ಹುಡುಗಿಯರ ಶರ್ಟ್ ಬಟನ್ಸ್ ಎಡಬದಿಗೆ, ಗಂಡಸರ ಶರ್ಟ್ ಬಟನ್ಸ್ ಬಲಬದಿಗೆ ಯಾಕಿರುತ್ತೆ ಗೊತ್ತಾ?
ನಮ್ಮ ಸುತ್ತಮುತ್ತ ಇರೋ, ನಾವು ಪ್ರತಿದಿನ ಉಪಯೋಗಿಸೋ ತುಂಬ ವಸ್ತುಗಳಲ್ಲಿ ನಮಗೆ ಗೊತ್ತಿಲ್ಲದ ವಿಷಯಗಳು ಅಡಗಿರುತ್ತವೆ. ನೋಡೋಕೆ ಸಾಮಾನ್ಯವಾಗಿ ಕಾಣುವ ವಸ್ತುಗಳ ಹಿಂದೆ ದೊಡ್ಡ ಕಾರಣಗಳಿರುತ್ತವೆ. ಹೆಂಗಸರು ಹಾಕೋ ಶರ್ಟ್ ಬಟನ್ಸ್ ಕೂಡ ಅಂಥದ್ದೇ. ಈ ಕುತೂಹಲಕಾರಿ ವಿಷಯದ ಬಗ್ಗೆ ಈಗ ತಿಳಿದುಕೊಳ್ಳೋಣ.
ಶರ್ಟ್ಗಳನ್ನು ಗಂಡಸರು ಹಾಗೂ ಹೆಂಗಸರು ಹಾಕುತ್ತಾರೆ. ಆದರೆ ಇದು ಈಗ ಬಂದ ಲೇಟೆಸ್ಟ್ ಟ್ರೆಂಡ್ ಅಲ್ಲ. ನೂರಾರು ವರ್ಷಗಳಿಂದ ಈ ಸಂಪ್ರದಾಯ ಬರ್ತಿದೆ. ನೀವು ಗಮನಿಸಿದರೆ ಹೆಂಗಸರು ಹಾಕೋ ಶರ್ಟ್, ಗಂಡಸರು ಹಾಕೋ ಶರ್ಟ್ಗೂ ಒಂದು ಸಣ್ಣ ವ್ಯತ್ಯಾಸ ಇರುತ್ತೆ. ಹೆಂಗಸರ ಶರ್ಟ್ಗಳಲ್ಲಿ ಬಟನ್ಸ್ ಎಡಬದಿಗೆ ಇರುತ್ತೆ. ಗಂಡಸರ ಶರ್ಟ್ಗಳಲ್ಲಿ ಬಟನ್ಸ್ ಬಲಬದಿಗೆ ಇರುತ್ತೆ. ಈ ವ್ಯತ್ಯಾಸದ ಹಿಂದಿನ ನಿಜವಾದ ಕಾರಣ ಏನು ಅಂತ ಎಂದಾದರೂ ಯೋಚಿಸಿದ್ದೀರಾ? ಈಗ ತಿಳಿದುಕೊಳ್ಳೋಣ.
ಐತಿಹಾಸಿಕ ಕಾರಣಗಳು: ಶರ್ಟ್ ಬಟನ್ಸ್ ರಿವರ್ಸ್ನಲ್ಲಿ ಇರೋದಕ್ಕೆ ಐತಿಹಾಸಿಕ ಕಾರಣಗಳಿವೆ. ಮೊದಲು ಶರ್ಟ್ಗಳನ್ನು ಶ್ರೀಮಂತ ವರ್ಗದ ಹೆಂಗಸರು ಮಾತ್ರ ಧರಿಸುತ್ತಿದ್ದರು. ಅದರಲ್ಲೂ ರಾಜಮನೆತನದ ಹೆಂಗಸರು ಹಾಕುತ್ತಿದ್ದರು. ಇವರ ಜೊತೆ ದಾಸಿಯರಿರುತ್ತಿದ್ದರು. ಶರ್ಟ್ಗಳನ್ನು ಬಿಚ್ಚುವುದು, ಹಾಕುವುದು ದಾಸಿಯರು ಕೆಲಸವಾಗಿತ್ತು. ಬೇರೆಯವರು ಶರ್ಟ್ ಬಟನ್ಸ್ ಬಿಚ್ಚಬೇಕಾದರೆ ಬಟನ್ಸ್ ಎಡಬದಿಗೆ ಇದ್ದರೆ ಅನುಕೂಲ. ಅದಕ್ಕೆ ಮೊದಲಿನಿಂದಲೂ ಹೆಂಗಸರ ಶರ್ಟ್ಗಳಿಗೆ ಬಟನ್ಸ್ ಎಡಬದಿಗೆ ಇದೆ. ಗಂಡಸರು ತಾವೇ ಬಟ್ಟೆ ಹಾಕಿಕೊಳ್ಳುತ್ತಿದ್ದರಿಂದ ಅವರ ಅನುಕೂಲಕ್ಕೆ ಬಲಬದಿಗೆ ಬಟನ್ಸ್ ಇಟ್ಟಿದ್ದಾರೆ ಅಂತಾರೆ.
ಕುದುರೆ ಸವಾರಿ: ಮೊದಲು ರಾಜಮನೆತನದ ಹೆಂಗಸರು ಕುದುರೆ ಸವಾರಿ ಮಾಡುತ್ತಿದ್ದರು. ಅವರು ಕುದುರೆಯ ಮೇಲೆ ಎರಡೂ ಕಾಲುಗಳನ್ನು ಒಂದೇ ಬದಿಗೆ ಹಾಕಿ ಕೂರುತ್ತಿದ್ದರು. ಈ ಸಮಯದಲ್ಲಿ ಗಾಳಿಗೆ ಶರ್ಟ್ ಹಾರುತ್ತಿತ್ತು. ಈ ಕಾರಣಕ್ಕೆ ಬಟನ್ಸ್ ಎಡಬದಿಗೆ ಹೊಲಿಯೋದು ಶುರುವಾಯಿತು ಅಂತ ಕೆಲವರು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.
ಹಾಲುಣಿಸುವುದು: ಹೆಂಗಸರು ಹೆಚ್ಚಾಗಿ ಎಡಗೈಯಲ್ಲಿ ಮಕ್ಕಳನ್ನು ಹಿಡಿದುಕೊಂಡು ಬಲಗೈಯಲ್ಲಿ ಏನಾದರೂ ಕೆಲಸ ಮಾಡುತ್ತಿದ್ದರು. ಮಕ್ಕಳಿಗೆ ಹಾಲುಣಿಸುವಾಗ ಬಟ್ಟೆಗಳನ್ನು ಸುಲಭವಾಗಿ ಬಿಚ್ಚಲು ಅನುಕೂಲವಾಗಲಿ ಅಂತ ಬಟನ್ಸ್ ಎಡಬದಿಗೆ ಇಟ್ಟಿದ್ದಾರೆ ಅನ್ನೋ ಅಭಿಪ್ರಾಯ ಕೂಡ ಇದೆ.
ಗಂಡಸರ ಶರ್ಟ್ನಲ್ಲಿ ಕಿಸೆ ಬಲಬದಿಗೆ ಇರೋದಕ್ಕೆ ಕಾರಣ ಗೊತ್ತಾ?
ಗಂಡಸರ ಶರ್ಟ್ಗಳಿಗೆ ಬಟನ್ಸ್ ಬಲಬದಿಗೆ ಇರೋದಕ್ಕೆ ಇನ್ನೊಂದು ಕಾರಣ ಕೂಡ ಪ್ರಚಾರದಲ್ಲಿದೆ. ಮೊದಲು ಯುದ್ಧದಲ್ಲಿ ಭಾಗವಹಿಸುವಾಗ ಗಂಡಸರ ಬಲಗೈಯಲ್ಲಿ ಆಯುಧಗಳಿರುತ್ತಿದ್ದವು. ಈ ಸಮಯದಲ್ಲಿ ಶರ್ಟ್ಗಳನ್ನು ಎಡಗೈಯಿಂದ ಸುಲಭವಾಗಿ ಬಿಚ್ಚಲು ಅನುಕೂಲವಾಗಲಿ ಅಂತ ಈ ರೀತಿ ವಿನ್ಯಾಸ ಮಾಡಿದ್ದಾರೆ ಅಂತಾರೆ.
ಹೆಂಗಸರ ಶರ್ಟ್ಗಳಿಗೆ ಬಟನ್ಸ್ ಎಡಬದಿಗೆ ಇರೋದಕ್ಕೆ ಈ ರೀತಿಯ ಹಲವು ಕಾರಣಗಳು ಪ್ರಚಾರದಲ್ಲಿವೆ. ಏನೇ ಆಗಲಿ ಕೆಲವು ನೂರು ವರ್ಷಗಳಿಂದ ಇದು ಹೀಗೆಯೇ ಮುಂದುವರಿಯುತ್ತಿದೆ. ಈಗಿನ ವಿನ್ಯಾಸಕರು ಕೂಡ ಇದೇ ವಿನ್ಯಾಸವನ್ನು ಮುಂದುವರಿಸುತ್ತಿದ್ದಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.