ರ್ಯಾಂಪ್ ವಾಕ್ ಮಾಡೋ ಮಾಡೆಲ್ ಗಳು ಅಷ್ಟೊಂದು ತೆಳ್ಳಗಿರೋದು ಯಾಕೆ?

ಫ್ಯಾಷನ್ ಡಿಸೈನರ್ (fashion designer) ಸಬ್ಯಸಾಚಿ ಮುಖರ್ಜಿ ತಮ್ಮ ಬ್ರೈಡಲ್ ಕಲೆಕ್ಷನ್ ಗಾಗಿ ಪ್ಲಸ್ ಸೈಜ್ ನ ಮಾಡೆಲ್ ಗಳನ್ನು ಆಯ್ಕೆ ಮಾಡಿದಾಗ, ಜನರು ಈ ಕ್ರಮವನ್ನು ಶ್ಲಾಘಿಸಿದರು. ಯಾಕಂದ್ರೆ ನಾವು ಗಮನಿಸಿದ ಹಾಗೆ ಯಾವಗಲೂ ರ್ಯಾಂಪ್ ಮೇಲೆ ನಡೆಯೋ ಸೂಪರ್ ಮಾಡೆಲ್ ಗಳು ತುಂಬಾನೆ ತೆಳ್ಳಗಿರುತ್ತಾರೆ. ಅವರ ಮುಖದಲ್ಲಿ ಯಾವುದೆ ಭಾವನೆ ಕೂಡ ಇರೋದಿಲ್ಲ, ರ್ಯಾಂಪ್ ಮೇಲೆ ಮಾಡೆಲ್ ನಗುತ್ತಿದ್ದರೆ, ಮಾಡೆಲಿಂಗ್ ವೃತ್ತಿಯ ಪ್ರಕಾರ ಅದನ್ನು ತಪ್ಪು ಎಂದು ಪರಿಗಣಿಸಲಾಗುತ್ತದೆ. 

ಸಾಮಾನ್ಯವಾಗಿ ಹೇಳೋದಾದ್ರೆ ಹುಡುಗಿಯ ಸೌಂದರ್ಯ ಅಡಗಿರೋದು ಆಕೆಯ ದೇಹದ ಆಕಾರದಲ್ಲಿ ಎಂದು ಹೆಚ್ಚಿನ ಜನ ನಂಬುತ್ತಾರೆ. ಅದಕ್ಕಾಗಿಯೇ ಫ್ಯಾಟ್ ಬರ್ನ್, ಡಯಟ್ ಕಾರ್ಯಕ್ರಮಗಳ ಬಗ್ಗೆ ಜನರು ಹೆಚ್ಚು ಆಸಕ್ತಿ ಹೊಂದಿರುತ್ತಾರೆ. ಹೆಚ್ಚುತ್ತಿರುವ ತೂಕ ಕಡಿಮೆ ಮಾಡಲು ಜನರು ಏನೇನೋ ಟಿಪ್ಸ್ ಗಳನ್ನು ಫಾಲೋ ಮಾಡ್ತಾರೆ. ಆದರೆ ಈ ಮಾಡೆಲ್ ಗಳು (skinny models) ಅಷ್ಟೊಂದು ತೆಳ್ಳಗಿರೋದು ಹೇಗೆ?

ಮಾಡೆಲ್ ಗಳು ಅಷ್ಟೊಂದು ತೆಳ್ಳಗಿರೋದು ಯಾಕೆ?: ವಿಕ್ಟೋಯರ್ ಮ್ಯಾಕನ್ ಡೌಸೆರೆ ತನ್ನ ಪುಸ್ತಕದಲ್ಲಿ ಇದಕ್ಕೆ ಉತ್ತರ ನೀಡಿದ್ದರು. ಮಕಾನ್ ಗೆ, ಮಾಡೆಲಿಂಗ್ ಕರಿಯರ್ ಒಂದು ಕನಸಾಗಿತ್ತು, ಆದರೆ ಮಾಡೆಲಿಂಗ್ ಪ್ರಪಂಚದ (modeling world) ಸತ್ಯವನ್ನು ತಿಳಿದಾಗ, ಅವರ ಕನಸು ಭಗ್ನವಾಯಿತಂತೆ.

18 ನೇ ವಯಸ್ಸಿನಲ್ಲಿ, ಮ್ಯಾಕನ್ ಪ್ಯಾರಿಸ್ ಫ್ಯಾಷನ್ ವೀಕ್ನಲ್ಲಿ ರ್ಯಾಂಪ್ ವಾಕ್ ಮಾಡಲು ಅವಕಾಶ ಪಡೆದಾಗ ತುಂಬಾನೆ ಸಂತೋಷಪಟ್ಟರಂತೆ.  ಆದರೆ ಕೆಲವೇ ತಿಂಗಳುಗಳಲ್ಲಿ ರ್ಯಾಂಪ್ ವಾಕ್ ಮಾಡುವವರ ಸೈಜ್ 32-34 ಆಗಿರಬೇಕು ಎಂದು ತಿಳಿಯಿತು. ತನ್ನ ತೂಕ ಇಳಿಸಲು 

ಕೆಲವೇ ತಿಂಗಳುಗಳಲ್ಲಿ, ಮ್ಯಾಕನ್ ಅನೋರೆಕ್ಸಿಯಾ (anorexia) ಸಮಸ್ಯೆ ಅನುಭವಿಸಬೇಕಾಗಿ ಬಂತು. ಅವರು ದಿನಕ್ಕೆ ಮೂರು ಸೇಬುಗಳನ್ನು ಮತ್ತು ಡಯಟ್ ಕೋಲಾ ಮಾತ್ರ ಕುಡಿಯುತ್ತಿದ್ದರಂತೆ. ಅವರು ತಮ್ಮ ಪುಸ್ತಕ 'ನೆವರ್ ಸ್ಕಿನ್ನಿ ಎನಫ್: ದಿ ಡೈರಿ ಆಫ್ ಎ ಟಾಪ್ ಮಾಡೆಲ್'  ನಲ್ಲಿ ಈ ಬಗ್ಗೆ ಬರೆದಿದ್ದಾರೆ. ಮಾಡೆಲಿಂಗ್ ಜಗತ್ತಿನಲ್ಲಿ, ನಿಜವಾದ ಅರ್ಥದಲ್ಲಿ ಆಹಾರವನ್ನು ತಿನ್ನದೆ ಗಾಳಿಯಲ್ಲಿ ಮಾತ್ರ ಬದುಕಬೇಕು. ಅದಕ್ಕಾಗಿಯೇ ಮಾಡೆಲ್ ಗಳು ತುಂಬಾ ಕಡಿಮೆ ತೂಕವನ್ನು (low weight) ಹೊಂದಿದ್ದಾರೆ ಅನ್ನೋದನ್ನು ತಿಳಿಸಿದ್ದಾರೆ. 

ಎಕ್ಸ್ಟ್ರೀಮ್ ಡಯಟ್:  ಸೌಂದರ್ಯ ಸ್ಪರ್ಧೆಯ ಸ್ಪರ್ಧಿಗಳು, ಫ್ಯಾಷನ್ ಶೋ ಮಾಡೆಲ್ (models in fashion show) ಗಳು ಮತ್ತು ಟಿವಿ ಜಾಹೀರಾತು ಮಾಡೆಲ್ ಗಳ ವಿಷಯದಲ್ಲೂ ಇದೇ ರೀತಿ ಆಗುತ್ತದೆ. ಅವರು ತುಂಬಾ ಎಕ್ಸ್ ಟ್ರೀಮ್ ಡಯಟ್ ಫಾಲೋ ಮಾಡಬೇಕು. ಇದರಲ್ಲಿ ತುಂಬಾ ಕಡಿಮೆ ಪ್ರಮಾಣದಲ್ಲಿ ಆಹಾರ ಸೇವಿಸಲು ಹೇಳಲಾಗುತ್ತೆ. ಇದರಿಂದ ಅವರ ದೇಹವು ಆಹಾರ ತಿನ್ನದೇ ಇರೋದಕ್ಕೆ ಒಗ್ಗಿಕೊಳ್ಳುತ್ತದೆ. ಇದೇ ಕಾರಣದಿಂದಾಗಿ ಬಹಳಷ್ಟು ಮಾಡೆಲ್ ಗಳು ಅನೋರೆಕ್ಸಿಯಾ ಸಮಸ್ಯೆಗೆ ಬಲಿಯಾಗುತ್ತಾರೆ. .

ಹೆಚ್ಚಿನ ಫಿಸಿಕಲ್ ಆಕ್ಟಿವಿಟಿ: ಮಾಡೆಲ್ ಗಳು ಸಹ ಸಾಕಷ್ಟು ವ್ಯಾಯಾಮ (extreme physical activity)  ಮಾಡಬೇಕಾಗುತ್ತದೆ. ಅವರು ಪ್ರತಿದಿನ ಜಿಮ್ ನಲ್ಲಿ ಅನೇಕ ಗಂಟೆಗಳ ಕಾಲ ಕಳೆಯಬೇಕಾಗುತ್ತದೆ ಮತ್ತು ಅವರ ದೇಹದ ಬಗ್ಗೆ ಅವರು ಸರಿಯಾಗಿ ಗಮನ ಹರಿಸಬೇಕು. ಯಾಕಂದ್ರೆ ಮಾಡೆಲಿಂಗ್ ನಲ್ಲಿ ಎಲ್ಲಾದಕ್ಕೂ ಇತಿ ಮಿತಿ ಇದೆ. ಉದಾಹರಣೆಗೆ, ಅವರ ಹೊಟ್ಟೆ ಯಾವಾಗಲೂ ಚಪ್ಪಟೆಯಾಗಿರಬೇಕು. ಹೊಟ್ಟೆ ಸ್ವಲ್ಪ ಬಂದರೂ ಅದು ತಪ್ಪಾಗುತ್ತೆ. 

ಶಸ್ತ್ರಚಿಕಿತ್ಸೆ ಮತ್ತು ಸಪ್ಲಿಮೆಂಟ್ಸ್: ವಿಕ್ಟೋರಿಯಾದ ಮಾಜಿ ಸೀಕ್ರೆಟ್ ಮಾಡೆಲ್ ಎರಿನ್ ಹೀಥರ್ಟನ್ ಅವರು ತಾವು ತೆಳ್ಳಗಿರಲು ಡಯಟ್ ಪಿಲ್ಸ್ (diet pills) ಬಳಸಬೇಕಾಗಿತ್ತು ಎಂದು ಒಮ್ಮೆ ಬಹಿರಂಗಪಡಿಸಿದರು. ಈ ಮಾತ್ರೆಗಳನ್ನು ತಿನ್ನುವ ಮೂಲಕ, ತೂಕ ಹೆಚ್ಚಲಿಲ್ಲ, ಜೊತೆಗೆ ಹಸಿವು ಸಹ ಆಗುತ್ತಿರಲಿಲ್ಲ. ಆದರೆ ಈ ಕಾರಣದಿಂದಾಗಿ, ಅವರ ಆರೋಗ್ಯದ ಮೇಲೆ ಹೆಚ್ಚಿನ ಪರಿಣಾಮ ಬೀರಿತು.