ಸ್ಪ್ಯಾನಿಷ್ ಡಿಸೈನರ್ 4 ಲಕ್ಷ ಮೌಲ್ಯದ ಬಟ್ಟೆ ಧರಿಸಿ ಮಿಂಚಿದ ಇಶಾ ಅಂಬಾನಿ!
ಏಷ್ಯಾದ ಶ್ರೀಮಂತ ವ್ಯಕ್ತಿ ಮುಕೇಶ್ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿ ಅವರು ನೀತಾ ಮುಖೇಶ್ ಅಂಬಾನಿ ಸಾಂಸ್ಕೃತಿಕ ಕೇಂದ್ರದಲ್ಲಿ (NMACC) ಕಲಾ ಪ್ರದರ್ಶನದ ಉದ್ಘಾಟನಾ ಸಮಾರಂಭದಲ್ಲಿ ಬೆರಗುಗೊಳಿಸುವ ಉಡುಪು ಧರಿಸಿದ್ದರು.
ನವೆಂಬರ್ 30 ರಂದು, ಕಲ್ಚರಲ್ ಸೆಂಟರ್ನ ಆರ್ಟ್ ಹೌಸ್ "ಪಾಪ್: ಫೇಮ್, ಲವ್ ಅಂಡ್ ಪವರ್" ನ ಉದ್ಘಾಟನೆಯನ್ನು ಆಯೋಜಿಸಿತು, ಇದು 1950 ರ ದಶಕದ ಉತ್ತರಾರ್ಧದಿಂದ ಲಾರೆನ್ಸ್ ವ್ಯಾನ್ ಹ್ಯಾಗನ್ ಅವರಿಂದ ಸಂಗ್ರಹಿಸಲ್ಪಟ್ಟ ಗಮನಾರ್ಹ ಅಮೇರಿಕನ್ ಪಾಪ್ ಆರ್ಟ್ ಕೃತಿಗಳನ್ನು ಒಳಗೊಂಡಿತ್ತು.
ನೀತಾ ಮುಖೇಶ್ ಅಂಬಾನಿ ಕಲ್ಚರ್ ಸೆಂಟರ್ನಲ್ಲಿ ಪಾಪ್: ಫೇಮ್, ಲವ್ ಅಂಡ್ ಪವರ್ ಬಿಡುಗಡೆಗಾಗಿ ಬಹುಕಾಂತೀಯ ಉದ್ಯಮಿ ಇಶಾ ಅಂಬಾನಿ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಆಕೆ ಅಪರೂಪದ ಗೋಲ್ಡನ್ ಡ್ರೆಸ್ ಧರಿಸಿ ಕಾಣಿಸಿಕೊಂಡಿದ್ದು, ಫ್ಯಾಶನ್ ಪ್ರಿಯರ ಗಮನ ಸೆಳೆದಿದೆ. ಇಶಾ ಅಂಬಾನಿ ಅವರ ಉಡುಗೆ ಸ್ಪ್ಯಾನಿಷ್ ಡಿಸೈನರ್ ಪ್ಯಾಕೊ ರಬನ್ನೆ ಅವರದ್ದು ಮತ್ತು ಇದರ ಬೆಲೆ $4,900 (ಅಂದಾಜು ರೂ 4,08,679).
ಇಶಾ ತನ್ನ ಬಟ್ಟೆಗೆ ಹೊಂದುವಂತೆ ಸರಳವಾದ ವಜ್ರದ ಕಿವಿಯೋಲೆಗಳು ಮತ್ತು ಉಂಗುರಗಳೊಂದಿಗೆ ತನ್ನ ನೋಟ ಬೀರಿದರು. ಸಡಿಲವಾದ ಮತ್ತು ಸೂಕ್ಷ್ಮವಾದ ಮೇಕ್ಅಪ್ನೊಂದಿಗೆ ಕೂದಲನ್ನು ಬಾಚಿದ್ದರು. ಕಾಲಿಗೆ ಸುಂದರವಾದ ಗೋಲ್ಡನ್ ಹೀಲ್ಸ್ ಧರಿಸಿದ್ದರು.
ಇಶಾ ಅಂಬಾನಿ ಅವರು ತಮ್ಮ ಮೇಕ್ಅಪ್ ನಿಂದ ಕೂಡ ಹೊಳೆಯುವ ನೋಟಬೀರುತ್ತಿದ್ದರು. ಗುಲಾಬಿ ಬಣ್ಣದ ಅಂಡರ್ಟೋನ್ಗಳು ಮತ್ತು ಹೊಳೆಯುವ ಹೈಲೈಟರ್ ಹಾಕಿದ್ದರು. ತನ್ನ ಉಡುಪಿಗೆ ಪೂರಕವಾಗಿ ಸಣ್ಣ ಮಿನುಗುವ ಗೋಲ್ಡನ್ ಕ್ಲಚ್ ಅನ್ನು ಕೂಡ ಅವರಲ್ಲಿತ್ತು.
ಸೋನಮ್ ಕಪೂರ್, ಭೂಮಿ ಪೆಡ್ನೇಕರ್, ಶನಯಾ ಕಪೂರ್ ಮತ್ತು ಓರ್ಹಾನ್ ಅವತ್ರಮಣಿ ಸೇರಿದಂತೆ ಅನೇಕ ಗಣ್ಯರು ಕಲಾ ಪ್ರದರ್ಶನದ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದರು.