ಶಿಲ್ಪಾ ಶೆಟ್ಟಿಗೆ ಪೋಕರ್ ಆಡಲು ಕಲಿಸಿದ ಸ್ಪಿನ್ನರ್ ಶೇನ್ ವಾರ್ನ್ !

ಆಸ್ಟ್ರೇಲಿಯಾದ ದಿಗ್ಗಜ ಕ್ರಿಕೆಟಿಗ ಶೇನ್ ವಾರ್ನ್ (Shane warne) ನಿಧನರಾಗಿದ್ದಾರೆ. 52ನೇ ವಯಸ್ಸಿನಲ್ಲಿ ಹೃದಯಾಘಾತದಿಂದ ಇಹಲೋಕಕ್ಕೆ ವಿದಾಯ ಹೇಳಿದರು. ಶೇನ್ ವಾರ್ನ್ ಸಾವಿನ ಸುದ್ದಿ ಕೇಳಿ ಹಲವು ಬಾಲಿವುಡ್ ತಾರೆಯರು ಸಂತಾಪ ವ್ಯಕ್ತಪಡಿಸಿದ್ದಾರೆ . ಶಿಲ್ಪಾ ಶೆಟ್ಟಿ (Shilpa Shetty) ಕೂಡ ವಾರ್ನ್ ಸಾವಿಗೆ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ. ದಂತಕಥೆಗಳು ಸದಾ ಜೀವಂತವಾಗಿರುತ್ತವೆ ಎಂದಿದ್ದಾರೆ. ರಾಜ್ ಕುಂದ್ರಾ (Raj kundra) ಮತ್ತು ಶಿಲ್ಪಾ ಶೆಟ್ಟಿ ವಾರ್ನ್ ಅವರಿಗೆ ತುಂಬಾ ಹತ್ತಿರವಾಗಿದ್ದರು.

Contributor Asianet

Bangalore, First Published Mar 5, 2022, 5:54 PM IST | Last Updated Mar 5, 2022, 5:53 PM IST

ಶೇನ್ ವಾರ್ನ್ ಒಳ್ಳೆ ಪೋಕರ್ ಆಟಗಾರರಾಗಿದ್ದರು, ಅವರು ಒಮ್ಮೆ 2015 ರಲ್ಲಿ ವರ್ಲ್ಡ್ ಸೀರೀಸ್ ಆಫ್ ಪೋಕರ್ ಮೇನ್ ಈವೆಂಟ್‌ನಲ್ಲಿ ಭಾಗವಹಿಸಲು ಲಾಸ್ ಏಂಜಲೀಸ್‌ಗೆ ಹೋಗಿದ್ದರು. ಕ್ರಿಕೆಟ್‌ಗೆ ಮಾತ್ರವಲ್ಲದೆ ಪೋಕರ್‌ನ ಜನಪ್ರಿಯ ಕಾರ್ಡ್‌ಗಳ ಆಟದ ಬಗ್ಗೆಯೂ ಒಲವು ಹೊಂದಿದ್ದರು

ಶೇನ್ ವಾರ್ನ್ ಶಿಲ್ಪಾ ಶೆಟ್ಟಿ ಅವರ ಐಪಿಎಲ್ ತಂಡದಲ್ಲಿದ್ದರು. ಅವರು ಜನಪ್ರಿಯ ಕಾರ್ಡ್ ಆಟವಾದ ಪೋಕರ್ ಅನ್ನು ಆಡುತ್ತಿದ್ದರು. 2016 ರಲ್ಲಿ, ಅವರು ಭಾರತದಲ್ಲಿದ್ದಾಗ, ಅವರು ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿಗೆ ಪೋಕರ್ ಆಡಲು ಕಲಿಸಿದರು.

ಈ ಫೋಟೋದಲ್ಲಿ ಶೇನ್ ವಾರ್ನ್ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಜೊತೆ ಪೋಕರ್ ಆಡುವುದನ್ನು ಕಾಣಬಹುದು.ಶೇನ್ ವಾರ್ನ್ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಅವರೊಂದಿಗೆ ಪೋಕರ್ ಆಡುತ್ತಿದ್ದಾಗ,ಅವರ ಫೋಟೋಗಳು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದವು. ಈ ಫೋಟೋಗಳನ್ನು ಮೂವರೂ ತಮ್ಮ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಗಳಿಂದ ಬಹಳ ಹಿಂದೆಯೇ ಹಂಚಿಕೊಂಡಿದ್ದಾರೆ.

2016 ರಲ್ಲಿ ಮುಂಬೈನಲ್ಲಿರುವ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ಅವರ ನಿವಾಸದಲ್ಲಿ ಪೋಕರ್ ಆಟವನ್ನು ನಡೆಸಲಾಯಿತು. ವಾಸ್ತವವಾಗಿ, ಶೆಟ್ಟಿ ಶೇನ್ ವಾರ್ನ್ ಅವರನ್ನು ತನ್ನ 'ಪೋಕರ್ ಗುರು' ಎಂದು ಫೋಟೋವೊಂದರಲ್ಲಿ ಕರೆದಿದ್ದರು.

ಶೇನ್ ವಾರ್ನ್ ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕರಾಗಿದ್ದರು. 2008 ರಲ್ಲಿ IPL ನ ಮೊದಲ ಋತುವಿನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಪ್ರಶಸ್ತಿಯನ್ನು ಗೆದ್ದಿದ್ದರು. ಶೇನ್ ವಾರ್ನ್ ಐಪಿಎಲ್ ಹರಾಜಿನ ಇತಿಹಾಸದಲ್ಲಿ ಮಾರಾಟವಾದ ಮೊದಲ ಆಟಗಾರ.

ರಾಜಸ್ಥಾನ್ ರಾಯಲ್ಸ್ ಅವರನ್ನು ಸುಮಾರು 2 ಕೋಟಿ ರೂ.ಗಳ ಮೂಲ ಬೆಲೆಗೆ ತೆಗೆದುಕೊಂಡಿತು. ನಂತರ ರಾಯಲ್ಸ್ ಅವರನ್ನು ತಮ್ಮ ನಾಯಕನನ್ನಾಗಿ ಮಾಡಿದರು.IPL 2008 ರಲ್ಲಿ, ಶೇನ್ ವಾರ್ನ್ 15 ಪಂದ್ಯಗಳಲ್ಲಿ 19 ವಿಕೆಟ್‌ಗಳನ್ನು ಪಡೆದರು.