ಬಹಿಷ್ಕಾರದ ಟ್ರೆಂಡ್‌ಗೆ ಗುರಿಯಾದ ಬಾಲಿವುಡ್‌ ಸಿನಿಮಾಗಳಿವು

1998ರಲ್ಲಿ ಬಿಡುಗಡೆಯಾದ ದೀಪಾ ಮೆಹ್ತಾ ಅವರ ಫೈಯರ್‌ ಸಿನಿಮಾ ಸಾಕಷ್ಷು ವಿವಾದಗಳಿಗೆ ಗುರಿಯಾಗಿತ್ತು. ಇದರ ವಿರುದ್ಧ ಶಿವಸೇನೆ ಚಿತ್ರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿತ್ತು. ಸಾಂಪ್ರದಾಯಿಕ ಕುಟುಂಬವೊಂದರಲ್ಲಿ ಇಬ್ಬರು ಮಹಿಳೆಯರ ನಡುವಿನ ಸಂಬಂಧದ ಸುತ್ತ ಸುತ್ತುವ ಈ ಕಥೆಯು ಬಲಪಂಥೀಯ ಸಂಘಟನೆಯ ಕೋಪಕ್ಕೆ ಗುರಿಯಾಗಿತ್ತು ಹಾಗೂ ಸಂಘಟನೆಗಳು ಚಿತ್ರ ಮಂದಿರದೊಳಗೆ ನುಗ್ಗಿ, ಪ್ರದರ್ಶನವನ್ನು ಬ್ಯಾನ್‌ ಮಾಡಲು ಸಹ ಪ್ರತಿಭಟನೆ ನಡೆಸಿದ್ದರು.

ದೀಪಾ ಮೆಹ್ತಾ ಅವರು ನಿರ್ದೇಶಿಸಿದ್ದ ಇನ್ನೊಂದು ಸಿನಿಮಾ ವಾಟರ್ ಸಹ ದೇಶದಲ್ಲಿ ಸಾಕಷ್ಟು ಕೋಲಹಲ ಹುಟ್ಟು ಹಾಕಿತ್ತು. ಈ ಸಿನಿವು ಇದೊಂದು ಹಿಂದೂ ವಿರೋಧಿ ಎಂದು ಶಿವಸೇನಾ ಕಾರ್ಯಕರ್ತರು ತೀವ್ರ ವಿರೋಧ ಮಾಡಿದ್ದರು  ಜೊತೆಗೆ ಶೂಟಿಂಗ್ ಸ್ಥಳದಲ್ಲಿ ಭಾರೀ ಪ್ರತಿಭಟನೆ ನಡೆಸಿ ನಿರ್ದೇಶಕಿಗೆ ಬೆದರಿಕೆ ಕೂಡ ಹಾಕಲಾಗಿತ್ತು. ವಿವಾದಗಳ ಕಾರಣದಿಂದಾಗಿ ಅನೇಕ ಚಿತ್ರ ಮಂದಿರಗಳಿಗೆ ಈ ಸಿನಿಮಾ ತಲುಪಲಿಲ್ಲ.

2014ರಲ್ಲಿ ತೆರೆ ಕಂಡ ವಿಶಾಲ್ ಭಾರದ್ವಾಜ್ ಅವರ ಶಾಹಿದ್‌ ಕಪೂರ್‌ ಅಭಿನಯಿಸಿದ  ಹೈದರ್ ಈ ಪಟ್ಟಿಯಲ್ಲಿರುವ ಇನ್ನೊಂದು ಸಿನಿಮಾ. ಭಾರತೀಯ ಸೇನೆಯನ್ನು ಅವಮಾನ ಮಾಡಲಾಗಿದೆ ಎಂಬ ವಿವಾದಕ್ಕೆ ಈ ಸಿನಿಮಾಕ್ಕೆ ಗುರಿಯಾಗಿದೆ .  

ಆಮಿರ್ ಖಾನ್, ಅನುಷ್ಕಾ ಶರ್ಮಾ ಅಭಿನಯಿಸಿರುವ ರಾಜ್ ಕುಮಾರ್ ಹಿರಾನಿ ಅವರ ಪಿಕೆ ಸಿನಿಮಾದ ವಿರುದ್ದ ಯೋಗ ಗುರು ಬಾಬಾ ರಾಮ್ ದೇವ್ ಆಕ್ರೋಶ ವ್ಯಕ್ತಪಡಿಸಿದ್ದರು. ಅಷ್ಟೇ ಅಲ್ಲ ದೇವರು ಅವಮಾನಿಸಿದ್ದಾರೆ ಎಂಬ ಕಾರಣಕ್ಕಾಗಿ ಕೆಲ ಕಡೆ ಸಿನಿಮಾದ ವಿರುದ್ದ FIR ಕೂಡ ದಾಖಲಾಗಿತ್ತು.  

ಆಮೀರ್‌ ಖಾನ್‌ ಅವರ ಇನ್ನೊಂದು ಸೂಪರ್‌ ಹಿಟ್‌ ಸಿನಿಮಾ ದಂಗಲ್ ಸಹ ಬಾಯ್ಕಾಟ್‌ಗೆ ಗುರಿಯಾಗಿತ್ತು. ದೇಶದ ಅಹಿಷ್ಣುತೆಯಿಂದ ನನಗೆ ಇಲ್ಲಿ ವಾಸಿಸಲು ಕಷ್ಟವಾಗುತ್ತಿದೆ ಎಂಬ 2015ರ ಅಮೀರರ ಖಾನ್‌ ಅವರ ಹೇಳಿಕೆ ದೇಶದಲ್ಲಿ ದೊಡ್ಡ ಮಟ್ಟದ ಆಕ್ರೋಶಕ್ಕೆ ಕಾರಣವಾಗಿತ್ತು. ನಂತರ  ಈ ಕಾರಣಕ್ಕಾಗಿ  2016ರಲ್ಲಿ ಈ ಸಿನಿಮಾದ ಬಹಿಷ್ಕಾರಕ್ಕೆ ಕರೆ ನೀಡಲಾಗಿತ್ತು ಮತ್ತು ʼದಂಗಲ್ ಪೋಸ್ಟರ್‌ಗಳನ್ನು ಸುಟ್ಟು ಹಾಕಿ ಪ್ರತಿಭಟನೆ ನಡೆಸಿದರು.

ಈ ಸಿನಿಮಾದ ಹೆಸರೇ ವಿವಾದ್ಕಕೆ ಮುಖ್ಯ ಕಾರಣವಾಗಿತ್ತು. 2017ರಲ್ಲಿ ಭೋಪಾಲ್‌ನ  ಮುಸ್ಲಿಂ ಮುಖಂಡರ ಗುಂಪು ಅಲಂಕೃತ ಶ್ರೀವಾಸ್ತವ್ ಅವರ  ಲಿಪ್ಸ್ಟಿಕ್ ಅಂಡರ್ ಮೈ ಬುರ್ಖಾ ಸಿನಿಮಾವನ್ನು ಬಹಿಷ್ಕರಿಸುವಂತೆ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿತ್ತು. ಮುಸ್ಲಿಂ ಧರ್ಮದ ಭಾವನೆಗಳಿಗೆ ಧಕ್ಕೆ ಉಂಟಾಗುತ್ತದೆ ಕಿಡಿಕಾರಿದ್ದರು

ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ರಣ್ವೀರ್ ಸಿಂಗ್, ದೀಪಿಕಾ ಪಡುಕೋಣೆ ಅಭಿನಯದ ʼಪದ್ಮಾವತಿ' ಸಿನಿಮಾವನ್ನು ಸಹ ಈ ಬಹಿಷ್ಕಾರಕ್ಕೆ ಗುರಿಯಾಗಿತ್ತು. ಸಿನಿಮಾವು ಧರ್ಮದ ಭಾವನೆಗಳಿಗೆ  ಧಕ್ಕೆ ಉಂಟು ಮಾಡುತ್ತಿದೆ ಎಂದು ಶ್ರೀ ರಜಪೂತ್ ಕರ್ಣಿ ಸೇನೆಯ ಸದಸ್ಯರು ಜೈಪುರದಲ್ಲಿ ಸಿನಿಮಾ ಸೆಟ್‌ಗಳ ಜೊತೆಗೆ ಬನ್ಸಾಲಿ ಅವರ ಮೇಲೆ ಹಲ್ಲೆ ಸಹ ನಡೆಸಿತ್ತು.

ಇದೇ ವರ್ಷ ತೆರೆಗೆ ಬಂದಿದ್ದ ಆಲಿಯಾ ಭಟ್ ಅಭಿನಯದ ʼಡಾರ್ಲಿಂಗ್ಸ್ʼ ಪುರುಷರ ವಿರುದ್ಧ ಕೌಟುಂಬಿಕ ಹಿಂಸೆಯನ್ನು ಪ್ರಚಾರ ಮಾಡುತ್ತದೆ ಎಂದು ವಿವಾದ್ಕಕೆ ಗುರಿಯಾಯಿತು.

ಆಮೀರ್ ಖಾನ್ ಅವರ ಅಹಿಷ್ಣುತೆʼ ಹೇಳಿಕೆ ಮತ್ತುಕ ಕರೀನಾ ಅವರ ಉದ್ದಟತನದ ಮಾತುಗಳು ಸಿನಿಮಾದ ಮೇಲೆ ಕೆಟ್ಟ ಪರಿಣಾಮ ಬೀರಿತ್ತು. ಲಾಲ್ ಸಿಂಗ್ ಚಡ್ಡಾʼ ಸಿನಿಮಾವನ್ನು ಬಹಿಷ್ಕಾರದ ಟ್ರೆಂಡ್‌ ಟ್ವಿಟರ್‌ನಲ್ಲಿ ಸಖತ್‌ ಸದ್ದು ಮಾಡಿತ್ತು

ಅಕ್ಷಯ್ ಕುಮಾರ್ ಅಭಿನಯದ ʼರಕ್ಷಾ ಬಂಧನ್ʼ ಸಿನಿಮಾದ ಬರಹಗಾರ್ತಿ ಕನಿಕಾ ಧಿಲ್ಲೋನ್ ಅವರ  ಹಿಜಾಬ್‌ಗೆ ಬೆಂಬಲ ಹಾಗೂ ಪೌರತ್ವ ತಿದ್ದುಪಡಿ ಕಾಯಿದೆಗೆ ಬೆಂಬಲ ನೀಡಿದ ಟ್ವೀಟ್ ವಿವಾದಕ್ಕೆ ಗುರಿಯಾಗಿತ್ತು.  

ರಣಬೀರ್‌ ಕಪೂರ್‌ ಅಭಿನಯದ ʼಬ್ರಹ್ಮಾಸ್ತ್ರʼ ಸಿನಿಮಾ ಈ ಪಟ್ಟಿಯಲ್ಲಿರುವ ಇನ್ನೊಂದು ಸಿನಿಮಾ. ರಣಬೀರ್‌ ಕಪೂರ್‌ ದನದ ಮಾಂಸ ತಿನ್ನುತ್ತಾರೆ ಎಂಬ ಕಾರಣವನ್ನು ಇಟ್ಟುಕೊಂಡು ಈ ಸಿನಿಮಾವನ್ನು ಬಾಯ್ಕಾಟ್ ಮಾಡುವಂತೆ ಟ್ರೆಂಡ್ ಸೃಷ್ಟಿಯಾಗಿತ್ತು. ಆದರೆ ಇದರ ನಡುವೆಯೇ ಸಿನಿಮಾ ವರ್ಷದ ದೊಡ್ಡ ಹಿಟ್ ಆಗಿ ಹೊರಹೊಮ್ಮಿತ್ತು.

ಶಾರುಖ್ ಖಾನ್ ಅಭಿನಯದ ಇನ್ನು ಬಿಡುಗಡೆಯಾಗದ ʼಪಠಾಣ್ʼ ಸಿನಿಮಾವನ್ನು ಬ್ಯಾನ್‌ ಮಾಡಬೇಕು ಎಂಬ ಗಲಾಟೆ ಶುರುವಾಗಿದೆ. ಈ ಸಿನಿಮಾದ ʼಬೇಷರಂ ರಂಗ್ʼ ಹಾಡಿನಲ್ಲಿ ದೀಪಿಕಾ ಧರಿಸಿರುವ ಕೇಸರಿ ಬಣ್ಣದ ಬಿಕಿನಿ ಈ  ವಿವಾದದ ಕೇಂದ್ರ ಬಿಂದುವಾಗಿದೆ ಪ್ರತಿಭಟನೆ ನಡೆಸಲಾಗುತ್ತಿದೆ.