ದೇವರ ಫೋಟೋ ಹಿಂದೆ ಹಲ್ಲಿ ಓಡಾಡಿದ್ರೆ ಶುಭನಾ? ಅಶುಭನಾ?
ದೇವರ ಫೋಟೋಗಳ ಹಿಂದೆ ಹಲ್ಲಿಗಳು ಓಡಾಡುವುದನ್ನು ನೋಡಿರುತ್ತೇವೆ. ಆದ್ರೆ ಇದು ಶುಭನಾ, ಅಶುಭನಾ ಅಂತ ಅನೇಕರಿಗೆ ಅನುಮಾನಗಳಿರುತ್ತವೆ. ಈ ಕುರಿತು ಮಾಹಿತಿ ಇಲ್ಲಿದೆ.
ವೈಯಕ್ತಿಕ ನಂಬಿಕೆ
ಮನೆಯಲ್ಲಿ ಹಲ್ಲಿಗಳು ಓಡಾಡೋದು ಕೆಲವರಿಗೆ ಅಸಹ್ಯ ಅನ್ಸಬಹುದು. ಆದ್ರೆ ದೇವರ ಫೋಟೋ ಹಿಂದೆ ಹಲ್ಲಿಗಳು ಅಡಗಿರೋದನ್ನ ನಾವು ನೋಡಿರುತ್ತವೆ.
ಹಿಂದೂ ನಂಬಿಕೆಯ ಪ್ರಕಾರ, ಹಲ್ಲಿ ಬೀಳುವುದು, ಸದ್ದು ಮಾಡುವುದು, ದೇವರ ಫೋಟೋ ಹಿಂದೆ ಓಡಾಡುವುದರ ಬಗ್ಗೆ ಬೇರೆ ಬೇರೆ ನಂಬಿಕೆಗಳಿವೆ. ಇದು ವೈಯಕ್ತಿಕ ನಂಬಿಕೆ ಮತ್ತು ಸಂಸ್ಕೃತಿಯನ್ನ ಅವಲಂಬಿಸಿದೆ. ಕೆಲವು ಸಂಸ್ಕೃತಿಗಳಲ್ಲಿ ಹಲ್ಲಿ ಅದೃಷ್ಟ ಮತ್ತು ಸಮೃದ್ಧಿಯ ಸಂಕೇತ. ಮನೆಯಲ್ಲಿ ಹಲ್ಲಿ ಇರೋದು ಲಕ್ಷ್ಮೀ ಕಳೆ ಎಂದು ಕೆಲವರು ನಂಬುತ್ತಾರೆ.
ದೇವಸ್ಥಾನದಲ್ಲಿ ಹಲ್ಲಿ ಕೆತ್ತನೆ
ಹಿಂದೂ ಪುರಾಣಗಳ ಪ್ರಕಾರ, ಹಲ್ಲಿ ಕೆಲವು ದೇವರುಗಳ ಜೊತೆ ಸಂಬಂಧ ಹೊಂದಿವೆ. ಉದಾಹರಣೆಗೆ, ಕಾಂಚೀಪುರಂನ ವರದರಾಜ ಪೆರುಮಾಳ್ ದೇವಸ್ಥಾನದಲ್ಲಿ ಬಂಗಾರ ಮತ್ತು ಬೆಳ್ಳಿ ಹಲ್ಲಿಗಳ ವಿಗ್ರಹಗಳಿವೆ. ಅವುಗಳನ್ನ ಪೂಜಿಸಿದ್ರೆ ಮೋಕ್ಷ ಸಿಗುತ್ತೆ ಅಂತ ನಂಬಿಕೆ ಇದೆ.
ತಿರುಚಿಯ ಶ್ರೀರಂಗಂ ರಂಗನಾಥ ದೇವಸ್ಥಾನದ ಸ್ವರ್ಗ ದ್ವಾರದ ಮೇಲೆ ಚಿನ್ನದ ಹಲ್ಲಿ ವಿಗ್ರಹಗಳಿವೆ. ಸ್ವರ್ಗ ದ್ವಾರ ತೆಗೆದಾಗ ಭಕ್ತರು ಮೊದಲು ಈ ಹಲ್ಲಿ ಪೂಜಿಸಿ ಆಮೇಲೆ ಒಳಗೆ ಹೋಗ್ತಾರೆ. ಈ ಹಲ್ಲಿಗಳು ಮೊದಲು ಸ್ವರ್ಗ ತಲುಪಿದವು ಅಂತ ಹೇಳಲಾಗುತ್ತದೆ, ಅದಕ್ಕೇ ಅವುಗಳನ್ನ ಗೋಡೆಯ ಮೇಲೆ ಕೆತ್ತಲಾಗಿದೆ ಅಂತಾರೆ.
ದೇವರ ಫೋಟೋಗಳ ಹಿಂದೆ ಹಲ್ಲಿಗಳ ಓಡಾಟ
ದೇವರ ಫೋಟೋ ಹಿಂದೆ ಹಲ್ಲಿ ಓಡಾಡೋದನ್ನ ಜನ ಸಾಮಾನ್ಯವಾಗಿ ಪರಿಗಣಿಸ್ತಾರೆ. ಹಲ್ಲಿಗಳು ಬೆಚ್ಚಗಿನ ಮತ್ತು ಸುರಕ್ಷಿತ ಸ್ಥಳಗಳನ್ನ ಹುಡುಕ್ತವೆ. ದೇವರ ಫೋಟೋಗಳು ಗೋಡೆಯ ಮೇಲಿರುವಾಗ, ಅವುಗಳ ಹಿಂದಿನ ಜಾಗ ಹಲ್ಲಿಗಳಿಗೆ ಅಡಗಿಕೊಳ್ಳಲು ಸೂಕ್ತ ಸ್ಥಳ. ಕೆಲವರು ದೇವರ ಫೋಟೋ ಹತ್ತಿರ ಹಲ್ಲಿ ಬರೋದನ್ನ ಪವಿತ್ರ ಚಿಹ್ನೆ ಅಂತ ಭಾವಿಸ್ತಾರೆ.
ಹಿಂದೂ ಸಂಸ್ಕೃತಿಯಲ್ಲಿ ಹಲ್ಲಿಗಳು ಅದೃಷ್ಟ ಅಥವಾ ದೈವಿಕ ಶಕ್ತಿಯ ಸಂಕೇತ. ದೇವರ ಫೋಟೋ ಹತ್ತಿರ ಹಲ್ಲಿ ಇರೋದು ಆ ಮನೆಯಲ್ಲಿ ದೇವರ ಆಶೀರ್ವಾದ ಮತ್ತು ರಕ್ಷಣೆ ಇದೆ ಅಂತ ತೋರಿಸುತ್ತೆ ಅಂತ ನಂಬ್ತಾರೆ. ಹಲ್ಲಿಗಳು ಆ ಮನೆಯ ಅದೃಷ್ಟದ ಕಾವಲುಗಾರರು ಅಂತ ಭಾವಿಸ್ತಾರೆ.
ದೈವಿಕ ಉದ್ದೇಶ
ದೇವರ ಶಕ್ತಿ ಇರುವ ಫೋಟೋಗಳ ಹತ್ತಿರ ಹಲ್ಲಿಗಳು ಬಂದಾಗ, ಅವು ಏನೋ ದೈವಿಕ ಉದ್ದೇಶಕ್ಕೆ ಬಂದಿವೆ ಅಂತ ಅರ್ಥೈಸಲಾಗುತ್ತದೆ. ಇದನ್ನ ಒಂದು ರೀತಿಯ ಆಶೀರ್ವಾದ ಅಂತ ಪರಿಗಣಿಸ್ತಾರೆ. ಆದ್ರೆ ಕೆಲವರು ಹಲ್ಲಿಗಳನ್ನು ಅಶುಭ ಪ್ರಾಣಿಗಳು ಅಂತ ಭಾವಿಸ್ತಾರೆ. ದೇವರ ಫೋಟೋ ಹಿಂದೆ ಅವು ಇರೋದು ಆ ಸ್ಥಳವನ್ನ ಅಪವಿತ್ರಗೊಳಿಸುತ್ತೆ ಅಥವಾ ನೆಗೆಟಿವ್ ಎನರ್ಜಿ ತರುತ್ತೆ ಅಂತ ಭಾವಿಸ್ತಾರೆ.
ಹಲ್ಲಿಗಳಿಗೆ ಭಯಪಡುವ ಜನ ದೇವರ ಫೋಟೋ ಹಿಂದೆ ಹಲ್ಲಿ ಇರೋದನ್ನ ನೋಡಿ ಚಿಂತೆ ಮಾಡಬಹುದು ಅಥವಾ ಅಶುಭ ಅಂತ ಭಾವಿಸಬಹುದು.
ವೈಯಕ್ತಿಕ ನಂಬಿಕೆ ಮತ್ತು ದೃಷ್ಟಿಕೋನ
ದೇವರ ಫೋಟೋ ಹಿಂದೆ ಹಲ್ಲಿ ಇರೋದಕ್ಕೆ ನಿಖರವಾದ ಕಾರಣ ವೈಯಕ್ತಿಕ ನಂಬಿಕೆ ಮತ್ತು ದೃಷ್ಟಿಕೋನವನ್ನ ಅವಲಂಬಿಸಿದೆ. ನೀವು ಆಧ್ಯಾತ್ಮಿಕರಾಗಿದ್ರೆ, ಇದನ್ನ ಶುಭ ಚಿಹ್ನೆ ಅಥವಾ ದೇವರ ಕೃಪೆ ಅಂತ ಭಾವಿಸಬಹುದು.
ವೈಜ್ಞಾನಿಕವಾಗಿ ಅಥವಾ ಪ್ರಾಯೋಗಿಕವಾಗಿ ಯೋಚಿಸುವವರಾಗಿದ್ರೆ, ಇದನ್ನ ಹಲ್ಲಿ ಸಾಮಾನ್ಯ ನಡವಳಿಕೆ ಅಂತ ಪರಿಗಣಿಸುತ್ತಾರೆ. ಹಲ್ಲಿಗಳ ಬಗ್ಗೆ ಇಷ್ಟ ಇಲ್ಲದವರಿಗೆ ಇದು ಅಸಹ್ಯ ಅಥವಾ ಅಶುಭ ಅನ್ನಿಸಬಹುದು. ಇಂಥದ್ದೆಲ್ಲ ಸಾಮಾನ್ಯವಾಗಿ ಪರಿಸರದ ಪ್ರಕ್ರಿಯೆ. ನಿಮ್ಮ ಮನಸ್ಸಿಗೆ ನೆಮ್ಮದಿ ಕೊಡುವ ರೀತಿಯಲ್ಲಿ ಇದನ್ನ ಅರ್ಥೈಸಿಕೊಳ್ಳಬಹುದು.