ಚಳಿಗಾಲ: ಇವನ್ನು ಮಹಿಳೆಯರು ಬ್ಯಾಗಲ್ಲಿಟ್ಟುಕೊಳ್ಳಬೇಕು!
ಚಳಿಗಾಲ ಈಗಾಗಲೇ ಆರಂಭವಾಗಿದೆ. ಈ ಚುಮುಚುಮು ಚಳಿಯಲ್ಲಿ ನಿಮ್ಮನ್ನು ನೀವು ಚಳಿಯಿಂದ ರಕ್ಷಿಸಿಕೊಳ್ಳಲು ಅಥವಾ ಸ್ಕಿನ್‌ ಪ್ರೊಟೆಕ್ಟ್‌ ಮಾಡಲು ಅಥವಾ ಫ್ಯಾಷನೇಬಲ್‌ ಆಗಿರಲು ಏನಾದರೂ ಮಾಡಲೇಬೇಕು. ಇದರಿಂದ ನಿಮ್ಮ ಸ್ಕಿನ್‌ ಸಹ ಮಾಯಿಶ್ಚರೈಸಿಂಗ್‌ ಆಗಿರಬೇಕು ಹಾಗೂ ಸ್ಟೈಲಿಶ್‌ ಆಗಿ ಕಾಣಬೇಕು. ಅದಕ್ಕಾಗಿ ನೀವು ಈ ಐಟಂಗಳು ನಿಮ್ಮ ಬ್ಯಾಗ್‌ನಲ್ಲಿರಿಸಿ, ಇದು ನಿಮಗೆ ಚಳಿಗಾಲದಲ್ಲೂ ಸುಂದರ ಲುಕ್ ನೀಡುತ್ತೆ...
ಸನ್ಗ್ಲಾಸ್: ಸೂರ್ಯನ ನೇರ ಕಿರಣಗಳಿಂದ ಮುಕ್ತಿ ಪಡೆಯಲು ಸನ್ಗ್ಲಾಸ್ ಬೇಕೇ ಬೇಕು. ಇದು ಎಲ್ಲಾ ಕಾಲಕ್ಕೂ ಸೂಕ್ತವಾದ ವಸ್ತುವಾಗಿದೆ. ಆದುದರಿಂದ ಟ್ರೆಂಡಿಯಾಗಿರುವ ಯುವಿ ಪ್ರೊಟೆಕ್ಷನ್‌ ಸನ್ಗ್ಲಾಸ್ ಯಾವಾಗಲೂ ನಿಮ್ಮ ಬ್ಯಾಗ್‌ನಲ್ಲಿರಿಸಿ.
ಲಿಪ್‌ ಬಾಮ್‌: ಮಹಿಳೆ ಅಂದ ಮೇಲೆ ಮುಖ್ಯವಾಗಿ ತುಟಿಗಳ ಚೆಂದವಾಗಿ ಕಾಣಿಸಿಕೊಳ್ಳಲೇ ಬೇಕು. ಚಳಿಗಾಲದಲ್ಲಂತೂ ತುಟಿಗಳು ಒಡೆದು ಬಿರುಕು ಬಿಡುತ್ತವೆ. ಆದುದರಿಂದ ಇದನ್ನು ತಡೆಯಲು ಯಾವಾಗಲೂ ನಿಮ್ಮ ಬಳಿ ಲಿಪ್‌ ಬಾಮ್‌ ಇಟ್ಟುಕೊಳ್ಳಿ.
ವೂಲನ್ ಹ್ಯಾಟ್: ಹೌದು ಇದು ಸಹ ನಿಮ್ಮ ಬ್ಯಾಗ್ ನಲ್ಲಿ ಇಟ್ಟುಕೊಳ್ಳಿ. ಇದು ನಿಮ್ಮನ್ನು ಚಳಿಗಾಲದಲ್ಲಿ ಮುದ್ದಾಗಿ ಕಾಣುವಂತಹ ಲುಕ್ ನೀಡುತ್ತದೆ. ಜೊತೆಗೆ ಅಂದವನ್ನು ಹೆಚ್ಚಿಸುತ್ತದೆ. ಬೇರೆ ಬೇರೆ ಬಣ್ಣಗಳ ವೂಲನ್ ಹ್ಯಾಟ್ ಸಿಗುತ್ತದೆ.
ಲೇಯರಿಂಗ್: ಚಳಿಗಾಲದಲ್ಲಿ ಲೇಯರಿಂಗ ಮಾಡುವುದು ತುಂಬಾನೇ ಮುಖ್ಯ, ಇದು ಚಳಿಯಿಂದ ರಕ್ಷಣೆ ನೀಡುವುದರ ಜೊತೆಗೆ, ಸ್ಟೈಲ್ ಲುಕ್ ನೀಡುತ್ತದೆ. ಆದುದರಿಂದ ಬ್ಯಾಗ್ ನಲ್ಲಿ ಒಂದು ಟಿ ಶರ್ಟ್ ಇಟ್ಟುಕೊಳ್ಳಿ.
ಗ್ಲೋವ್ಸ್ : ಇದು ಅಗತ್ಯ ಇಲ್ಲ. ಆದರೆ ನೀವು ತುಂಬಾ ಚಳಿಯಾದ , ಹಿಮಚ್ಛಾಧಿತ ಪ್ರದೇಶಗಳಿಗೆ ತೆರಳಿದರೆ ಅವಾಗ ಮುಖ್ಯವಾಗಿ ಕೈಗವಚ ಇರಲೇ ಬೇಕು. ಆದುದರಿಂದ ಅಂತಹ ಸಮಸ್ಯದಲ್ಲಿ ಗ್ಲೋವ್ಸ್ ಬ್ಯಾಗ್ ನಲ್ಲಿ ಇಡಲು ಮರೆಯಬೇಡಿ.
ಸ್ಕಾರ್ಫ್‌ :ಸ್ಟೈಲ್‌ಗಾದರೂ ಸರಿ ಚಳಿಯಿಂದ ರಕ್ಷಣೆ ಪಡೆಯಲೂ ಸರಿ ಎರಡಕ್ಕೂ ಸ್ಕಾರ್ಫ್‌ ಬೇಕೇ ಬೇಕು. ವಿವಿಧ ಬಣ್ಣಗಳಿಂದ ಕೂಡಿದ ವಿನ್ಯಾಸದ ಬೆಚ್ಚಗಿನ ಸ್ಕಾರ್ಫ್‌ಗಳು ನಿಮ್ಮ ಬಳಿ ಇರಲಿ.
ಹ್ಯಾಂಡ್‌ ಕ್ರೀಂ : ಒಣ ತ್ವಚೆ ಚಳಿಗಾಲದಲ್ಲಿ ಸರ್ವೇ ಸಾಮಾನ್ಯ. ಅದರಲ್ಲೂ ಕೈಗಳು ಒಣಗಿ ಪೇಲವವಾಗಿದ್ದರೆ ಸೌಂದರ್ಯಕ್ಕೆ ಕುತ್ತು ಬಂದಂತೆ ಆಗುತ್ತದೆ. ಆದುದರಿಂದ ಯಾವಾಗಲೂ ಹ್ಯಾಂಡ್‌ ಕ್ರೀಂ ಬ್ಯಾಗ್‌ನಲ್ಲಿರಲಿ. ಇದರಿಂದ ಸುಕೋಮಲ ಚರ್ಮ ನಿಮ್ಮದಾಗುತ್ತದೆ.
ಬಾಡಿ ಲೋಷನ್ : ಇದು ಚಳಿಗಾಲದಲ್ಲಿ ಮುಖ್ಯವಾಗಿ ಬೇಕಾಗುವಂತಹುದು. ಹೆಚ್ಚು ಚಳಿ ಇದ್ದರೆ ಬೇಕಾದರೂ ಚರ್ಮ ಡ್ರೈ ಆಗುತ್ತದೆ. ಇದನ್ನು ಹೋಗಲಾಡಿಸಲು ಬಾಡಿ ಲೋಷನ್ ಬಳಕೆ ಮಾಡಬೇಕು.
ಸಾಕ್ಸ್ : ಚಳಿಗಾಲದಲ್ಲಿ ಸಾಮಾನ್ಯವಾಗಿ ಜನರು ಶೂ ಇಷ್ಟಪಡುತ್ತಾರೆ. ನೀವು ಶೂ ಸ್ಯಾಂಡಲ್ ಧರಿಸುವಾಗ ಸಾಕ್ಸ್ ಧರಿಸಲು ಮರೆಯಬೇಡಿ. ಸಾಕ್ಸ್ ಧರಿಸದೇ ಇದ್ದರೆ ಬ್ಯಾಗ್ ನಲ್ಲಿ ಇಡಲು ಮರೆಯಬೇಡಿ.
