'ನೀನು ಯಾಕೆ ತಾಯಿಯಾದೆ': ಐಶ್ವರ್ಯಾ ರೈ ಮೇಲೆ ಕೋಪಗೊಂಡು ಲಾಂಗ್ ಮೆಸೇಜ್ ಮಾಡಿದ ನಿರ್ದೇಶಕ ಆರ್‌ಜಿವಿ!

ನಟಿ ಐಶ್ವರ್ಯಾ ರೈ ತಾಯಿಯಾದ ವಿಷಯ ತಿಳಿದು ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಲಾಂಗ್ ಮೆಸೇಜ್ ಹಾಕಿದ್ರಂತೆ... ನೀನು ಯಾಕೆ ತಾಯಿಯಾದೆ ಅಂತ ಅಸಮಾಧಾನವನ್ನು ವ್ಯಕ್ತಪಡಿಸಿದ್ರಂತೆ, ಆಗ ಐಶ್ವರ್ಯಾ ಏನಂತ ರಿಪ್ಲೈ ಕೊಟ್ರು ಗೊತ್ತಾ?

ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಪ್ರತಿಯೊಂದು ವಿಷಯವನ್ನು ವಿಭಿನ್ನ ಕೋನದಲ್ಲಿ ನೋಡ್ತಾರೆ. ಅದಕ್ಕೇ ಅವರು ಟ್ರೆಂಡ್ ಸೆಟ್ಟಿಂಗ್ ಡೈರೆಕ್ಟರ್ ಆಗಿದ್ದಾರೆ. ಸಮಾಜದ ಜೊತೆ ನನಗೇನು ಕೆಲಸ ಅಂತ ವರ್ಮಾ ಪ್ರಾಕ್ಟಿಕಲ್ ಆಗಿ ಮಾತಾಡ್ತಾರೆ. ಮನಸ್ಸಲ್ಲಿ ಇರೋದನ್ನ ನೇರವಾಗಿ ಹೇಳ್ತಾರೆ.

ರಾಮ್ ಗೋಪಾಲ್ ಹುಡುಗಿಯರ ಸೌಂದರ್ಯವನ್ನ ಆರಾಧಿಸ್ತಾರೆ. ಬೆಳಗ್ಗೆನೇ ಮದ್ಯಪಾನ ಮಾಡ್ತಾರೆ. ರಿಲೇಷನ್ಸ್, ಎಮೋಷನ್ಸ್ ಅವ್ರಿಗೆ ಇಲ್ಲ. ದೇವ್ರನ್ನ ನಂಬಲ್ಲ. ಆದ್ರೆ ಐಶ್ವರ್ಯಾ ರೈ ಬಗ್ಗೆ ವರ್ಮಾ ಈ ಹಿಂದೆ ಕೆಲವು ಆಸಕ್ತಿಕರ ವಿಚಾರಗಳನ್ನು ಹೇಳಿದ್ದಾರೆ. ಅವರು ಗರ್ಭಿಣಿ ಅನ್ನೋ ಸುದ್ದಿ ಕೇಳಿದ ತಕ್ಷಣ ಒಂದು ಮೆಸೇಜ್ ಅವ್ರಿಗೆ ಹಾಕಿದ್ರಂತೆ. 1994ರಲ್ಲಿ ವಿಶ್ವ ಸುಂದರಿ ಪಟ್ಟ ಅಲಂಕರಿಸಿದ ಐಶ್ವರ್ಯಾ ರೈ ಚಿತ್ರರಂಗಕ್ಕೆ ಕಾಲಿಟ್ಟು ಅದ್ಭುತಗಳನ್ನೇ ಮಾಡಿದ್ರು. ಸೌಂದರ್ಯಕ್ಕೆ ಸಾಕ್ಷಾತ್ ಸರಸ್ವತಿ ಅಂತ ಐಶ್ವರ್ಯಾ ರೈ ಬಗ್ಗೆ ಹೇಳ್ತಿದ್ರು. ಸೌಂದರ್ಯದ ಜೊತೆಗೆ ಅವರು ಒಬ್ಬ ದೊಡ್ಡ ನಟಿ, ನೃತ್ಯಗಾರ್ತಿ. ಈ ಕ್ವಾಲಿಟೀಸ್ ಅವರನ್ನ ಸ್ಟಾರ್ ಮಾಡಿದ್ದು.

ಬಾಲಿವುಡ್‌ನಲ್ಲಿ ಎರಡು ದಶಕಗಳ ಕಾಲ ಇದ್ದ ಐಶ್ವರ್ಯಾ ರೈ ಜೀವನದಲ್ಲಿ ವಿವಾದಗಳೂ ಇದ್ದವು. ಅವರು ವಿವೇಕ್ ಒಬೆರಾಯ್ ಜೊತೆ ರಿಲೇಷನ್‌ಶಿಪ್‌ನಲ್ಲಿದ್ದರು. ಇವರಿಬ್ಬರ ಪ್ರೇಮ ಪಯಣದಲ್ಲಿ ಸಲ್ಮಾನ್ ಖಾನ್ ಎಂಟ್ರಿ ಆಯ್ತು. ವಿವೇಕ್‌ಗೆ ಗುಡ್ ಬೈ ಹೇಳಿ ಸಲ್ಮಾನ್ ಜೊತೆ ಕೆಲ ಕಾಲ ಸಂಬಂಧದಲ್ಲಿದ್ದರು. ಸಲ್ಮಾನ್ ಅವರನ್ನ ಕಿರುಕುಳ ನೀಡಲು ಶುರು ಮಾಡಿದ ಮೇಲೆ ಬ್ರೇಕಪ್ ಹೇಳಿದ್ರು. ನಂತರ ಅಭಿಷೇಕ್ ಬಚ್ಚನ್ ಜೊತೆ ಪ್ರೀತಿಸಿ 2007ರಲ್ಲಿ ಮದುವೆಯಾದ್ರು. ನಂತರ 2011ರಲ್ಲಿ ಐಶ್ವರ್ಯಾ ರೈ ತಾಯಿಯಾದ್ರು. ಆರಾಧ್ಯಾಗೆ ಜನ್ಮ ನೀಡಿದ್ರು. ಆಗ ಈ ಸುದ್ದಿ ಸಂಚಲನ ಸೃಷ್ಟಿಸಿತ್ತು. ಐಶ್ವರ್ಯಾ ರೈ ತಮ್ಮ ಮಗಳು ಆರಾಧ್ಯಳನ್ನ ದೀರ್ಘಕಾಲ ಮಾಧ್ಯಮಗಳಿಂದ ದೂರ ಇಟ್ಟಿದ್ರು. ಐಶ್ವರ್ಯಾ ಮಗಳು ಹೇಗಿರ್ತಾಳೆ ಅಂತ ನೋಡೋಕೆ ಎಲ್ಲರೂ ಕಾತುರರಾಗಿದ್ರು. 

ಆದ್ರೆ ರಾಮ್ ಗೋಪಾಲ್ ವರ್ಮಾ ಮಾತ್ರ ತುಂಬಾ ಬೇಸರ ಮಾಡಿಕೊಂಡ್ರಂತೆ. ಐಶ್ವರ್ಯಾ ರೈ ಗರ್ಭಿಣಿ ಅನ್ನೋ ಸುದ್ದಿ ಕೇಳಿ.. ಒಂದು ಲಾಂಗ್ ಮೆಸೇಜ್ ಅವ್ರಿಗೆ ಕಳಿಸಿದ್ರಂತೆ. ''ನೀನು ತಾಯಿ ಆಗಿರೋದು ನನಗೆ ತುಂಬಾ ಬೇಸರ ತಂದಿದೆ. ತಾಯಿ ಆದ್ರೆ ನಿನ್ನ ಸೌಂದರ್ಯ ಹಾಳಾಗುತ್ತೆ. ನೀನು ಬಾಡಿ ಶೇಪ್ಸ್ ಕಳೆದುಕೊಳ್ಳುತ್ತೀಯಾ. ನಿನ್ ತರ ಸುಂದರಿ ಮಕ್ಕಳನ್ನ ಹೆರೋದು ಉಂಟಾ? 

ಅಭಿಷೇಕ್ ಜೊತೆ ನೀನು ಖುಷಿಯಾಗಿದ್ದೀಯೋ ಇಲ್ವೋ ನನಗೆ ಗೊತ್ತಿಲ್ಲ. ಆದರೆ ನೀವಿಬ್ಬರು ಖುಷಿಯಾಗಿದ್ದೀವಿ ಅಂತ ಹೇಳಿದ್ರೆ, ನಾನೂ ಖುಷಿಯಾಗಿರೋ ಹಾಗೆ ನಟಿಸ್ತೀನಿ.. ಅಂತ ವರ್ಮಾ ಮೆಸೇಜ್‌ನಲ್ಲಿ ಬರೆದಿದ್ರಂತೆ. ಇನ್ನು ವರ್ಮಾ ಮೆಸೇಜ್ ಓದಿದ ಐಶ್ವರ್ಯಾ ರೈ 'ಐ ಲವ್ ಯೂ', ಅಂತ ರಿಪ್ಲೈ ಕೊಟ್ರಂತೆ. ಅವ್ರು ನನ್ನನ್ನ ಅರ್ಥ ಮಾಡಿಕೊಂಡ್ರು. ಅದಕ್ಕೇ ಅಂಥ ರಿಪ್ಲೈ ಕೊಟ್ರು ಅಂತ ರಾಮ್ ಗೋಪಾಲ್ ವರ್ಮಾ ಹೇಳಿದ್ದಾರೆ.

ಹೆಣ್ಣು ಮಕ್ಕಳ ಸೌಂದರ್ಯವನ್ನ ಮಕ್ಕಳು ಹಾಳು ಮಾಡ್ತಾರೆ. ಅದಕ್ಕೇ ನನಗೆ ಮಕ್ಕಳು ಅಂದ್ರೆ ಇಷ್ಟ ಇಲ್ಲ ಅಂತ ಹೇಳಿದ್ರು. ಸದ್ಯ ಮಕ್ಕಳನ್ನ ಇಷ್ಟೊಂದು ದ್ವೇಷಿಸೋ ವರ್ಮಾ ಒಬ್ಬ ಹುಡುಗಿಗೆ ತಂದೆ ಆಗಿರೋದು ವಿಶೇಷ. ನಂತರ ಪತ್ನಿಯಿಂದ ವರ್ಮಾ ದೂರ ಆದ್ರು. ಪತ್ನಿ ಬಳಿಯೇ ಅವರ ಮಗಳು ಸಹ ಇದ್ದಾರೆ.