ನಟಿ ಸ್ವರಾ-ಫಹಾದ್ ದಂಪತಿಗೆ ಸಂಗೀತ, ಹಳದಿ ಶಾಸ್ತ್ರದ ಸಂಭ್ರಮ; ಸೀರೆಯಲ್ಲಿ ಮಿಂಚಿದ ಫೋಟೋ ವೈರಲ್

ಬಾಲಿವುಡ್ ಖ್ಯಾತ ನಟಿ  ಸ್ವರಾ ಭಾಸ್ಕರ್ ಇತ್ತೀಚಿಗಷ್ಟೆ ರಾಜಕಾರಣಿ ಫಹಾದ್ ಅಹ್ಮದ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇಬ್ಬರೂ ವಿಶೇಷ ವಿವಾಹ ಕಾಯ್ದೆಯಡಿ ಮದುವೆ ನೋಂದಣಿ ಮಾಡಿಸಿದ್ದರು. ಇದೀಗ ಸ್ವರಾ ಮತ್ತು ಫಹಾದ್ ದಂಪತಿ ಶಾಸ್ತ್ರೋಕ್ತವಾಗಿ ಮತ್ತೆ ಮದುವೆಯಾಗುತ್ತಿದ್ದಾರೆ. 

ಈಗಾಗಲೇ ಸ್ವರಾ ಮತ್ತು ಫದಾಹ್ ಮನೆಯಲ್ಲಿ ಮದುವೆ ಸಂಭ್ರಮ ಜೋರಾಗಿದೆ. ವಿವಾಹ ಪೂರ್ವ ಶಾಸ್ತ್ರಗಳು ಪ್ರಾರಂಭವಾಗಿದ್ದು ಸ್ವರಾ ಮತ್ತು ಫಹಾದ್ ಜೋಡಿಯ ಸಂಗೀತ ಮತ್ತು ಹಳದಿ ಶಾಸ್ತ್ರದ ಫೋಟೋಗಳು ವೈರಲ್ ಆಗಿವೆ. 

ಸಂಗೀತ ಸಮಾರಂಭದಲ್ಲಿ ನಟಿ ಸ್ವರಾ ಭಾಸ್ಕರ್ ಸೀರೆಯಲ್ಲಿ ಮಿಂಚಿದ್ದಾರೆ. ಕೆಂಪು ಬಣ್ಣದ ಜೆರೆ ಸೀರೆ ಧರಿಸಿರುವ ಸ್ವರಾ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಪತಿ ಫಹಾದ್ ಅಹ್ಮದ್ ಬಳಿ ಬಣ್ಣದ ಶೇರ್ವಾನಿ ಮತ್ತು ಕೋಟ್ ಧರಿಸಿದ್ದಾರೆ. 

ಸ್ವರಾ ಮತ್ತು ಫಹಾದ್ ಹಳದಿ ಶಾಸ್ತ್ರದ ಫೋಟೋಗಳು ಅಭಿಮಾನಿಗಳ ಗಮನ ಸೆಳೆಯುತ್ತಿವೆ. ಇಬ್ಬರೂ ಅರಿಶಿಣದಲ್ಲಿ ಮಿಂದೆದಿದ್ದಾರೆ. ಬಳಿಕ ಕ್ಯಾಮರಾ ರೊಮ್ಯಾಂಟಿಕ್ ಪೋಸ್ ನೀಡಿದ್ದಾರೆ. ಸಂಗೀತ ಸಮಾರಂಭದಲ್ಲೂ ಈ ಜೋಡಿ ಸುಂದರವಾಗಿ ಕಾಣಿಸಿಕೊಂಡಿದ್ದು ಕ್ಯಾಮರಾಗೆ ತರಹೇವಾರಿ ಪೋಸ್ ನೀಡಿದ್ದಾರೆ. 
 

ಸ್ವರಾ ಮತ್ತು ಫಹಾದ್ ಇಬ್ಬರೂ ಮದುವೆಯಾಗುತ್ತಿದ್ದಂತೆ ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದರು. ಶ್ರದ್ದಾ ಹಾಗೆ ಇವಳು ಸಾಯ್ತಾಳೆ, ಫ್ರಿಜ್, ಸೂಟ್‌ಕೇಸ್ ಅಂತ ನೆಟ್ಟಿಗರು ಸಿಕ್ಕಾಪಟ್ಟೆ ಕಾಲೆಳೆದಿದ್ದರು. ಆದರೆ ಎಲ್ಲದಕ್ಕೂ ಸ್ವರಾ ತಿರುಗೇಟು ನೀಡಿದ್ದರು. ಈ ಎಲ್ಲಾ  ಚರ್ಚೆಯ ನಡುವೆ ಸ್ವರಾ ಫಸ್ಟ್ ನೈಟ್ ಬೆಡ್‌ರೂಮ್ ಫೋಟೋವನ್ನು ಶೇರ್ ಮಾಡಿ ಮತ್ತೆ ಟ್ರೋಲ್ ಆಗಿದ್ದರು. 

ಮದುವೆ ಬಳಿಕ ಸ್ವರಾ ಫಸ್ಟ್ ನೈಟ್ ಬೆಡ್ ರೂಮ್ ಫೋಟೋವನ್ನು ಶೇರ್ ಮಾಡಿದ್ದರು. . ಫಿಲ್ಮಿ ಶೈಲಿಯ ಫಸ್ಟ್ ನೈಟ್ ಡೆಕೋರೇಷನ್ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಇದು ತನ್ನ ತಾಯಿಯ ಆಸೆ ಎಂದು ಸ್ವರಾ ಹೇಳಿಕೊಂಡಿದ್ದರು. ಬಳಿಕ ಹಿಗ್ಗಾಮುಗ್ಗಾ ಟ್ರೋಲ್ ಆಗುತ್ತಿದ್ದಂತೆ ಫೋಟೋ ಡಿಲೀಟ್ ಮಾಡಿದ್ದರು. 

ಪತಿಯನ್ನು ಮದುವೆಗೂ ಕೆಲವೇ ದಿನಗಳ ಮೊದಲು ಅಣ್ಣ ಎಂದು ಕರೆದಿದ್ದರು. ಅಣ್ಣ ಎಂದವನ ಜೊತೆಯೇ ಸ್ವರಾ ಮದುವೆ ಎಂದು ನೆಟ್ಟಿಗರು ಕಾಲೆಳೆದಿದ್ದರು. ಟ್ರೋಲಿಗರಿಗೆ ತಿರುಗೇಟು ನೀಡಿದ್ದರು.​ ಸಂಘಿಗಳ ಮನವೊಲಿಸಲು ತಮ್ಮನ್ನು ಟ್ರೋಲ್​ ಮಾಡಲಾಗುತ್ತಿದೆ ಎಂದು ಸ್ವರಾ ಹೇಳಿಕೆ ಕೊಟ್ಟಿದ್ದರು.  ಸಾಕಷ್ಟು ವಿವಾದ ಮತ್ತು ಟ್ರೋಲ್‌ಗಳ ನಡುವೆ ಸ್ವರಾ ಮತ್ತೊಮ್ಮೆ ಶಾಸ್ತ್ರೋಕ್ತವಾಗಿ ಅದ್ದೂರಿಯಾಗಿ ಮದುವೆಯಾಗುತ್ತಿದ್ದಾರೆ.