ಕಾಳು ಜೀರಿಗೆ ಅಥವಾ ಕಪ್ಪು ಜೀರಿಗೆಯ ಆರೋಗ್ಯ ಪ್ರಯೋಜನಗಳು

ಕಲೋಂಜಿ ಬೀಜಗಳನ್ನು ಕರಿಜೀರಿಗೆ ಅಂತಾನೂ ಕರೀತಾರೆ. ಈ ಬೀಜದ ಎಣ್ಣೆ ನಮ್ಮ ಶರೀರದ ಆರೋಗ್ಯಕ್ಕೆ ತುಂಬಾ ಉಪಯುಕ್ತ. ಬಹಳಷ್ಟು ಜನ ಈ ಕರಿಜಿರಿಗೆ ಅಥವಾ ಕಾಳುಜೀರಿಗೆಯನ್ನು ನೀರಲ್ಲಿ ಕುದಿಸಿ ಆ ನೀರನ್ನು ಕುಡಿಯುತ್ತಾರೆ. ಆದ್ರೆ ನೀರು ಮಾತ್ರ ಅಲ್ಲ, ಇದರ ಎಣ್ಣೆ ಕೂಡ ನಮಗೆ ಒಳ್ಳೆಯದನ್ನೇ ಮಾಡುತ್ತೆ. ಏನೇನು ಉಪಯೋಗಗಳಿವೆ ಅಂತ ಈಗ ನೋಡೋಣ...

ಇತ್ತೀಚಿನ ದಿನಗಳಲ್ಲಿ ಎಲ್ಲರ ಬದುಕು ತುಂಬಾ ಬ್ಯುಸಿ ಆಗಿದೆ. ಬೆಳಗ್ಗೆ ಎದ್ದ ಕ್ಷಣದಿಂದ ರಾತ್ರಿ ಮಲಗುವವರೆಗೂ ಓಡಾಟದಲ್ಲಿಯೇ ಕಳೆಯುತ್ತಿದೆ. ಇದರಿಂದಾಗಿ ನಮ್ಮ ಆಹಾರ ಪದ್ಧತಿ ಕೂಡ ಬದಲಾಗಿದೆ. ಫಾಸ್ಟ್ ಫುಡ್ ನಮ್ಮ ಜೀವನದ ಒಂದು ಭಾಗವಾಗಿದೆ. ಇದರಿಂದ ನಮಗೆ ಹಲವು ರೀತಿಯ ಕಾಯಿಲೆಗಳು ಬರುತ್ತಿವೆ. ಆದರೆ, ಈ ಸಮಸ್ಯೆಗಳನ್ನು ಕಡಿಮೆ ಮಾಡಲು ಕಲೋಂಜಿ ಅಥವಾ ಕಾಳು ಜೀರಿಗೆ  ತುಂಬಾ ಸಹಾಯ ಮಾಡುತ್ತವೆ. ಏಕೆಂದರೆ ಈ ಬೀಜಗಳಲ್ಲಿ ಪೋಷಕಾಂಶಗಳು ತುಂಬಾ ಹೆಚ್ಚಾಗಿರುತ್ತವೆ. ಸೋಡಿಯಂ, ಕ್ಯಾಲ್ಸಿಯಂ, ಕಬ್ಬಿಣದಂತಹ ಖನಿಜಾಂಶಗಳಿಂದ ಕೂಡಿದ ಈ ಕಾಳು ಜೀರಿಗೆ ಹಲವು ರೀತಿಯ ಕಾಯಿಲೆಗಳನ್ನು ಗುಣಪಡಿಸುವ ಶಕ್ತಿ ಇದೆ.

ಈ ಬೀಜಗಳಲ್ಲಿ ಕಾರ್ಬೋಹೈಡ್ರೇಟ್, ಪೊಟ್ಯಾಶಿಯಂ, ನಾರಿನಂಶ ಹೇರಳವಾಗಿದೆ. ಹಲವು ವಿಧದ ವಿಟಮಿನ್ ಗಳಿರುವ ಈ ಎಣ್ಣೆಯಲ್ಲಿ ಉತ್ಕರ್ಷಣ ನಿರೋಧಕ ಗುಣಗಳೂ ಇವೆ. ಇದರಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಸೂಕ್ಷ್ಮಜೀವಿ ವಿರೋಧಿ ಗುಣಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ.

ಕ್ಯಾನ್ಸರ್ ತಡೆಗಟ್ಟುವಿಕೆ:

ಕಾಳುಜೀರಿಗೆ ಎಣ್ಣೆ ಕ್ಯಾನ್ಸರ್ ಕಣಗಳ ಬೆಳವಣಿಗೆಯನ್ನು ತಡೆಯುತ್ತದೆ. ಈ ಎಣ್ಣೆಯನ್ನು ಸೇವಿಸುವುದರಿಂದ ಕ್ಯಾನ್ಸರ್ ಕಣಗಳ ಬೆಳವಣಿಗೆ ನಿಲ್ಲುತ್ತದೆ. ಕ್ಯಾನ್ಸರ್ ಇರುವವರಲ್ಲಿ ಆರೋಗ್ಯಕರ ಕಣಗಳನ್ನು ಈ ಎಣ್ಣೆ ಹಾನಿಯಾಗದಂತೆ ಕಾಪಾಡುತ್ತದೆ. ಒಂದು ಲೋಟ ದ್ರಾಕ್ಷಿ ರಸದಲ್ಲಿ ಅರ್ಧ ಟೀ ಚಮಚ ಕಲೋಂಜಿ ಎಣ್ಣೆ ಬೆರೆಸಿ ದಿನಕ್ಕೆ 3 ಬಾರಿ ಕುಡಿದರೆ ಉತ್ತಮ ಫಲಿತಾಂಶ ದೊರೆಯುತ್ತದೆ.

ಕೆಮ್ಮು & ಆಸ್ತಮಾ:

ಕೆಲವರಿಗೆ ದೀರ್ಘಕಾಲದ ಕೆಮ್ಮಿನ ಸಮಸ್ಯೆ ಇರುತ್ತದೆ. ಅವರಿಗೆ ಮತ್ತು ಆಸ್ತಮಾದಿಂದ ಬಳಲುತ್ತಿರುವವರಿಗೆ ಕಲೋಂಜಿ ಎಣ್ಣೆ ಉಪಶಮನ ನೀಡುತ್ತದೆ. ಬಿಸಿ ಕಾಳುಜೀರಿಗೆ ಎಣ್ಣೆಯಿಂದ ಎದೆ ಮತ್ತು ಬೆನ್ನಿನ ಭಾಗಕ್ಕೆ ಮಸಾಜ್ ಮಾಡಬೇಕು. ಇದು ಶ್ವಾಸಕೋಶದ ಸೋಂಕನ್ನು ಕಡಿಮೆ ಮಾಡಿ ಉತ್ತಮ ಉಸಿರಾಟಕ್ಕೆ ಸಹಾಯ ಮಾಡುತ್ತದೆ.

ಮಧುಮೇಹ ನಿಯಂತ್ರಣ:

ಕಾಳುಜೀರಿಗೆ ಎಣ್ಣೆ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಕಲೋಂಜಿಯನ್ನು ಹಾಲು ಇಲ್ಲದ ಬ್ಲ್ಯಾಕ್ ಟೀಯಲ್ಲಿ ಬೆರೆಸಿ ಕುಡಿಯಬಹುದು. ಸಾಸಿವೆ, ಕಲೋಂಜಿ ಮತ್ತು ಒಣಗಿದ ದಾಳಿಂಬೆ ಸಿಪ್ಪೆಯನ್ನು ಒಟ್ಟಿಗೆ ಪುಡಿ ಮಾಡಿ, ಅದರಿಂದ ಟೀ ಮಾಡಿ ಕುಡಿಯಬಹುದು.

ಕಿಡ್ನಿ ಸ್ಟೋನ್:

ಕಿಡ್ನಿ ಸ್ಟೋನ್ ಸಾಮಾನ್ಯ ಸಮಸ್ಯೆಯಾಗಿದೆ. ಈ ಸಮಸ್ಯೆ ಇರುವವರು ಕಲೋಂಜಿ ಪುಡಿಯನ್ನು ಜೇನುತುಪ್ಪದೊಂದಿಗೆ ಬೆರೆಸಿ ತಿನ್ನಬಹುದು. ಈ ಮಿಶ್ರಣಕ್ಕೆ ಎರಡು ಟೀ ಚಮಚ ಕಲೋಂಜಿ ಎಣ್ಣೆ ಮತ್ತು ಬಿಸಿ ನೀರು ಸೇರಿಸಿ ಪ್ರತಿದಿನ ಬೆಳಿಗ್ಗೆ ಆಹಾರ ಸೇವನೆಗೆ ಮೊದಲು  ಕುಡಿಯಬೇಕು.

ಹೃದ್ರೋಗ ಮತ್ತು ರಕ್ತದೊತ್ತಡ:

ವಿವಿಧ ಕಾರಣಗಳಿಂದ ಬರುವ ಹೃದ್ರೋಗ ಮತ್ತು ರಕ್ತದೊತ್ತಡ ಸಮಸ್ಯೆಗಳನ್ನು ಕಾಳು ಜೀರಿಗೆ ಎಣ್ಣೆ ಕಡಿಮೆ ಮಾಡುತ್ತದೆ. ಈ ಎಣ್ಣೆ ಹೃದಯದ ಆರೋಗ್ಯವನ್ನು ಸಹ ಸುಧಾರಿಸುತ್ತದೆ. ಟೀ, ಕಾಫಿ ಅಥವಾ ಸೂಪ್ ನಂತಹ ಯಾವುದೇ ಬಿಸಿ ಪಾನೀಯದಲ್ಲಿ ಒಂದು ಟೀ ಚಮಚ ಕಲೋಂಜಿ ಎಣ್ಣೆಯನ್ನು ಬೆರೆಸುವುದು ಒಳ್ಳೆಯದು. ಈ ಎಣ್ಣೆಯಿಂದ ದೇಹಕ್ಕೆ ಮಸಾಜ್ ಮಾಡಿದರೆ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಇದರಿಂದ ದೇಹ ಹಗುರವಾಗುತ್ತದೆ. ಮಾನಸಿಕ ಒತ್ತಡ ಕಡಿಮೆಯಾಗುತ್ತದೆ. ರಕ್ತದೊತ್ತಡ ಕೂಡ ಕಡಿಮೆಯಾಗುವ ಸಾಧ್ಯತೆ ಇದೆ.