ರೆಡ್ ಹೈ ಸ್ಲಿಟ್ ಕಟ್ ಗೌನ್‌ನಲ್ಲಿ ಮಿಂಚಿದ ಊರ್ವಶಿ; ಇದರ ಬೆಲೆ ಕೇಳಿದ್ರೆ ಅಚ್ಚರಿ ಪಡ್ತೀರಾ!

ನಟಿ ಊರ್ವಶಿ ರೌಟೇಲಾ ಒಂದಲ್ಲೊಂದು ವಿಚಾರದ ಮೂಲಕ ಸುದ್ದಿಯಲ್ಲಿರುತ್ತಾರೆ. ಸದಾ ಗ್ಲಾಮ್ ಲುಕ್ ಮೂಲಕವೇ ಪ್ರೇಕ್ಷಕರ ಗಮನ ಸೆಳೆಯುವ ನಟಿ ಊರ್ವಶಿ ಇತ್ತೀಚಿಗೆ ಕ್ರಿಕೆಟಿಗ ರಿಷಬ್ ಪಂತ್ ವಿಚಾರವಾಗಿ ಭಾರಿ ಸದ್ದು ಮಾಡಿದ್ದರು. ಇತ್ತೀಚಿಗಷ್ಟೆ ಅದ್ದೂರಿ ಹುಟ್ಟುಹಬ್ಬ ಆಚರಿಸಿಕೊಂಡು ಕೋಟಿ ಕೋಟಿ ಖರ್ಚು ಮಾಡಿದ್ದ ನಟಿ ಊರ್ವಶಿ ಇದೀಗ ದುಬಾರಿ ಡ್ರೆಸ್ ಧರಿಸಿ ಮಿಂಚಿದ್ದಾರೆ. 

ಡ್ರೆಸ್ ಅಪ್ ವಿಚಾರವಾಗಿ ಊರ್ವಶಿ ಸದಾ ಗಮನ ಸೆಳೆಯುತ್ತಾರೆ. ಸಿಕ್ಕಾಪಟ್ಟೆ ಗ್ಲಾಮರ್ಸ್ ಆಗಿ ಕಾಣಿಸಿಕೊಳ್ಳುವ ನಟಿ ಊರ್ವಶಿ ಇದೀಗ ಕೆಂಪು ಬಣ್ಣದ ಹೈ ಸ್ಲಿಟ್ ಕಟ್ ಗೌನ್ ಧರಿಸಿ ಗಮನ ಸೆಳೆದಿದ್ದಾರೆ.  ಕೆಂಪು ಬಣ್ಣದ ಡ್ರೆಸ್ ನಲ್ಲಿ ಊರ್ವಶಿ ತರಹೇವಾರಿ ಪೋಸ್ ನೀಡಿದ್ದಾರೆ. 

ಕೆಂಪು ಸ್ಲಿಟ್ ಕಟ್ ಗೌನ್‌ಗೆ ವಜ್ರದ ಜ್ಯುವೆಲ್ಲರಿ ಧರಿಸಿದ್ದರು. ಸಂಪೂರ್ಣ ಕೆಂಪು ಬಣ್ಣದ ಡ್ರೆಸ್ ನಲ್ಲಿ ಮಿಂಚಿದ ಊರ್ವಶಿ ಹೈ ಹೀಲ್ಸ್ ಧರಿಸಿದ್ದಾರೆ. ಊರ್ವಶಿ ಲುಕ್ ಗಮನ ಸೆಳೆಯುವ ಜೊತೆಗೆ ಇದರ ಬೆಲೆ ಕೂಡ ಅಚ್ಚರಿ ಮೂಡಿಸುವಂತಿದೆ. 

ಊರ್ವಶಿ ಧರಿಸಿರುವ ಈ ಕಂಪು ಬಣ್ಣದ ಗೌನ್ ಮತ್ತು ಜ್ಯುವೆಲ್ಲರಿ ಎಲ್ಲಾ ಸೇರಿ ಒಟ್ಟು 8 ಲಕ್ಷ ರೂಪಾಯಿ ಎನ್ನಲಾಗಿದೆ. ಯಾವಾಗಲೂ ದುಬಾರಿ ಬೆಲೆಯ ಬಟ್ಟೆ, ಜ್ಯುವೆಲ್ಲರಿ ಮತ್ತು ಬ್ಯಾಗ್ ಗಳ ಮೂಲಕ ಕಾಣಿಸಿಕೊಳ್ಳುವ ಊರ್ವಶಿ ದುಬಾರಿ ಡ್ರೆಸ್ ಧರಿಸಿ ಅಚ್ಚರಿ ಮೂಡಿಸಿದ್ದಾರೆ. 

ಸಿನಿಮಾ ವಿಚಾರಕ್ಕೆ ಬರುವುದಾದರೆ, ಊರ್ವಶಿ ರೌಟೇಲಾ ತೆಲುಗು ನಟ ರಾಮ್ ಪೋತಿನೇನಿ ಜೊತೆ ನಟಿಸುತ್ತಿದ್ದಾರೆ. ಇನ್ನೂ ರಣದೀಪ್ ಹೂಡಾ ಜೊತೆ  'ಇನ್‌ಸ್ಪೆಕ್ಟರ್ ಅವಿನಾಶ್' ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ತೆಲುಗು, ಹಿಂದಿ ಜೊತೆ ಹಾಲಿವುಡ್‌ಗೂ ಹಾರುತ್ತಿದ್ದಾರೆ ಎನ್ನಲಾಗಿದೆ. ಹಾಲಿವುಡ್ ಪ್ರಾಜೆಕ್ಟ್ ಬಗ್ಗೆ ಊರ್ವಶಿ ಹೆಚ್ಚಿನ ಮಾಹಿತಿ ರಿವೀಲ್ ಮಾಡಿಲ್ಲ.  

ಊರ್ವಶಿ ಕೊನೆಯದಾಗಿ ಮೆಗಾಸ್ಟಾರ್ ಚಿರಂಜೀವಿ ಜೊತೆ ನಟಿಸಿದ್ದರು. ವಾಲ್ಟರ್ ವೀರಯ್ಯ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದರು. ಆದರೆ ಈ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಹೆಚ್ಚು ಸದ್ದು ಮಾಡಿಲ್ಲ.