ಪಾಲಕ್ ಇಡ್ಲಿ: ಆರೋಗ್ಯಕರ ಉಪಾಹಾರ!

ಬೆಳಗಿನ ಉಪಾಹಾರಕ್ಕೆ ಏನಾದರೂ ವಿಶೇಷ ಮತ್ತು ಪೌಷ್ಟಿಕಾಂಶಭರಿತವಾಗಿ ತಿನ್ನಬೇಕೆಂದಿದ್ದರೆ 'ಪಾಲಕ್ ಇಡ್ಲಿ' ಉತ್ತಮ ಆಯ್ಕೆ. ರವಾ ಬಳಸಿ ಮಾಡುವ ಇಡ್ಲಿ ರೆಸಿಪಿಗಳು ಇಲ್ಲಿವೆ.

ಈ ಇಡ್ಲಿಗೆ 1 ಕಪ್ ರವೆ, ತಾಜಾ ಪಾಲಕ್ ಪ್ಯೂರಿ, ಮೊಸರು, ಉಪ್ಪು, ಶುಂಠಿ-ಮೆಣಸಿನಕಾಯಿ ಪೇಸ್ಟ್ ಮತ್ತು 1 ಚಮಚ ಈನೋ (Eno) ಬೇಕಾಗುತ್ತದೆ.

ಮೊದಲು ಒಂದು ಪ್ಯಾನ್‌ನಲ್ಲಿ ರವೆಯನ್ನು ಕೆಂಪಾಗಾಗದಂತೆ ಹದವಾಗಿ ಹುರಿದುಕೊಳ್ಳಿ. ಹುರಿದ ರವೆ ಇಡ್ಲಿಯನ್ನು ಸಾಫ್ಟ್ ಆಗಿ ಮಾಡಲು ಸಹಾಯ ಮಾಡುತ್ತದೆ.

ಹುರಿದ ರವೆಗೆ ಪಾಲಕ್ ಪ್ಯೂರಿ, ಮೊಸರು, ಉಪ್ಪು ಮತ್ತು ಶುಂಠಿ-ಮೆಣಸಿನಕಾಯಿ ಪೇಸ್ಟ್ ಸೇರಿಸಿ ಚೆನ್ನಾಗಿ ಕಲಸಿ. ಈ ಮಿಶ್ರಣವನ್ನು 20 ನಿಮಿಷ ನೆನೆಯಲು ಬಿಡಿ.

ಹಿಟ್ಟು ನೆನೆದ ನಂತರ ಈನೋ (Eno) ಸೇರಿಸಿ ಕಲಸಿ. ಎಣ್ಣೆ ಸವರಿದ ಇಡ್ಲಿ ತಟ್ಟೆಗಳಿಗೆ ಹಿಟ್ಟು ಹಾಕಿ, 15-20 ನಿಮಿಷ ಹಬೆಯಲ್ಲಿ ಬೇಯಿಸಿದರೆ ಪಾಲಕ್ ರವಾ ಇಡ್ಲಿ ಸಿದ್ಧ!