ಬ್ಯೂಟಿ ಬ್ರ್ಯಾಂಡ್ Nykaa ವಿರುದ್ಧ ಸ್ಪರ್ಧೆಗಿಳಿದ ಅಂಬಾನಿ; 8.4 ಲಕ್ಷ ಕೋಟಿ ವೆಚ್ಚದಲ್ಲಿ 'ತಿರಾ' ಮಳಿಗೆ ಆರಂಭ
ಬ್ಯೂಟಿ ಪ್ರಾಡಕ್ಟ್‌ಗಳಲ್ಲಿ ಹೆಚ್ಚು ಹೆಸರು ಮಾಡಿರೋ ಬ್ರ್ಯಾಂಡ್ ನೈಕಾ. ಈಗ ಇದಕ್ಕೆ ಪ್ರತಿಸ್ಪರ್ಧಿಯಾಗಿ ಹೊಸತೊಂದು ಸಂಸ್ಥೆಯನ್ನು ಅಂಬಾನಿ ಗ್ರೂಪ್ ಆರಂಭಿಸುತ್ತಿದೆ. ಇಶಾ ಅಂಬಾನಿ ನೇತೃತ್ವದ ಮೊದಲ ಮಳಿಗೆಗೆ ಬರೋಬ್ಬರಿ 8.4 ಲಕ್ಷ ಕೋಟಿ ರೂ.ಮಾಡಲಾಗಿದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ರಿಲಯನ್ಸ್ ರಿಟೇಲ್‌ಗಾಗಿ ಮುಕೇಶ್ ಅಂಬಾನಿ ಮತ್ತು ಅವರ ಪುತ್ರಿ ಇಶಾ ಅಂಬಾನಿ ಅವರ ಬಿಸಿನೆಸ್‌ ತಂತ್ರವು ಕಂಪನಿಯು 8.4 ಲಕ್ಷ ಕೋಟಿ ಮೌಲ್ಯವನ್ನು ತಲುಪಲು ಸಹಾಯ ಮಾಡಿದೆ. ಆ ಮೌಲ್ಯಮಾಪನದೊಂದಿಗೆ, ರಿಲಯನ್ಸ್ ರಿಟೇಲ್ ಮುಕೇಶ್ ಅಂಬಾನಿಯವರ ರಿಲಯನ್ಸ್ ಇಂಡಸ್ಟ್ರೀಸ್‌ನ ಅತ್ಯುತ್ತಮ ಕಾರ್ಯನಿರ್ವಹಣೆಯ ಅಂಗಸಂಸ್ಥೆಗಳಲ್ಲಿ ಒಂದಾಗಿದೆ. ಅದು 16.18 ಟ್ರಿಲಿಯನ್ ರೂ. ಮಾರುಕಟ್ಟೆ ನಿವ್ವಳ ಮೌಲ್ಯವನ್ನು ಹೊಂದಿದೆ.
ಈ ಅತ್ಯುತ್ತಮ ಲಾಭದ ಜೊತೆಗೇ ಇಶಾ ಅಂಬಾನಿ ದೆಹಲಿಯಲ್ಲಿ ತನ್ನ ಹೊಸ ಬ್ಯೂಟಿ ಬ್ರ್ಯಾಂಡ್ ತಿರಾ ಹೊಸ ಮಳಿಗೆಯನ್ನು ತೆರೆಯುತ್ತಿದ್ದಾರೆ ಎಂದು ವರದಿಯಾಗಿದೆ. ದೆಹಲಿಯಲ್ಲಿ ತನ್ನ ಮೊದಲ ಮಳಿಗೆಯನ್ನು ತೆರೆಯುವ ಮೊದಲು, ತಿರಾ ಈಗಾಗಲೇ ಮುಂಬೈ, ಹೈದರಾಬಾದ್ ಮತ್ತು ಚೆನ್ನೈನಲ್ಲಿ ತನ್ನ ಮಳಿಗೆಗಳನ್ನು ಪ್ರಾರಂಭಿಸಿದೆ.
ಸಾಕೇತ್‌ನಲ್ಲಿರುವ ಡಿಎಲ್‌ಎಫ್ ಮಾಲ್‌ನ ನೆಲ ಮಹಡಿಯಲ್ಲಿ ತೀರಾ ಸುಮಾರು 3,000 ಚದರ ಅಡಿ ಜಾಗವನ್ನು ತೆಗೆದುಕೊಂಡಿದೆ ಎಂದು ಇಂಡಿಯಾ ರೀಟೇಲಿಂಗ್ ವರದಿ ಬಹಿರಂಗಪಡಿಸಿದೆ.
ಇಶಾ ಅಂಬಾನಿಯ ಬ್ರಾಂಡ್‌ನಿಂದ ಬಾಡಿಗೆಗೆ ಪಡೆದ ಜಾಗವನ್ನು ಈ ಹಿಂದೆ ಫ್ಯಾಶನ್ ಬ್ರಾಂಡ್ ಫಾರೆವರ್ 21 ಆಕ್ರಮಿಸಿಕೊಂಡಿತ್ತು, ಇದನ್ನು ಭಾರತದಲ್ಲಿ ಆದಿತ್ಯ ಬಿರ್ಲಾ ಫ್ಯಾಶನ್ ಮತ್ತು ರಿಟೇಲ್ ನಿರ್ವಹಿಸುತ್ತದೆ.
ತಿರಾವನ್ನು ಮುಖೇಶ್ ಅಂಬಾನಿ ಅವರ ಆಪ್ತ ಸಹಾಯಕನ ಮಗಳು ಭಕ್ತಿ ಮೋದಿ ಸಹ ಸ್ಥಾಪಿಸಿದ್ದಾರೆ. ತಿರಾವನ್ನು ಇಶಾ ಅಂಬಾನಿಯವರು ನೋಡಿಕೊಳ್ಳುತ್ತಾರೆ. ಇದು Nykaa, Tata Cliq Palette, Myntra ಮತ್ತು ಇತರರ ವಿರುದ್ಧ ಸ್ಪರ್ಧಿಸುತ್ತದೆ.
ಬಿಡುಗಡೆಯ ಸಮಯದಲ್ಲಿ ಅದರ ಪ್ರಚಾರಕ್ಕಾಗಿ, ತಿರಾ ಕರೀನಾ ಕಪೂರ್, ಕಿಯಾರಾ ಅಡ್ವಾಣಿ ಮತ್ತು ಶಾರುಖ್ ಖಾನ್ ಅವರ ಪುತ್ರಿ ಸುಹಾನಾ ಖಾನ್ ಅವರನ್ನು ಅದರ ಬ್ರಾಂಡ್ ಅಂಬಾಸಿಡರ್‌ಗಳಾಗಿ ನೇಮಿಸಿಕೊಂಡರು.
ಇಂಡಿಯಾ ರೀಟೈಲಿಂಗ್ ವರದಿ ಮಾಡಿದಂತೆ, ತಿರಾ ಅವರ ದೆಹಲಿ ಅಂಗಡಿಯ ಸ್ಥಳವು ಸಾಕೇತ್ ಮಾಲ್‌ನಲ್ಲಿರುವ ಯುನಿಕ್ಲೋ ಆಂಕರ್ ಸ್ಟೋರ್‌ನ ಪಕ್ಕದಲ್ಲಿದೆ. ಇಶಾ ಅಂಬಾನಿಯವರ ರಿಲಯನ್ಸ್ ರಿಟೇಲ್.
ಪ್ರಸ್ತುತ ರಾಷ್ಟ್ರದ ರಾಜಧಾನಿಯಲ್ಲಿ ಮೊದಲ ತಿರಾ ಸ್ಟೋರ್‌ಗಾಗಿ ಫಿಟ್-ಔಟ್‌ಗಳನ್ನು ಕೈಗೊಳ್ಳುತ್ತಿದೆ. ಅದೇನೆ ಇರ್ಲಿ ಉದ್ಯಮಿ ದಿಗ್ಗಜನ ಮತ್ತೊಂದು ಫ್ಯಾಷನ್ ಬ್ರ್ಯಾಂಡ್ ಮಿಲಿಯನ್‌ಗಟ್ಟಲೆ ಗಳಿಸಲು ಸಜ್ಜಾಗಿದೆ ಎಂದೇ ಹೇಳಬಹುದು.
