ಹೃದಯ ಆರೋಗ್ಯಕ್ಕೆ ಮೀನು ತಿನ್ನಿ, ನಿಮ್ಮ ಆರೋಗ್ಯ ನಿಮ್ಮ ಕೈಯಲ್ಲಿ!
ಉತ್ತಮ ಆರೋಗ್ಯ ಕಾಪಾಡಿಕೊಳ್ಳುವಲ್ಲಿ ಆಹಾರದ ಅತಿದೊಡ್ಡ ಪಾತ್ರ ವಹಿಸುತ್ತೆ. ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಆಹಾರ ಪದಾರ್ಥಗಳು ದೇಹಕ್ಕೆ ಅಗತ್ಯ ಪೌಷ್ಠಿಕಾಂಶವನ್ನು ಒದಗಿಸುತ್ತವೆ. ಇಂದು ಟ್ಯೂನಾ ಮೀನು ಸೇವಿಸೋದರಿಂದ ಏನು ಪ್ರಯೋಜನಗಳಿವೆ ತಿಳಿಯೋಣ.
)
Followಪ್ರತಿ ವರ್ಷ ಮೇ 2 ರಂದು ವಿಶ್ವ ಟ್ಯೂನಾ ದಿನವನ್ನು ಆಚರಿಸಲಾಗುತ್ತದೆ. ಟ್ಯೂನಾ ಮೀನಿನ ಮಹತ್ವವನ್ನು ತಿಳಿಸುವ ಮತ್ತು ಮೀನುಗಾರಿಕೆಯ ಕಾರ್ಯಚಟುವಟಿಕೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಈ ದಿನವನ್ನು ಆಚರಿಸುವುದಾಗಿ ವಿಶ್ವಸಂಸ್ಥೆ (UN) ಘೋಷಿಸಿತ್ತು. ಈ ದಿನವನ್ನು 2017 ರಲ್ಲಿ ಮೊದಲ ಬಾರಿಗೆ ಆಚರಿಸಲಾಯಿತು.
)
ಟ್ಯೂನಾ ಮೀನು ಎಂದರೇನು?
ಟ್ಯೂನಾ (Tuna Fish) ಒಂದು ವಿಶೇಷ ರೀತಿಯ ಮೀನು, ಇದನ್ನು ಟ್ಯೂನಿ ಎಂದೂ ಕರೆಯಲಾಗುತ್ತೆ. ಈ ಮೀನು 1 ರಿಂದ 15 ಅಡಿ ಉದ್ದವಿರುತ್ತೆ. ಈ ಮೀನಿನಲ್ಲಿ ಒಮೆಗಾ 3 ಕೊಬ್ಬಿನಾಮ್ಲಗಳು ಮತ್ತು ವಿಟಮಿನ್ ಬಿ ಇದೆ. ಇದಲ್ಲದೆ, ವಿಟಮಿನ್ ಡಿ, ವಿಟಮಿನ್ ಬಿ 6, ವಿಟಮಿನ್ ಬಿ 12, ರಂಜಕ, ಪೊಟ್ಯಾಸಿಯಮ್ ಜೊತೆಗೆ ಥಯಾಮಿನ್, ಮೆಗ್ನೀಸಿಯಮ್ ಮತ್ತು ಅಯೋಡಿನ್ ಸಹ ಇದರಲ್ಲಿ ಕಂಡುಬರುತ್ತವೆ.
ಟ್ಯೂನಾ ಮೀನಿನಲ್ಲಿರುವ ಎಲ್ಲಾ ಪೋಷಕಾಂಶಗಳು ದೇಹದ ವಿವಿಧ ಕಾರ್ಯಗಳಿಗೆ ಬಹಳ ಮುಖ್ಯ. ಅಷ್ಟೇ ಅಲ್ಲ, ಟ್ಯೂನ ಮೀನು ಸೇವಿಸೋದ್ರಿಂದ ತೂಕವನ್ನು ಸುಲಭವಾಗಿ ಕಡಿಮೆ ಮಾಡಬಹುದು. ಆದ್ದರಿಂದ ಟ್ಯೂನ ಮೀನು ಬೇರೆ ಯಾವ ರೀತಿಯಲ್ಲಿ ಪ್ರಯೋಜನಕಾರಿಯಾಗಿದೆ, ಅದರ ಬಗ್ಗೆ ಇಲ್ಲಿ ತಿಳಿಯೋಣ
weight loss
ಟ್ಯೂನಾ ಮೀನಿನ ಆರೋಗ್ಯ ಪ್ರಯೋಜನಗಳು ಯಾವುವು? (Health benefits of tuna fish)
ತೂಕ ನಷ್ಟಕ್ಕೆ ಸಹಾಯಕ (weight loss)
ಟ್ಯೂನಾ ಮೀನುಗಳಲ್ಲಿರುವ ಒಮೆಗಾ -3 ಕೊಬ್ಬಿನಾಮ್ಲಗಳು ಬೊಜ್ಜಿನ ಅಪಾಯವನ್ನು ಕಡಿಮೆ ಮಾಡುತ್ತೆ ಮತ್ತು ಇನ್ಸುಲಿನ್ ಪ್ರತಿಕ್ರಿಯೆಯನ್ನು ಹೆಚ್ಚಿಸುತ್ತೆ. ಒಮೆಗಾ -3 ಕೊಬ್ಬಿನಾಮ್ಲಗಳು ಲೆಪ್ಟಿನ್ ಎಂಬ ಹಾರ್ಮೋನನ್ನು ಸಕ್ರಿಯಗೊಳಿಸುತ್ತವೆ ಮತ್ತು ಚಯಾಪಚಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ, ಇದು ತೂಕ ಇಳಿಸುವ ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ.
ಮೂಳೆಗಳಿಗೆ ಪ್ರಯೋಜನಕಾರಿ (bone health)
ಮೂಳೆಯ ಬಲಕ್ಕೆ ವಿಟಮಿನ್ ಡಿ ತುಂಬಾನೆ ಮುಖ್ಯ ಮತ್ತು ಟ್ಯೂನಾ ಮೀನು ಉತ್ತಮ ಪ್ರಮಾಣದ ವಿಟಮಿನ್ ಡಿ ಅನ್ನು ಹೊಂದಿರುತ್ತದೆ. ಇದು ಕ್ಯಾಲ್ಸಿಯಂ ಮತ್ತು ರಂಜಕವನ್ನು ಸಹ ಹೊಂದಿರುತ್ತದೆ. ಇದು ಮೂಳೆ ದೌರ್ಬಲ್ಯ ನಿವಾರಿಸಲು ಸಹಾಯ ಮಾಡುತ್ತೆ.
Irregular heartbeats
ಹೃದಯ ಆರೋಗ್ಯಕರವಾಗಿರುತ್ತೆ (Healthy heart)
ಟ್ಯೂನ ಮೀನಿನಲ್ಲಿ ಹೃದಯ ಸಂಬಂಧಿ ಕಾಯಿಲೆಗಳನ್ನು ತಡೆಗಟ್ಟುವಲ್ಲಿ ಪರಿಣಾಮಕಾರಿಯಾದ ಅನೇಕ ಪೋಷಕಾಂಶಗಳಿವೆ. ಈ ಮೀನಿನಲ್ಲಿ ಸಾಕಷ್ಟು ಒಮೆಗಾ 3 ಆಮ್ಲಗಳಿವೆ, ಇದು ರಕ್ತನಾಳಗಳನ್ನು ಸುಧಾರಿಸುತ್ತದೆ ಮತ್ತು ರಕ್ತದೊತ್ತಡ ಸಾಮಾನ್ಯವಾಗಿರಿಸುತ್ತೆ..
ಕಣ್ಣುಗಳ ಆರೋಗ್ಯ (Healthy eyes)
ಟ್ಯೂನ ಮೀನಿನಲ್ಲಿರುವ ಒಮೆಗಾ 3 ಕಣ್ಣುಗಳನ್ನು ಆರೋಗ್ಯಕರವಾಗಿಡುವಲ್ಲಿ ಕೂಡ ಪ್ರಮುಖ ಪಾತ್ರ ವಹಿಸುತ್ತೆ. ಒಮೆಗಾ -3 ಕೊಬ್ಬಿನಾಮ್ಲಗಳು (omega 3 faty acid) ಕಣ್ಣುಗಳಲ್ಲಿನ ಕಲೆಗಳು, ಮಾಕ್ಯುಲರ್ ಕ್ಷೀಣತೆಯಂತಹ ಅಪಾಯಕಾರಿ ಕಾಯಿಲೆಗಳಿಂದ ರಕ್ಷಿಸುತ್ತವೆ. ಅದರ ವಿರುದ್ಧ ಕೆಲಸ ಮಾಡುತ್ತದೆ. ಮಾಕ್ಯುಲರ್ ಡಿಜೆನರೇಶನ್ ಎಂದರೆ ರೆಟಿನಾದ ಹಾನಿಯಿಂದಾಗಿ ನೋಡುವ ಸಾಮರ್ಥ್ಯ ಕಡಿಮೆಯಾಗುವ ಸ್ಥಿತಿ. ಆದ್ದರಿಂದ ಅಂತಹ ಪರಿಸ್ಥಿತಿಯಲ್ಲಿ, ಟ್ಯೂನಾ ಮೀನುಗಳನ್ನು ತಿನ್ನಿ.
ದೇಹವನ್ನು ನಿರ್ವಿಷಗೊಳಿಸುವಲ್ಲಿ ಪರಿಣಾಮಕಾರಿ (Body detox)
ಟ್ಯೂನ ಮೀನಿನಲ್ಲಿ ಸೆಲೆನಿಯಂ ಎಂಬ ಅಂಶವಿದೆ, ಇದು ಉತ್ಕರ್ಷಣ ನಿರೋಧಕಗಳನ್ನು ತಯಾರಿಸಲು ಕೆಲಸ ಮಾಡುತ್ತದೆ. ಈ ಉತ್ಕರ್ಷಣ ನಿರೋಧಕಗಳು ಪಿತ್ತಜನಕಾಂಗವನ್ನು ಆರೋಗ್ಯಕರವಾಗಿಡುವಲ್ಲಿ ಬಹಳ ಪ್ರಯೋಜನಕಾರಿ. ಪಿತ್ತಜನಕಾಂಗದ ಕೆಲಸವೆಂದರೆ ದೇಹದಿಂದ ಕೊಳೆಯನ್ನು ಸ್ವಚ್ಛಗೊಳಿಸುವುದು.
