಂದಾಗಿ, ಮಗುವಿಗೆ ಮತ್ತೆ ಮತ್ತೆ ಜ್ವರ ಬರಬಹುದು.
ನಿಮ್ಮ ಮಗುವಿಗೆ ಪದೇ ಪದೇ ಜ್ವರ ಬರುತ್ತಿದ್ದರೆ, ಅದು ವೈರಸ್ ಅಥವಾ ಬ್ಯಾಕ್ಟೀರಿಯಾದ ಸೋಂಕಿನ ಸಂಕೇತ. ಪೀರಿಯಾಡಿಕ್ ಫೀವರ್ ಸಿಂಡ್ರೋಮ್ (periodic fever syndrome) ಕೂಡ ಮಗುವಿನಲ್ಲಿ ಆಗಾಗ್ಗೆ ಜ್ವರಕ್ಕೆ ಕಾರಣವಾಗಬಹುದು. ಕೆಲವೊಮ್ಮೆ ಈ ಸಿಂಡ್ರೋಮ್ ಆನುವಂಶಿಕ ದೋಷಗಳಿಂದಲೂ ಉಂಟಾಗಬಹುದು. ಇದರಿಂದಾಗಿ ದೇಹದ ಉಷ್ಣತೆ ಹೆಚ್ಚಾಗುತ್ತದೆ. ಇದಲ್ಲದೆ, ವೈರಸ್ ಮತ್ತು ಬ್ಯಾಕ್ಟೀರಿಯಾದ ಸೋಂಕಿನಿಂದ ಜ್ವರ ಉಂಟಾಗಬಹುದು. 

ಜ್ವರದ ಲಕ್ಷಣಗಳನ್ನು ಗುರುತಿಸುವುದು ಹೇಗೆ?
ದೇಹದ ತಾಪಮಾನ ಹೆಚ್ಚುತ್ತದೆ ಮತ್ತು ಶೀತ ಮತ್ತು ಕಿರಿಕಿರಿ ಸಹ ಉಂಟಾಗುತ್ತದೆ.
ಮಗು ಆಹಾರ ತೆಗೆದುಕೊಳ್ಳುವ ಪ್ರಮಾಣ ಕೂಡ ಕಡಿಮೆಯಾಗುತ್ತದೆ. 
ಏನನ್ನೂ ತಿನ್ನದಿದ್ದರೆ ಮಗು ದಣಿವು ಮತ್ತು ದುರ್ಬಲತೆಯನ್ನು ಅನುಭವಿಸುತ್ತದೆ. 
ಮಗುವು ಕಾರಣವಿಲ್ಲದೇ ಜೋರಾಗಿ ಅಳುತ್ತಿದ್ದರೆ, ಅದು ಜ್ವರದ ಲಕ್ಷಣವಾಗಿರಬಹುದು. 

ಚಿಕಿತ್ಸೆ ನೀಡುವುದು ಹೇಗೆ?
ಮಗುವಿಗೆ ಪದೇ ಪದೇ ಜ್ವರ ಬರುತ್ತಿದ್ದರೆ, ಒಮ್ಮೆ ವೈದ್ಯರನ್ನು ಸಂಪರ್ಕಿಸಿ. ಜ್ವರದಲ್ಲಿ ವೈದ್ಯರ ಸಲಹೆ ಬಹಳ ಮುಖ್ಯ. 
ನಿಮ್ಮ ಮಗುವಿಗೆ ಆಗಾಗ್ಗೆ ಜ್ವರ ಬರುತ್ತಿದ್ದರೆ, ಸಾಕಷ್ಟು ನೀರು ಕುಡಿಯಲು ನೀಡಿ. ಇದರಿಂದ ದೇಹ ಹೈಡ್ರೇಟ್ ಆಗಿರುತ್ತೆ.
ಮಗುವಿನ ಉಸಿರಾಟದ ಮಾದರಿಗಳ ಬಗ್ಗೆ ಗಮನ ಕೊಡಿ.

ಮಗುವಿಗೆ 3 ದಿನಗಳಿಗಿಂತ ಹೆಚ್ಚು ಜ್ವರವಿದ್ದರೆ, ಖಂಡಿತವಾಗಿಯೂ ವೈದ್ಯರನ್ನು (visit your doctor) ಭೇಟಿ ಮಾಡಿ.
ನಿಮ್ಮ ಮಗುವಿನ ಜ್ವರವನ್ನು ಆಗಾಗ್ಗೆ ಪರೀಕ್ಷಿಸಿ.
ಚಿಕ್ಕ ಮಕ್ಕಳಲ್ಲಿ ಆರಂಭಿಕ ಜ್ವರವು ಸಾಮಾನ್ಯ ಸಮಸ್ಯೆಯಾಗಿದೆ.