ಬೆಂಗಳೂರು 2025ರ ಬೆಸ್ಟ್ ಇಡ್ಲಿ, ದೋಸೆ, ಫಿಲ್ಟರ್ ಕಾಫಿ ಪ್ರಶಸ್ತಿ ಪ್ರದಾನ! ಯಾರಿಗೆ ಯಾವ ಅವಾರ್ಡ್ ಸಿಕ್ತು ನೋಡಿ!

ಬೆಂಗಳೂರು ಹೋಟೆಲ್ ಅಸೋಸಿಯೇಷನ್ಸ್ 2025ನೇ ಸಾಲಿನ ಫುಡ್ ಅವಾರ್ಡ್ಸ್‌ನಲ್ಲಿ ಬ್ರಾಹ್ಮಿನ್ಸ್ ಕಾಫಿ ಬಾರ್ ಅತ್ಯುತ್ತಮ ಇಡ್ಲಿ ಪ್ರಶಸ್ತಿ ಪಡೆದುಕೊಂಡಿದೆ.  ಉಳಿದಂತೆ ಬೆಂಗಳೂರಿನ ಬೆಸ್ಟ್ ದೋಸೆ ಹಾಗೂ ಫಿಲ್ಟರ್ ಕಾಫಿ ಸೇರಿದಂತೆ ವಿವಿಧ ಆಹಾರಗಳ ಪ್ರಶಸ್ತಿ ವಿತರಣೆ ಮಾಹಿತಿ ಇಲ್ಲಿದೆ ನೋಡಿ..

ದಕ್ಷಿಣ ಭಾರತದ ಉಪಾಹಾರಗಳಲ್ಲಿ ಅತ್ಯಂತ ರುಚಿಕರ, ಆರೋಗ್ಯಕರವಾದ ಆಹಾರದಲ್ಲಿ ಒಂದಾದ ಇಡ್ಲಿಯಾಗಿದೆ. ಬೆಂಗಳೂರು ಹೋಟೆಲ್ ಅಸೋಸಿಯೇಷನ್ಸ್ ವತಿಯಿಂದ ಕೊಡಮಾಡಲಾದ 2025ನೇ ಸಾಲಿನ ಫುಡ್ ಅವಾರ್ಡ್ಸ್‌ನಲ್ಲಿ ಬ್ರಾಹ್ಮಿನ್ಸ್ ಕಾಫಿ ಬಾರ್ 2025ರ ಅತ್ಯುತ್ತಮ ಇಡ್ಲಿ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.

ಬೆಂಗಳೂರು ಬೆಸ್ಟ್ ಇಡ್ಲಿ 2025: 
ಬ್ರಾಹ್ಮಿನ್ಸ್ ಕಾಫಿ ಬಾರ್ ಹೋಟೆಲ್ ಬೆಂಗಳೂರಿನಲ್ಲಿ ಮೃದುವಾದ, ಬಾಯಲ್ಲಿ ಕರಗುವ ರಿಚಿಕರ ಇಡ್ಲಿಗಳನ್ನು ಮಾಡುವ ಹಾಗೂ ಸಿಗ್ನೇಚರ್ ಚಟ್ನಿಯೊಂದಿಗೆ ಗ್ರಾಹಕರಿಗೆ ಗುಣಮಟ್ಟದ, ರುಚಿಕರ ಉಪಾಹಾರ ಗ್ರಾಹಕರಿಗೆ ಕೊಡುವ ಕಾರಣ ಬೆಸ್ಟ್ ಇಡ್ಲಿ ಅವಾರ್ಡ್-2025 ಕೊಡಲಾಗಿದೆ. ದಕ್ಷಿಣ ಭಾರತದ ಇಡ್ಲಿ ಮಾಡುವ ಸಂಪ್ರದಾಯವನ್ನು ಜೀವಂತವಾಗಿ ಮತ್ತು ರುಚಿಕರವಾಗಿ ಇರಿಸಿಕೊಂಡಿದ್ದಕ್ಕಾಗಿ ಬ್ರಾಹ್ಮಣರ ಕಾಫಿ ಬಾರ್‌ನ (Shankarapuram Brahmins Coffee Bar) ತಂಡಕ್ಕೆ ಅಭಿನಂದನೆಗಳನ್ನು ಸಲ್ಲಿಕೆ ಮಾಡಲಾಗಿದೆ.

ಬೆಂಗಳೂರು ಬೆಸ್ಟ್ ಫಿಲ್ಟರ್ ಕಾಫಿ 2025: 
2025ರ ಅತ್ಯುತ್ತಮ ಫಿಲ್ಟರ್ ಕಾಫಿ ಪ್ರಶಸ್ತಿಯನ್ನು ಜಯನಗರದ ಮಾಥಾಸ್ ಕಾಫಿ ಸ್ಟಾಲ್‌ಗೆ (Mathas Coffee) ಪಡೆದುಕೊಂಡಿದೆ. ಸಾಂಪ್ರದಾಯಿಕ, ಆರೊಮ್ಯಾಟಿಕ್ ಮತ್ತು ಸಂಪೂರ್ಣವಾಗಿ ಸಮತೋಲಿತ ಫಿಲ್ಟರ್ ಕಾಫಿಯೊಂದಿಗೆ, ಮಾಥಾಸ್ ಬೆಂಗಳೂರಿನ ಗ್ರಾಹಕರ ಹೃದಯಗಳನ್ನು ಗೆದ್ದಿದೆ. ನೀವು ಅದನ್ನು ಬಲವಾಗಿ ಇಷ್ಟಪಡುತ್ತಿರಲಿ ಅಥವಾ ಸರಿಯಾಗಿರಲಿ, ಈ ಐಕಾನಿಕ್ ತಾಣವು ಪ್ರತಿ ಬಾರಿಯೂ ಒಂದು ಕಪ್ ಕಾಫಿ ನಿಮಗೆ ಶುದ್ಧ ಆನಂದವನ್ನು ನೀಡುತ್ತದೆ ಎಂದು ಹೇಳಲಾಗಿದೆ.

ಬೆಂಗಳೂರು ಬೆಸ್ಟ್ ದೋಸೆ 2025: 
2025ರ ಅತ್ಯುತ್ತಮ ದೋಸೆ ಪ್ರಶಸ್ತಿಯು ಕಬ್ಬನ್‌ಪೇಟೆಯ ಚಿಕ್ಕಣ್ಣ ಟಿಫಿನ್ ರೂಮ್‌ (Chikkanna Tiffin Room) ಪಡೆದುಕೊಂಡಿದೆ. ಚಿನ್ನದ ಬಣ್ಣದ ಹಾಗೂ ಗರಿಗರಿಯಾದ ಮತ್ತು ಸಂಪೂರ್ಣವಾಗಿ ಪೌರಾಣಿಕ ಶೈಲಿಯಲ್ಲಿ ಮಾಡುವ ರುಚಿಕರ ದೋಸೆಗೆ ಚಿಕ್ಕಣ್ಣ ಟಿಫಿನ್ ರೂಮ್ ಪ್ರಸಿದ್ಧಿಯಾಗಿದೆ. ಗರಿಗರಿ ದೋಸೆಯ ಜೊತೆಗೆ ಐಕಾನಿಕ್ ಚಟ್ನಿಯೂ ತುಂಬಾ ರುಚಿಕರವಾಗಿದೆ. ಚಿಕ್ಕಣ್ಣ ಟಿಫಿನ್ ರೂಮ್ ದೋಸೆ ತಯಾರಿಸುವ ಕಲೆಯಲ್ಲಿ ನಿಜವಾಗಿಯೂ ಕರಗತವಾಗಿದೆ.

ಬೆಂಗಳೂರಿನ ಅರಮನೆ ಮೈದಾನದ ಆವರಣ ಪ್ರಿನ್ಸೆಸ್ ಶ್ರೈನ್‌ನಲ್ಲಿ ಮಾ.25ರಂದು ನಡೆದ ಈ ಬೆಂಗಳೂರು ಆಹಾರ ಪ್ರಶಸ್ತಿ-2025 ಪ್ರದಾನ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಭಾರತದ ಪ್ರಸಿದ್ಧ 9 ಆಹಾರ ತಜ್ಞರನ್ನು ಇದಕ್ಕೆ ಜ್ಯೂರಿ ಮೆಂಬರ್‌ಗಳನ್ನಾಗಿ ಮಾಡಿ, ಅವರು ಸಂಗ್ರಹಿಸಿದ ಮಾಹಿತಿ ಆಧಾರದಲ್ಲಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಫುಡ್ ಲವರ್ಸ್ ಟಿವಿ ಸಂಸ್ಥಾಪಕ ಕೃಪಾಲ್ ಅಮಣ್ಣ ಅವರು ಈ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಿದರು.