Suraiya, Dev Anand Love Story - ನಟಿಗಾಗಿ ನೀರಿಗೆ ಹಾರಿದ್ದ ದೇವ್ ಆನಂದ್

ಮಿರ್ಜಾ ಗಾಲಿಬ್ ಚಿತ್ರದ 'ದಿಲೇ ನಾದಾನ್ ತುಜೆ ಹುವಾ ಕ್ಯಾ ಹೈ' ಅಥವಾ 'ಬಡಿ ಬೆಹೆನ್' ಸಿನಿಮಾದ 'ವೋ ಪಾಸ್ ರಹೇ ಯಾ ಫಾಸ್‌ ರಹೇ ನಜ್ರೋನ್ ಮೇ ಸಮರೇ ಹೈ'  ಹಾಡೇ ಇರಲಿ ಇಂಥ ಹಾಡುಗಳು ಸುರಯ್ಯ ತಮ್ಮ ಕಂಠದಾನದ ಮೂಲಕ ಇತಿಹಾಸದಲ್ಲಿ ಸ್ಮರಣೀಯವಾಗಿಸಿದ್ದಾರೆ. ಸುರೈಯಾ ಅವರ ಕಾಲದ ಪ್ರಸಿದ್ಧ ನಟಿ ಮತ್ತು ಗಾಯಕಿ.

ವಿಶೇಷವೆಂದರೆ ಸುರಯ್ಯ ಚಿತ್ರ ತೆರೆಯ ಮೇಲೆ ತನಗಾಗಿ ಮಾತ್ರ ಹಾಡುಗಳನ್ನು ಹಾಡುತ್ತಿದ್ದರು. ಅದೇನೆಂದರೆ, ಇತರ ಹಿನ್ನಲೆ ಗಾಯಕರಂತೆ ಬೇರೆಯವರಿಗಾಗಿ ಹಾಡುಗಳನ್ನು ಹಾಡದೆ, ತಾವು ನಟಿಸಿದ ಚಿತ್ರಗಳಲ್ಲಿ ಮಾತ್ರ ತಮ್ಮ ಧ್ವನಿಯನ್ನು ನೀಡಿದ್ದರು.

ನಟನೆ ಮತ್ತು ಗಾಯನದ ಹೊರತಾಗಿ, ಸುರೈಯಾ ಅವರ ಬಗ್ಗೆ ಹೆಚ್ಚು ಮಾತನಾಡುವ ವಿಷಯವೆಂದರೆ ಬಾಲಿವುಡ್‌ನ ಎವರ್‌ಗ್ರೀನ್ ಸ್ಟಾರ್ ದೇವ್ ಆನಂದ್ ಅವರೊಂದಿಗಿನ ಸಂಬಂಧ. ರೀಲ್ ಲೈಫ್ ನಲ್ಲೂ ರಿಯಲ್ ಲೈಫ್‌ನನಲ್ಲೂ ಇಬ್ಬರ ಜೋಡಿ ಚಾಲ್ತಿಯಲ್ಲಿ ಇತ್ತು . 

ದೇವ್ ಆನಂದ್ ಸುರಯ್ಯನನ್ನು ಎಷ್ಟು ಹುಚ್ಚನಂತೆ ಪ್ರೀತಿಸುತ್ತಿದ್ದರು ಎಂದರೆ ನಟಿಗಾಗಿ ಅವರು ಸಾಯಲು ಸಹ ಸಿದ್ಧರಾಗಿದ್ದರು ಎಂದು ಹೇಳಲಾಗುತ್ತದೆ. ಸುರಯ್ಯನನ್ನು ರಕ್ಷಿಸಲು ದೇವ್ ಆನಂದ್ ನದಿಗೆ ಹಾರಿದ್ದರು ಕೂಡ.

ಇವರ  ಸಂಬಂಧ ವಿದ್ಯಾ ಚಿತ್ರದ ಸೆಟ್‌ನಲ್ಲಿ ಪ್ರಾರಂಭವಾಯಿತು. ಚಿತ್ರೀಕರಣದ ಸಮಯದಲ್ಲಿ ನದಿಯ ದಡದಲ್ಲಿ ನಡೆದಾಡುತ್ತಿದ್ದಾಗ, ಸುರಯ್ಯ ಇದ್ದಕ್ಕಿದ್ದಂತೆ ಆಳವಾದ ನೀರಿನಲ್ಲಿ ಮುಳುಗಲು ಪ್ರಾರಂಭಿಸಿದರು. ಆಗ ದೇವ್ ಆನಂದ್ ಸುರಯ್ಯನನ್ನು ರಕ್ಷಿಸಲು ನದಿಗೆ ಹಾರಿದರು.

ಆ ನಂತರ ಈ ಇಬ್ಬರ ಪ್ರೀತಿ ವಿಷಯ ಮದುವೆಯವರೆಗೂ ಮುಟ್ಟಿತು. ಆದರೆ ಸುರಯ್ಯನ ಕುಟುಂಬ ಈ ಸಂಬಂಧಕ್ಕೆ ಅಡ್ಡಿಯಾಯಿತು, ನಂತರ ಅವರ ಪ್ರೇಮಕಥೆ ಅಲ್ಲಿಗೆ ಮುಕ್ತಾಯವಾಯಿತು.

ನಟಿ ಸುರಯ್ಯ ಅವರ ಜೊತೆ ಬ್ರೇಕಪ್‌ ಬಗ್ಗೆ ನಟ ಸಂದರ್ಶನವೊಂದರಲ್ಲಿ ಮತಾನಾಡಿದ್ಸುದರು. ಸುರಯ್ಯ ಅವರಿಂದ ಬೇರ್ಪಟ್ಟಾಗ ಅವರು ತುಂಬಾ ಅಳುತ್ತಿದ್ದರು ಎಂದು ದೇವ್‌ ಆನಂದ್ ಹೇಳಿದ್ದರು.