ಈ ಭಾನುವಾರ ಮನೇಲೆ ಮಾಡಿ ಸ್ಪೆಷಲ್ ಕೋಜಿಕೋಡ್ ಬಿರಿಯಾನಿ: ಸುಲಭ ರೆಸಿಪಿ ಇಲ್ಲಿದೆ.
ಬಿರಿಯಾನಿಯಲ್ಲಿ ಹಲವಾರು ವಿಧಗಳಿವೆ, ಆದರೆ ಪ್ರತಿ ಊರು, ಜಿಲ್ಲೆ, ರಾಜ್ಯದಲ್ಲಿ ಬಳಸುವ ಪದಾರ್ಥಗಳು ಮತ್ತು ಅವುಗಳ ಪ್ರಮಾಣಕ್ಕೆ ಅನುಗುಣವಾಗಿ ರುಚಿ ಬದಲಾಗುತ್ತದೆ. ಸಾಮಾನ್ಯವಾಗಿ ಕೇರಳದ ಅಡುಗೆಗಳಲ್ಲಿ ತೆಂಗಿನಕಾಯಿ ಪರಿಮಳ ಹೆಚ್ಚಾಗಿರುತ್ತದೆ. ಆದರೆ ಮಸಾಲೆ ರುಚಿ ತುಂಬಿರುವ ಕೋಜಿಕೋಡ್ ಬಿರಿಯಾನಿ ವಿಶಿಷ್ಟ ರುಚಿ ಹೊಂದಿದೆ.
ಕೋಜಿಕೋಡ್ ಬಿರಿಯಾನಿ
ಬಿರಿಯಾನಿ ಹೆಚ್ಚಿನವರ ನೆಚ್ಚಿನ ಆಹಾರವಾಗಿದ್ದರೂ, ದೇಶದ ಪ್ರತಿಯೊಂದು ಭಾಗದಲ್ಲೂ ವಿಭಿನ್ನವಾಗಿ ತಯಾರಿಸಲಾಗುತ್ತದೆ. ಅದರಲ್ಲಿ ಕೇರಳ ಬಿರಿಯಾನಿಗೆ ವಿಶೇಷ ಸ್ಥಾನವಿದೆ. ಕೇರಳದ ಮಸಾಲೆಯೊಂದಿಗೆ ಕೋಜಿಕೋಡ್ನಲ್ಲಿ ತಯಾರಿಸುವ ಬಿರಿಯಾನಿ ವಿಭಿನ್ನ ರುಚಿ ಹೊಂದಿರುತ್ತದೆ. ಹೆಚ್ಚು ಖಾರವಿಲ್ಲದ ಕಾರಣ ಇದು ಹಲವರಿಗೆ ಫೇವರೆಟ್ ಆಗಿರುತ್ತದೆ.
ಕೋಳಿಕೋಡ್ ಬಿರಿಯಾನಿ ವಿಶೇಷತೆಗಳು :
- ಇದರಲ್ಲಿ ನೈಸರ್ಗಿಕ ಆರೊಮ್ಯಾಟಿಕ್ ಮಸಾಲೆಗಳನ್ನು ಮಾತ್ರ ಬಳಸಲಾಗುತ್ತದೆ.
- ಹೆಚ್ಚು ಖಾರವಿಲ್ಲದೆ, ತುಂಬಾ ಮೃದುವಾಗಿರುತ್ತದೆ.
- ತರಕಾರಿಗಳು, ಮಟನ್, ಕೋಳಿ, ಮೀನುಗಳೊಂದಿಗೆ ಸೇರಿಸಿ ಮಾಡಬಹುದು.
- ಜೀರಿಗೆ, ಏಲಕ್ಕಿ, ಲವಂಗವನ್ನು ಒಟ್ಟಿಗೆ ರುಬ್ಬಿ ಸೇರಿಸಲಾಗುತ್ತದೆ.
- ಮುದ್ದೆಯಾಗದ ಬಾಸುಮತಿ ಅಕ್ಕಿ ಅಥವಾ ಜೀರಿಗೆಸಂಬಾ ಅಥವಾ ಕೈಮಾ ಅಕ್ಕಿ ಬಳಸಿ ಮಾಡುವುದರಿಂದ ವಿಶಿಷ್ಟ ಪರಿಮಳ ನೀಡುತ್ತದೆ.
ಬೇಕಾಗುವ ಪದಾರ್ಥಗಳು :
ಕೈಮಾ (ಜೀರಿಗೆಸಂಬಾ) ಅಕ್ಕಿ - 2 ಕಪ್
ಕೋಳಿ (ತುಂಡುಗಳಾಗಿ ಕತ್ತರಿಸಿದ್ದು) -500 ಗ್ರಾಂ
ಹಸಿರು ಮೆಣಸಿನಕಾಯಿ - 4
ಚಿಕ್ಕ ಈರುಳ್ಳಿ - 10 (ಕತ್ತರಿಸಿದ್ದು)
ಟೊಮೆಟೊ - 2 (ಚೆನ್ನಾಗಿ ಕತ್ತರಿಸಿದ್ದು)
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ - 2 ಟೀಸ್ಪೂನ್
ಕರಿಬೇವಿನ ಸೊಪ್ಪು - 2 ಗೊಂಚಲು
ಪುದೀನಾ, ಕೊತ್ತಂಬರಿ - 1/2 ಕಪ್ (ಕತ್ತರಿಸಿದ್ದು)
ಮೊಸರು - 1/2 ಕಪ್
ಎಣ್ಣೆ ,ತುಪ್ಪ - 4 ಟೀಸ್ಪೂನ್
ಉಪ್ಪು - ರುಚಿಗೆ ತಕ್ಕಷ್ಟು
ನಿಂಬೆ ರಸ - 1 ಟೀಸ್ಪೂನ್
ಜೀರಿಗೆ – 1 ಟೀಸ್ಪೂನ್
ಏಲಕ್ಕಿ – 2
ಲವಂಗ – 2
ಚಕ್ಕೆ – ಸಣ್ಣ ತುಂಡು
ಮೆಣಸು – 1/2 ಟೀಸ್ಪೂನ್
ಮಾಡುವ ವಿಧಾನ
- ಕೈಮಾ (ಜೀರಿಗೆಸಂಬಾ) ಅಕ್ಕಿಯನ್ನು ನೀರಿನಲ್ಲಿ 20 ನಿಮಿಷಗಳ ಕಾಲ ನೆನೆಸಿಡಿ. ಬರಿ ಬಾಣಲೆಯಲ್ಲಿ ಸ್ವಲ್ಪ ತುಪ್ಪ ಸೇರಿಸಿ ಅಕ್ಕಿಯನ್ನು ಚೆನ್ನಾಗಿ ಹುರಿಯಿರಿ.
- ಒಂದು ಪಾತ್ರೆಯಲ್ಲಿ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಮೊಸರು, ನಿಂಬೆ ರಸ, ಉಪ್ಪು ಸೇರಿಸಿ ಕೋಳಿಯನ್ನು 30 ನಿಮಿಷಗಳ ಕಾಲ ನೆನೆಸಿಡಿ.
- ಬಾಣಲೆಯಲ್ಲಿ ಎಣ್ಣೆ, ತುಪ್ಪ ಸೇರಿಸಿ ಬಿಸಿ ಮಾಡಿ. ಮೊದಲು ಜೀರಿಗೆ, ಲವಂಗ, ಏಲಕ್ಕಿ, ಚಕ್ಕೆ, ಮೆಣಸು ಸೇರಿಸಿ ಹುರಿಯಿರಿ.
- ನಂತರ ಚಿಕ್ಕ ಈರುಳ್ಳಿ, ಹಸಿರು ಮೆಣಸಿನಕಾಯಿ, ಟೊಮೆಟೊ, ಪುದೀನಾ, ಕೊತ್ತಂಬರಿ, ಕರಿಬೇವಿನ ಸೊಪ್ಪು ಸೇರಿಸಿ ಚೆನ್ನಾಗಿ ಬಾಡಿಸಿ. ಇದಕ್ಕೆ ನೆನೆಸಿದ ಕೋಳಿ ಸೇರಿಸಿ, ಮಧ್ಯಮ ಉರಿಯಲ್ಲಿ ಬೇಯಲು ಬಿಡಿ.
ಬೇಯಿಸುವ ವಿಧಾನ :
- ಕೋಳಿ 80% ಬೆಂದ ನಂತರ, ಮಧ್ಯಮ ಉರಿಯಲ್ಲಿ ಮುಚ್ಚಿಡಿ.
- ಬೇಯಿಸಿದ ಕೋಳಿಯ ಮೇಲೆ ಅಕ್ಕಿಯನ್ನು ಹರಡಿ, ಅಗತ್ಯವಿರುವಷ್ಟು ನೀರು (1:1.5 ಅನುಪಾತದಲ್ಲಿ) ಸೇರಿಸಿ.
- ಮೇಲ್ಭಾಗವನ್ನು ಒಂದು ತಟ್ಟೆಯಿಂದ ಮುಚ್ಚಿ, ಕಡಿಮೆ ಉರಿಯಲ್ಲಿ (Dum Cooking) 15 ನಿಮಿಷಗಳ ಕಾಲ ಬೇಯಿಸಿ.
- ಅಕ್ಕಿ ಚೆನ್ನಾಗಿ ಬೆಂದ ನಂತರ, ತುಪ್ಪ ಸೇರಿಸಿ ನಿಧಾನವಾಗಿ ಕಲಕಿ, ಮುಚ್ಚಿ 10 ನಿಮಿಷ ಬಿಡಿ.
ರುಚಿ ಹೆಚ್ಚಿಸಲು :
- ಸ್ವಲ್ಪ ಟೊಮೆಟೊವನ್ನು ರುಬ್ಬಿ ಸೇರಿಸಬಹುದು, ಇದು ಮಸಾಲೆಗೆ ಹೆಚ್ಚಿನ ರುಚಿ ನೀಡುತ್ತದೆ.
- ಮೊಸರು ಸೇರಿಸುವುದರಿಂದ ಕೋಳಿ ತುಂಬಾ ಮೃದುವಾಗಿರುತ್ತದೆ.
- ತುಪ್ಪ ಮತ್ತು ಎಣ್ಣೆಯ ಸರಿಯಾದ ಸಮತೋಲನ ರುಚಿಯನ್ನು ಹೆಚ್ಚಿಸುತ್ತದೆ.
- ಮುದ್ದೆಯಾಗದಂತೆ ಇರಲು ಅಕ್ಕಿಯನ್ನು ಅಗತ್ಯವಿರುವಷ್ಟು ನೀರಿನಲ್ಲಿ ಮಾತ್ರ ಬೇಯಿಸಬೇಕು.
- ಕೊನೆಯಲ್ಲಿ ಒಂದು ಚಮಚ ತುಪ್ಪವನ್ನು ಸೇರಿಸಿದರೆ, ಬಿರಿಯಾನಿಯ ಪರಿಮಳವು ಹಲವು ಪಟ್ಟು ಹೆಚ್ಚಾಗುತ್ತದೆ.