ಸೌತ್‌ ಸೂಪರ್‌ಸ್ಟಾರ್‌ ಮಹೇಶ್‌ ಬಾಬು 14 ಕೋಟಿಯ ಬಂಗಲೆ ಹೀಗಿದೆ ನೋಡಿ

ಆಗಸ್ಟ್ 9, 1975 ರಂದು ಚೆನ್ನೈನಲ್ಲಿ ಜನಿಸಿದ ದಕ್ಷಿಣದ ಸೂಪರ್ ಸ್ಟಾರ್ ಮಹೇಶ್ ಬಾಬುಗೆ 45 ವರ್ಷದ ಸಂಭ್ರಮ. ತಮ್ಮ 4 ನೇ ವಯಸ್ಸಿನಲ್ಲಿ ಬಾಲ ಕಲಾವಿದರಾಗಿ ಸಿನಿಮಾ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿದರು.1990 ರವರೆಗೆ ಕೆಲವು ಚಿತ್ರಗಳಲ್ಲಿ ಕೆಲಸ ಮಾಡಿದ ನಂತರ ಶಿಕ್ಷಣ ನಿಮಿತ್ತ ಗ್ಯಾಪ್‌ ತೆಗೆದುಕೊಂಡು 1999 ರಲ್ಲಿ 'ರಾಜ ಕುಮಾರುಡು'ನಲ್ಲಿ ಲೀಡ್‌ ರೋಲ್‌ ಆಗಿ ಮತ್ತೆ ಸಿನಿಮಾಕ್ಕೆ ಎಂಟ್ರಿ ಕೊಟ್ಟರು. ಪ್ರೀತಿ ಜಿಂಟಾ ಜೊತೆಗೆ ನಟಿಸಿದ ಈ ಸಿನಿಮಾ ಸೂಪರ್‌ಹಿಟ್‌ ಆಗಿತ್ತು. ಇದರ ನಂತರ, ಒಂದರ ಹಿಂದೆ ಬ್ಲಾಕ್‌ಬಸ್ಟರ್ ಸಿನಿಮಾಗಳನ್ನು ನೀಡುತ್ತ ಬಂದಿದ್ದಾರೆ ನಟ ಮಹೇಶ್‌ ಬಾಬು.

Rashmi Rao

Bangalore, First Published Aug 9, 2020, 5:41 PM IST | Last Updated Aug 9, 2020, 5:41 PM IST

• Follow

2000 ರಲ್ಲಿ 'ವಂಸಿ' ಚಿತ್ರದ ಸೆಟ್‌ನಲ್ಲಿ ಭೇಟಿಯಾದ ಮಿಸ್ ಇಂಡಿಯಾ ಮತ್ತು ಬಾಲಿವುಡ್ ನಟಿ ನಮ್ರತಾ ಶಿರೋಡ್ಕರ್‌ನ್ನು ಫೆಬ್ರವರಿ 2005ರಲ್ಲಿ ವಿವಾಹವಾದರು ಮಹೇಶ್ ಬಾಬು. ನಮ್ರತಾ ವಯಸ್ಸಿನಲ್ಲಿ ಮಹೇಶ್‌ಗಿಂತ ಸುಮಾರು 3 ವರ್ಷ ದೊಡ್ಡವರು.

5 ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ಮಾಡಿದ ನಂತರ, ಇಬ್ಬರು ಮದುವೆಯಾಗಲು ನಿರ್ಧರಿಸಿದರು. ಅಸಲಿಗೆ, ನಮ್ರತಾ ಬಾಲಿವುಡ್‌ನಲ್ಲಿ ಯಶಸ್ಸನ್ನು ಪಡೆಯದ ಕಾರಣ ನಂತರ ಸೌತ್ ಫಿಲ್ಮ್ ಕಡೆಗೆ ತಿರುಗಿದರು. ಅಷ್ಟರಲ್ಲಿ ನಮ್ರತಾ ಮಹೇಶ್ ಬಾಬು ಅವರನ್ನು ಭೇಟಿಯಾದರು.

ಮದುವೆಯಾದ ಒಂದು ವರ್ಷದ ನಂತರ  ಆಗಸ್ಟ್ 31, 2006 ರಂದು ಮಹೇಶ್ ಬಾಬು ತಂದೆಯಾದರು ಮತ್ತು ನಮ್ರತಾ ಮಗ ಗೌತಮ್‌ಗೆ ಜನ್ಮ ನೀಡಿದರು. 20 ಜುಲೈ 2012 ರಂದು ನಮ್ರತಾ ಮಗಳು ಸೀತಾರಾ ಹುಟ್ಟಿದಳು.

ಮಹೇಶ್ ಬಾಬು ಸುಮಾರು 135 ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದ್ದಾರೆ ಎಂದು ಮಾಧ್ಯಮ ವರದಿಗಳು ಹೇಳುತ್ತವೆ. ಮಹೇಶ್ ಮತ್ತು ನಮ್ರತಾ ಹೈದರಾಬಾದ್‌ನ ಜುಬಿಲಿ ಹಿಲ್ಸ್‌ನಲ್ಲಿ  ಸುಮಾರು 14 ಕೋಟಿ ಬೆಲೆಯ ಬಂಗಲೆ ಹೊಂದಿದ್ದಾರೆ.  

ಇದಲ್ಲದೆ, ಫಿಲ್ಮ್ ಸಿಟಿಯಲ್ಲಿ ಮ್ಯಾನ್ಷನ್ ಕೂಡ ಇದೆ, ಇದರ ಬೆಲೆ ಸುಮಾರು 11 ಕೋಟಿ. ಡ್ರಾಯಿಂಗ್ ರೂಮ್,  ಡಿನ್ನರ್‌ ರೂಮ್‌, ಸ್ಟಡಿ ರೂಮ್‌, ಪೂಜಾ ಕೋಣೆ, ಮಕ್ಕಳಿಗೆ ಆಟದ ಕೊಠಡಿ ಮುಂತಾದ ಸೌಲಭ್ಯಗಳು ಈ ಭವನದಲ್ಲಿದೆ.

ಸುಮಾರು 6 ಕೋಟಿ ಬೆಲೆಯ ಅವರ ವ್ಯಾನ್ ಕೂಡ ತುಂಬಾ ಐಷಾರಾಮಿ ಆಗಿದೆ. ಇದನ್ನು 2013 ರ ಚಲನಚಿತ್ರ 'ಸೀತಮ್ಮ ವಕಿಟ್ಲೊ ಸಿರಿಮಲೆ ಚೆಟ್ಟು' ಸಮಯದಲ್ಲಿ ಖರೀದಿಸಿದರು.

ನಟನ ಲಕ್ಷುರಿ ಕಾರುಗಳ ಸಂಗ್ರಹದಲ್ಲಿ ಸುಮಾರು 3 ಕೋಟಿ ರೂ. ಲಂಬೋರ್ಗಿನಿ ಗಲ್ಲಾರ್ಡೊ, ಸುಮಾರು 2 ಕೋಟಿಯ ರೇಂಜ್ ರೋವರ್ ವೋಗ್ ಅನ್ನು ಹೊಂದಿದ್ದಾರೆ. 90 ಲಕ್ಷ ಮೌಲ್ಯದ ಟೊಯೋಟಾ ಲ್ಯಾಂಡ್ ಕ್ರೂಸರ್, 49 ಲಕ್ಷದ ಮರ್ಸಿಡಿಸ್ ಬೆಂಜ್ ಇ ಕ್ಲಾಸ್ ಮತ್ತು 1.12 ಕೋಟಿಗಳಿಗೆ ಆಡಿ ಎ 8  ಹೊಂದಿದ್ದಾರೆ.
 

ಚಿತ್ರವೊಂದಕ್ಕೆ ತೆಲಗು ಸೂಪರ್ ಸ್ಟಾರ್‌ ಮಹೇಶ್‌ಬಾಬು ಸಂಭಾವನೆ ಸುಮಾರು 18 ರಿಂದ 20 ಕೋಟಿ ರೂ. ಈವರೆಗೆ ಸುಮಾರು 37 ಚಿತ್ರಗಳಲ್ಲಿ ನಟಿಸಿದ್ದಾರೆ.

ನಟನ ಪೂರ್ಣ ಹೆಸರು ಮಹೇಶ್ ಘಟ್ಟಮಾನೇನಿ.

'ಮುರಾರಿ' (2001), 'ಬಾಬಿ' (2002), 'ಒಕ್ಕಾಡು' (2003), 'ಅರ್ಜುನ್' (2004), 'ಪೊಕಿರಿ' (2006), 'ಉದ್ಯಮಿ' (2012), 'ಅಗಾಡು' (2014), ಬ್ರಹ್ಮೋತ್ಸವಂ (2016), ಸ್ಪೈಡರ್, ಭಾರತ್ ಆನೆ ನೇನು, ಮಹರ್ಷಿ, ಸರಿಲೇರು
ನಿಕೆವೇರು ಹೀಗೆ ಸಿನಿಮಾದ ಪಟ್ಟಿ ಬೆಳೆಯುತ್ತಿದೆ.

ಮಗ ಗೌತಮ್ ಮತ್ತು ಮಗಳು ಸೀತಾರಾ ಪೂಜಾ ಮನೆಯಲ್ಲಿ. 

ನಟನ ಪುತ್ರಿ, ರಕ್ಷಾಬಂಧನ್ ಸಮಯದಲ್ಲಿ ಸಹೋದರ ಗೌತಮ್‌ಗೆ ರಾಖಿ ಕಟ್ಟುತ್ತಿರುವುದು.

ಮಹೇಶ್ ಬಾಬು ಮನೆಯ ಔಟ್‌ಸೈಡ್‌ ಲುಕ್‌ ಹೀಗಿದೆ.