ಉಪ್ಪು, ಬೆಣ್ಣೆ ಇಲ್ಲದಿದ್ದರೂ ಅಡುಗೆಯ ರುಚಿ ಹೆಚ್ಚಿ ಘಮ್ ಎನ್ನಲು ಇಲ್ಲಿವೆ 6 ಈಸಿ ಐಡಿಯಾ
Cooking without salt: ಅಡುಗೆಯ ರುಚಿ ಹೆಚ್ಚಿಸಲು ಉಪ್ಪು ಅಥವಾ ಬೆಣ್ಣೆಯೇ ಬೇಕೆಂದಿಲ್ಲ! ಆರೋಗ್ಯದ ದೃಷ್ಟಿಯಿಂದ ಇವುಗಳನ್ನು ಕಡಿಮೆ ಬಳಸಿ, ಹೋಟೆಲ್ ಶೈಲಿಯ ಅದ್ಭುತ ರುಚಿಯನ್ನು ಪಡೆಯಲು ಶೆಫ್ಗಳು ಬಳಸುವ 6 ಸೀಕ್ರೆಟ್ ಟಿಪ್ಸ್ಗಳು ಇಲ್ಲಿವೆ ನೋಡಿ.
ಪ್ರೊಫೆಶನಲ್ ಶೆಫ್ ಟ್ರಿಕ್ಸ್
ಅಡುಗೆಯ ರುಚಿ ಹೆಚ್ಚಿಸಲು ನಾವು ಸಾಮಾನ್ಯವಾಗಿ ಉಪ್ಪು ಅಥವಾ ಬೆಣ್ಣೆಯನ್ನು ಅವಲಂಬಿಸುತ್ತೇವೆ. ಆದರೆ ಇವುಗಳ ಅತಿಯಾದ ಬಳಕೆ ಆರೋಗ್ಯಕ್ಕೆ ಅಷ್ಟು ಒಳ್ಳೆಯದಲ್ಲ. ಉಪ್ಪು ಮತ್ತು ಬೆಣ್ಣೆ ಬಳಸದೆಯೇ ಹೋಟೆಲ್ ಶೈಲಿಯ ರುಚಿಯನ್ನು ಮನೆಯ ಅಡುಗೆಯಲ್ಲಿ ತರಲು ವೃತ್ತಿಪರ ಶೆಫ್ಗಳು ಬಳಸುವ ಟ್ರಿಕ್ಸ್ ಇಲ್ಲಿದೆ.
ನಿಂಬೆ ರಸ ಅಥವಾ ವಿನೆಗರ್
ನಿಮ್ಮ ಅಡುಗೆಗೆ ಸ್ವಲ್ಪ ನಿಂಬೆ ರಸ ಅಥವಾ ವಿನೆಗರ್ ಸೇರಿಸುವುದರಿಂದ ರುಚಿ ತಕ್ಷಣವೇ ಹೆಚ್ಚಾಗುತ್ತದೆ. ನಿಂಬೆ ಹಣ್ಣಿನ ರಸವು ಅಡುಗೆಗೆ ಒಂದು ರೀತಿಯ ಕಿಕ್ ನೀಡಿದರೆ, ಅದರ ಸಿಪ್ಪೆಯ ತುರಿ (Zest) ಹಿತವಾದ ಸುವಾಸನೆಯನ್ನು ನೀಡುತ್ತದೆ. ಇದು ಉಪ್ಪಿನ ಕೊರತೆಯನ್ನು ನೀಗಿಸಿ ಅಡುಗೆಗೆ ಫ್ರೆಶ್ ಫೀಲ್ ನೀಡುತ್ತದೆ.
ಕೊತ್ತಂಬರಿ ಸೊಪ್ಪು, ಪುದೀನಾ
ಕೊತ್ತಂಬರಿ ಸೊಪ್ಪು, ಪುದೀನಾ, ತುಳಸಿ ಅಥವಾ ಒಣಗಿಸಿದ ಒರೆಗನೊ, ಥೈಮ್ ಮುಂತಾದವುಗಳು ಅಡುಗೆಯ ಪರಿಮಳವನ್ನು ಬದಲಿಸಬಲ್ಲವು. ಮಾಂಸದ ಅಡುಗೆಗಳಿಗೆ ರೋಸ್ಮರಿ ಅಥವಾ ಸೇಜ್ ಬಳಸಿದರೆ, ಸಾಧಾರಣ ಪಲ್ಯಗಳಿಗೆ ಕೊತ್ತಂಬರಿ ಅಥವಾ ಪಾರ್ಸ್ಲಿ ಸೊಪ್ಪು ಕೊನೆಯಲ್ಲಿ ಸೇರಿಸುವುದು ಉತ್ತಮ.
ಕಡಿಮೆ ಉರಿಯಲ್ಲಿ ತರಕಾರಿ ಹುರಿಯಿರಿ
ತರಕಾರಿಗಳನ್ನು (ವಿಶೇಷವಾಗಿ ಈರುಳ್ಳಿ, ಬೆಳ್ಳುಳ್ಳಿ, ಬ್ರೊಕೊಲಿ) ಕಡಿಮೆ ಉರಿಯಲ್ಲಿ ನಿಧಾನವಾಗಿ ಹುರಿಯುವುದರಿಂದ ಅವುಗಳಲ್ಲಿರುವ ನೈಸರ್ಗಿಕ ಸಕ್ಕರೆ ಅಂಶ ಹೊರಬಂದು ಕಂದು ಬಣ್ಣಕ್ಕೆ ತಿರುಗುತ್ತದೆ. ಇದು ಅಡುಗೆಗೆ ಯಾವುದೇ ಎಣ್ಣೆ ಅಥವಾ ಬೆಣ್ಣೆ ಇಲ್ಲದೆ ಅದ್ಭುತ ಸಿಹಿ ಮತ್ತು ಗಾಢವಾದ ರುಚಿಯನ್ನು ನೀಡುತ್ತದೆ.
ಹುದುಗಿಸಿದ ಆಹಾರಗಳು
ಕಿಮ್ಚಿ, ಸೌರ್ಕ್ರಾಟ್ ಅಥವಾ ಸೋಯಾ ಸಾಸ್ ಮತ್ತು ಮಿಸೊ (Miso) ಅಂತಹ ಪದಾರ್ಥಗಳನ್ನು ಬಳಸುವುದರಿಂದ ಅಡುಗೆಗೆ ವಿಶೇಷ ರುಚಿ ಸಿಗುತ್ತದೆ. ಇವುಗಳಲ್ಲಿ ಸ್ವಲ್ಪ ಸೋಡಿಯಂ ಇದ್ದರೂ, ಅಲ್ಪ ಪ್ರಮಾಣದ ಬಳಕೆಯಿಂದ ಇಡೀ ಅಡುಗೆಯ ರುಚಿ ಬದಲಾಗುತ್ತದೆ.
'ಸ್ಮೋಕಿ' ಫ್ಲೇವರ್
ಕೆಂಡದ ಮೇಲೆ ಅಥವಾ ಗ್ರಿಲ್ನಲ್ಲಿ ತರಕಾರಿ/ಮಾಂಸವನ್ನು ಸುಡುವುದರಿಂದ ಅದಕ್ಕೆ ವಿಶೇಷವಾದ 'ಸ್ಮೋಕಿ' ಫ್ಲೇವರ್ ಸಿಗುತ್ತದೆ. ಅಥವಾ ಮಾರುಕಟ್ಟೆಯಲ್ಲಿ ಸಿಗುವ ಸ್ಮೋಕ್ಡ್ ಪಾಪ್ರಿಕಾ (Smoked Paprika) ಪುಡಿಯನ್ನು ಬಳಸುವುದರಿಂದ ಉಪ್ಪಿನ ಅವಶ್ಯಕತೆ ಕಡಿಮೆ ಇರುತ್ತದೆ.
ಸಾಸಿವೆ ಪೇಸ್ಟ್
ಶುಂಠಿ, ಸಾಸಿವೆ, ಅಣಬೆ, ಸಮುದ್ರ ಪಾಚಿ (Seaweed) ಅಥವಾ ನ್ಯೂಟ್ರಿಷನಲ್ ಯೀಸ್ಟ್ ಬಳಸುವುದರಿಂದ ಅಡುಗೆಗೆ ಕ್ರೀಮ್ ತರಹದ ವಿನ್ಯಾಸ ಮತ್ತು ಗಾಢವಾದ ರುಚಿ ಸಿಗುತ್ತದೆ. ಸಾಸ್ಗಳಿಗೆ ಬೆಣ್ಣೆ ಹಾಕುವ ಬದಲು ಸಾಸಿವೆ ಪೇಸ್ಟ್ ಹಾಕಿದರೆ ಅದೇ ರೀತಿಯ ಹಿತವಾದ ರುಚಿ ಪಡೆಯಬಹುದು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
