ಬಾಳೆ ಎಲೆಯಲ್ಲಿ ಊಟ ಬಡಿಸುವ ಹಿಂದಿನ ಕಾರಣ ತಿಳಿದರೆ, ನೀವು ನಾಳೆಯಿಂದ ತಟ್ಟೆಯನ್ನೇ ಬಳಸೋಲ್ಲ!

ನಮ್ಮ ಮನೆಗಳಲ್ಲಿ ಏನಾದರೂ ಶುಭ ಸಮಾರಂಭಗಳು ನಡೆದರೆ ಪೂಜೆ ಮಾಡುವುದರಿಂದ ಹಿಡಿದು ಊಟ ಬಡಿಸುವವರೆಗೆ ಬಾಳೆ ಎಲೆಗೆ ಒಂದು ಪ್ರಮುಖ ಪಾತ್ರವಿದೆ. ಬಾಳೆ ಎಲೆ ಇಲ್ಲದ ಶುಭ ಕಾರ್ಯಗಳನ್ನು, ಅಷ್ಟೇ ಏಕೆ, ಅಶುಭ ಕಾರ್ಯಗಳನ್ನು ಕೂಡ ನೋಡುವುದು ಕಷ್ಟ. ಮದುವೆಗಳಲ್ಲಿ ಸಾಮಾನ್ಯವಾಗಿ ಬಾಳೆ ಎಲೆಯಲ್ಲಿಯೇ ಊಟ ಬಡಿಸುತ್ತಾರೆ. ಹೀಗೆ ಬಾಳೆ ಎಲೆಯನ್ನು ಆಯ್ಕೆ ಮಾಡಲು ಏನಾದರೂ ವಿಶೇಷ ಕಾರಣಗಳಿವೆಯೇ ಎಂದು ಎಂದಾದರೂ ಯೋಚಿಸಿದ್ದೀರಾ? ವಾಸ್ತವವಾಗಿ ನಮ್ಮ ಹಿರಿಯರು ಬಾಳೆ ಎಲೆಯನ್ನು ಊಟ ಬಡಿಸಲು ಆಯ್ಕೆ ಮಾಡಲು ವಿಶೇಷ ಕಾರಣವಿದೆ.

ಇದನ್ನೂ ಓದಿ: ಅತಿ ಹೆಚ್ಚು ಮಾಂಸಾಹಾರ ಸೇವಿಸುವ ದೇಶದ ಟಾಪ್ 10 ರಾಜ್ಯಗಳಿವು; ಕರ್ನಾಟಕ ಸ್ಥಾನ ಎಷ್ಟು ಗೊತ್ತಾ!

ನಾವು ಬಡಿಸುವ ಆಹಾರದಲ್ಲಿರುವ ವಿಷವನ್ನು ನಿವಾರಿಸುವ ಶಕ್ತಿ ಬಾಳೆ ಎಲೆಗೆ ಇದೆ. ಹೇಗೆ, ಬಾಳೆ ಎಲೆ ವಿಷ ನಿವಾರಕ ಎಂದು ಅನಿಸುತ್ತಿದೆಯೇ? ಆದರೆ ನಿಜ. ಈಗಲೂ ಹಳ್ಳಿಗಳಲ್ಲಿ ಹಾವು ಕಚ್ಚಿದರೆ ತಕ್ಷಣದ ಮೊದಲ ಉಪಚಾರವಾಗಿ ಬಾಳೆ ಗೊನೆಯನ್ನು ತೆಗೆದು ರಸವನ್ನು ಕುಡಿಸುತ್ತಾರೆ. ಬಾಳೆಯ ಕಾಂಡದಿಂದ ಸ್ರವಿಸುವ ನೀರನ್ನು ಕುಡಿಯಲು ಕೊಡುತ್ತಾರೆ. ಜಾತ್ರೆಗಳಲ್ಲಿ ಬಾಳೆ ಕಟ್ಟುವುದಕ್ಕೂ ಇದೇ ಕಾರಣ. ಜನರು ಹೆಚ್ಚಾಗಿ ಸೇರುವ ಸ್ಥಳಗಳಲ್ಲಿ ಅಂದರೆ ದೇವಸ್ಥಾನದ ಜಾತ್ರೆ, ಮದುವೆ ಹೀಗೆ ಶುಭ ಸಂದರ್ಭಗಳಲ್ಲಿ, ಸಾವಿನ ಮನೆಯಲ್ಲಿ ಕೂಡ ಬಾಳೆ ಇರುವುದು ಇದಕ್ಕಾಗಿಯೇ. ಏನಾದರೂ ಕೀಟ ಕಚ್ಚಿದರೆ ಕೂಡ ತಕ್ಷಣದ ಉಪಚಾರಕ್ಕೆ ಬಾಳೆ ಸಹಾಯಕವಾಗಿದೆ. ಹೀಗೆ ಬಾಳೆಯು ಮಂಗಳಕರ ಚಿಹ್ನೆಯಾಗಿ ಬದಲಾಗಿದೆ.

ವಿಷ ನಿವಾರಣೆಗಾಗಿ ಬಾಳೆ ಮರವನ್ನು ಶುಭ ಸಮಾರಂಭಗಳಲ್ಲಿ ಕಟ್ಟಲು ಪ್ರಾರಂಭಿಸಿದರು ಎಂಬ ಮಾಹಿತಿ ಇದೆ. ಮದುವೆ ಪೆಂಡಾಲ್ ನಿಂದ ಹಿಡಿದು, ಸ್ಮಶಾನದವರೆಗೆ ಬಾಳೆ ಅವಶ್ಯಕವಾಗಿದೆ. ಯಾವುದೇ ಕೆಟ್ಟದ್ದು ನಡೆಯದಂತೆ ತಡೆಯುವುದೇ ಅದು ಒಳ್ಳೆಯದು ಅಲ್ಲವೇ? ಹಿರಿಯರ ಈ ಕ್ರಮವೇ ಮಂಗಳಕರ ಚಿಹ್ನೆಯಾಗಿ ಮಾರ್ಪಟ್ಟಿದೆ.

ಇದನ್ನೂ ಓದಿ: ರಾತ್ರಿ ಮಲಗುವ ಮುನ್ನ ಈ 6 ಆಹಾರ ತಿಂದ್ರೆ ಏನಾಗುತ್ತೆ?

ಬಾಳೆ ಎಲೆಯಲ್ಲಿ ಊಟ ಬಡಿಸುವುದೇಕೆ?

ಬಾಳೆ ಎಲೆಯಲ್ಲಿ ಊಟ ಮಾಡುವುದು ವಿಷ ನಿವಾರಣೆ ಮಾತ್ರವಲ್ಲ, ಇತರ ಲಾಭಗಳನ್ನೂ ಹೊಂದಿದೆ. ಬಾಳೆ ಎಲೆ ಊಟ ಮಾಡಲು ಅನುಕೂಲಕರವಾಗಿರುವುದರ ಜೊತೆಗೆ ಅದರಲ್ಲಿ ವಿವಿಧ ಪೋಷಕಾಂಶಗಳಿವೆ. ಅದರಲ್ಲಿ ನಮ್ಮ ದೇಹಕ್ಕೆ ಅಗತ್ಯವಾದ ಆಂಟಿ ಆಕ್ಸಿಡೆಂಟ್ ಹೇರಳವಾಗಿದೆ. ಬಾಳೆ ಎಲೆಯಲ್ಲಿ ಆಗಾಗ್ಗೆ ಊಟ ಮಾಡುವುದರಿಂದ ಜೀವಕೋಶಗಳ ನಾಶವನ್ನು ತಡೆದು ವೃದ್ಧಾಪ್ಯವನ್ನು ವಿಳಂಬಗೊಳಿಸುತ್ತದೆ. ಬಾಳೆ ಎಲೆಯಲ್ಲಿ ಬಿಸಿ ಊಟ ಮಾಡುವುದರಿಂದ ಮಾನಸಿಕ ಸ್ಥಿತಿ ಸಮತೋಲನಗೊಂಡು ಒತ್ತಡ ಕಡಿಮೆಯಾಗುತ್ತದೆ. ಹೃದ್ರೋಗದ ಅಪಾಯ ಕಡಿಮೆಯಾಗುತ್ತದೆ.

ಬಾಳೆ ಎಲೆಯ ಲಾಭಗಳು:

• ಬಾಳೆ ಎಲೆಯಲ್ಲಿರುವ ಪಾಲಿಫಿನಾಲ್ ಜೀವಕೋಶಗಳಲ್ಲಿರುವ ಡಿಎನ್ಎ ಅನ್ನು ವಿಕಿರಣದಿಂದ ರಕ್ಷಿಸುತ್ತದೆ ಎಂದು ಹೇಳಲಾಗುತ್ತದೆ. ಬಾಳೆ ಎಲೆಯಲ್ಲಿ ಊಟ ಮಾಡುವುದರಿಂದ ಚರ್ಮವು ಹೊಳೆಯುತ್ತದೆ.
• ಬಿಳಿ ಕೂದಲನ್ನು ತಡೆಯಲು ಬಾಳೆ ಎಲೆಯಲ್ಲಿ ಊಟ ಮಾಡುವುದನ್ನು ಅಭ್ಯಾಸ ಮಾಡಿಕೊಳ್ಳಬಹುದು. ಬಾಳೆ ಎಲೆಯ ರಸ ತೆಗೆದು ಕೇಸರಿ ಮುಂತಾದ ಸಿಹಿ ತಿಂಡಿಗಳನ್ನು ಮಾಡಿ ತಿನ್ನಬಹುದು. ರುಚಿಯ ಜೊತೆಗೆ ಆರೋಗ್ಯಕರವೂ ಆಗಿರುತ್ತದೆ.
• ಮೂತ್ರಪಿಂಡದ ಕಲ್ಲು ಇರುವವರು ಬಾಳೆಕಂದು ರಸ ಕುಡಿದರೆ ಒಳ್ಳೆಯದು. ಅದೇ ರೀತಿ ಬಾಳೆ ಎಲೆಯೂ ಕೂಡ ಮೂತ್ರಪಿಂಡ, ವೃಷಣಗಳ ಸಮಸ್ಯೆಯಿಂದ ನಿಮ್ಮನ್ನು ಕಾಪಾಡುವ ಶಕ್ತಿ ಹೊಂದಿದೆ.
• ಬಾಳೆ ಎಲೆಯಲ್ಲಿ ಬಿಸಿ ಊಟವನ್ನು ತಿನ್ನುವಾಗ ಅದು ಬೆಂದು ಎಲೆಯಲ್ಲಿರುವ ಪಾಲಿಫಿನಾಲ್ ನಮ್ಮ ಆಹಾರದಲ್ಲಿ ಬೆರೆಯುತ್ತದೆ. ಇದರಿಂದ ನಿಮಗೆ ವಿಟಮಿನ್ 'ಎ', ಕ್ಯಾಲ್ಸಿಯಂ, ಕ್ಯಾರೋಟಿನ್ ಮುಂತಾದ ಪೋಷಕಾಂಶಗಳು ದೊರೆಯುತ್ತವೆ. ದೇಹವನ್ನು ತಂಪಾಗಿಡಲು ಬಾಳೆ ಎಲೆಯಲ್ಲಿ ಊಟ ಮಾಡಬಹುದು.