ದೊಡ್ಡ ಸ್ಟಾರ್ ಆದರೂ ಚಿಕನ್ ಪೀಸ್‌ಗಾಗಿ ಅಣ್ಣನ ಜೊತೆ ಜಗಳವಾಡುತ್ತರಂತೆ ನಟ ವಿಕ್ಟರಿ ವೆಂಕಟೇಶ್!

ಟಾಲಿವುಡ್ ನಟ ವಿಕ್ಟರಿ ವೆಂಕಟೇಶ್ ಆಯ್ದ ಸಿನಿಮಾಗಳನ್ನು ಮಾಡುತ್ತಾ ಯಶಸ್ವಿಯಾಗಿ ಸಿನಿರಂಗದಲ್ಲಿ ಮುಂದುವರೆದಿದ್ದಾರೆ. ಆದರೆ ಅವರ ವೈಯಕ್ತಿಕ ವಿಷಯಗಳು ಬಹಳ ಕಡಿಮೆ ಜನರಿಗೆ ತಿಳಿದಿದೆ. ವೆಂಕಟೇಶ್ ತಮ್ಮ ಇಷ್ಟದ ಚಿಕನ್ ಪೀಸ್‌ಗಾಗಿ ಅಣ್ಣನೊಂದಿಗೆ ಜಗಳವಾಡುತ್ತರಂತೆ.

90ರ ದಶಕದಲ್ಲಿ ಟಾಲಿವುಡ್ ಚಿತ್ರರಂಗವನ್ನು ಆಳಿದ ಸ್ಟಾರ್ ನಟರಲ್ಲಿ ವಿಕ್ಟರಿ ವೆಂಕಟೇಶ್ ಕೂಡ ಒಬ್ಬರು. ಚಿರಂಜೀವಿ, ಬಾಲಕೃಷ್ಣ, ನಾಗಾರ್ಜುನರ ಜೊತೆಗೆ ವೆಂಕಟೇಶ್ ಕೂಡ ಸೇರಿ ನಾಲ್ಕು ಸ್ತಂಭಗಳಂತೆ ಚಿತ್ರರಂಗವನ್ನು ಉಳಿಸಿಕೊಂಡು ಬಂದರು. ಇದೀಗ 60 ವರ್ಷ ದಾಟಿದ ನಂತರ ಸಿನಿಮಾಗಳನ್ನು ಕಡಿಮೆ ಮಾಡಿ ಅಪರೂಪಕ್ಕೆ ಒಂದೆರಡು ಸಿನಿಮಾಗಳನ್ನು ಮಾಡುತ್ತಿದ್ದಾರೆ ವೆಂಕಿ. ಇದೀಗ ಅನಿಲ್ ರಾವಿಪುಡಿ ಜೊತೆ ಒಂದು ಸಿನಿಮಾ ಮಾಡುತ್ತಿದ್ದಾರೆ ವೆಂಕಿ. ಅನಿಲ್ ಜೊತೆ ವೆಂಕಟೇಶ್ ಅವರ ಹ್ಯಾಟ್ರಿಕ್ ಸಿನಿಮಾ ಇದು. ಈ ಸಿನಿಮಾ ಹಿಟ್ ಆದರೆ ಇಬ್ಬರ ಕಾಂಬಿನೇಷನ್ ನಲ್ಲಿ ಹ್ಯಾಟ್ರಿಕ್ ಹಿಟ್ ಆಗುತ್ತದೆ. ಇನ್ನು ವೆಬ್ ಸರಣಿ ಸಿನಿಮಾಗಳಿಗೂ ವೆಂಕಟೇಶ್ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. 

ರೀಮೇಕ್ ಸಿನಿಮಾಗಳ ರಾಜು ಎಂದೇ ವೆಂಕಟೇಶ್ ಅವರಿಗೆ ಹೆಸರಿದೆ. ಹೆಚ್ಚು ರೀಮೇಕ್ ಸಿನಿಮಾಗಳೊಂದಿಗೆ ಹಿಟ್ ನೀಡಿದ ನಟ ಎಂಬ ಹೆಗ್ಗಳಿಕೆಯೂ ಅವರಿಗಿದೆ. ವೆಂಕಟೇಶ್ ತುಂಬಾ ಸರಳ ವ್ಯಕ್ತಿ. ಯಾರ ಜೊತೆಯೂ ಹೆಚ್ಚು ಮಾತನಾಡುವುದಿಲ್ಲ. ತಮ್ಮ ಕೆಲಸವನ್ನು ತಾವು ಮಾಡಿಕೊಂಡು ಇರುತ್ತಾರೆ. ದುಂದು ವೆಚ್ಚ, ಅನಗತ್ಯ ಡೈಲಾಗ್ ಗಳು, ಪಾರ್ಟಿಗಳು, ಪಬ್ ಗಳು ಹೀಗೆ ಯಾವುದನ್ನೂ ವೆಂಕಟೇಶ್ ಪ್ರೋತ್ಸಾಹಿಸುವುದಿಲ್ಲ. ಶೂಟಿಂಗ್ ಇಲ್ಲದಿದ್ದರೆ ಕುಟುಂಬದೊಂದಿಗೆ ಸಂತೋಷದಿಂದ ಮನೆಯಲ್ಲಿ ಕುಳಿತು ಸಮಯ ಕಳೆಯುತ್ತಾರೆ. ಅಗತ್ಯವಿದ್ದರೆ ಮಾತ್ರ ಸಿನಿಮಾ ಕಾರ್ಯಕ್ರಮಗಳಿಗೆ ಹೋಗುತ್ತಾರೆ ವೆಂಕಿ. 

ಇನ್ನು ವೆಂಕಟೇಶ್ ಮಕ್ಕಳ ಮದುವೆಗಳು ಇತ್ತೀಚೆಗೆ ನಡೆದ ಕಾರಣದಿಂದ ಅವರ ಕುಟುಂಬದ ಬಗ್ಗೆ ಸ್ವಲ್ಪ ಹೊರ ಜಗತ್ತಿಗೆ ತಿಳಿಯಿತು. ದೊಡ್ಡ ಸಿನಿಮಾ ಕುಟುಂಬದಿಂದ ಬಂದರೂ ವೆಂಕಟೇಶ್ ತಮ್ಮ ಕುಟುಂಬದೊಂದಿಗೆ ಹೆಚ್ಚು ಹೊರಗೆ ಕಾಣಿಸಿಕೊಂಡಿಲ್ಲ. ಆಕಸ್ಮಾತ್ ಕಾಣಿಸಿಕೊಂಡರೆ ತುಂಬಾ ಕಡಿಮೆ ಎನ್ನಬಹುದು.

ಸದ್ಯ ವೆಂಕಟೇಶ್ ಅವರಿಗೆ ಸಂಬಂಧಿಸಿದ ಒಂದು ಸುದ್ದಿ ಇದೀಗ ವೈರಲ್ ಆಗುತ್ತಿದೆ. ವೆಂಕಿಗೆ ತುಂಬಾ ಇಷ್ಟವಾದ ಕೋಳಿ ಸಾರು ಬಗ್ಗೆ ಒಂದು ಕುತೂಹಲಕಾರಿ ವಿಷಯ ಎಲ್ಲರನ್ನೂ ಅಚ್ಚರಿಗೊಳಿಸುತ್ತಿದೆ. ತಮಗೆ ಮಾತ್ರವಲ್ಲ ತಮ್ಮ ಇಡೀ ಕುಟುಂಬಕ್ಕೆ ತುಂಬಾ ಇಷ್ಟವಾದ ಕೋಳಿ ಸಾರಿಗಾಗಿ ಊಟದ ಟೇಬಲ್ ಬಳಿ ನಡೆಯುವ ಗಲಾಟೆಯ ಬಗ್ಗೆ ಅವರು ಈ ಹಿಂದೆ ತಿಳಿಸಿದ್ದಾರೆ.

ಚಿರಂಜೀವಿ ನಿರೂಪಣೆಯ ಮೀಲೋ ಎವರು ಕೋಟೀಶ್ವರು ಎಂಬ ಕಾರ್ಯಕ್ರಮ ನಡೆಯುತ್ತಿದ್ದಾಗ ವೆಂಕಿ ಅತಿಥಿಯಾಗಿ ಬಂದಿದ್ದರು. ಆಗ ಆಹಾರದ ಬಗ್ಗೆ ವಿಷಯ ಬಂದಾಗ ತಮಗೆ ಮಾತ್ರವಲ್ಲ ತಮ್ಮ ಕುಟುಂಬಕ್ಕೂ ಕೋಳಿ ಸಾರು ಎಂದರೆ ತುಂಬಾ ಇಷ್ಟ ಎಂದು ಹೇಳಿದರು. ಅಷ್ಟೇ ಅಲ್ಲ, ತಮ್ಮ ತಂದೆ ರಾಮಾನಾಯುಡು ಇದ್ದಾಗ ಎಲ್ಲರೂ ಒಟ್ಟಿಗೆ ಊಟ ಮಾಡುತ್ತಿದ್ದೆವು ಎಂದು ಹೇಳಿದರು. ಕೋಳಿ ಸಾರು ಎಂದರೆ ತುಂಬಾ ಇಷ್ಟ. ಮನೆಯಲ್ಲಿ ಆ ಸಾರು ಮಾಡುವಾಗ ಎರಡು ಕೋಳಿಗಳನ್ನು ಬಳಸುತ್ತಿದ್ದರು. ಆದರೆ ಅದು ಸಾಕಾಗುತ್ತಿರಲಿಲ್ಲ.ಊಟದ ಟೇಬಲ್ ಬಳಿ ಬಂದಾಗ ಅಪ್ಪಾಜಿ ಕೂತ ತಕ್ಷಣ ನಾವೆಲ್ಲರೂ ಕುಳಿತು ಊಟ ಮಾಡುತ್ತಿದ್ದೆವು ದರೆ ಆ ಪೀಸ್ ನನ್ನದು ಅದು ಮುಗಿದು ಹೋಗುತ್ತದೇನೋ ಎಂದು ಟೇಬಲ್ ಕೆಳಗೆ ಕಾಲುಗಳನ್ನು ತುಳಿಯುತ್ತಿದ್ದೆವು.

ಅರೆ ಆ ಪೀಸ್ ನನ್ನದು ಎಂದು ಸನ್ನೆ ಮಾಡುತ್ತಾ ತಟ್ಟೆಯಲ್ಲಿ ಹಾಕಿಕೊಳ್ಳುತ್ತಿದ್ದೆವು. ಹಿಂದೆ ನನ್ನ ಅಣ್ಣ ಸುರೇಶ್ ನಡುವೆ ಈ ಜಗಳ ನಡೆಯುತ್ತಿತ್ತು. ನಂತರ ಊಟದ ಟೇಬಲ್ ಮೇಲೆ ರಾಣಾ ಕೂಡ ಬಂದು ಸೇರಿಕೊಂಡ. ಆಗ ಜಗಳ ಇನ್ನಷ್ಟು ಹೆಚ್ಚಾಯಿತು ಎಂದು ವೆಂಕಟೇಶ್ ಹೇಳಿದರು. ಹೀಗೆ ತಮ್ಮ ನೆಚ್ಚಿನ ಕೋಳಿ ಸಾರಿನ ಬಗ್ಗೆ ವೆಂಕಿ ಹೇಳಿದರು.