- Home
- Life
- Health
- Wetting Toothbrush: ಹಲ್ಲುಜ್ಜೋ ಮುನ್ನ ಬ್ರಶ್ ಒದ್ದೆ ಮಾಡ್ತೀರಾ? ಹಾಗಿದ್ರೆ ಹಲ್ಲಿನ ಸಮಸ್ಯೆ ಖಚಿತಾ
Wetting Toothbrush: ಹಲ್ಲುಜ್ಜೋ ಮುನ್ನ ಬ್ರಶ್ ಒದ್ದೆ ಮಾಡ್ತೀರಾ? ಹಾಗಿದ್ರೆ ಹಲ್ಲಿನ ಸಮಸ್ಯೆ ಖಚಿತಾ
ಸಾಮಾನ್ಯವಾಗಿ ಜನರು ಹಲ್ಲುಜ್ಜುವ ಮೊದಲು ಟೂತ್ಪೇಸ್ಟ್ ಅನ್ನು ಒದ್ದೆ ಮಾಡುತ್ತಾರೆ, ಇದು ತಪ್ಪು ಎಂದು ತಜ್ಞರು ಹೇಳುತ್ತಾರೆ. ಇದು ಹಲ್ಲುಗಳನ್ನು ದುರ್ಬಲಗೊಳಿಸುತ್ತಂತೆ.
ಪ್ರತಿಯೊಬ್ಬ ವ್ಯಕ್ತಿಯ ದಿನವು ಬ್ರಶ್ (brushing teeth) ಚೆನ್ನಾಗಿ ತೊಳೆದು, ಹಲ್ಲುಜ್ಜುವ ಮೂಲಕ ಆರಂಭವಾಗುತ್ತದೆ. ವಿಜ್ಞಾನದ ಪ್ರಕಾರ, ಪ್ರತಿಯೊಬ್ಬರೂ ಪ್ರತಿದಿನ 2 ರಿಂದ 3 ನಿಮಿಷಗಳ ಕಾಲ ಹಲ್ಲುಜ್ಜಬೇಕು. ಕೆಲವು ತಜ್ಞರು ಹೇಳುವಂತೆ ಹೆಚ್ಚಿನ ಜನರಿಗೆ ಹಲ್ಲುಜ್ಜುವ ಸರಿಯಾದ ವಿಧಾನ ತಿಳಿದಿಲ್ಲ. ಹೆಚ್ಚಿನ ಜನರು ಹಲ್ಲುಜ್ಜುವ ಮೊದಲು ಬ್ರಶ್ ಒದ್ದೆ ಮಾಡುತ್ತಾರೆ. ಕೆಲವರು ಬ್ರಷ್ ಗೆ ಪೇಸ್ಟ್ ಹಾಕಿದ ನಂತರ ಬ್ರಶ್ ಒದ್ದೆ ಮಾಡುತ್ತಾರೆ, ಆದರೆ ಇನ್ನೂ ಕೆಲವರು ಮೊದಲು ಬ್ರಷ್ ಅನ್ನು ಒದ್ದೆ ಮಾಡಿ ನಂತರ ಟೂತ್ಪೇಸ್ಟ್ ಅನ್ನು ಹಚ್ಚುತ್ತಾರೆ.
ತಜ್ಞ ದಂತ ವೈದ್ಯರ ಪ್ರಕಾರ, ಈ ಹಲ್ಲುಜ್ಜುವ ವಿಧಾನವು ತಪ್ಪು. ಹಲ್ಲುಜ್ಜುವಾಗ ಮಾಡುವ ದೊಡ್ಡ ತಪ್ಪು ಹಲ್ಲುಜ್ಜುವ ಬ್ರಷ್ ಅನ್ನು ಒದ್ದೆ ಮಾಡುವುದು ಎನ್ನುತ್ತಾರೆ ವೈದ್ಯರು. ಹೀಗೆ ಮಾಡುವುವರಿಂದ ಟೂತ್ಪೇಸ್ಟ್ ದುರ್ಬಲಗೊಳ್ಳುತ್ತದೆ. ಟೂತ್ಪೇಸ್ಟ್ ಈಗಾಗಲೇ ತೇವಾಂಶವನ್ನು ಹೊಂದಿರುತ್ತದೆ, ಆದ್ದರಿಂದ ನೀವು ಅದನ್ನು ಮತ್ತೆ ಒದ್ದೆ ಮಾಡಿದಾಗ, ತೇವಾಂಶದಿಂದಾಗಿ ಅದು ಹೆಚ್ಚು ನೊರೆಯನ್ನು ಸೃಷ್ಟಿಸುತ್ತದೆ.
ಅತಿಯಾದ ನೊರೆಯಿಂದಾಗಿ, ಟೂತ್ಪೇಸ್ಟ್ (toothpaste) ಬಾಯಿಯಲ್ಲಿ ಹೆಚ್ಚು ಕಾಲ ಉಳಿಯುವುದಿಲ್ಲ ಮತ್ತು ನಾವು ಅದನ್ನು ಬೇಗನೆ ಹೊರಗೆ ಎಸೆಯುತ್ತೇವೆ. ಇದಕ್ಕಾಗಿ, ಟೂತ್ಪೇಸ್ಟ್ ಹೆಚ್ಚು ಸಮಯ ಬಾಯೊಳಗೆ ಇರಬೇಕು ಅಂದ್ರೆ ಬ್ರಷ್ ಅನ್ನು ಒದ್ದೆ ಮಾಡಬೇಡಿ. ಇನ್ನು ಹೆಚ್ಚಿನ ಜನರು ಹೆಚ್ಚು ಒತ್ತಡ ಹಾಕಿ ಹಲ್ಲುಜ್ಜುತ್ತಾರೆ, ಆದರೆ ಇದು ತಪ್ಪು. ನಾವು ಹಗುರವಾದ ಕೈಗಳಿಂದ ಹಲ್ಲುಜ್ಜಬೇಕು.
ಫ್ಲಾಸ್ ಬದಲಿಗೆ ಟೂತ್ಪಿಕ್ ಬಳಸಿ
ಹಲವರು ಹಲ್ಲು ಕ್ಲೀನ್ ಮಾಡಲು ಫ್ಲಾಸ್ ಬಳಸುತ್ತಾರೆ, ಆದರೆ ಬದಲಿಗೆ ಟೂತ್ಪಿಕ್ (toothpick) ಬಳಸುವುದು ಉತ್ತಮ. ಇದು ಹಲ್ಲುಗಳ ಮೂಲೆಗಳು ಮತ್ತು ಸಂಕೀರ್ಣ ಸ್ಥಳಗಳನ್ನು ತಲುಪಬಹುದು. ಫ್ಲಾಸ್ ಮೃದುವಾದ ಭಾಗಗಳನ್ನು ಹಾನಿಗೊಳಿಸುತ್ತದೆ.
ನೀವು ಎಷ್ಟು ಬಾರಿ ಬ್ರಷ್ ಮಾಡಬೇಕು-
ದಿನಕ್ಕೆ ಎಷ್ಟು ಬಾರಿ ಹಲ್ಲುಜ್ಜಬೇಕು ಎಂಬ ಪ್ರಶ್ನೆ ಹೆಚ್ಚಾಗಿ ಮನಸ್ಸಿಗೆ ಬರುತ್ತದೆ. ದಿನಕ್ಕೆ ಹಲವಾರು ಬಾರಿ ಹಲ್ಲುಜ್ಜುವ ಬದಲು, ದಿನಕ್ಕೆ ಒಮ್ಮೆ ಮಾತ್ರ ಹಲ್ಲುಜ್ಜಿ, ಆದರೆ ಅದನ್ನು ಸರಿಯಾಗಿ ಮಾಡಿ ಎಂದು ವೈದ್ಯರು ಹೇಳುತ್ತಾರೆ. ನೀವು ಒಮ್ಮೆ ಹಲ್ಲುಜ್ಜಿದರೂ ಸಹ ಹಲ್ಲು ಉತ್ತಮವಾಗಿರುತ್ತದೆ.
ಬೆಳಿಗ್ಗೆ ಎದ್ದ ನಂತರ ಹಲ್ಲುಜ್ಜುವುದು ಉತ್ತಮ, ಏಕೆಂದರೆ ನಾವು ಮಲಗಿದಾಗ, ಬಾಯಿಯಲ್ಲಿ ಲಾಲಾರಸ ಕಡಿಮೆಯಾಗುತ್ತದೆ, ಇದರಿಂದಾಗಿ ಆಹಾರವು ಹಲ್ಲುಗಳಲ್ಲಿ ಸಿಲುಕಿಕೊಳ್ಳುತ್ತದೆ, ಇದು ರಾತ್ರಿಯಿಡೀ ನಿಮ್ಮ ಹಲ್ಲುಗಳಲ್ಲಿ ಕೊಳೆಯುತ್ತಲೇ ಇರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಪ್ರತಿದಿನ ಬೆಳಿಗ್ಗೆ ಎದ್ದ ನಂತರ ಹಲ್ಲುಜ್ಜುವುದು ಉತ್ತಮವಾಗಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
